Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27793 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
martedì 17 aprile 2007 - ore 11:40
FILOSOFEGIANDO DE QUA E DE LA’....
(categoria: " Vita Quotidiana ")
A proposito de mone
Tenpo indrìo, in un paeseto qua darente, ze morto un vecioteo, umile, porocan e anonimo. Ma che comunque, nela so umiltà, gera na brava e onesta persona. Sicome el gera un me parente ala longa ( questi ze i parenti che apresso de più) go pensà che fusse giusto che partecipasse al so funerale. Cussì me so presentà in ciesa e go deciso na volta tanto de sfidare l’alergia teribile che go par sto posto. Bon, taca la cerimonia co poca zente, sensa fiori e sensa la deprimente musica de organo che de solito indormessa mèso publico.El prete taca el discorso e el esordisse cussì: - Cari frateli, siamo qua ogi co due tristi avenimenti: prima el tenpo ze bruto, piovisina, e ghe ze nebia. Secondo fasemo el funerale al poro Tilio Capeta che ga lassà sta vale de lagreme...etc...etc... - Putama bestia so stà romaso!!! La prima reassion sarìa stà quela de alsarme in piè e sigare:
- E no, caro Paroco, el se sbalia: i avenimenti tristi ancò i ze tre: primo ze morto Tilio, secondo fora piove e terso in sto paese gavemo scoperto de avere par prete un mona!!!
Invesse no: so ‘ndà fora parché go tacà straunare a tonfon. Un ataco de alergia che no ve digo!!!
N.D.A. fato scrupolosamente vero!!!
La retorica
Uno dei momenti inte i quali me acorzo de più che a sto mondo andemo vanti a frasi retoriche ze quando lèzo le pigrafe: “ Dopo lunga e penosa malatia...”... Che na malatia possa èssare curta poe anca èssare ma che no la sia penosa no credo. Mi no go mai sentìo parlare de malatie alegre. “ Si è indormessato nel bacio del Signore”... a parte el fato che più che indormessà uno che se ritrovà publicà su na pigrafe ze proprio defunto e cadavaro, no credo proprio che el Signore se perda via a basare tuta la zente che more. Oltretuto un moribondo de solito ze anca malà (ze dificilissimo morire in bona salute amenochè no se goda del’aiuto de qualche mèdego!) e probabilmente infetivo... E vuto che el sig. Dio co tute le robe inportantissime che el ga da avere par la testa ris-cia de ciaparse na infession par basare uno che gnanca el conosse?
I miracoli de Gesù
Tanti se stupisse che Gesù tra i tanti miracoli el gabia anca fato ressussitare un mucio de zente sconsolatamente defunta. Gnente de più logico: ai so tenpi la medessina gera cussì indrìo che gera diffisilissimo curare queli che se malava.
Cussì no podendo curarli a Gesù ghe tocava resussitarli!!!
Punti de vista
L’altro dì un me amigo ma ga contà sto episodio: - Ti te se che go na fiola de sedese ani... Bon, tre giorni fa la ma dimanda de portarla dai paruchieri (gavìo mai osservà che i paruchieri i ze senpre in do come Olio e Stalio, Gregio e Jacheti, Gaspare e Zuzuro?) a postarse i caveji. Visto che la ga apuntamento ale quatro mi ale quatro manca sinque la molo davanti la botega dei infami artigiani. Torno casa quando dopo sirca venti minuti sona el telefono: la ze me fiola che me dise de ‘ndarla tore che la ze pronta. La roba me spussa visto che i paruchieri senpre più infami e porchi artigiani, de solito i ze longhi come l’ano dela fame... Comunque vago tore la tosata e la trovo spenotà e co i caveji driti che la me faseva inpression vardarla: la me pareva un papagalo che gaveva pena barufà co un lion... Ma questo ze gnente: ghe dimando la spesa: -40 milafranchi papà - me risponde serafica la tosata.... Torno casa e agredisso la femena (me mojere) visto che la gera stà ela a consiliare ala fiola sti coifeur del casso... e seto la risposta: - Cossa vuto che sia 40 milafranchi? ... Prima i ze del artisti (si, a tosare cani e piegore!)... secondo i ga fato na messa in piega!!!...- Ti caro amigo svisserato cossa disito? - Cossa vuto che te diga caro Bepi, - go risposto mi - secondo mi ghe ze un erore de fondo sula valutassion de to mojere, sta sema de guera: secondo mi più de na messa in piega sul to caso se poe parlare de na messa in culo....
