Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27790 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
sabato 8 novembre 2008 - ore 23:01
EMILIO FEDE MISTER MONA 2008!!!
(categoria: " Vita Quotidiana ")
Ancora na volta el sinpio, nonché macaco acuto, de E. Fede vinse el premio MONA 2008.. Intel so finto telegiornale de oncò ga aferm che Obama definiò dal Berlusca "abronsà" ga telefonà, ga capio la batuta, e se ga conplimentà col Cavaliero delApocalisse e ansi i se inbrassà par telefono!!!! Infati lu gera là quando Obama ga ciamà. MA CHEL VADA CAGARE SUE ONTRIGHE CUSSI’ CHISSA’ CHEL SE SBRUSE LE BAE, STO INSEMITTO DEL PORCO E FORA!!!!
LEGGI I COMMENTI (1)
-
PERMALINK
sabato 8 novembre 2008 - ore 12:31
BARZELETA SESSUALE ONTA!
(categoria: " Lavoro ")
Diese de sera: in casa del veterenario sona desperatamente el telefano :
- Pronto qua parla el veterenirio dotor Milio Capeta...
- Dotore el me scusa - cria na vecia da st’altra parte del filo - na gran desgrassia : la me cagneta Fufi pora cagna se in balía al cagnasso porco e bastardasso de Toni Pigna. El fetente ze tacà de bruto e ze dietro tanponarla violentemente. Cossa posso fare ?
- Signora - risponde el medego canino - tiri o sgiaventi in coste al loamaro na secia de aqua giassà co raquanti cogoli sgrunfolosi drento. La vedarà che il can pincione scanparà scainando!
La vecia saluda e mete zo...Dopo mezora sona ancora el telefano :
- Dotore el gabia passiensa - dise la vecia. - ma el schifoso de can no el ghe la mola : el pare tacà co l’Atacc...poarina la me Fufi chissà quanto che la soffre...
- Signora ci dagga al incivile e slandrone na rata de bastonà sul filo dela schina...ma fisse...la vedarà che el molarà la frit...scusi, l’osso ...
- Grassie dotore, grassie... Dopo un quarto d’ora sona ancora el marso de telefano :
- So desperà, el can ze dietro fare la tersa, el maledeto ponpa cofà un conejo...no so più cossa fare...
-Signora - dise calmo el veterinario - la prova dirghe al can che i lo vole al telefano !
- ? ? ? Ma...penselo dotore che la roba possa funsionare ?
Penso proprio de si signora ! Co mi stasera par esempio, chel bruto sassin de Giuda, la ga za funsionà tre volte, orco e orco là ! ! !
COMMENTA (0 commenti presenti)
-
PERMALINK
venerdì 7 novembre 2008 - ore 09:52
I GRANDI SQUISITI SIENTIFICCI
(categoria: " Vita Quotidiana ")
Le domande difissili stile Focus
Parché la Tore di Pisa è essa la quale storta e pare sempre dietro rabaltarsi?
Dimanda posta dall’agricoltore diretto Nino Nane deto el Nono di Barbona PD
Risponde l’architetto Tullio Pontone laureato in tori e pendenze presso l’Academia dele Brute Arti di Fossona
Egregio signor agricoltore Nino, grazie par avermi dato l’ocasione di spiegare una volta per tute l’arcagno e di darci un tallio a tute le legende metropolitane che gireno atorno ala famosa tore (che in italiano sarete “prendere”). Alora la Tore di Piza (in italiano coreto) pende a lato par via dela progetassione a cura del geometra comunale Lino Vento overo Vento Lino deto Scorezon Kit il quale aveva l’insana passione di ingolfarsi il budello umano di fasoli di Lamon, coe di radici, cavolfioro lesso, verze e capusso. Di conseguenza molava dele renghe terificanti che se sofegate a lungo podevano anche al momento dela nassita sbregare le mutande e le braghesse al’incauto professionista. Par questo quando la tronba si anunciava il geometra se era sentato spostava il baricentro del corpo umano a lato in modo che il sentare della carega no costituisse impedimento ala fuoriuscita del pestilensiale efluvio… Fu durante la progetassione dela famosa Tore che il geometra ebe un ataco di scorezamento acuto ed esponenziale e fu costreto per lunghe ore a disegnare stando tuto storto a lato. Per questo motivo il disegno del manufatto risultò piegato… Apena finito il progeto fu passato al’inpresa edile di tale Pino Silvestro Tacamalta il quale essendo ignorante come una talpa e indietro come la coda del maiale suino, eseguì il lavoro senza porsi diilemi… Eco spiegato come mai la famosa Tore di Piza è piegata da un cantone. Signor Nane io la saluto.
