Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27794 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
lunedì 29 maggio 2006 - ore 13:46
NA BARZELETINA!
(categoria: " Vita Quotidiana ")
La barzeleta
Un sior more dala voja de iscrivarse al “Club dei onti” ma ogni volta che el presenta la dimanda vien scartà de bruto. Un bel dì, fin che el ze in cesso, ghe vien na idea granda: el se sneta el dadrìo co la carta da létare e dopo sula stessa carta el scrive e spedisse la dimanda:
- Orca bestia - el pensa - stavolta ghe la fasso! Più onto de cussì no sò come se possa èssare!!!
Dopo oto dì ghe riva la risposta. Sula létara ze scrito:
Caro signor Pero
gabiamo ricevuto la Sua cortese dimanda par far parte del nostro Club. Prendiamo ato che tale dimanda spussava indecentemente di merda, ma purtropo no possiamo acetare la sua richiesta.
Sapia, caro il nostro Pero, dei peri nostri, che un vero onto, mai e poi mai si sneterebe il culo!!!
Co la quale la saluto e la mando molto cortesemente a farselo métare!
Suo Felipe Brutocao Dimierda
.JPG)
LEGGI I COMMENTI (2)
-
PERMALINK
sabato 27 maggio 2006 - ore 15:59
OMAGIO AL’OBIETIVITA’
(categoria: " Accadde Domani ")
EL FATO
Il noto playboy Giuseppino Silvestro, sorpreso mentre stava fuggendo dalla finestra della stanza da letto dove aveva giaciuto con la moglie del Tullio Zampiron, veniva fatto oggetto di alcune fucilate sul fondoschiena dallo stesso Zampiron in preda all’ira. Al Pronto Soccorso dell’Ospedale di Camposampierto gli venivano tolti 6 pallini da dodici e dichiarato guaribile in tre giorni.
VISTO DA SINISTRA
Il valoroso compagno Pino Silvestro, che dopo na riunion de partito gera passà a informare la Signora Boaron sui esiti del dibatito «Dove va la sinistra dopo magnà la sera?», ze stà agredìo da Tulio, marìo fassista el quale, no riussindo a tegner testa ala dialetica proronpente del nostro conpagno, passava a vie de fato, inpugnando un fusile mitraliatore col quale faseva ripetutamente fogo sul coragioso Pino, che par evitare dani ala signora ofriva il viloso peto ale palotole. Ricoverà d’urgensa al Nasocomio de Camposampiero i sanitari ghe cavava, sensa indòrmia, 82 palotole esplosive dele quale do blocae a pochi milimetri dal cuore. Subito dopo a Padova ze aparsa su più muri la scrita: «Pino è vivo... trapanato ma vivo»
VISTO DA DESTRA
Il camerata Pino Silvestro, fin che in ore noturne gera in perlustrassion segreta par el paese de Pionca in serca de comunisti estremisti da rieducare e purgare, sentiva grida de invocassion vegnere dala casa di tale Tulio Boaron, noto energumeno de sinistra. Probabilmente il Boaron gera drio torturare la mojere rea de frequentare la ciesa nei giorni festivi. El camerata, spressante del pericolo, intervegneva a difesa dela santa dona. Purtropo in casa gera sconti na desina de teroristi rossi che sparava na «gragnuola» de colpi co l’obietivo de fredare el Silvestro... Nonostante le numerose ferite e le inponenti emoragie l’eroico camerata riussiva, grassie al fisico superalenato, a rivare al’Ospedale de Camposampiero dove i médeghi ghe salvava co gran dificoltà la vita. I dirigenti de AN farà erigere un busto a senpiterna memoria in centro Pionca. Intanto a Padova su raquanti muri apariva la scrita: “Onore al camerata Pino”.
Comunista "muso duro e bareta fracà"
Fassista inferocito
LEGGI I COMMENTI (1)
-
PERMALINK
venerdì 26 maggio 2006 - ore 19:10
ROBE PADOVANE!
(categoria: " Vita Quotidiana ")
.jpg)
COMMENTA (0 commenti presenti)
-
PERMALINK
venerdì 26 maggio 2006 - ore 18:54
I NOVI POETI RUSPANTI E AGRICOLI
(categoria: " Poesia ")
Jacomo Leopardo
PAURA DE AMARE
Maria, te me vardi e te me interoghi:
“Quante fémene gheto avù prima de mi?
