Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27792 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
martedì 12 febbraio 2008 - ore 20:40
MANCAVA SOLO LU!!!
(categoria: " Vita Quotidiana ")
Eco la novità: sende in canpo anca Juliano Ferara el tripobnasso fiapo co barba da cavaron... Fa un novo partito contro l’aborto... Speremo chel canpo sia beo grando senò par sendere in canpo el bradipo ghe tocarà fare do viaji... Mah... mancava proprio un novo partito.. se ne sentiva lka mancansa... ma desso ve regalo na me poesia scrita co tanta passion par e votassion... Eco qua!!!
LE VOTASSION
"Vota par mi, omo pio e devoto,
che po’ te lo fraco intel bussoloto!"
Longo le strade, su par i cantoni,
na fila imensa de face da ebetoni.
Un muso da mona, uno da cojon,
na testa da casso, n’altra de saltron
e parfin sule pagine del Gazetin
te cati le foto del mona del to vissin...
"Basta co le tasse, aumento dele pension,
spassio al vecioto e al culaton...
Telefono azuro par i putini,
gran sanatoria par tuti i cretini!"
Lista civile, lista del centro,
quela de fora e quela de dentro,
quela che voe onorevole un casadore,
st’altra che invesse preferisse el dotore.
Partiti del musso, del can, del mulo,
tuti co un programa:
SGNACARMELO INTEL CULO!
E alora amissi, ciapemo l’ocasion,
par dire la nostra co ste votassion..
e pena che in gabina entremo par votare,
scrivemo direti: "Andè a farve ciavare!".
LEGGI I COMMENTI (2)
-
PERMALINK
domenica 10 febbraio 2008 - ore 22:45
EL MOSTRO IN TIVU’
(categoria: " Vita Quotidiana ")
A STA ORA, PAR CASO, GO VISTO EL MOSTRO DELA NATURA SU LA 9, NICOLETTA PACIARONI L’UNICO MAGO CHE SE CADE IN TERA POE DIRE DE AVERSE MACA’ LE TETE E I COJONI (PAR CHI NO LO SAVESSE LA ZE UN ORIDO TRANS!)... BEH, EL MAGO/ALA GA FATO NA SIGLA CHE GA DURA’ SIRCA 10 MINUTI INDOVE EL SENPIO/A SE GA SNANARA’ COFà NA ANARA... BRUTO/A, ORCO ZIO, COFà EL PECATO EL ZE STO SACRAMENTO DE TRANS: LAVARONI COME QUELI DEL MUSSO DE BECASUCHE, MASSELE SGIONFE COME QUELE DE TOPO GIGIO E TETASSE PENDULE COME QUELE DELA VACA SIMERDAL!!!! PARCHE’ INVESSE DE MANDARLA IN ONDA NO LA MANDEMO IN MONA DELA BRUTA VACA SFONDRàA’ DE SO AMIA???
Come la ze desso sta onta!
Come la gera co la gera un senplice recion!
LEGGI I COMMENTI (4)
-
PERMALINK
domenica 10 febbraio 2008 - ore 13:45
IN ONORE AL PAR CONICIO!!!
(categoria: " Riflessioni ")
No posso esimarme dal segnalare che anca la siniostra no schersa: par via de monade la ze drio spararghene na marea... Pecà che nessun de lori sostien de essare Lucifaro!!!!
LEGGI I COMMENTI (1)
-
PERMALINK
domenica 10 febbraio 2008 - ore 13:43
BERLUSCONI TORNA A ESSARE DIO!!!
(categoria: " Riflessioni ")
Infati el novo slogan del Principe Azuro ze poco su poco zo questo (trasmesso sento passa volte dal mona galatico de Emilio Fede lecaculo doc):
LA SINISTRA HA MESSO A TERRA L’ITALIA... E IO DICO: "ITALIA ALSATI E CAMINA!"
Robe da no credare!!!!
COMMENTA (0 commenti presenti)
-
PERMALINK
venerdì 8 febbraio 2008 - ore 23:53
SOLO NA BARZELETINA---
(categoria: " Vita Quotidiana ")
Sorprese
Un’omo desperà se sporge pericolosamente da un ponte sora el Muson dei Sassi (notissimo fiume del’alta padovana)... El ze là che valuta el momento bon par butarse, quando dadrìo el sente un - Pssss...Pssss...
El se volta e el vede un omo tuto vestìo de nero, co un capelo nero, caveji longhi neri, bafeto fin stile terone e i oci cofà sbrase de fogo....
- Cossa sito drio fare, - ghe dise l’omo co na vosse meliflua – sito gnanca mato???
- No sior, - risponde l’omo – vojo negarme: sò stufo agro. A quarantasinque ani gò na mojere legermente porsea, un fiolo che se droga, na suocera càncara e in più sò disocupà....
- Ma alora ti no te ghe capìo gnente: la vita ze bela... se te voi mi posso farte tornare pì zóvane, più belo, darte done in quantità, schei fin che te voi e l’imortalità!!!