Esenpio de opara d’arte dei ciosideti "Cuafer" overo peruchieri fenocioni spanìi. la petinatura ze stà definìa in parfeto francesse. "LA TEST DA PERI BUTIRI COT"
LEGGI I COMMENTI (4)
-
PERMALINK
sabato 14 aprile 2007 - ore 12:13
QUESTO ZE EL ME SOCIO!!!
(categoria: " Vita Quotidiana ")
Questo ze un me socio nel’aventura Scantabauchi Edission... El ga la belessa de oltre sinquanta ani na atività in proprio, na fameja a cui el dovarìa essare de esenpio... e varda come ch’el ocupa el so tenpo!!! Invesse de laorare e produre par mantegnere oltre ai veneti che no laora, i pori pensionati e i teroni, el se perde via a fare el mona davanti a na machineta fotosgrafica!... Come vuto che fasemo andare ben i Italia????? orca boja sassina!!!!
No fasso el nome e gnanca el cognome del slandron parché sò na persona par ben (Ferruccio Ruzzante)...
LEGGI I COMMENTI (5)
-
PERMALINK
venerdì 13 aprile 2007 - ore 16:39
IN ESCLUSIVA MONDIALE!!!
(categoria: " Vita Quotidiana ")
Eco qua la foto someja del’ano! (overo foto da culo).. Durante la spetacolare (?) trasferta londinese co Moreno Morello gò profità par farme imortalare darente un slandron de negroto che jera muso duro e bareta fracà intanà drento na cucia darente petà a Bachingan Palass... ogni tanto el mona vegnava fora e ’ndava de baucon de qua e de là fasendo tiri coi pie e le man da mona... Notare l’ocio cativo col quale el me guata e che dimostra che se el podesse me arcaria de sicuro na potente peà sui ovi umani.... Purtopo par lu nol’ poe movarse gnasnca se i ghe pissa dosso!!!... Notare anca quanto bon che paro co la tuta da pilota da formula uno... co tuti i marchieti publicitari sconti dal scocc senò Moreno me tajava lu i ovi!!!
COMMENTA (0 commenti presenti)
-
PERMALINK
giovedì 12 aprile 2007 - ore 12:20
CONOSSEMO EL VENETO (come lengua intendo!)
(categoria: " Vita Quotidiana ")
balote - palle; testicoli; bugie
Sinonini di testicoli: ovi, bronbi, sfere, cojoni, tatanbari, peri, bale, baloni ecc.
El se grata le balote - non fa niente tutto il giorno
Rónpare le balote - rompere i coglioni. Di solito i maggiori scassatori di palle sono i ragazzini i quali, secondo il Telefono Azzurro, non si devono picchiare. Allora i padri per un po’ si trattengono finché, quando il limite di rottura è ampiamente superato, allentano un paio di sonori s-ciafoni drio le rece... Dopo aver mandato a ramengo tutti i telefoni, azzurri o di qualsiasi altro colore
Aver le balote sgionfe - essere scoglionati
Far girare le balote - assillare una persona
La barzeleta in tema
Na fémena torna casa e trova el marìo sentà in tera co el patelon verto, le balote fora e el fioleto de tre ani drio ramenare e zugare cole sudete balote... La trà un sigo e la taca:
- Ma sito mato? Se pole savere cossa che te si drio fare? No go mai visto un mestiero del génare! Un putin che zuga co i peri del pare!!!
- Ringrassia Dio, invesse che so un pare premuroso e atento: el putin voleva zugare. E mi go pensà: bisogna che el zuga sensa farse male... No te vorè miga che ghe dasesse un piron che magari el se sbusa un ocio!!!
* * *
bauco - stolto
Sinonimi: semo, ebete, mona, fanfe, gnoco, insemenio, cuco, macaco, senpio, pandolo, nane, ecc.
Diminutivo: baucheto; Accrescitivo: baucoto; Esempio:
Maurissio Mosca ze un baucoto; dato inconfutabile
La barzeletina
Do amissi se incontra el sete de genaro. Uno dimanda a st’altro:
- Cossa te gala portà la befana?
- A quarant’ani? - risponde st’altro - cossa vuto che la me gabia portà? Un casso!
- A go caro, bauco: soto al camin bisogna métare la calsa no el culo!
* * *
baussete! - intraducibile; il termine veniva usato per far prendere un tremasso boja al vecchio nonno a al solito ragazzino cretino
Nota dotta
Secondo lo studioso Piereto Moeca il temine baussete è la seconda persona plurale dell’indicativo presente del verbo bauessere ( io baussono, tu baussei, egli bauè, noi baussiamo, voi baussete, essi baussono) Noi pensiamo che il Moeca sia un grossissimo mona, meritevole di un solenne calcione sulle palle
(dal libro: "Manuale maleducato dell’insulto, inprecassion e frasi onte venete" de W. Basso)
LEGGI I COMMENTI (2)
-
PERMALINK
mercoledì 11 aprile 2007 - ore 14:01
E BASTA CO STE STORIE!!!
