Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27793 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
lunedì 8 gennaio 2007 - ore 17:37
BEA QUESTA!!!!
(categoria: " Riflessioni ")
Logica ferea
Renato el balbo incontra un amigo e i do taca parlare de sesso... Prima l’amigo conta le so prodesse (?) co la mojere e dopo toca a Renato:
- Te gh-h-h-e da sa-sa- vere che mmmme mo-mo-jir-re ssst’altra se-se-ra se gggga memessssso in te-te-testa de fare se-se-sessssso co fa-fafa-faaaa-ntasia...
- Dai forsa contame, - comente st’altro - ma sbrigate che gò solo mèsa giornada de tenpo...
- Inso-so-sosoma la me di-dise che la voe farrrr-far-faarlo col te-tete-tenporae, Giiiuda c-c-can!... e cuss-cussì la la la ga ta-tata-tacà dirme:
"St-stua el pe-pe-pepereto... inpiss-sa el pe-pe-pepereto.. (par fa-fa-fare i l-l-laa-npi!)... ba-ba-bati e pu-pu-pupugna sul cooo-cooomò... (par fa-fa-fare i to-to-to-toni!)... su-su-supia fo-for-foorte (par fa-fa-fare el vento!)... Gi-gi-uuuu-da can!... Po’ ve-ve-versi l’on-oon-brea! (par via c-c-che pio-pio-piove!)... e sa-sa-sara l’on-on-onbreeea (par-parché ga-ga-veva sbaaaaalà!)... ti-ti-tira l’aqua (par fa-fa-fare i sc-sc-scrava-vassssi).... St... stua el pe-pe-pepereto... inpiss-sa el pe-pe-pepereto..
- Gò capìo... gò capìo, - interonpe st’altro ormai roto i tótani! - almanco gheto fato na bela tronbada?
- Ma ma... si-si-to ma-ma-mato!!!! Co-co-cosssa vu-vu-to tr-rrr-rrrr-tronbare co un te-te-po del gè-gè-nare, Giiiu-iuuda st-racan!!!
COMMENTA (0 commenti presenti)
-
PERMALINK
domenica 7 gennaio 2007 - ore 14:13
NA RIFLESSION SERIA (ogni tanto ghe voe!)
(categoria: " Riflessioni ")
Uno dei idoli dal quale no sò bon de stacarme ze Fabrizio De Andrè che ritegno insieme co Giorgio Gaber el cantautore italian che ga onorà la musica italiana... a parte le emossion che provo ogni volta che scolto le so canson, in mi sorge anca na puntina de invidia parché vorìa èssare sta mi a scrivare serte parole... Ieri, dopo na vita, gò riascoltà "preghiera in gennaio"... Me ze tornà in mente Piergiorgio Welby e le parole de sta straordinaria canson pare dedicae a chi (Ciesa in testa!) no ga savuo capire (perdonare ze un termine che no me pare giusto, visto che no ghe ze gnente da perdonare..). Scrivo qua el testo... disime cossa ghe ne pensè... Me farà piassere le vostre opininion... Ricordemose che Fabrizio no se professava credente... ma la grandessa dela so Anima lo rende el credente più puro che gabia mai conossuo!
PREGHIERA IN GENNAIO
Lascia che sia fiorito
Signore, il suo sentiero
quando a Te la sua anima
e al mondo la sua pelle
dovrà riconsegnare
quando verrà al tuo cielo
là dove in pieno giorno
risplendono le stelle
Quando attraverserà
l’ultimo vecchio ponte
ai suicidi dirà
baciandoli in fronte
"Venite in Paradiso
là dove vado anch’io
perché non c’è l’inferno
nel mondo del buon Dio".
Fate che giunga a Voi
con le sue ossa stanche
seguito da migliaia
di quelle facce bianche
fate che a Voi ritorni
fra i morti per oltraggio
che al cielo e alla terra
mostrarono il loro coraggio.
Signori bempensanti
spero non vi dispiaccia
se in cielo, in mezzo ai Santi,
Dio fra le sue braccia
soffocherà il singhiozzo
di quelle labbra smorte
che all’odio e l’ignoranza
preferirono la morte.
Dio di misericordia
il Tuo bel Paradiso
l’hai fatto soprattutto
per chi non ha sorriso
per quelli che han vissuto
con la coscienza pura;
i’inferno esiste solo
per chi ne ha paura.
Meglio di lui nessuno
mai ti potrà indicare
gli errori di noi tutti
che puio e vuoi salvare.
Ascolta la sia voce
che ormai canta nel vento
Dio di misericordia
vedrai, sarai contento
Dio di misericordia
vedrai, sarai contento.