- Ma va!... e chi sito?: el mago Silvan???
- Mèjo caro mi sò el Demonio Pézo...
- No ghe credo?!?
- Invesse ze vero: vardame puito: te paro un omo normale, mi???
Al che l’omo, se taca a sto deble filo de speransa e domanda:
- E se sputacaso fusse vero, cossa voressito da mi in canbio?... la me ànema???
- Ma va, l’ànema!!!... i tenpi ormai, caro ze canbiai... me basta darte na botesina e dopo te sì lìbaro... pensa: schei, salute, done, giovinessa!!!!
L’omo ghe pensa su un pocheto, dopo aconsente. Se mete in posa e da el via ai lavori.... Dopo sinque minuti de su e zo, el demonio se ferma e domanda:
- Scusa... ma quanti ani gheto dito che te ghè???
- Mi?... quarantasinque... parché?
- A me sa sa che te ghè rason a volerte negare.... Scusa seto ma ti, a quarantasinque ani, te ghe credi ancora al demonio???
COMMENTA (0 commenti presenti)
-
PERMALINK
martedì 5 febbraio 2008 - ore 23:36
MESSAJO AI POLITICI!
(categoria: " Vita Quotidiana ")
I TACA ZA ESSARE PRESENTI IN MEZI PROGRAMI TELEVISIVI... ZE ZA TACA’ LA CANPAGNA LELETORALE... BISOGNA PROPRIO CHE LO DIGA: "ME GAVI’ VERAMENTE ROTO I COJONI!!!
COMMENTA (0 commenti presenti)
-
PERMALINK
martedì 5 febbraio 2008 - ore 20:36
CAGADA GIORNALIERA
(categoria: " Vita Quotidiana ")
pARE, MA NO SIAMO SICURI, CHE LA SORANA VALERIA MARINI TORNI A FARE COPIA COL VEDEON CECHI GORI... A PARTE EL FATO CHE DE STA NUOVA NO POE CIAVARGHENE A NESSUNA PERSONA DOTA’ DE UN MINIMO DE BON SENSO, NO OSO PENSARE A COOSA PODARIA VEGNERE FORA SE LA SORANA VALERIA DEVENTASSE PRIMAROLA, OVERA METESSE AL MONDO UN FIOLO.... ORCO ZIO CHE DESGRASSIA...
El baucoto
El putanon
LEGGI I COMMENTI (1)
-
PERMALINK
lunedì 4 febbraio 2008 - ore 23:57
N’ALTRO DE BON!!!
(categoria: " Vita Quotidiana ")
CO GAVI’ L’OCASION VARDEVE ANCA QUESTO... DIVERTIMENTO ASSICURA’... A SENTIRE LU EL ZE L’UNICO MAGO ONESTO AL MONDO... ST’ALTRI ZE TUTI FIOI DE TROIA!.. LU NO... LU ZE ONESTISSIMO E SAPIENTE!!!
LEGGI I COMMENTI (3)
-
PERMALINK
lunedì 4 febbraio 2008 - ore 23:41
LA VACADA DEL’ULTIMA ORA!!!
(categoria: " Vita Quotidiana ")
NO SO’ SE SI DRIO VEDARE EL PROGRAMA IN ONDA A STA ORA SU CANALE iTALIA: GHE ZE EL DEFICENTE GLOBALE, MONA ACUTO NONCHE’ TESTA DA CASSO MONUMENTALE DEL "MAGO OTELMA" OVERO EL PAJASSO CHE PARE MASSIMO BOLDI IN VERSION POVERA... EL MENTECATO GA PARFIN CANTA’ NA CANSON E I OSPITI DEL PROGRAMA GHE GA PARFIN BATUO LE MAN... SUL MUSO I GA DA BATARGHE LE MAN A STO FETENTE DE UN PANTALON... PAR LA CRONACA EL ZE STA’ DENUNCIA’ PAR TRUFA, ABUSI SESSUALI E FRODE AL FISCO: ALORA MI ME DOMANDO COME SE FA INVITARE IN TELEVISION UN SLANDRON DEL GENARE????
A STO PUNTO GA PIU’ DIRITO DE ANDARE IN SCHERMO DONATO BALANSA EL SERIAL CHILER DE GENOVA... GIUDA PORSEO CAN!!!!
Eco el macaco vestio da papa.. prrrrrrrrrrrrr.. ma va cagare!!!
LEGGI I COMMENTI (6)
-
PERMALINK
lunedì 4 febbraio 2008 - ore 18:31
ECO QUA!!!