... Semo sicuri che te me voi ben?
... Gheto avù na infansia felice?
... Posso sperare che no te me fè i corni?
...Te piase i putei... e quanti ghe ne vuto?”
Te voi savere tuto, proprio tuto, de mi...
Maria, ma parcossa no te te fè i cassi tui?
CONTRO
In càmara tua, in piè,
mi davanti de ti,
te parlo, te spiego:
“Cara, i ze tenpi duri:
bisogna andare contro:
contro ea moda,
contro le tendense,
contro la violensa
contro l’ipocrisia,
contro el rassismo,
contro l’indiferensa!...”
Te me vardi,
te soridi
e te me disi:
“Ze vero caro,
bisogna proprio andare contro...
Cossa disaressito,
intanto par tacare,
de incantonarme CONTRO el comò?”
Nota de Walter Basso
A mi ste do robe me fa el spesso efeto dela Dolce Euchessina... ovewro me fa cag.... Probalbimente la me sensibilità poetica ze stitica!
El Somo Water (far metare in c...!) Jacomo Leopardo
COMMENTA (0 commenti presenti)
-
PERMALINK
giovedì 25 maggio 2006 - ore 16:47
SCONFITO DA UN COJON... E PAR UN PELO!
(categoria: " Pensieri ")
LEGGI I COMMENTI (3)
-
PERMALINK
giovedì 25 maggio 2006 - ore 08:26
ULTIMISSIMA!!!
(categoria: " Vita Quotidiana ")
El Cavaliero Berlusca ga dito che se ga insognà del Somo Vate Dante Alighieri el quale ghe gavarìa dito de no molare e de continuare la so opara par salvare l’Italia dai bolsevichi... Spero tanto che stanote nol se insogna de Aldo Busi el quale podarìa sugerirghe de insistare a metarmelo intel fioco!!!!... Comunque el Cavalierio ze drio ridimewnsionarse: qualche mese fa no’l se sarìa contentà de insognarse de Alighieri ma el se sartìa insognà de èssare drio ciacolare tranquilamente co Dio in persona spotica!!!!
COMMENTA (0 commenti presenti)
-
PERMALINK
mercoledì 24 maggio 2006 - ore 15:12
FOTO DEL BESTIO
(categoria: " Vita Quotidiana ")
.jpg)
Eco la foto del’incalmo...
LEGGI I COMMENTI (3)
-
PERMALINK
mercoledì 24 maggio 2006 - ore 07:48
LE NOVE FRONTIERE DELA SIENSA GENETTICA
(categoria: " Scienza e Tecnica ")
Inventà un novo bestio. Come podì védare in foto riportà un novo nimale ze stà prodoto nei laboratori sientiffici siti in Brusaporco (alias Castelminio) TV e seguìi dal Gen. Gazia (Gen. no stà par Generale ma par Genetista!)... Tratasi più precisamente del “lievore a recia curta e coa longa”, (nome sientifico “lievoris felinus”) fruto de sapienti incalmi tra tipologie diverse de bestie a quatro ganbe. Ma venian veniamo subito a trategiare le carateristiche di tal fenomeno biologico: l’esenplare in foto si ciama “Fuffi” e a difarensa del suo progenitore el lièvore oltre a picolissime difarense de ordine morfologico (la coa più longa, le rece più curte, le zate più longhe, el pelo più morbido, el muso più tondo) ga anca diversi gusti alimentari: no è erbivaro ma bensì carnivoro, co na particolare predilessione par carne de sorzi, uceli e anca, dispiace dirlo, saladi. Magna inoltre ingordamente teste de pessi, pastassute e bisteche. Forse par questo quando va de oco no produce pétole come l’antenato lièvore o conejo, ma bensì cache. Unica roba che acomuna i de besti ze l’ecessionale velocità prodota in fuga. Co la sola difarensa che el lièvore normale tende a scóndarse inte le buse par tera, mentre el nostro lievoris felinus se rànpega su par i àlbari o pali o adiritura sora i copi dele case. Da qua el soranome de “lievore da copi”... Par finire sta intensa e soferta analisi del novo bestio podemo dire chel ze comestibile par l’omo ansi òtimo se cusinà rosto co le patate o in tecia co siola, saeno e pomodoro. Questo ce lo gà assicurà el colega siensiatto del Gazìa, Gineto Perussola da Vicensa.
