Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27793 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
sabato 24 febbraio 2007 - ore 17:18
DEL COME VIVACISARE UN RAPORTO STRACO E FAR SIGARE LA MOJERE!
(categoria: " Vita Quotidiana ")
MATERIALE NECESSARIO:
na mojere in calda, un baratolo de Nutela da chilogramo, na grandissima facia de tola.
ESECUSSIONE:
Si chiapa la mojere la se despoja nuda e la se sgiaventa intel talamo nussiale o torara. Indi e possia si dicce:
- Cara spettami quive volliosa che ti o aparechiato na sorpresa di quele grande, ma che dico grande, universale...
Se va in cusina e ci si arma del bussolotto de Nutela e se ritorna in càmara co el tuto dietro la schina. Si dicce:
- Cara sara i ochi che fra un poco ti fasso sigare da sbregarti le tonsile...
La dona sararà i oci e par un riflesso condissionato verzarà le ganbe e atenderà ansiosamente. Vialtri tociarì le man drento el busolotto e tacarì onfegarla tuta de cicolato partindo dai ochi, dala bocucia di rosa (?), dala sbèssola par rivare pian pianelo sule suche (o suchete a seconda del caso), po più zo sula panza e bunigolo, par finre sula fritela umana e le cossate possia anuncerete orgoliosi:
- Cara verzi li ochi e osserva... - e co fare baldansoso andarì a snetarve le man sule coltrine da un milion...
Assisterì a na sigada mostruosa che nel novanta par sento dei casi durarà tuta la note!!!
LEGGI I COMMENTI (6)
-
PERMALINK
sabato 24 febbraio 2007 - ore 10:26
TUTI I PADOVANI CONCORDI: "EL TRAN FA CAGARE!"
(categoria: " Viaggi ")
Su squasi 4000 padovani intevistaì solo 25 ga dito che "el tran ze na bea roba"... st’altro 3975 sirca ga dito "El ze na cagada fora dal bocae!" e qualchedun ghe ga anca zontà "porco qus e porco là!" Intanto "l’avveniristico mezzo transalpino" (sta roba ze scrita sul Gazetin) durante le prove, se ga scontrà frontalmente co na machina... Altra emoragia de porchi da parte dei presenti... Qualchedun più esplicito ga mandà in mona de so amia vaca tuti i politici padovani e qualchedun ga anca manda a fanculo Prodi (roba questa che va senpre ben!)... Sentiremo doman cossa ghe ne pensa el signor Papa che tanto romai ghe mete la boca su tuto... chea vaca dela Cioi!!!!
Umile popolano fortemente inpegnà nel tirare zo Gesù dala crose (in senso lato!)
LEGGI I COMMENTI (3)
-
PERMALINK
venerdì 23 febbraio 2007 - ore 12:07
TIREMOSE SU EL MORALE VA!!!!
(categoria: " Vita Quotidiana ")
Co se dise fortuna!
La signorina Catia riva in uficio co torno el corpo umano na pelissa de visone nova de balin... Mara la colega curiosa s’informa:
- Scusa cara come gheto fato a avere un simile gioielo de pelissa???
- Varda ze sta fassilissimo: ieri sera al bar gò incontrà un siorato. El me ga oferto l’aperitivo, po’ el me ga invidà a sena in ristorante de lusso e dopo me ga fato andare casa sua a brindare... Qua el ga verto un armaron grando senpre incalcà de pelisse. El me ga dito de seliere quela che me piaseva e ecola qua!
- Ma va!!!... no stà dirme che no te ghè dovuo fare gnente altro???
- Come no?... gò dovuo scursarghe le màneghe!!!
Potensa!
El médego dimanda al passiente:
- E alora, caro el me sior, come se càteo co el novo farmaco che ghe gò ordinà par l’insonia, overo le suposte-sonifaro???
- Bastansa puito, sior médego... vorìa solo dimandarghe un piassere: no’l ghe ne gavarìa miga de manco potenti?
- Par via???
- Par via che me seca un pranzo ("un pasto" in veneto) ciapare sòno col deo su par el dadrìo!!!
Sincerità
Tre amissi ze drio rajonare profondamente sula belessa feminile:
- Par mi, - dise el primo la roba più afassinante de na dona ze la boca: rossa, carnosa e morbida...
