Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27794 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
giovedì 15 giugno 2006 - ore 17:14
LA BARZELETA ESTIVA
(categoria: " Vita Quotidiana ")
Sucesso a Sotomarina
Pierino ze in spiaja insieme a so pare e so mare. El bocia core de qua e de là de baucon scavando buse e inpaltanandose come un porseo fin che so mare fa el bagno ... A un serto punto el abandona l’aqua e torna da so pare soto l’onbrelon:
- Popà, - el taca criare - vojo un materassin fato a bagnin!!!
- Me despiase bocia, - risponde el pare gongolando - ma stavolta te toca incartàrtela... no esiste un stramassin fato a bagnin!!!
- Sì ch’el ghe ze, - fifota Pierino - e mi lo vojo... ghe ne vojo uno subito...
- Te gò dito che el stramassin fato a bagnin no ghe ze... - siga so pare - ghe ze quelo fato a pessecan, quelo fato a letin... quelo a cucodrilo... quelo a bagnin no ghe ze... Giuda can... e desso basta!!!
- E invesse el ghe ze... e mi lo vojo... subito senò inpianto na nosa che no finisse più... vojo el materassin fato a bagnin...
- Basta, par Dio... - strepita el pare paonasso - te gò dito ch’el no’l ghe ze!!!... Vuto capirla sì o no???
- E invesse el ghe ze... anca massa... gò visto pena desso, dadrìo un mucio de sabion, me mama co la valgola in boca drio gonfiarghene uno!!!
.jpg)
- Me popà col core in moto el frena anca col culo!!!
- No ghe credo!
- E invesse ze vero!!! gò visto mi i segni dele frenade sule mudande!!!
LEGGI I COMMENTI (4)
-
PERMALINK
martedì 13 giugno 2006 - ore 16:58
NOTA SPESA PER PRESENTASSION "SGANASSADA" Venare ala Draghi ore 18,00
(categoria: " Ricette ")
A benefico del popolo afamà e assetà rendo publica la nota spese par fare su inponente bufè veneto par la presentassion de venare:
30 saladi co l’ajo
40 chilogrami de pénole de formaglio pincione (vulgo "grana")
10 etolitri de vin rosso merlò
1 litro de spuma o ranciata (speremo che no gabia esagerà co sta quantità)
3 quintali de pan
In caso la roba no bastasse par na forma esagerata de ingordisia dei presenti mi me me ciavo!!!
PSSS...
Se quanchedun voe portare sopresse, cope, prassiuti, mortadele e similia nissun se ofende!!!
LEGGI I COMMENTI (7)
-
PERMALINK
lunedì 12 giugno 2006 - ore 16:17
ITALIA: NA NASSION DE ARTISTI (?)
(categoria: " Pensieri ")
Ogni tanto, quando l’inteligensa me inpiena la testa e ris-cia de fàrmela s-ciopare, vago da me fiola e parlo de arte (intesa come arte artistica e no come strasse picae a sugare!)... in sto modo me desgorgo i neuroni e ritorno nel me stato naturale, overo un fiatenin sul mona. Proprio oncò me fiola, pena che semo entrà in tema artisti de chiara fama, me ga dito che ghe ze na potente diatriba tra i critici del mondo, soratuto stranieri, parché questi prima de definire uno "artista" i ghe pensa sora dì e note par ani e ani. Difati, cussì la me ga dito, qualchedun de sti siori ze ancora incerto se Picasso poe fregiarse del titolo apunto de "artista". E nel dubio atroce sti studiosi se rovina sòno e digestion par via che de note se ramena cofà bisse e de giorno i magna de sofegon e de spessegon... Ma no basta: pare anca che i stessi dubi turba i soni de sti sior anca riguardo el fotografo Warhol che ga fato le famose foto de Marilin Monroe.
Però tuti ze concordi nel’afermare che un mucio de altre persone che tuti conossemo ze sicuramente persone degne de petarse in coste sto titolo onorifico.
E difati, i conclude sensa temansa alcuna, se poe definire artisti zente come: i Bitles, Garcia Lorca Boja, Rei Ciarl, Dalì, Sofi(g)a Loren, Sarlò (overo Ciarli Ceplin) e tanti altri sielti co cura.
Benon mi rifletendo me sò inacorto che sti dubi no esiste assolutamente in Italia dove, grassie ala television e ai so critici (del menbro maschile, n.d.a.), de artisti ghe ne gavemo na scaretà. Ecove un picolissimo elenco fato dàndoghe reta a ste esimie testone (da peri coti n.d.a.).