(categoria: " Vita Quotidiana ")
Basta!!!.. no gò più vojo de contarve i retrosena del servissio a Londra co Moreno ... par farla curta ve mostro la fotosomeja fata ijn loco davanti al’hotel co tuto el nutrito (far forsa co queo che gavemo magnà) s-ciapo de protagonisti!!! Toh ciapa!
LEGGI I COMMENTI (4)
-
PERMALINK
lunedì 9 aprile 2007 - ore 14:05
EL NEGROTO SCANPA!
(categoria: " Vita Quotidiana ")
Tornemo al servissio a Londra... Piove... Bon, ale do e un quarto el negroto sospetoso più de me suocero riva e trata co luca e Ilenia par la consegna dela maschina incalcà de schei... Rivo mi, co na potente facia da mona, e digo che vojo proare la machina... El negroto sganassa de gusto ma come riva Moreno a ronparghe le togne (roba che ghe riesse da Dio!) el ghe la mola subito de ridare e tenta na indecorosa fuga... Ma Moreno core cofà un siton e cussì l’inseguimento ragiunge velocità incredibili: el negroto core ma Moreno lo talona sigando a pien buso, tanto che meza Londra core in strada vedare che casso ze drio capitare... Qualchedun più mona del normae adiritura crede che a inseguire el negroto ghe sia el Papa vestio de bianco.... Mi coro pantesando ma vista la veneranda età me perdo subito mentre Moreno infila el sior in un cul de sac overo un vicolo orbo o cieco... Cussì el lazaron se ranpega su par un palo e scavalca na mura par entrare inte na vila... Boja scheo, in tre minuti riva na porss co drento Kabir Bedi (un indian co barbassa e turbante) sete agenti segreti amissi de 007 in incognito, do camionete dei carbonieri londinisi e parfin un lelicotero... Insoma un casin dela Madona... Intervin Luca l’interprete che spiega chi semo, parché coremo e via de longo... Cussì evitemo de bvegnere arestai come rurbatori dela quite publica inglese... Moli moli tornemo in albergo indove el diretore del holtel salkta cofà un cavareto sigando robe che no se capisse... Dopo do ore Moreno riesse a spiegarse e tuti soride, ride, sganassa e se conplimenta... Nialtri semo stufi afri e cussì ale quatro e mesa andemo magnare da Mc Donald, po’ tornemo in albergo par riposarse... Andemo tuti in leto e se svejemo ale nove e mesa.. Fora piove che Dio la manda...
(continua doman)
COMMENTA (0 commenti presenti)
-
PERMALINK
lunedì 9 aprile 2007 - ore 13:49
SO DEVENTA’ ZIO!!!!!
(categoria: " Vita Quotidiana ")
Che matina tosi!!!!... dopo ore e ore de travalio teribile, dolori e sigamenti ze nata Sara, un mestiereto de do chili e mezo che sberega a tonfon!!!!... Na roba granda" sò andà vedarla e so resta de merda a vedare sto sacramento che trà peade ovunque e pianze come se la se rendesse za conto in chge sarra de Paese la ze nata... el che dimostra che la ze inteligente e degna de cotanto zio!!!! Auguri a me cugnai Stefano e Elisabetta!!!!
Che beo el miracolo dea Vita!!!!
COMMENTA (0 commenti presenti)
-
PERMALINK
domenica 8 aprile 2007 - ore 10:31
CONTINUA EL REPORTAGE
(categoria: " Vita Quotidiana ")
Matina drio sveja ale oto inte na Londra grisa e piovosa... El ganso Luca riva zo a colassion fortemente determinà a magnare cofà un porseo da grassa... Difati invesse de ciuciarse na briossina e un cafetin cossa falo? el core sul banco dele colassion al’inglese e se fa su un albio de sta sorte: fasoli in tecia (mezo chilo), ovi in fortaja (tre), panseta frita (tre eti), salcicia de porseo (un paro), funghi sanpignon (do eti), pan carè frito (tre fete).. e par finire do brios e un capucino.... Moreno che invesse gera disperà parché no ghe gera la Nutela ala fine del pranso luculiano (ciamandose Luca) el voeva portarghe un amaro par digerire... anca parché el poro can se gaveva ingolfà cofà un tratore Landini... Bon, po tuti a organisare l’incontro col negroto (che voe incularme 10.000 dolari co la scusa che gò vinto na machinassa e un milion de sterline), posissionando microfoni dapartuti i cantoni del’albergo... Ma pena ciamà al telefono el sogeto de carnagion scura nichia, la mena torno, insoma pare che el sia drio caèire che par lu se parecia na bruta matina... Praticamente forse el sente un picolo brusore anale... Va ben, ala fine Luca lo convinse e fissa l’apuntamento a un boto.... In bona sostansa el negroto vegnarà consegnarghe a Luca i documenti che atesta che lu aceta la machinassa e i schei chel gavarìa vinto a na ipotetica loteria londinese e par i documenti ghe lassarà là 10.000 dolari... Mi vestio da pilota da formula uno fasso finta de essare so pare, là par provare la machina.. insoma na bea tolta par el culo!!!!... I tre slandroni de operatori intanto taca piassare telecamare ovunmque fin dosso ala Ilenia, e co sta scusa i tenta in tuti i modi de dare qualche palpugnada ale parti curvilinee dela ragassa... Solo che questa no ghe va ben la roba e quindi sistema la facenda a sciafoni e paponi!!!!... Bon a mezodì mi e Moreno se vestimo e se metemo in trepida atesa: ma el negroto scuro de pele ritarda e fin ale do no semo sicuri de gnente... Se el mona no riva semo vegnui fin qua par gnente.... ma ale do e un quarto eco che....