- No sò d’acordo, - controbate el secondo - par mi el punto fuocale dela dona-feminile ze i caveji: morbida seda, intenso colore...
- Vialtri de done no capi un bacelo, - aferma el terso convinto - el punto più inportante, el fulcro dela belessa ze i oci: scuri o ciari i ze el specio del’ànema, ragion par cui...
Su quela riva un quarto amigo:
- Vardè mi la penso come vialtri, punto par punto… L’unica difarensa ze che mi co conto balote!!!
Parlando de bestie
Un turista, rivà in un picolo paese de montagna, se perde via a parlare con un vilico del posto...
- Che belo sto posto: sole, tera, verde... ma vialtri de cossa vivìo??
- Sior, nialtri se ocupemo solo de bestie: d’inverno rancuremo piti, ànare, oche, cavare, piegore, porsei, vache, mussi e bò... e d’istà rancuremo i turisti!!!
COMMENTA (0 commenti presenti)
-
PERMALINK
giovedì 22 febbraio 2007 - ore 14:10
TROVA’ LA SOLUSSION: GOERNO TENNICO!
(categoria: " Vita Quotidiana ")
Eg risolto del problema del Goernabilità Italiana: metemo un Goerno de tennici: Aldo Busi, Platinette, Malgiolio, Cechi Paon, Gionatan e Er Mutanda, Masteloni... Cussì, visto che el nostro ruolo ze quelo de ciaparlo in culo, almanco a metarmelo sarà dei seri professionisti... tuta zente che sa ben come se fa!!!! Seto gnente che a qualchedun dei italiani magari ghe piase???
Presidente del Consilio (e principe del foro)
Ministri del Buso dele Finanse .. pensarà lu a stroparlo!
Ministri del Cave & Meti
Capo del Gabineto (difati el fa cagare!)
Ministro pae el Busoi del’Orzoro
Ministri dei Teste da Casso
Lussuria no lo/a go messo par orida superiorità!!!
LEGGI I COMMENTI (7)
-
PERMALINK
giovedì 22 febbraio 2007 - ore 13:41
ZE CAISTO EL GOVERNO PRODI!!!
(categoria: " Vita Quotidiana ")
Ze caisto (vosse del verbo "càdare") el Goerno Prodi... e mezo Parlamento ga esultà, come se ciò fusse na roba da tegnerse in bon... Ma digo mi, aldelà dele ideologie politiche (dele quali sò refratario totalmente, visto che me considero apartitico e forsanco anarchico spirituale!) ghe ze veramente da gongolare????... e de nialtri sitadini ghe ze qualchedun che gh intaressa calcossa?... Semo in na situassion de merda, co rispeto parlando, no savemo più come fare par vìvare e ne toca védare i nostri cosideti governanti che mete davanti a tuto le careghe indove i poza i sgionfi deratani... La politica ze ridota a sproloqui dove uno insulta st’alro e viceversa: Prodi insulta Berlusca e Berlusca insulta Prodi... Se zonta inte la babele de monade i vari lecaculo nialtri come dei èbeti semo qua che varda e che scolta... Mi, giuro, ghe ne gò pieni i cojoni... Da oncò me goerno da solo e ale prossime elession sula scheda ghe scrivo: ANDEE’FARVE CIAVARE TUTI! ME GAVI’ ROTO I COJONI!!!...
LEGGI I COMMENTI (3)
-
PERMALINK
mercoledì 21 febbraio 2007 - ore 13:08
ROBE DA SBOCHI (de sangue)!
(categoria: " Vita Quotidiana ")
Tonin Fortaja ze cussì bastardo, ma cussì bastardo, che ogni volta ch’el va al cinema se mete el sombrero…
Mi da picolo gero za indipendente e savevo benissimo el valore dei schei… Infati a oto ani me sò conprà da solo la me prima bicicreta; gò fato grandi sacrifici riducendo drasticamente i aquisti de giornaleti onti, sigarete e superalcolici!
El Principe Vitorio Emanuele Savoia prima de tornare in Italia gera considerà un monarca… Desso, dopo i ultimi fati de cronaca, solo un mona!
Mi conosso uno cussì bon da gnente che no riesse gnanca a inprovisare na scoresa dopo na spansà de fasoli Lamon in tecia!
LA DEFINISSION SIENTIFICO-VETERINARIA
Porseo: cinghiale che ga fato la chemio!