Poe fregiarse del titolo onorifico de "Artista", tra i altri tuti sti personagi:
Tra i cantoucisori: Mino Reitano, Pupo, Piero Fugassa (un cantante co le man in pasta), Mario Tessuto (uno che ga stofa!), Gato Pansiera, Giani Petinati, Arietta Berti, di gei Francesco, i Cugini de Canpagna ecc. ecc
Tra queli che ze in television e che no sa fare gnente: Valeria Marini, Taricone, Costantino, Platinet (el spantasson), Solange, Malgiolio ecc. ecc.
Tra i giornalisti: Aldo Biscardi dito Polentina (el serial chiler dei congiuntivi), Maurissio Mosca, Luca Ingiuriato ecc. ecc.
Tra i cosideti atori: Alberto Tonba, el Can Recs, ecc., Alvaro Vitali, Rassa de Can, ancora Valeria Marini (da quando la ga studià le lengue la ze bona de stare sita in sinque lengue diverse), ecc. ecc.
Tra i scritori: Francesco Toti, ancora Iva Zanichi co un libro sula polenta e osei (poca polenta e tanti osei, ecc. ecc.
Tra i stilisti: Dolce & Gabana (noto duo de recion-ghei), Cavali, Giugiaro ecc. ecc.
Concludendo: no lo sò se gò razon ma dal me punto de vista semo la nassion che ga più artisti in assoluto su tuti i canpi.... no voria che queli che atribuisse sto titolon de assoluto rispeto co tanta fassilità no gabia tanto le idee ciare: temo che no i gabia gnancora capìo la difarensa che ghe ze tra un pelandron acuto e un artista... Ze bastansa vero che tuti i artisti ze tendensialmente dei pelandroni e lavativi ma no ze par gnente vero che tuti i pelandroni ze artisti!!!
COMMENTA (0 commenti presenti)
-
PERMALINK
domenica 11 giugno 2006 - ore 16:18
(categoria: " Fotografia e arte.. ")
Ritrato de dona nuda
(particolare)
Prima che qualcuno possa dire che oltre che mona sono anche selvatico e ignorante mi pregio di dedicare una pagina e mezza ad uno dei pittori più noti del secolo presente. Parlo, naturalmente, del grande Toni Massoca meglio conosciuto come il Piùpene (dal veneto: Picasso) di Tombolo City... Grazie quindi alla mia enciclopedica cultura potete ammirare in tutta la sua potenza espressiva uno dei quadri che hanno reso celebre il Massoca. Per i pochi ignoranti totalmente digiuni di arte pittorica dirò che il Massoca ha vissuto tre importanti periodi artistici: il primo detto “del bianco” che è durato circa sette anni durante i quali l’artista usava solo “calsina per inpiturare” le magioni dei suoi concittadini visto che faceva imbianchino... Seguì poi il periodo “del nero”, due lunghi anni dedicati anima e corpo allo studio dell’ombra di merlò con produzione nulla se si escludono le etichette per le bottiglie di vino... Questo periodo viene anche definito da qualche critico dissidente “periodo de mona”... Invece l’opera che potete ammirare è stata partorita nel periodo più prolifico, cosidetto dell”espressionismo sintetico sessuale”... Infatti, e credo che non possa sfuggire all’occhio vigile e critico del lettore più attento, nel dipinto viene notevolmente amplificata l’evidenza psicotica dell’espressionismo che trasuda copiosa dal simbolismo che esplode con furia, oserei dire selvaggia, dalla totale ma semplicistica figura che riesce a trasmettere a chi si pone davanti all’opera con la mente sgombra da preconcetti e tipica di chi di arte si nutre aldilà di meri interessi politici e religiosi (?), una visione circoscritta della donna che solo i Grandi possono cogliere. Nella tela regna sovrano l’ordine: non ci sono fronzoli, concessioni alla fantasia, dispersioni di linee, ma solo un concetto di chiaro stampo ginecologico ben noto nei Reparti di Ostretricia Italiani (e anca èstari, se ze par questo!)... e poi.. vorrei anche dire... che... speta che tiro fià!!!
Me fermo qua anca parché onestamente a mi personalmente sto càncaro maledeto de quadro me fa afano, schifasso e se par caso qualchedun me lo regalasse lo dopararìa come sbersallio par i tiri co la carabina... Orca sassina bestia, digo mi come se poe picare intel muro na vacada del génare!!!