N.d.a.
(no gabiamo potuto pubricare la foto parché il bestia è scampato durante il scato)
La barzeleta in omagio
Un genovese e un venessian decide de andare a firmare un grosso contrato de lavoro in un bel ristorante dopo aver fato un òtimo pranso... I do magna come porsei, beve come lore e co i ga finìo i conclude co tranquilità l’afare... Unico problema ze el pagamento del pranso luculiano visto che no gera stà ciapà acordi prima... Riva el conto el venessian lo guanta in man, lo leze e a quel punto se sente el genovese che co na vosseta fina fina dise:
- Pago tuto mi!!
El di drìo tuti i giornali riporta la notissia:
“VENTRILOQUO VENESSIAN SCANA’ PAR UN REGOLAMENTO DE CONTI!
COMMENTA (0 commenti presenti)
-
PERMALINK
domenica 21 maggio 2006 - ore 17:57
EL GHINESSSS DEL PRIMATI VENETI Majo 2006
(categoria: " Scienza e Tecnica ")
Bepi Mussato dito Pandroca Paonassa, frequentatore del noto bar del pensionato “Osei morti & Prugne seche”, sostien de èssare el primo veneto a aver efetuà un esperimento perfetamente riussìo de clonassion in stala de casa sua. Infati el ga afermà ai microfoni e telecamare de Tele Ronpo che la note de un sabo inprecisà dopo el ritorno dal’ostarìa de Nane Cànola el ze andà in stala par spandare aqua (o vin?) e el se ga catà davanti ai oci do vedei parfetamente conpagni gualivi, quando fin tre ore prima de vedei ghe ne gera solo uno. I casi ze do: o Bepi gera, alcolicalmente parlando, a tasso spaventoso o in casa sua ze efetivamente sucesso un miracolo biologico. Andaremo a verificare. Intanto a na me telefonada par savere cossa ch’el ghe ne pensa dela clonasssion ecove la risposta: “Vorìa più grinton e manco clonassion!”
.jpg)
Bepi Mussatoel recordomen (mona) del mese
LEGGI I COMMENTI (1)
-
PERMALINK
venerdì 19 maggio 2006 - ore 19:23
LA CONFESSION - LO SPIGOLO DELA COMEDIA GOLDONIANA
(categoria: " Amore & Eros ")
(Trad.: L’angolo della commedia del preservativo Hatù)
Personagi e interpreti:
P: il Paroco Don Pio
N: il pecatore pinceur Nane Sbusoto
P: - Nel nome del Pare del Fillio e delo Spirito Santo...
N: - Sissignor...
P: - Sissignor cossa?... toco de mona! Se dise amen!!!
N: - Ehmmm... ame!
P: - Dime caro Nane dei miei nani, quanto è che non ti confessi?
N: - Da l’ultima volta, sior pare...
P: - Porc... dime la data, par Dio, e no stà ciamane pare... Me mancarìa solo de avere un fiolo sderenà cofà ti...
N: - Mah... alora partindo dal fato che nel ‘48 go fato la prima (e l’ùltima) comunion e nel ‘53 la Crezema... uhm... sarà dal ‘54 su par zo...
P: - Ah Dio Santo, cossa che me toca sentire!!! Ma ti caro parochiano dal’ànema ludra e nera cofà uno stronso canino, no te si vegnù confessarte; te sì vegnù costituirte!!!
N. - El senta sior paroco, mi no go tenpo da pèrdare... sò qua par via che doménega ghe ze le votassion comunali e mi sò candidato cofà Sindaco comunista aleà co i fassisti, co i leghisti e co el Vaticano; quindi urge lavagio e centrifugagio del’ànema, in modo tale che doménega ala messa dele diese possa fare na solene figurassa fasendo la comunion e evitando che el so Capo me se incruca inte’l gargato e me sòfega... So’ stà ciaro, Giuda bestia?