LEGGI I COMMENTI (2)
-
PERMALINK
lunedì 19 febbraio 2007 - ore 18:13
E EL TRAN DERALIA ANCORA!!!!
(categoria: " Vita Quotidiana ")
Ahhhh.. ahhh... ahhhh....che estrema cagada el tran de Padova.... gnaca el spandiloame de Bepi l’Onto che ga sentoediese ani (el spandiloame, no Bepi!) ze cussì costante intel capotare, deraliare, scapussarse, brocarse, ronparse, fermarse, inciodarse... gnanca se lo gavesse inventà el mona de Calderoli (el quale ze possessore de na testa che lo magna gnanca i porsei, i piti o le formighe rosse) se gavarìa possuo fare un simile trabicolo... E desso? Gnente: se insiste e intanto i padovani se ronpe le teste come nose intrajandoae sule cancare de rotaie!!!! Consilio de canbiare el mezo co uno più sicuro.. sì un bel caro tirà da do robusti bò!!!!...
Questo lo vedo puito... el se deralia almanco se sa chi bastonare!!!!
COMMENTA (0 commenti presenti)
-
PERMALINK
domenica 18 febbraio 2007 - ore 14:22
SIRCA VENTI ANI FA....
(categoria: " Riflessioni ")
...Vegneva Padova el noto cantante Claudio Vila par farse sgorgare, a pagamento e in clinica privata, le vene del core intasae dal politriolo... I lo ga operà e el noto canterino ghe gà lassà le tàtare... I padovani ze stà felicissimi parché, la domenega drio, i ga possuo portare i putini in camareta mortuaria a osservare el famoso personagio, na volta tanto co la boca sarà, e sensa pagare el bilieto d’ingresso. Na grande ocassion par na giornata diversa e quindi ze doveroso, dopo tanto tenpo, ricordare sto omo che ga avuo la bontà d’animo de vegnere a defungere nela nostra amata sità. Par la cronica el reucio dela cansone al’italiana ga trato le ache (legi: ze morto) esatamente el 7 febraro del 1987... Pace al’anima sua!...Contenporaneamente, tramite mutua al’ospedale de Padova. se operava senpre ale vene del core anca me amigo Dino Durante el quale invesse sensa spendare un franco vegneva fora vivo e vegeto dale sale operatorie... Eco come va el mondo zente!!!!
.jpg)
Eco el noto cantante nel’esercissio dele sue stesse medesime funsioni, overo mentre tira la bocassa cofà un musso tisico e asmatico
LEGGI I COMMENTI (4)
-
PERMALINK
sabato 17 febbraio 2007 - ore 13:40
MA CHI CASSO ZEO STO QUA???
(categoria: " Riflessioni ")
Domanda che un pochi de giorni me bate in testa (e me scassa cojoni)... Ma no bastava in Italia tuti quei opinionisti del casso che parla par gnente e che sa tuto de tuto?.. Ocoreva proprio che tornasse in Italia el senpio de Oreste Scalzone e che anca lu se metesse a dire la sua come se a qualchedun ghe interessasse. quelo che pensa uno che manca dal’Italia da na vita .. Condanà, scanpà al’estero e tornà casa pena che ze decadui i termini de lege par l’aresto, qundi coragiosissimo coerente e bravo a menare la boca... i vari giornalisti che perde tenpo a intervistarlo?... Ma chel vada a cagare, va!!!!
LEGGI I COMMENTI (4)
-
PERMALINK
venerdì 16 febbraio 2007 - ore 19:04
PTRE S-CIAFONA ZAGHETO DISTRATO
(categoria: " Riflessioni ")
Ze sucesso davero a Aquila... un pretn spissengo e irrasssile ga sberlotà sule zenzive un zagheto reo de no èssare stà bastansa sguelto a sonare el canpanelo durante el spetacolo de cabarè dal titolo "la Santa Messa".. da ciò ne deduco el moto eclesiastico:
Ze da tanto che te lo digo:
perdona l’omo mona e un fià cativo...
Ma sel el bocia in ciesa ze savaton
mòlaghe de cassada un bel stramuson!
Cloro al clero
COMMENTA (0 commenti presenti)
-
PERMALINK
> > > MESSAGGI PRECEDENTI
[ SONO OFFLINE ] 