Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27793 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
martedì 6 febbraio 2007 - ore 13:39
TRAM: RISOLTO EL PROBLEMA DELA SICURESSA!
(categoria: " Vita Quotidiana ")
PADOVA
La Zonta Comunale (in italiano “Giunta Comunale), riunita nel Gabineto del Sindaco dopo na soferta seduta, tra inponenti lote intestine, ga partorìo na nova inportante lege che va a salvaguardare la sicuressa dela salute publica dei cittadini che monterano nel tram citadino onde andare de qua e de là a amirare le belesse citadine. Poiché sto inportante e modernissimo mezo di locomossione ga l’insana tendensa ogni tanto de capotarse de bruto ze stà deciso de obligare i passeggeri al’uso del casco… Inoltre ogni passeggero prima de montare dovrà sotoporse a na visita mèdega semigratuita (solo 10,00 € de tichete) par dimostrare de èssare san e de robusta costitussione. Questo parché in caso de deragliamento del mèzo dovrà colaborare fisicamente onde radrissarlo e rimetarlo in caregiata. “La gavemo studià puito – ga dito el Sindaco Zanonato – co ste legi butà zo co estrema atension da un nutrito grupo de tennici de alto livelo gavemo sicuramente risolto par sempre el problema sicuressa metrobus. Sicuramente al’èstaro desso qualchedun ne copiarà, ma noialtri podaremo sempre dire de èssare sta i primi!”… Pare, ma no semo sicuri, che ala Nasa i sia drio aplicare i stessi conceti par el prossimo viajo su Marte!
(dala Sganassada de Walter Basso e Fred)
COMMENTA (0 commenti presenti)
-
PERMALINK
domenica 4 febbraio 2007 - ore 12:07
E VANTI COL CORSO PAR SBOCALONI!
(categoria: " Vita Quotidiana ")
onto - sporco; sboccato
Esempio: l’autore del presente libro ze sicuramente un sparlacion onto (ma mi me ne ciavo! punto e a capo riga!)
Cossa sito drio fare, onto!!! - questa frase di solito si dice al ragazzino che abbiamo appena beccato con le mani nel sacco, o meglio con le mani nel casso, visto che sta masturbandosi alla grande pensando alla latarìa e altre cose pregiate di Valeria Marini
Boca onta - dicesi del lettore o lettrice del presente libro...
Onto cofà na sepa - lurido e puzzolente
La barzeleta
Un sior more dala voja de iscrivarse al “Club dei onti” ma ogni volta che el presenta la dimanda vien scartà de bruto. Un bel dì, fin che el ze in cesso, ghe vien na idea granda: el se sneta el dadrìo co la carta da létare e dopo sula stessa carta el scrive e spedisse la dimanda:
- Orca bestia - el pensa - stavolta ghe la fasso! Più onto de cussì no sò come se possa èssare!!!
Dopo oto dì ghe riva la risposta. Sula létara ze scrito:
Caro signor Pero
gabiamo ricevuto la Sua cortese dimanda par far parte del nostro Club. Prendiamo ato che tale dimanda spussava indecentemente di merda, ma purtropo no possiamo acetare la sua richiesta.
Sapia, caro il nostro Pero, dei peri nostri, che un vero onto, mai e poi mai si sneterebe il culo!!!
Co la quale la saluto e la mando molto cortesemente a farselo métare!
Suo Felipe Brutocao Dimierda
* * *
orco! - porco!; di per sè non sarebbe neanche una parolaccia se non fosse per le aggiunte da parte del popolo di nomi propri davanti o dietro il sostantivo. In particolare i più fetenti e schifosi abbinano il termine a un personaggio che sta molto, ma molto in alto, trasformando così un innocente impropero in una teribile biastema. Si usa anche al femminile
Orco can! - porco cane!; innocuo e simpatico intercalare
Orco dindio! - porco il tacchino!; anche questa comunque è, almeno nelle intenzioni, un emerito porcasso mascherato
Orco Giuda! - esempio di pseudo bestemmia
Orca putana! - managgia!; cazzo!!; Il solito esagerato normalmente ci aggiunge anche un sentito bestia che, almeno nelle intenzioni, dovrebbe fungere da rafforzativo. Esempio: - Orca putana bestia, che popò de slepa! managgia, che bella ragazza!