La famosa Prendere (Tore) di Piza
LEGGI I COMMENTI (2)
-
PERMALINK
giovedì 6 novembre 2008 - ore 17:17
MAI CONTENTI!!!
(categoria: " Vita Quotidiana ")
Co goernava l’indormessà de Prodi metà popolassion italiane se lamenava e forsanco bestemava a tonfone o sbregabalone e sigando a pien buso tanti voleva Berlusconi... Desso che goerna Berlusconi se lagna st’altra metà del popolasso bestia e bue... e tra un porco e na resia i siga che i vorìa al goerno ell sinpio de Sveltroni!!!.. Insoma anca la politica ga la proprietà comutativa come la matematica: CANBIANDO L’ORDINE DEI MALFATORI EL RISULTATO NO CANBIA!!!! ORCO ZIO CAN!!!
LEGGI I COMMENTI (3)
-
PERMALINK
mercoledì 5 novembre 2008 - ore 18:49
EL CIUCIETO
(categoria: " Riflessioni ")
Triste e sardelonica istoria di depravassione
Questo ze un fato sucesso davero
e che Dio me folgora se no digo el vero:
protagonista dela storia cussì originae
ze Toni Culata dito Secabae.
Alto, biondo dal’ocio celeston,
la zente diseva: "Toni ze culaton!".
E ciàcola oncò e ciàcola doman,
la roba ze rivà in recia anca al porocan.
Toni ciapà da dispression nera
gavarìa preferìo finir sototera,
pitosto de aver in coste sta eticheta
e farse vardare da femeneta.
Dopo ani a ani passà a rosegarse
eco la solussion: "Bisogna sposarse".
E dopo poco tenpo parte l’informassion:
"Toni se sposa co un toco de bandon!"
El toso se inpegna e invia el casso
robe ch’el no’l sbusa anca el stramasso,
par dopo un ano poder anunciare:
"Mi Toni Culata presto sarò pare!"
Nasse un putin, beo, biondo e paciocon
ma che siga de continuo, sto bruto slandron!
Toni sodisfato soporta anca sto tormento
sentirse pare lo rende contento!
Po’ riva la suocera in casa de bruto
parché la mama ga bisogno de aiuto...
Un dì Toni riva casa e no sentindo sigare
se fa la dimanda: "Come che sia sto afare?
Ma come faea, suocera cara, a tegnerlo bon,
visto che de norma el siga a tonfon?"
"Ze presto dito, genero beo -
risponde la suocera mostrando el puteo -
sto toso, caro ti, el ze tuto so pare...
vuto savere come farlo chietare?:
... basta un ciucieto infià intel dadrio
e varda che angioleto, caro de Dio!!!
The recion-men
LEGGI I COMMENTI (2)
-
PERMALINK
venerdì 31 ottobre 2008 - ore 14:04
E QUESTO????
(categoria: " Vita Quotidiana ")
SE POE ESSARE PIU’ MONE????
LEGGI I COMMENTI (4)
-
PERMALINK
giovedì 30 ottobre 2008 - ore 17:23
OCIO AL SOLE!!!
(categoria: " Vita Quotidiana ")
ZIO CAN... SPERO DE NO CATARMELO DARENTE IN SPIAJA STO SALVADEGO!!!
LEGGI I COMMENTI (5)
-
PERMALINK
domenica 26 ottobre 2008 - ore 10:49
DISCORSI ONTI VENETI
(categoria: " Vita Quotidiana ")
orco! - porco!; di per sè non sarebbe neanche una parolaccia se non fosse per le aggiunte da parte del popolo di nomi propri davanti o dietro il sostantivo. In particolare i più fetenti e schifosi abbinano il termine a un personaggio che sta molto, ma molto in alto, trasformando così un innocente impropero in una teribile biastema. Si usa anche al femminile
Orco can! - porco cane!; innocuo e simpatico intercalare
Orco dindio! - porco il tacchino!; anche questa comunque è, almeno nelle intenzioni, un emerito porcasso mascherato
Orco Giuda! - esempio di pseudo bestemmia
Orca putana! - managgia!; cazzo!!; Il solito esagerato normalmente ci aggiunge anche un sentito bestia che, almeno nelle intenzioni, dovrebbe fungere da rafforzativo. Esempio: - Orca putana bestia, che popò de slepa! managgia, che bella ragazza!