Ciao grande!
LEGGI I COMMENTI (3)
-
PERMALINK
venerdì 5 gennaio 2007 - ore 12:56
DADRIO LE QUINTE (e anca le seste e le setime)
(categoria: " Viaggi ")
Gnaco qua a beneficio del popolo na sequensa de foto-someje in esclusiva mondiale dela realisassion del filmato "La trufa del petroliere" girà a Barcelona par Strissia la Notissia co el mitico Moreno Morello, otimo inviato, nonché amigo anca se tendensialmante ronpicojoni soratuto quando el lavora...
Mi nel ruolo difissilissimo de statua vivente
el regista Moreno drio dare le diretive ai do interpèreti principali: Gilda e el sotocristo
Tuto lo staf de slandroni che ga partecipà el’inportante oiperassion segreta.. Tratassi de atori de chiara fama (mi e Gilda), gansi de rara astussia (Luca), tennici de alti liveli, e narturalmente el capo indiscusso. Moreno.
LEGGI I COMMENTI (2)
-
PERMALINK
giovedì 4 gennaio 2007 - ore 12:43
COSSA FASSO????
(categoria: " Riflessioni ")
Alora el dilema giornaliero ze questo: come goi da conportarme co chi, prima de bruto me lo mete in fioco (sensa vaselina!) e po’ me scrive un poco scusandose e un poco fasendome passare da mona???
Lassando da parte na s-ciopetà in boca, parché la lege no ze d’acordo vialtri al posto mio cossa faressi????
LEGGI I COMMENTI (9)
-
PERMALINK
mercoledì 3 gennaio 2007 - ore 12:19
DAL’OCO 2007... (Te lo cati anca nel’ edicola darente casa tua!)
(categoria: " Scienza e Tecnica ")
Notissie dal’U.B.E (Uficio, Breveti, Ebeti)
N° 34658,78
TITOLO: DITERO BERSALLIO o MOSCA DA PISSO
INVENTORE: Nane Susta dito Pissainbraghe
A CHI E’ INDIRISSATA:
A tuti i maschi coloro i quali pizzano in piè
COSA SERVE: una mosca, un water, una pissada pronta par le man, na bona prostata.
DESCRISSIONE
Il marchingegno è di senplicità estrema. Trattasi gnentepopodemanco de un inseto ditero (vulgo "mosca cavalina") che dopo essere stata negatta in un goto di aqua deventa un bersallio per i maschi che devono farla di picolo (vulgo "pizzata")
COME SE PROCEDE
Prima di tutto buongiorno. Veniam veniamo subito ad illustrare l’invenzione che passerà alla storia come il più intelligente e economico metodo mai scoperto finora che permette ai signori maschi di pissare nel vater centrando perfettamente il bersaglio senza così sguinzare ovunque o per dirla in veneto "pissare fora dal bocale". Innanzittutto bisogna catturare una mosca-ditero. Per fare ciò è opportuno avere in casa quantomeno una "sgnarata" del simpatico insetto . Nel caso sfortunato che la nidiata non fosse presente è opportuno mettere sul davanzale della finestra, vuoi della cucina, vuoi del tinello, vuoi un panino?... no, grazie!... una tazzina contenente una quantità sui 30 grammi di feci umane (vulgo "caca")... Poiché tutti sanno che le mosche amano sfamarsi di tale sostanza di sicuro qualcuna arriverà. Appena l’insetto vede la cacona si trarà sora ingordamente. A sto punto si chiappa la mosca e fasendo atensione estrema la si sgnacarà drento un goto pieno di aqua e la si tegnarà là finché l’inseto sarà negato. A sto punto lo si recùpara e si va in cesso per fare la pissatina.
Prima di guantare l’atresso da pipì si buterà la mosca cadàvaro drento il walter più possibile al centro del buco... Possia si procederà ala diuretica funsione sensa sguinsare ovunque.
NOTA TENNICA INFORMATIVA
La geniale invensione garantisse il sucesso in quanto tuti i uomini maschili hanno la tendensa, quando pissiano in piè, di sercare di farla in testa a qualunque cosa si muova nel ragio di assione del pistolino. Infati se gavette l’occasione di védare un uomo che canbia l’aqua ale olive in aperta canpagna, in coste a un salgaro, potrete osservare l’estremo piassere che l’indivuduo prova nel pissotare sora ignare formigole, griji e slusertole.
LEGGI I COMMENTI (3)
-
PERMALINK
lunedì 1 gennaio 2007 - ore 02:39
AUGURI!!!
(categoria: " Vita Quotidiana ")
Ve auguri a tuti tante bele robe nel’ano!!!!!
