Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27792 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
venerdì 6 aprile 2007 - ore 15:06
NOVA PRESENSA SU "STRISCIA LA NOTIZIA"!
(categoria: " Vita Quotidiana ")
Eco qua... finalmente stasera su Canale 5 in onda el 14° servissio girà insieme col mitico MORENO MORELLO... No posso dire gnente parché el sudeto servissio ze de inportansa mondiale e se parlo Moreno me castrà (e no chimicamente ma co na forfe da trinciare i polastri coti!).... Comunque bisogna che diga grassie a Moreno che oltre che ecessionale come inviato ga anca na inteligensa stratosferica visto che se ga reso conto che le me doti de atore-mona ze notevolmente più elevate de quele de Alvaro Vitali e de Alberto Tomba!!!!...
.jpg)
Foto someja scatà a Barcelona co tuto lo staf de Strissia inte na precedente mission!
COMMENTA (0 commenti presenti)
-
PERMALINK
giovedì 5 aprile 2007 - ore 12:12
PRECISASSION SUI AUGURI PASQUALIZI!
(categoria: " Vita Quotidiana ")
I me auguri pasqualizi ze rivolti indistintamente a tuti, siori e poareti, furbi e bauchi, inteligenti e mone, lavoratori e pelandroni, sveji e dormienti, alegri e musoni, neti e onti, otimisti e pessimisti, ciari de pèe e scuri de pèe, fracaciope e trascurà dai brodi,larghi de man e tirchiassi,boari e fineti, magnaparticolare e porchesadori, poentoni e teroni, persone parben e figure porche, marìi e mojere, eterosessuali e uomosessuali... INSOMA PROPRIO A TUTI!!!...
COMMENTA (0 commenti presenti)
-
PERMALINK
giovedì 5 aprile 2007 - ore 08:57
BONA PASQUA SUI OVI!!!!
(categoria: " Accadde Domani ")
A tuti quei, che dimostrando costansa e passiensa ferea, me leze e me scrive mando i me più mejo auguri de bone feste pasqualizie... Par rendare unici sti auguri ve regalo el particolarissimo (e semiblasfemo) bilietin de auguri che Dino Durante me ga mandà l’ano prima dela so partensa.... Cussì gò anca l’ocasion de ricordare un Grande Amigo! ... BONA PASQUA A TUTI!!!!!
(putropo l’imagine intiera jera massa pesante... ecove un particolare)
LEGGI I COMMENTI (4)
-
PERMALINK
mercoledì 4 aprile 2007 - ore 07:35
BARZELETINA PAR EL TERSO SESSO!!!!
(categoria: " Vita Quotidiana ")
Areo in volo sora Chicago (tanto par restare in argomento). Ore tre de note. Nel silensio generale un recion-ghei taca ronpare le togne al amigheto sentà darente:
- Amove, tesovo, ti desidevo avdentemente.. go cussì tanto vollia di possedevti e di tanburarti il didietro-sedere-culo che mi incoconevei anca el buso del seciavo.... Fami fave l’amore, dai, dai, dai –
e cussì disendo taca pestugnare par tera:
- Ma cavo, cossa dici??? No vedi che cè zente??? Anchio vovei sentivti tuto dentvo ma no si può....
– E dai, amove, - insiste el porseon – che tuti dormono del quavta.... Anzi cavo faciamo una prova.... – E dito fato el e alsa se varda torno e taca criare:
- Scusatte amissi... cè qualcheduno che può davmi una sigaveta????- Silensio de tonba... tuti dorme..... Alora el secondo recion-cula-ghei, se decide: i do se incoata in mezo ai sedili e i taca na tanponada anale violenta che va vanti tuta la note.... Benon, matin drio l’aero riva a Chicago (ma digo come e fa metarghe ome a na cità un nome cussì?: sarìa come se a un putin se ghe metisse nome Magnamerda.... seto che belo: - Come te ciamito, caro? – Caoduro Magnamerda, par servirla!” ) atera, e smonta tuti conpresi i do fenocioni spanìi... L’ostess fa un giro de controlo e.... no se acorze miga che in meso a do poltrone sconto e tremante ghe ze Tonin Capusso dito Versa Sofegà??? – Mi scusi, sa.... – dise l’ostess che tra l’altro ze un toco de gnoca che no finisse più... do suche dela quarta, do cossate estreme.... scusè mi sono fato chiapare la mano.... – non si sente bene??? – No me sento ben no, ostregazza porca e ludra – risponde Tonin – ze da stanote che go un mal e testa terificante... – Podeva dimandare un gotto di aqua, una pastillia efervessente... bastava chiedere.... – riponde l’ostess...