(categoria: " Vita Quotidiana ")
anafiatoio s.m. annaffiatoio
ananasso s.m. (bot.) ananas
ànara, arna, àrena s.f. (zool.) anitra; da un presunto tar. lat. “anitra, -ae”, dal lat. “ anas,-atis” risalente ad un’antica parola indiana “atih” che indicava “uccelli acquatici e palustri”; caminare come na ànara camminare ciondolando; sberegare come na ànara gridare a più non posso
anca avv., cong. anche; forse deriv. di “ancora”
ancioa s.f. (itt.) acciuga
ancó, ancùo, oncó, uncó avv. oggi; dal lat. “hinc hodie”, forma rafforzata di “hodie”; ancó oto fra otto giorni
ancora, ’ncora avv. ancora; dal lat. “ad hanc horam” = a quell’ora
ancùsene s.f. (arc.) incudine; dal lat. “incudine” = uguale sign.
anda s.f. portamento, andatura; da “andare” (v.); (scherz.) el ciapa na anda e el va via de un alè si dice di persona frettolosa; ciapare na bruta anda prendere una brutta piega; la ga na bela anda ha un bel portamento
SAGIO SULE SPUSSE
PARCHÈ I AGRICOLI SPUSSANO?
Alimentare, Uotsson!!! Parché metono in pratica i vechi e sagi (?) proverbi che qualche filosofo mona ga inventà e che ga da vita ala cosideta cultura agricola tanto decantà dai scritori parben (Walter Basso no fa parte de questi!). Citiamo par l’ocasione un paro di codeste ilustri perle perlacee:
“Chi presto voe morire, basta che el se lava la testa e po’ vaga dormire”
Commento impegnato
Credenza medica popolare insulsa come el paltan.. Mai vista un’epigraffe che dica che uno è morto per essersi lavato la testa. Può darsi che nei tempi andati qualcuno abbia lavato la testa canuta al nonno di novanta barete e questo si sia guantà una broncopalmolive... e il fatto abbia creato un precedente...
“Lavarse tanto le man, poco i piè, e mai la testa”
Commento impegnato
Chissà poi perché faceva tanta paura lavarsi la testa e i fetoni? Dopo lunghi e sofferti studi posso finalmente rispondervi: no se sa! Comunque questo proverbio spiega una bella battuta che ho letto da qualche parte: l’aria de canpagna ze pura parché i contadini tien sarà le finestre.
Benon, Ansi molto bene. Par no dire benissimo!!!... Tachemo sensa temansa l’analisi (soferta) dela tipologia dele spusse. Ad ogni tipo de spussa daremo anca un voto par quantificare el grado de schifessa otegnù grassie an sofisticatissimo instrumento da noi medesini inventato “el spussometro”. I voti vano da 1 a 10...
“Spussa da can mojo” puzza tipica de chi, dopo na suada, se ciapa un scravasso de piova sul corpo umano. Qualcuno amante dela precisione specifica anche el tipo di cane: can spinon; Forse prende come esempio questo quadrupede canino par via che el ze grosso e incalcà de pelo... quindi secondo la senplice logica agreste, essendo più grosso spussa de più de un cagneto picolo. Sta spussa ga anca na variante: la più senplice spussa da can. Questa colpisce queli che va in giro senpre col can drio, sia in màchina (mi ghe ne conosso uno che par dessora ze anca mona e ronpicojoni), che in casa, in leto... De solito i ga senpre i peli del bestio spussolente tacà dapartuto e co te ghe rivi in coste te vien da vomegare anca el buso del dadrìo. Spesso queli che spussa da can spussa anca da siola, da ajo o da vin. La siensa no sa spiegare el parché. Nialtri manco ancora. VOTO: 6
“ Spussa da polastro” Classica dei toseti dopo na suada. Provè, pena che i torna casa da scola o da fora indove i ga corso e sua come cavali da tiro, nasarghe la suca: sentirì chel vago odore da freschinasso che emana i polastri piena che i gavì spenotà...
VOTO: 4
“Spussa da pisso” Una volta spussavano da pisso due categorie de persone ali antidoti*: putini e vecioti, che si pissavano alegramente dosso, anche se per due motivi difarenti: i putini par via che se sbatevano le balotine e no ghe ne fregava gnente de pissarse in braghessete e i vecioti par via che erano “moli de suste”, o parché un fiatin teresinati (overo colpiti da arteriosclerosi acuta) e quindi quando andavano a pizzare si desmentegavano de tirare fora el pipiolo e de conseguensa si pizzavano zo par le ganbiere dele braghesse. Poi porchezavano contro Dio, la Madona e tuti i Santi. Adesso no: ci sono i panoloni Lines Sguelto co le tirache, che non si vedono, che ano le ali cofà i rioplani. Che si petano ala mudanda, e che si va de qua e de là e se ride senpre alegri e contenti... (mi lo sò parché go visto la pubricità)... Cussì putini e veci pissa a etolitri e nissun sa gnente... Gioia, goduria, e onore ai siensatti studiosi dele pissade umane....
VOTO: 5
(continua doman)
LA COMUNICASSIONE
Sul sito www.edizioniscantabauchi.it ghe ze le foto dela trasferta a Brussel de Walter co Moreno Morello e un novo video... Da vedare!!!!
COMMENTA (0 commenti presenti)
-
PERMALINK
> > > MESSAGGI PRECEDENTI
[ SONO OFFLINE ] 