LEGGI I COMMENTI (8)
-
PERMALINK
sabato 10 giugno 2006 - ore 21:22
CO SE DISE MONA!
(categoria: " Pensieri ")
Ze sera e el mona de Toni ze drio spojarse par andare in leto co la so mojere... A un serto punto se spalanca la finestra e salta drento un ladro col passamontagna intel muso e pistolona in man...
- Fermi tuti se no fasso un massacro, - taca sigare el ladro - ti, metate fermo là in mezo ala càmara, e ti dame colana, ori e tuto el resto... -
La fémena, che ze za in leto meza nuda, comissia cavarse colana aneli e tuto el resto... Toni intanto resta inciodà in mezo ala stansa...
El ladro rancura su tuto, taca frugnare par casseti, ciava oro e schei, po’ prima de saltare fora dala finestra dà un ocio ala sposa e ghe vien su el boresso erotico.
- Cavate le mudande e metate in posa - siga ala dona, el bandito.
- Ma mi... no vojo .... mi...
- Ti gnente... sita e muta senò fasso na straje - cria el bandito senpre più intorà... Se gira varda Toni e ghe vien na idea: toe un gesso da scarsela core dal mona e ghe disegna par tera un cerchio tuto torno.
- Guai a Dio se te meti anca solo un deo fora dal cerchio... varda che te te movi te riduso come na farsura da castagne forsa de pistoletà -
E dito fato salta sul leto e tronba co passion la pora fémena. Come ch’el ga finio se tira su le braghe e sparisse cofà un siton...
La fèmena cria desperà e Toni ride de gusto...
- El me ga fato male sto porseo... el me ga sviolentà sto onto...
E Toni ride... Dopo un toco la dona se incassa e taca sigare:
- Ciò senpio... ma cossa gheto da rìdare?... i me ga robà tuto... i me ga sviolentà e gò un brusore bestia... e ti te ridi... se poe savere cossa ghe ze de tanto divertente???
- Ghe ze che chel bandito ze un mona... fin ch’el te tronbava mi gò messo un piè fora dal cerchio e lo gò tegnù fora par ben trenta secondi... e ch’el baucoto no se ga inacorto de gnente... ahhh ahghhhh.... ahhhh!!! Che mona!!!
COMMENTA (0 commenti presenti)
-
PERMALINK
venerdì 9 giugno 2006 - ore 18:56
LA GENETICA AL SERVISSIO DEL POPOLO BESTIA E SASSIN
(categoria: " Scienza e Tecnica ")
Davanti la casa del Nostro Autore Walter Basso in un ameno giardino che volendo si potrebbe definire un angolo del’Eden, mitico ambiente biblico, si eleva al cielo la pianta che potete ammirare nella foto. Secondo il Basso il nome scientifico del clorofillico essere vivente faunistico sarebbe (il condizionale è d’obbligo) “Palpimedis banananorum stortis” (in parole semplici adatte ai lettori del volgo e della plebe: “palma da banane” o “bananaro”).
Il Basso assicura che essendo lui in possesso oltre che del pollice verde anche del’indice, police, agnulare e mignolo dello stesso colore in quanto “me sò spanto un bussoloto de color verde sula man, Giuda bestia!” (parole testuali), ha da mesi iniziato un rapporto di amicizia strettissimo con la pianta come questa fosse un cognato prediletto. Ogni giorno gli parla, discute di filosofia, religione nonché politica... La pianta, che spessissimo mette in difficoltà il Nostro con argomentazioni di elevato livello, per ripagarlo di tanto amore, si è messa a produrre a nastro di tutto: cocurbitacei, frutta in sorte, pesci e perfino brioss... El fenomeno è allo studio di un nutrito gruppo di scienzati che, per ora, si grattano perplessi le zagolone e anche le palle...
( no lo sò cossa sipia codesto fenomano: il ueb master, tendensialmente mona, ga da avere smissiotato le foto. Questo no è un bananaro... questa ze na sucara... e le banane secondo mi le sdrissa!)
La barzeleta del mese
Na siora porta el bocia palido come un morto dal dotore... El dotore lo visita, po’ taca sgorlare la testa:
- Purtropo na bruta notissia: so fiolo ga na malatia seria, e soratuto rara...ansi rarissima!
- Ma... ma... mariavergola!... el me diga tuto dotore... el me diga!!!
- Co sta grave malatia signora, so fiolo o el more o el resta mona par tuta la vita!
- Odio che desgrassia... ma digo, dotore, zelo sicuro???