Senpre dal stesso libro...
COMMENTA (0 commenti presenti)
-
PERMALINK
sabato 3 febbraio 2007 - ore 18:13
DA ONCO’ PICOLO CORSO PAR INPARARE A PARLARE ONTO!
(categoria: " Pensieri ")
balote - palle; testicoli; bugie
Sinonini di testicoli: ovi, bronbi, sfere, cojoni, tatanbari, peri, bale, baloni ecc.
El se grata le balote - non fa niente tutto il giorno
Rónpare le balote - rompere i coglioni. Di solito i maggiori scassatori di palle sono i ragazzini i quali, secondo il Telefono Azzurro, non si devono picchiare. Allora i padri per un po’ si trattengono finché, quando il limite di rottura è ampiamente superato, allentano un paio di sonori s-ciafoni drio le rece... Dopo aver mandato a ramengo tutti i telefoni, azzurri o di qualsiasi altro colore
Aver le balote sgionfe - essere scoglionati
Far girare le balote - assillare una persona
La barzeleta in tema
Na fémena torna casa e trova el marìo sentà in tera co el patelon verto, le balote fora e el fioleto de tre ani drio ramenare e zugare cole sudete balote... La trà un sigo e la taca:
- Ma sito mato? Se pole savere cossa che te si drio fare? No go mai visto un mestiero del génare! Un putin che zuga co i peri del pare!!!
- Ringrassia Dio, invesse che so un pare premuroso e atento: el putin voleva zugare. E mi go pensà: bisogna che el zuga sensa farse male... No te vorè miga che ghe dasesse un piron che magari el se sbusa un ocio!!!
* * *
bauco - stolto
Sinonimi: semo, ebete, mona, fanfe, gnoco, insemenio, cuco, macaco, senpio, pandolo, nane, ecc.
Diminutivo: baucheto; Accrescitivo: baucoto; Esempio:
Maurissio Mosca ze un baucoto dato inconfutabile
La barzeletina
Do amissi se incontra el sete de genaro. Uno dimanda a st’altro:
- Cossa te gala portà la befana?
- A quarant’ani? - risponde st’altro - cossa vuto che la me gabia portà? Un casso!
- A go caro, bauco: soto al camin bisogna métare la calsa no el culo!
* * *
baussete! - intraducibile; il termine veniva usato per far prendere un tremasso boja al vecchio nonno a al solito ragazzino cretino
Nota dotta
Secondo lo studioso Piereto Moeca il temine baussete è la seconda persona plurale dell’indicativo presente del verbo bauessere ( io baussono, tu baussei, egli bauè, noi baussiamo, voi baussete, essi baussono) Noi pensiamo che il Moeca sia un grossissimo mona, meritovole di un solenne calcione sulle palle.
Monade trate fora dal libro "MANUALE MALEDUCATO DEL’INSULTO, INPRECASSION E FRASI ONTE VENETE di W. Basso Seconda ed. Ed. Scantabauchi...
.jpg)
COMMENTA (0 commenti presenti)
-
PERMALINK
venerdì 2 febbraio 2007 - ore 08:15
COMUNICASSION AL POPOLO!
(categoria: " Accadde Domani ")
Oncò ore 12,30 su Telenordest, el grupo Bepi e Maria Show, presentà el novo spetacolo umoristico televisivo "Femo sagra!".. Sicome che i quatro slandroni ze anca me amissi, ogni tanto intel so programa ghe sarò anca mi in vesti pitosto insolite... El programa taca luni 5 febraro e va in onda tuti i giorni ale ore oto de dera, co eclusion del sabo che va in onda in altro orario che no me ricordo più....