LEGGI I COMMENTI (8)
-
PERMALINK
domenica 31 dicembre 2006 - ore 11:01
GNANCA QUESTA ZE MALE!!!!
(categoria: " Riflessioni ")
Al zoo
La guida del zoo ze drio spiegare le bestie al popolo:
- E questo cari siori e siore sarebe il cosideto pachiderba-lionfante na bestia enorme, granda... pensé che sto lionfante qua magna ogni dì do caschi de banane, tre quintalati de fen e do quintalati de fruta assortita in sorte co na legera predilession par le prugne seche... Siora, la prego no la staga starghe cussì petà dadrìo... Siora, gala capìo???.. No la staga stare dadrìo el pachiderba... SIORA GO’ DITO... Via da là... siora!!!!... -
A sto punto se sente na tronba potente...
- Nane!!! - taca sigare la guida - presto cori qua co na scavatrice e scavame fora la siora!!!
COMMENTA (0 commenti presenti)
-
PERMALINK
domenica 31 dicembre 2006 - ore 09:37
CATIVA E ONTA!!!!
(categoria: " Riflessioni ")
Terapia d’urto
Un porocan muto dala nassita incontra un so amigo, anca lu porocan, e co el stesso problema... El primo taca parlare a moti, come se costuma tra muti, ma co so gran sorpresa st’altro taca parlare co la boca che ze un piassere:
- Lo seto, - el dise questo - che gò conossuo un gran siensiatto mèdego che in poco più de do mesi, grassie a na nova terapia, el fa parlare i muti... El costa careto ma, crédeme, ghe ne vae la pena... varda se te voi te dago l’indirisso! -
St’altro fa moto de sì e cussì se scrive l’indirisso e córe casa contento cofà na pasqua... El dì drio el se presenta tuto pinpante dal siensiatto che lo scaluma puito par drento e par fora e po’ ghe dise:
- Benon carissimo passiente, lei lu ze san come un pesse... le corde bocali ze a posto, quindi io direbbi di partire suitto co la terapia: si smudandi velocemente e si buti a pansa in zo sul letin!
El muto tuto speransoso se buta e speta... El mèdego va fora e rientra de sotignon co in man un mànego de scoa onfegà de vaselina... se inpira i guanti e in men che non se diga riva in coste al passiente e de boto, sensa che st’altro se ne acorsa, ghe sgiaventa el mànego indove tuti savì:
AAAAAAAAHHHHHHHHAAAAAAAHHHHHHHHAAAAAAAAAAAA! - siga el muto.
- Bene... bene, - comenta sodisfà el médego - el se rivesta e el vegna doman par la létara B!!!
LEGGI I COMMENTI (2)
-
PERMALINK
sabato 30 dicembre 2006 - ore 13:54
NO GO MAI CAPIO.....
(categoria: " Riflessioni ")
... parcossa che ai inpiegati statali e pubrici i ghe ciama "funsionari" visto che no i funsiona mai!
....come mai quando se tossisse se se mete na man davanti ala boca e co se scoreza nissun se mete la man davanti al dadrìo!
... parcossa co jero picolo me mama me cronpava tuti i vestiti grandi "Parché te ghè da créssare", e desso me mojere me cronpa tuti i vestiti picoli "Parché te ghè da calare!"
... de chi ostregheta ze fiolo el vedelo de mare!
... come mai Supermen, inteligente come ch’el ze, porta le mudande sora la calsamaja!
... parcossa quando gero bocia tuti me diseva: "Te vedarè co te gavarè sinquant’ani!"... e invesse desso che gò sinquant’ani ghe vedo pèso de alora!!!
... come mai i medici che lavora in ospedale vien ciamà "sanitari" come el water, el bidè e la vasca da bagno???
LEGGI I COMMENTI (6)
-
PERMALINK
venerdì 29 dicembre 2006 - ore 08:50
CONSIDERASSION SAGE!
(categoria: " Vita Quotidiana ")
“I fioli ciucia so mare coi ze picoli, so pare coi ze grandi!
“Le fèmene vive de più dei òmeni. Soratuto le vedove.
“Un mondo sensa fémene sarìa cofà un inferno sena demoni.
“Solo Dio sa quante foje de figo ga provà Eva prima de dire: “Va ben, me meto questa!”
“Na volta no gera come desso: le fémane, par esenpio, ogni gravidansa le stava insinte!
Dal’Oco 2004 de W. Basso e cioè mi!!!!
.jpg)
Bisso mona
LEGGI I COMMENTI (4)
-
PERMALINK
> > > MESSAGGI PRECEDENTI
[ SONO OFFLINE ] 