- Serto che sò sicuro signora: sta malatia la gò avua anca mi!!!
COMMENTA (0 commenti presenti)
-
PERMALINK
venerdì 9 giugno 2006 - ore 09:50
PREMIO AL 5000 sprissin che vien catarme!!!
(categoria: " Pensieri ")
Eco qua.. no sò come, ma so rivà sula soja dei 5000 visitatori... Tuta zente sveja, inteligente e dotà de estremo bongusto... Zente che dovarìa ricevere sicuramente un nobel de calcossa e quindi gode dela me ilimitata stima... Par questo gò pensà de premiare el 5000 visitatore co un abonamento par el 2006 ala me nova rivista LA SGANASSADA... basta chel fortunà me manda el so indirisso postale e mi provedarò a inviarghe a gratis la rivista e relativi gadget... Par contatarme privatamente chel vaga... sul me sito www.edizioniscantabauchi.it No fare i furbi parché me ne inacorzo!!!!
LEGGI I COMMENTI (3)
-
PERMALINK
venerdì 9 giugno 2006 - ore 09:50
PREMIO AL 5000 sprissin che vien catarme!!!
(categoria: " Pensieri ")
Eco qua.. no sò come, ma so rivà sula soja dei 5000 visitatori... Tuta zente sveja, inteligente e dotà de estremo bongusto... Zente che dovarìa ricevere sicuramente un nobel de calcossa e quindi gode dela me ilimitata stima... Par questo gò pensà de premiare el 5000 visitatore co un abonamento par el 2006 ala me nova rivista LA SGANASSADA... basta chel fortunà me manda el so indirisso postale e mi provedarò a inviarghe a gratis la rivista e relativi gadget... Par contatarme privatamente chel vaga... sul me sito www.edizioniscantabauchi.it No fare i furbi parché me ne inacorzo!!!!
COMMENTA (0 commenti presenti)
-
PERMALINK
giovedì 8 giugno 2006 - ore 13:52
FINALMENTE LA ZE NATA!!!!
(categoria: " Vita Quotidiana ")
Co smisurato orgollio anuncio la nassita dela me nova creatura LA SGANASSADA..la nova rivista umoristica veneta... El diffissile parto podalico ze avegnuo ogi de oncò ale ore 10,30 mediante parto pilotato (co la consulensa de Sumacher!) e col contorno de na inponente dose de porchi e resie. El papà (overo mi!) sta ben... da mercore prosimo la nova testata (in italian " grande botta in testa") sarà in tute, e co digo tute vol dire TUTE, le edicole de Padova e provincia... Venare 16 ale 18,00 presso la Libreria Draghi a Padova sità Moreno Morello tegnarà a bateso l’infante neonata. Obligatorio vegnere vestìi come che se voe. Vin, pan e salado a volontà...
LEGGI I COMMENTI (5)
-
PERMALINK
mercoledì 7 giugno 2006 - ore 13:54
IL CANTONE INPEGNATO
(categoria: " Scienza e Tecnica ")
Le domande diffisili stile Focus
Domanda invià da Giorgieto Mussa da Capella di Noale VE
Su fatto che Galileo Galilei abbia scoperto la rotondità della terra tante sono le leggende... Ma si sa veramente come sono andate le cose?
Risponde l’astronomo (mona) Pio Quasar laureato in “Pianeti tondi, ovali, e co i spigoli”
Carissimo Giorgino,
grazie della domanda che mi permette di risolvere un volta per tutte l’annoso problema... Pochi infatti sanno che Galileo Galilei scoprì la rotondità terreste (mi sorge un dubbio atroce: ma è poi stato lui ad inacorzessi che la terra è tonda?) solo in età avanzata quando entrò nella cartoleria di un avo di Mario Bertato ad Abbazia Pisani (par onor de cronaca ringrassio Mario che da senpre cronpa i me calendari. W. Basso) e gli capitò sotto agli occhi un notevole mappamondo... E’ ovvio che la mente fertile del grande scienziato si mise subito in moto e dopo estenuanti studi sul mappamondo in questione arrivò a comprendere che la terra è rotonda come una palla di bigliardo... Precedente fu invece la scoperta che la terra si muoveva: l’intuizione gli venne quando in giardino vide muoversi una montagnola sotto la quale rumava una tonpinara... Da qui la famosa frase: “Eppur si muove”... riferita alla montagnola di terra....
LEGGI I COMMENTI (4)
-
PERMALINK
> > > MESSAGGI PRECEDENTI
[ SONO OFFLINE ] 