LEGGI I COMMENTI (3)
-
PERMALINK
giovedì 1 febbraio 2007 - ore 14:13
SCUP: BERLUSCONI A STRANAMORE!!!!
(categoria: " Accadde Domani ")
Pare sicuro che ala prossima puntata del noto programa sbregacojoni parteciperà Silvio Berluscojoni, che dimandarà publicamente scusa ala mojere ofesa mortalmente da incaute afermassion... Silvio par l’ocasion cantarà in direta mondiale la nota e fastidiosa canson de Giliola Mezochilo (Cinque Etti) "DIO COME TI AMO!" par l’ocasion arangià su l’aria (altretanto fastidiosa!) del’ino de Forsa Italia... Pare che Silvio in un fora onda gabia dito: " Cribio visto che ci sono, ne aprofiterò per dare una consistente sbragagnata alle tettone dela signora Poliero, mi consenta, Rio Bo, mi riconsenta!!!" Cossa zontare?: gnente solo na me personale considerassion: MEJO UN POLITICO CHE TRONBA LE DONE DE UNO CHE INCULA EL PAESE!!!!
Eco qua i do novi Giulieo e Rometa... scusè Giulieta e Romeo!
LEGGI I COMMENTI (3)
-
PERMALINK
giovedì 1 febbraio 2007 - ore 00:06
TERORE!!! LA COPIA S-CIOPA!!! Berlusconi come Albano!!!
(categoria: " Amore & Eros ")
No bastava l’imensa rotura de cojoni nassionale provocà dai drami familiare del canterino Albano e la sinpia de Luridona Leciso.. pena finìa sta storia da sbochi eco l’Italia intiera sul’orlo dela disperassion par via dela barufa mediatica tra Silvieto e Veronica, la quale, orore, ga scrito na letara verta a un giornale sinistronso, dito Repubblica indove la se lagna chel marìo fa el galeto co le femene... Sivieto prima de fare un micidiale screcarterie legi "infarto al miocardi") ga risposto de bota co n’altra letara più verta ancora.... E cussì da stamatina tuto eòl popolo italian tratien el respiro (pare che ghe sia za stà sento morti sofegà tronchi!)... un mejaro de siti mediatici ga comentà la notissia e parfin el panson de Ferara e el lechin de Bruno Brespa ga messo su i soi soliti baraconi da circo par discutare el gravissimo fato che oscura buso dele finanse, straje stile Erba, finansiaria de prodiana... parfin i pensionati no se preocupa più dela pension ma cria par i cantoni al pensiero de sta teribile rotura tra i do coniugi... e mi cosa ghe ne penso??? ze presto dito: ME NE SBATO I COJONI!!!... par mi i do poe sigare, barufare, spuarse dosso, dividarse, separarse, ciaparse a s-cufoni intel muso, che no poe fregarmene de manco... razon par cui saro qua le me riflession e vago ciavarme na onbra e se me mojere no ghe va ben che la ghe scriva pure ala Republica, Libero, Unità che a mi de manco no poe ciavarmene! CIARO????... spero solo che desso no se mete barufare anca Cechi Gori co la mojere parché no ghe la farìa a sopravivare!!!! Orco zio!!!
LEGGI I COMMENTI (6)
-
PERMALINK
mercoledì 31 gennaio 2007 - ore 15:18
ECO I "TAKAMALTA BAND", NOVO GRUPO ROCK!