(Continua doman)
LEGGI I COMMENTI (2)
-
PERMALINK
sabato 7 aprile 2007 - ore 16:53
SE TE VOI VEDARE EL VIDEO...
(categoria: " Vita Quotidiana ")
Clicca qua sora...
STRISCIA LA NOTIZIA
LEGGI I COMMENTI (3)
-
PERMALINK
sabato 7 aprile 2007 - ore 14:03
DRIO LE QUINTE (ANCA LE SESTE E LE SETIME) DE "STRISSIA"
(categoria: " Vita Quotidiana ")
Alora l’aventura taca ala sete de sera de na ugiiosa serata dela setimana scorsa passada: el nucleo storico de Strissia la notissia capitanà da Moreno. co al seguito la pregevole signorina Ilenia, i soliti tre slandroni de camenaren diti anca operatori (anca se no li gò mai visti opearare), el ganso Luca unico bon de metare insieme quatro parole in inglese e mi, riva al’areoporto de Venessia carghi cofà mussi albanesi de valise, borse de prastica, cineprese e bosse de aqua. Dopo i inevitabili controli rivemo in zona dove se ciapa el rioplano e tuti taca lagnarse che ga fame bestia.... Dopo essarse vardà torno vista la miseria de cibarie in loco Moreno decide che se va magnare fora a turno: overo quatro va fora e st’altri tre tende i bagali po’ va fora i tre e tende st’altri. Democraticamente, come al solito, chi va fora par primi? Moreno, cameramen e tosa... Questi va. se abufa po’ telefona par dire ai tre mone che ze drento (mi conpreso) che ale nove el ristorante sara e quindi gavemo da rangiarse.. Cussì porchesando acutamente magnemo de rabion un panin spetanto che riva i quatro sgionfi de pastassute ai ganvìbari, pesse frito e vin frisante... Come che i quatro riva dopo i insulti de rutin ciapemo el ripolano e dopo do ore rivemo a Londra... Come che smontemo se acorzemo, ORORE, che l’Inghiltera ze momentaneamente andà fora dal’Europa (forse par andare pissare) e cussì qua no dopara l’euro ma bensì na moneda che se ciama strelina.... Cussì a un boto de note se catemo sensa un scheo bon in scarsela, pieni de nona e sensa savere indove casso ze l’albergo... Dopo un sinposio micidiale a base de parolasse onte, insulti a maneta Moreno senpre democraticamente propone ste opsion: 1) andare a piè ( proposta bocià al’unaminità), andare in treno (proposta bocià al’unaminità), tore na machina a nolegio (proposta bocià al’unanimità visto che nissun voe guidare poiché qua i autoctoni core controman!), andare in metropolitana (proposta bocià al’unanimità), andare in tassi che costa l’ira de dio (propostà acetà entusiasticamente visto che paga Strissia)... Ciapemo el tassì (el tassista ze pien de sono e core a bisato tra i "OCIO... OCIO!" dei passegeri) e come Dio voe ale do e mesa de note rivemo intel’albergo... Qua mi me provo el costumne da pilota tra le sganassade dei sie malnati de coleghi e po’ andemo tuti in leto par via che ala mtina drio ghe ze l’apuntamento col negroto...
(Fine prima puntata.. a doman el seguito)
.jpg)
El Gabibo che me varda mae!
COMMENTA (0 commenti presenti)
-
PERMALINK
> > > MESSAGGI PRECEDENTI
[ SONO OFFLINE ] 