– Ma zela drio schersare??? – salta su Tonin – par carità de Dio: stanote, cara ea, se ga alsa uno, ga dimandà gentilmente na sigareta. Nissun lo ga cagà. Però col se ga sentà uno lo ga guantà par el copin e ghe ga fato el culo come un pitaro, ansi na versa par tuta la note.... Cara sioreta, mi me so tegnù el me mal de testa, altro che bae!!!!
- Però, sto basso ze proprio un bel porseo!!! -
Dal libro "Qua no se inbarca cuchi!" de W. Basso Ed. Scantabauchi srl
LEGGI I COMMENTI (2)
-
PERMALINK
lunedì 2 aprile 2007 - ore 14:45
STRANE COPIE MODERNE!
(categoria: " Vita Quotidiana ")
E daghela co sti “dico”… Ormai la ze na solfa che no ga fine e pare che se no se cata na solussion par regolamentare le copie più incredibili no se possa più vìvare; mi sta esigensa no la capisso: na volta, in Veneto, le copie tipiche gera formae da do esemplari umani normalmente diti Bepi e Maria. Bepi gera un slandron onto, bon da onbre, dal’ocio cativo, de natura sospetoso e tegnoso e dale man che sfritegava co gnente. Maria la gera na siora co le tetone da vaca Simerdal, mostacioni folti, co la schina da sachi che, in religioso silenzio, governava i armenti, faceva da magnare, giustava i calseti e de note sotostava malvolentieri ale voje de Bepi el quale assai poco romanticamente pena butà in leto sigava; “Maria, cagna dal porco, vóltate che te dòparo!”. Se la fémena se rifiutava de voltarse l’omo la doparava in retro e poiché no gera gnancora sta proietà el filme “Ultimo tango a Parigi” Bepi no conosceva l’uso sessuale del butiro e par Maria i gera dolori… In più se la se lagnava la se guantava in sora del conto anca na rata de papàvare sule zenzive … Eco, nialtri veneti dissendemo pressoché tuti da copie de sto gènare che desso pare passae de moda: eco difati le copie “slargate” (tipo quela che podarìa vegnere fora da una union tra Giuliano Ferara dito Folpo Grosso e Iva Zanichi dita la Luja de Ligonchio… Pensè nel caso de prole che rassa de vedeoni vegnarìa fora!) Opure le copie fate tra na cosideta atrice e un cosideto atore, che prima de andare in comune onde maridarse civilmente fa sù un contrato miliardario da impugnare in caso de “rotura matrimoniale de togne” o “dulcis in findus” le copie (ormai numerosissime!) tipo quela fata da Dolce e Gabana i do stilisti originari de Sodoma e Camora…. (anca nel Camposampierese ghe ze do stilisti de moda del génare… I se ciama Brutomalmesso & Malvestio)… A sto punto mi che de natura sò riflessivo (specie quando gò in corpo un poche de onbre rosse) me sorge spontanea na riflession: quando qualchedun ve dirà che èssare ghei ze normale no stè credare…. No ze assolutamente vero. Se cussì fusse Dio quando ga crea el mondo invesse de fare Adamo e Eva el gavarìa fato Adamo e Bepi. Finisso co na dichiarassion un gran ato de alta democrassia: mi dei ghei no gò gnente da dire anca se na roba me seca… e cioè che i ze òmeni che spesso se diverte ale nostre spale!
LEGGI I COMMENTI (4)
-
PERMALINK
sabato 31 marzo 2007 - ore 12:29
MISSION PENA FINIA!... SFIORA’ LA MORTE!!!!
(categoria: " Vita Quotidiana ")
Semo rivà casa da na mission talmente ris-ciosa e conplessa tuti in posission verticale e questo ze un risultato su cui nissun gavaria scomesso... Infati ne risulta che el diretivo dei Servissi Segreti Italiani gavesse ordinà ben sete casse da morto in mogano fodrae de raso rosso par tuta la squadra che se ga mosso par salvare el mondo dala na teribile minacia nera cofà el carbon... No posso dirve altro par via che el capo se parlo me licensia... Posso dirve solo che pena che nei prossimi giorni la nostra mission verà resa publica da na emitente nassionale inte na trasmission che da ani bate tuti i record de odiens, ve contarò tuti i retrosena... anca i pià scabrosi... Unica roba su cui posso pronunciarme ze che le mission de 007 al confronto del nostra fa el stesso scalpore de na scoresa de un mussato!!!...
LEGGI I COMMENTI (2)
-
PERMALINK
martedì 27 marzo 2007 - ore 13:31
NOVA MISSION SEGRETA!!!!
(categoria: " Lavoro ")
E doman se parte par na misteriosa località europea par na inponente mission ultrasegreta... Co chi vago via?... no se sa anca se se poe imaginare... Cossa vago fare?... na inportante operassion pesseudo polissiesca.... Quanto resto via?... fin che gò finio, minimo tre jorni...