(categoria: " Musica e Canzoni ")
Entra in canpo, ansi in cantiere, un novo grupo rock che promete un saund novo, costrutivo, che farà sicuramente furore soratuto tra le inprese edili del mondoo intiero. Parlemo dei Takamalta Band un grupo capitanà dal’inpresario edile Cisio Ponpa dito Brun brun voce solista e cassola eletrica, nonché autore dei testi dei brani presentà sul cd de iminente uscita: " Traveti & Forati"... Ma vegnemo subito a presentarve i altyri conponenti del grupo: Tilio Museto dito Porseo Rejan par via dela stassa che esegue l’aconpagnamento sonando la bola... El se definisse infati "artista dela bola d’aconpagnamento"... Par la session ritimica eco Nane Brosauro dito Casso Clei parché essendo sguelto de man el mola dele papàvare orende, che sona un particolare martelo peneumatico munio de ua ua e distorsore seguendo el ritmo detà da Tonio Culata dito el scorezon (no ocore spiegassion) che manovra co rara perissia na petoniera al’interno dela quale essa ga postà nnumerosi bimatoni e piere. Infin el geom. Marieto Sesto (nevodo de Paolo Sesto) dito par ovie razon El studià che sona el piano regolatore... Gavemo dimandà al capo cariasmatico Cisio qualo ze el genare musicale che i poropone e el ne ga risposto cussì: - Mi sò musicalmente anarchico... cioè i gènari me li peto sui peri... me piase mèjo le nuore... Comunque la nostra musica me piase da mati.. o mèjo me piase el rumore che la fa...
Muraro rochetaro e porchezadore acuto!
COMMENTA (0 commenti presenti)
-
PERMALINK
martedì 30 gennaio 2007 - ore 17:47
NO POSSO CREDARGHE: I ME GA DENUNCIA’!!!
(categoria: " Lavoro ")
Notissia che ga del clamoros: su uno dei numeri dela me rivista "la SGANASSADA" tenpo indrìo gò scrito che un politico de cui no fasso el nome parché no se pare bon (Calderoli) ze un pocheto mona.... No ghe credarì ma oncò me ze rivà casa ben do denuncie:
1) DIFAMASSIONE A MEZO STANPA DI DIRIGENTE (?) POLITICO
2) DIVULGASSIONE DI SEGRETO DI STATO!
Eco fato: ai posteri l’ardua sentensa!!!!
LEGGI I COMMENTI (12)
-
PERMALINK
martedì 30 gennaio 2007 - ore 15:32
NOTISSIA DEL’ULTIMA ORA!!!
(categoria: " Riflessioni ")
Da sto mese in tuta Italia entra in vigore la nova racolta dele scoasse. Basta “racolta diferensiata” co umido, seco, arso, riciclabile, véro, prastica, nailon, fero, legno, carta, carton cartonsin, medesine e via de longo che ga trasformà le nostre cusine in mostre de patumiere de tute le sorte o nei casi de casalinghe disordinate in autentici loamari... Da sto mese parte la racolta dela “scoassa tuta smissià ala bojona”. Un solo sacheto messo davanti la soja de casa ogni matina vegnarà tolto su da un paro de marochini che dopo ver magnà tuto el materiale comestibile, se portarà casa tuto el resto par po’ rivendare el tuto in aposite “Boutique dela scoassa”... Inoltre buoni premio par i magiori produtori de porcarie da spendare nei vari Supermercati. El titolo de sta nova canpagna progresso sarà: “Chi de scoassa ferisse, de scoassa perisse!”
Foto di scopacce ala bojona. Foto fata a Napoli in Africa
LEGGI I COMMENTI (5)
-
PERMALINK
domenica 28 gennaio 2007 - ore 13:33
SAGESSA POPOLARE!!!
(categoria: " Vita Quotidiana ")
El più bel esenpio, secondo mi, de sagessa popolare lo gò catà su un anedoto che riguarda el noto Vate (far metare in c....) Gabriele D’Annunzio.. Sto omo qua che gaveva na grandissima piassa in testa un dì caminava par la sità... Un agricolo vedendolo ghe rideva sul muso.. Cussì el Vate incassà ghe ga dito: "Mai testa di somaro pelata fu vista!".. Al che l’umile agricolo sopon ghe ga risposto: El ga razon sior: difati ze la prima che vedo!"... Ahhhh... ahhhhh... ahhhgrrrr.. scusè l’ilarità!!!!
El noto Vate co la so potente zagolona pelà!
COMMENTA (0 commenti presenti)
-
PERMALINK
> > > MESSAGGI PRECEDENTI
[ SONO OFFLINE ] 