P: - Intanto caro le parolace vai a dirle a quela bruta giovenca di tua sorela, sta sbudorata porca... e poi sai cossa ti dicco?: va ramengo bruto schifoso de un comunista de mer... Signore, cossa sò drio dire!!!... Chiedo scusa... Va ben, tachemo: sbrochete caro, dimi cossa gai fato di osseno, pecaminoso, in tuti questi ani...
N: - Alora, el speta che go la nota: go contà busie, go porchezà a tonfon, fato cativi pensieri, go robà al popolo par darghe alo Stato e go ciavà lo Stato par tegnerme tuto mi, go augurà a me suocera na morte oribile, go tronbà na sposa...
P: - Alt, fermo caro, senò a Dio ghe va in tilt el compiuter: andemo sule robe più gravi, parché semo sula bancarota spirituale fraudolenta; chi zela sta sposa che ai posseduto ilegalmente?
N: - Col casso che ghe digo el nome. Se dise el pecato e no el pecatore!!!
P: - E se ti no te me disi el pecatore, ansi la fedigrafa pecatrice, io no ti do l’assolussione; tu la comunione te la desménteghi e cussì la nomina a Sindaco la va a ramengo... Ahhhh .... ahhhh... ahhhggrrrhhh....
N: - Òstrega, che fetente de prete.... ma parcossa ghe interessa el nome?
P: - Afaraci miei, caro... ehmmmm... Speta che chiappo carta e pena che prendo nota... Eco, dime pure...
N: - La ze la Effa Brecani la mojere de Toni Limega...
P: - E te pareva che sta vaca no... Ma dimi, come ze sucesso il fato osseno?
N. - Sò anda casa sua a giustarghe el tubbo del cesso e Effa se ga presentà mèsa nuda co le tetassone fora e le mudandete sbusolate co tuti i peleti fora...
P: - Va vanti, va vanti, par Dio... contami sensa temansa ma anca sensa sbrissare massa inte i particolari...
N: - Mi padre, go sentìo el demonio dadrìo che me sponciava col forchetone grando le ciape e me spenseva vanti e cussì ghe so’ saltà in coste...
P: - E dopo, e dopo?... Ela zela stà ferma?
N: - No padre, la se ramenava cofà na bissa...
P: - Eco lo savevo mi, bruto viliaco, tu l’ai sviolentata. Pecatasso orendo..
N: - Ma cossa galo capìo, capo? La se ramenava par fare prima a cavarse le mudande...
P: - Ah eco... volevo dire mi... e ti cossa gheto fato porseon maledeto?
N: - La go messa culobuson, me so sbassà le braghesse e ghe go...
P: - Alt, ferma tuto che mi stano venendo le fumane eclesiastiche... Concludemo qua el resoconto tennico: c’è stato “ Sacrilegus e extraconiugalibus pincionis”?
N. - Sì, caro Don Pio... ansi ghe dirò de più; ghe ze un triplo pincionis come che ga dito lu... El se pensa che dopo fata la seconda la me ga guantà par el bisaton e la me ga dito: - Desso penso mi a...
P: - Bon, bon,... go capìo tuto... Naturalmente desso ti te si pentìo, pentitissimo, vero?
N. - Altroché padre, pentitissimo, anca parché no go usà el goldon e go ciapà le creste de galo, che desso go el pipiolo-tega che me fa na spissa boja...
P: - Va ben... sito sicuro de no averte desmentegà gnente...
N: - Orca putana bestia, paroco me sò desmentegà el pecato più grando... ma me vergogno...
P: - No stà farme ridare... Ti te te vergogni? ... Dai vanti dime...
N: - me vergogno massa... no...
P: - Dime, to Dio, che senò no finimo più!!!
N: - E va ben: go caminà in cusina co le savate da fora e cussì go fato porchesare me mojere!!!
P: - Va ramengo Nane ti e tuta la to fameja de desgrassià... Io te assolvo e te mando in mo... pase. Se vedemo tra quarant’ani. Me racomando la puntualità.... A proposito dime na roba: la Effa... che turni ze che fa so marìo in fonderia?
Prete mona che ronpe i cojoni, co rispeto parlando... mae!
COMMENTA (0 commenti presenti)
-
PERMALINK
> > > MESSAGGI PRECEDENTI
[ SONO OFFLINE ] 