|
NICK:
MEDRANO
SESSO:
m
ETA': 40
CITTA': CAMPONOGARA
COSA COMBINO: Fasso el rap in diaeto
STATUS: sistemato
[ SONO OFFLINE ]
[PROFILONE
COMPLETO]
[
SCRIVIMI
]
STO LEGGENDO
GUIDE DI NEW YORK
HO VISTO
I PANETONI CON EA SORPRESA DENTRO...
STO ASCOLTANDO
POCA RADIO E TANTI CD DI HIP HOP VECCHIO
ABBIGLIAMENTO
del GIORNO
T-shirt, felpetta, jeans slavacciāi, calseti, mudande-boxer, scarpete da tenis, fassa pa i caveji - da ottobre a marso!
ORA VORREI TANTO...
SMATERIALIZZARMI A COMANDO!
IN QS PERIODO STO STUDIANDO...
LIBRI SU L’ARCHEOLOGIA ERETICA
OGGI IL MIO UMORE E'...
CUSSI...ECCO!
ORA VORREI TANTO...
ORA VORREI TANTO...
ORA VORREI TANTO...
PARANOIE
Nessuna scelta effettuata
MERAVIGLIE
Nessuna scelta effettuata
|
“HERMAN LETAMO
HERMAN MERDANO
HERMAN METANO
HERMAN PETANO
HERMAN DERETANO
HERMAN TRIBANO
HERMAN MEDRACULA
HERMAN GERANIO
HERMAN TIBETANO
HERMAN DIVANO
HERMAN MEZZADRO
HERMANDO MEDRANO
ERNANO MEDRANO
GERMAN MENTANO
SPERMAN MEDRANO
ER MANO DA MERANO
GERMANO SMERDANO
.... ”
|
(questo BLOG è stato visitato 22876 volte)
ULTIMI 10 VISITATORI:
ospite,
ospite,
ospite,
ospite,
ospite,
ospite,
ospite,
ospite,
ospite,
ospite,
ULTIMI
10 messaggi
(per leggere i precedenti naviga attraverso
il calendarietto qui a destra:
i giorni linkati sono quelli che contengono interventi )
|
venerdė 11 novembre 2005
ore 10:19 (categoria:
"Vita Quotidiana")
FINE SETIMANA
Possibie che nel fine setimana vegna fora el sōe el sabo che so lavorare?
Spero che doman de sera a Fossō vegna tanta xente, anca parchč el vin xe bon...
Dovaria esser ancora beo, stando āe prevision del tempo...ma tanto no i ghe ne imbroca mai una. 
Secondo mi, i ga un carteon co lEuropa e i ghe tira e frecete: dove che va e rosse i mete alta pression, dove che va e blu xe bassa. Voria téefonarghe a Giuliacci e domandarghe se so fioeo xe un paracueā, o se el lavora lā parchč el xe tanto bravo. Che forse lazienda xe de fameja...boh.
Vardare fora dai veri dea finestra me deprime,  almanco ciapo el sōe aggratis...  
LEGGI
I COMMENTI (4)
- SEGNALA questo BLOG
lunedė 7 novembre 2005
ore 15:52 (categoria:
"Vita Quotidiana")
NON VEDO L’ORA CHE RIVA SABO DE SERA, SE MAGNA MARONI E SE BEVE EL VIN NOVO, E DOPO SE CANTA... 
LEGGI
I COMMENTI (8)
- SEGNALA questo BLOG
sabato 5 novembre 2005
ore 17:14 (categoria:
"Vita Quotidiana")
GIAPPO DOCET
Sardee in saore in Giappone? No sia mai...
E anca se el sukiyaki me attira, el vovo cruo no me dixe gnente de novo se non SALMONEA...Che se magno carne vojo eā brasioea de porseo o na tagliata fina fina co rucoeta e limon. O na fiorentina 
Ma tempura de gambari e altre prelibatesse a base sushi me fa deventare mato.
Co me morosa a Londra (SOHO) gavemo magnā el giappo pi bon del del giappon stesso...co tanto de samurai che taiava el pesse co eā spada...da cagasse dosso!
Ma in Italia xe diffissie trovare chi fassa ben da magnare el pesse alla nipponese, bisogna andar a Milano. Pecā davero, ogni tanto me vien voja! 
LEGGI
I COMMENTI (7)
- SEGNALA questo BLOG
venerdė 4 novembre 2005
ore 13:32 (categoria:
"Vita Quotidiana")
SCHEI-SCHEI-SCHEI
Go fatto do conti:
a 1000 euro al mese (i pi fortunai) per 40 anni (minimo ormai), quindi 1000x480mesi= 480.000 euro, al costo dea vita de desso...
Albano ga ciapā 750.000 euro all’Isola dei famosi (Pappalardo 15.000 e xe sta un leon)
E sensa perdare gnente parchč el se ga ritirā...
Un grande, co un colpo da maestro se cava dai maroni eā leamara (no che Al sia mejo), no i xe gnanca sposai, e no el ga da daghe gnanca un scheo de alimenti. 
E no ghe xe gnanca abbandono del tetto coniugale, ma de peso, calcossa tipo "rapimento dei figli".
Bravo...tutto sol muso de chi che lavora e lo paga co el canone! 
LEGGI
I COMMENTI (4)
- SEGNALA questo BLOG
giovedė 3 novembre 2005
ore 10:17 (categoria:
"Vita Quotidiana")
NOTISSIE...