Comunque co torno vincitore dala pugna vi informarò... par adesso aqua in boca, parché la roba ze de intaresse nassionale e forsanco europea.... Desso vago dal mecanico a alestirme la Bas-mobile, sneto la fionda, me procuro le munission, overo i cogoli, e po’ sarà terore e morte!!!!... toh ciapa!
LEGGI I COMMENTI (5)
-
PERMALINK
lunedì 26 marzo 2007 - ore 14:00
TEMPO DE MERDA!
(categoria: " Vita Quotidiana ")
Luni n’altra volta.... porsea canaja, riparte na setimana da sbochi de sangue: fora el tenpo ze drio farghene ajo.. piove, no piove, tira bavesea, no tira bavesea... Forse tenpesta, forse nevega... Irei sò andà fora in paletò , bareta coe recire e savate co l’infradito cussì me sò anca lavà i piè.... Va ben calma a butiro: ve regalo na canta onta in tema tenpo de merda:
CO TO VENTOSEO CHE TIRA,
STA SBORASCA IN CULO...
MAGNARIA UN TOCASSO DE PAN,
UN RECION DE UA...
E NA MONA MINESTRINA CALDA!!!
.jpg)
Er mudanda.. cula mimetizà!!!!
LEGGI I COMMENTI (3)
-
PERMALINK
domenica 25 marzo 2007 - ore 13:06
NA BARZELETINA SPASSIALE, VA!!!
(categoria: " Vita Quotidiana ")
Gordon el stronauta
L’America ze tuta in subullio par la partensa del rasso che portarà Gordon, el stronauta, in te la luna. L’eroe, dopo on mese de isolamento, (sensa done, sensa vin, sensa fumo,) riva sula ranpa de slancio in mezo ala fola osanante (i mericani osana senpre tuto e tuti parché i ze dei grandissimi mone). Monta sol rasso e inissia el contegio ala roversa: - Meno sei, meno zinque, meno quatro, meno quatro, meno quatro... - Porca l’ostrica, se ga roto on zavajo e bisogna rimandare la partensa. On mese dopo se riprova. Riva Gordon (altro mese de isolamento), la fola osana e siga: - Gordon, Gordon, ip, ip, urà!!! - (senpre pi mone sti mericani!), monta sol rasso e inissia el contegio roverso...ma a meno do el relogio se incioda. Gordon desmonta manda in mona la Luna, el rasso, el popolo semo, e se da ala passa gioia: pincioni, bevue cofà na gorna e sigarete a volontà...riva el di dela partensa e Gordon ze inbriago cofà na cioca. La mojere, par salvarlo, se mete la tuta, el casco e monta in tel rasso al so posto. Stavolta tuto ben, el missile se invia e sparisse in mezo ala nubole. Essendo comandà da tera no ocorarìa tocare gnente ma la femana, curiosa cofà tute le femane vede on boton rosso e lo strucca. Chel can de Satana, el missile se ferma, se gira, ponta par tera e s’ inpianta intramezo al deserto. La femana svien e resta svanpia par oto di...a on serto punto la se sveja e la sente do man che ghe massagia le tete e na vosse che ghe dise:
- Sta calmo Gordon, sta calmo: tuto ben! El crepo in mezo le ganbe te lo gabbiamo stroppatto, e desso, co calma, siamo dietro a spenzerti zo i collioni!!! Occhei?
Beh, sio convinti desso che i mericani ze mone?
COMMENTA (0 commenti presenti)
-
PERMALINK
sabato 24 marzo 2007 - ore 17:40
NA GRAN SERATA!!!!
(categoria: " Cinema ")
Ieri sera a Limena gran sucesso par la seconda serata SGANASSA IN BARCHESSA... Un teatro pien, fodrà, ansi incalcà de zente in astinensa de risate ga acolto el grupo Bepi e Maria Show in te na nova performance: praticamente la serata jera dedicà ala satira dei programi tivù co proiession de tocheti dei programi EL GRANDE FRADEO, L’ISOLA DEI BAUCHI, PASSAPAROLASSA, SOTOVOSE e GHE ZE POSTA PAR TI... el tuto alternà a gag del grupo... Un sucessone co risate a nastro, sbatiman da spelarse le man anca parché i tosi no se ga sparagnà.... Ala fine serti jera in overdose de sganassade.... Conplimenti ai tosi!!!!!... e anca un pochi a mi!!!!
tipica ovulassione che conpagna i spetacoli de Bepi e Maria Show
COMMENTA (0 commenti presenti)
-
PERMALINK
> > > MESSAGGI PRECEDENTI
[ SONO OFFLINE ] 