* * *
oselo - uccello; in senso lato organo genitale maschile; Sinomini: vedi broca
Menarse l’oselo - masturbarsi. Una volta, come già scritto più indietro, tale sconcia manovra era indice di malattia mentale e peccato mortale. Ora certi medici non solo la ammettono ma addirittura la consigliano come cura
Dialogo médego tipico
- Dotore so zo de caena...
- El se spara na sega, caro!; ghe tornarà subito l’alegria!!
Ciapare l’oselo - avere un rapporto sessuale. Una volta la frase era solo di pertinenza delle donne, oggi, purtroppo, anche una buona fetta di maschietti (?) si gingilla con l’organo in questione... Che rassa de onti...
Magnare l’oselo - dedicarsi all’amore orale, ovvero comportarsi come la Levinschi co el porselon de Clinton
Métare l’oselo a gnaro - e che vi servono spiegazioni?
Oselo bragarolo - membro maschile
Oselo padulo - volatile con strane tendenze
Omo tuto oselo - superdotato
La barzeleta onta
Pierino na matina se presenta scola co in man la cheba col canarin drento.
- Bravo Pierino che mi hai regalato l’ucelino... - dise contenta la maestrina.
- E no siora, zo co le man! - risponde el bocia - sto oselo ze mio e me lo tegno. Lo go portà scola solo par salvarghe la vita...
- Ma schersi, picolino - dise la maestrina - contami, contami, cossa è sucesso?
- A gero drio partire da casa quando go sentìo me mama che ghe diseva a me popà: - Caro speta che el bocia vaga scola che dopo ghe penso mi a magnarte l’oselo! - Par fortuna che mi so svejo e capisso le robe al volo!
LEGGI I COMMENTI (4)
-
PERMALINK
martedì 21 ottobre 2008 - ore 18:35
PAR I CURIOSI!!!
(categoria: " Vita Quotidiana ")
Chi volesse saverghene de più sul film documentario FILO’ 2009 che gò pena finio de girare poe vardare sabo ae ore 7 de matina, ae 14 de dopomesodì e ae 20 de sera su TELEREGIONE programa APPROFONDIMENTI dove lo presentarò fasendo anca vedare raquanti spessoni.... Ma eco na bea foto trata dal filmeto in un brano che parlka dela neve sui canpi!!!
LEGGI I COMMENTI (3)
-
PERMALINK
domenica 19 ottobre 2008 - ore 16:39
SO ANCORA VIVO!!!
(categoria: " Vita Quotidiana ")
Torno in linea (?) dopo enessimo incidente de percorso: un mal de schina trascurà che me ga portà a na sciatalgia teribile: dolori atroci, porchesamento acuto co biateme assortite.. Tre dì de leto sensa possibilità de movimento, sensa dormire e insultà a morte dal medego (me amigo Maurissio) che me gaveva ordinà riposo assoluto e al quale mi gavevo disubidio... Pian fianeto forsa de puntute e resie ecome in piè: col baston come el mona del dotor Aus e co pochissima voja de laorae... E desso cossa foi... Ah, el me film documentario ormai ze pronto e da presrto partirà la publicità... Fra un meseto sarà pronto el dvd par la vendita!!!!... Ma intanto ecove na barzeletina in omagio!!! Quela più ebete al mondo!!!
La barzeleta sureale (e anca un fiatenin mona!)
Un omo tondo na matina se alsa dal leto tondo, se mete le savate tonde, se lava nela docia tonda, se suga col sugaman tondo e se ciucia un cafè tondo. Po’ se parecia la valizeta tonda par andare a lavorare in un uficio tondo. Rancura sù le ciave tonde, fa le scale tonde, verze el porton tondo e se cata fora, intel mondo tondo. Monta sula màchina tonda e inpissa el motore tondo.
Fa sento metri tondi, riva a un semàfero tondo quando la màchina tonda se ferma... Alora, dopo aver cavà quatro porchi tondi, col celulare tondo el ciama el mecanico tondo.
Riva l’omo tondo che verze el cofano tondo varda el motore tondo po’ el dise:
- Qua ghe ze calcossa che no quadra!
LEGGI I COMMENTI (1)
-
PERMALINK
> > > MESSAGGI PRECEDENTI
[ SONO OFFLINE ] 