El 64% dei italiani oltre i 15 ani beve bira.
Da quando che āea Stanga i ga messo i semafori a tempo anca e vece smarmitta al semaforo, ma soltanto rivando da Camin.
El dotor Mario Petracca te tortura el buso del cųeo co el giasso, sin dai anni 80!
E220 xe el nome de na Mercedes o de na stampante Lexmark!
E220 xe el nome dea mooooolto comune anidride solforosa, usā a iosa come sbiancante e disinfetante. 
In giaponese el branzin se ciama SUZUKI.
Paolo Bonolis ga parlā pa anni co un can rosa...desso el ciāpa miliardi.
Dei me conossenti parla co i cani rosa e i ghe da el Prozac...e no al can!
Eā forfora grassa se ciama "Pityriasis Steatoides", cussė fa pi schifo ancora!
Se te ghe notissie intessanti da assarme, CHE QUA XE NA DESPERASSION
LEGGI
I COMMENTI (12)
- SEGNALA questo BLOG
sabato 29 ottobre 2005
ore 11:39 (categoria:
"Vita Quotidiana")
Eā merda del folpo
Premeto na roba: eā merda del folpo xe linterno dea testa.
Da qua parto pa spiegare na roba semplice e fassie, che anca i bōcie ghe riva...
Ghe xe tanta xente che buta via eā merda dei folpi, roba da meterse e man so i caveji. Se stima che a Noventa, dove che xe pena finia eā fiera, almanco 3 su 5 scartava el mejo.
Do xe e robe: o xe xente che no se ne intende de folpi (eora che casso magnito i folpi?), o xe xente schissinosa.
Tersa solussione: simile no magna simile, ovvero, chi che ga eā merda in testa no poe magnare i folpi.
Invesse pa i intenditori ghe xe sempre "Denis el folparo" a Ponte de Brenta, che ga un camietto co tute e porcarie (folpi, bovoeti,pesse frito, masenete...) + el vin...
LEGGI
I COMMENTI (12)
- SEGNALA questo BLOG
giovedė 27 ottobre 2005
ore 17:10 (categoria:
"Vita Quotidiana")
El me primo e Blog -
E tachemo subito co e robe serie, pa rompare i maroni aggratis...
So drio far leture de vari libri, tanti li scomissio e no rivo a pajina 10 che li meto in parte, no vae eā pena perdare tempo. El camineto non lo go, co passa un amigo gheo regaeo! Senō i deventa magnare pa e tarme dea carta...
Eā serie dei libri del Cerchio Firenze 77 xe eā mejo roba scritta da sempre, eā logica che smonta qualsiasi stronsada dei sciensiati, dei preti, dei pori cani insoma che vol ciavarte el to tempo e anca altro se te ghe ve drio... Uno su tutti: La fonte preziosa. Ma non xe par tutti, el xe un libro che te devi lexare almanco tutta eā vita, tanta xe eā roba che te ghe trovi...Xa dalintro, che ve consillio de lesare 10 volte (una pagina), te te rendi conto se te devi continuare o no. Par chi che no xe pronto par ste robe consiglio: Maestro, perchč.
Roba interessante sempre dea casa editrice Mediterranee, de Roma.
Speto co impasiensa i libri dal sito disinformazione.it, "Schiavi delle banche" e altri.
Saųdo intanto Marcello, condutore su Radio Gamma 5 del programma del marti matina (94 Mhz), massa forte...
e visto che ghe so saudo anca me morosa che me soporta come omo dotato de infinite fisime..
Seguo el fio logico e rispondo secondo indicassion: go visto che un sacco de xente se ga interessā ač robe che fasso e che vien fora nei concerti, e questo me da forsa e stimoi pa ndare vanti. So contento da morire co vedo a xente che ride, casso se me piase. Co tute e desgrassie che te poe capitare, almanco se divertimo un fiā sonando e reppando, magari stando in compagnia vien fora anca e robe serie e se ne parla...se xe ora.
Uncuō xe abastansa fredo pa dire che semo drio ndare verso linverno...go el majon de lana. Gins blu ciaro, majon arancio, t-shirt nera, scarpe da tennis arancio, fassa pa i caveji multicolor...paro na foja de platano! Uncuō go anca el muso da platano @.
Ma se scolto el riciāmo dea nebia me ciavo da soeo, xa sofro de mal de testa, se vardo fora me vien el magon...
Scolto pi che altro queo che se dixe in giro, pa farme na idea dee cassade, come che e se genera e se diffonde. El xe un periodo de passajo dove che el bombardamento mediatico no te da scampo. Mi serco anca de schivarlo ma el me ciapa pa da drio, sto cancaro... Intanto verxo e rece e sto tento..no se sa mai che no vegna vanti e robe bone da ciapare al voeo!!!
Vanti xente...el beo xe lā che ne speta...
LEGGI
I COMMENTI (15)
- SEGNALA questo BLOG
|
|
APRILE 2026
<--Prec.
Succ.--> |
| Do |
Lu |
Ma |
Me |
Gi |
Ve |
Sa |
| |
|
|
1
|
2
|
3
|
4
|
|
5
|
6
|
7
|
8
|
9
|
10
|
11
|
|
12
|
13
|
14
|
15
|
16
|
17
|
18
|
|
19
|
20
|
21
|
22
|
23
|
24
|
25
|
|
26
|
27
|
28
|
29
|
30
|
|
