Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27793 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
martedì 18 aprile 2006 - ore 19:28
DOMAN VIEN FORA EL ME NOVO LIBRO!!!
(categoria: " Poesia ")
"VERSI & RO-VERSI" ze la me 48 publicassion... Quanto tenpo ze passà dal me primo libro "El manuae dela sganassada"!!!! Epure la contentessa che gò provà ciapando in man la prima copia no la gò più riprovà!!!!... Undese ani ze passà!!!!... Ormai sò vecio cofà el cuco!!!!
LEGGI I COMMENTI (7)
-
PERMALINK
martedì 18 aprile 2006 - ore 13:06
UNO ME GA SCRITO....
(categoria: " Poesia ")
Signor Basso
complimenti per il bellissimo blog che trovo quasi più interessante di quello di Morello... Vengo al mio problema: io sono innamorato come un tacchino di una ragazza prosperosa, con due tettone mondiali. La sogno di notte e nella foga della passione ho già mangiato due cuscini con relative fodere e con il pisello ho già trivellato tre stramassi di crine... Purtroppo la ragazza mi ignora e non vuol sapere di concederse alle mie brame... Ora io ho scritto diverse liriche d’amore, dove canto la mia sofferenza e ogni tanto tiro anche qualche solenne bestemmione. Sarebbe così gentile di pubblicarle (le poesie non le bestemmione)?
Dante Alighiero Noschesi
Egregio signor Dante
mi dispiace immensamente ma non posso accontentarla. Già la me stima par i cosideti poeti ze vicinissima alo zero assoluto, figurarse po quella par i infigà delusi (“infigà” in veneto sta per innamorato pazzo). Fassa na bea roba: el publica el libro (i pressi dele tipografie ze acessibili a tuti) e el ghe regala el volumeto a tuti queli che ghe stà sui peri. La cosa provocherà vomito di stampo gravidico e una carettata di porchi e resie e lei sarà contento e apagato. In quanto ala trivelassione dei stramassi co la tega la meta a disposission dei sercadori de petrolio. El podarìa ciapare un franco.
COMMENTA (0 commenti presenti)
-
PERMALINK
lunedì 17 aprile 2006 - ore 11:49
ONCO’ LA VEDO CUSSI’
(categoria: " Riflessioni ")
Pena de morte
Ultimamente se fa un gran parlare de pena de morte. Mi, come tute le persone sobrie e par ben sò contrario... No del tuto ma par un bon 97%.
Come mai no del tuto?
Ze presto dito: go osservà vardandome torno co atension che ogni sentenaro de persone ghe ze minimo un tre par sento che starìa ben nel’aldilà. Ve fasso un esempio: ciapando i personagi televisivi almanco sti tre qua no vorìa più vèdarli: E. Fede, M. Costanso e G. Ferrara.
Quindi se in italia i metesse in funsion la carega leletrica sti tre i sarìa i primi che sentarìa sora... Me corego: par Ferara più che la carega leletrica vedarìa ben el divano leletrico. Par ovie razon de stassa.
Pensandoghe ben so sti casi sarìa più par na sana prevension futura. Quindi per cui so favorevole al 97% anca al’aborto. E no par la salute dela mama ma par salute del popolo de cui, purtropo, fasso parte...
Scoop incredibile: pochi sa che el teribile tsunami de do ani fa ze sta provocà dal’orendo spantasson che grassie a un tufo ga fato spassorare (legi "traboccare") l’oceano!
LEGGI I COMMENTI (5)
-
PERMALINK
domenica 16 aprile 2006 - ore 10:56
PASQUA IN ALEGRIA!!!!
(categoria: " Riflessioni ")
El misterioso pissadore
Dopo na potente nevegada Re Artù decide de andare fora dal so castelo par na potente batuta de cacia... El se fa pareciare armi e cavalo e co ze tuto pronto el fa sbassare el ponte levatoio e parte baldansoso.... Ma come ch’el riva in mezo ala canpagna no’l vede miga in mèzo ala neve candida na scrita oribile tracià col pissin umano: el se avissina e vede scrito: "Viva la mona dela mia Regina!"..
Orca bestia sassina el re taca sgrisolare i denti, rancura un poca de neve co la scrita e torna furioso drento el castelo... Qua el ciama el mago Smerlino e taca criare:
- Vojo vendeta, vojo el nome del càncaro bosegato che ga svù el corajo de insultare la mia legiadra consorte pissando sula neve... Te dago do giorni de tenpo, mago dei me stivali: , va esaminare sul posto, analisa la pissada, fa el test del dienea e dime chi ze el responsabile che vojo frustaghe le rece finché ghe le riduco a tajadele... o deto.... cori analizare cofà un can da lièvori e torna quive col nome maledeto fra do dì.... -
El mago core, analisa, va fare un sopraluogo sul posto del misfato, ansi pissfato, e dopo i do dì torna molo molo co un folieto in man..
- E alora finalmente posso savere chi ze el schifoso che ga ofeso la mia signora nonché la tua regina?... presto dime che ch’el ze sta figura porca! - Eco Sire... gò el risultato qua... ansi do risultati...
- E alora malnato de un mago, - siga Artù spasemà - parla bestia, che vojo savere tuto!!!
- Eco Sire... - risponde tremante el mago - el pisso ze de Lanciloto... ma el strano ze che la caligrafia risulta quela dela regina!!!
LEGGI I COMMENTI (4)
-
PERMALINK
sabato 15 aprile 2006 - ore 16:17
QUESTA ME PIASE!!!
(categoria: " Riflessioni ")
Spagna encantadora, stadio incalcà de zente che varda la corida. A un serto punto da inamèso la calca se alsa in piè un sior, grando e grosso e co l’ocieto cativo che taca sigare:
- Io ce cago e ce pissio sul toro, sul torero, su i picadores e su todo el pueblo manco a chel honbre là in fuendo vestido de blanco!!! - Tuti tase, conpreso l’ometo vestìo de bianco... Dopo un tocheto stessa scena. L’omasso se alsa e taca criare:
- Io ce cago e ce pissio sul toro, sul torero, su i picadores e su todo el pueblo manco a chel honbre là in fuendo vestido de blanco!!! - De novo silensio de tonba... L’ometo vestìo de bianco ciapa corajo e dimanda co un filo de vosse:
- El me escusa segnor, porché lu vole smerdotar e spissotar todo el pueblo, i picadores e anca el toros pora bestias, manco che mi?
- Porché co ti me pulisco el cul, fiol d’on cabron dal puerco e fora!!!
Torero: un becaro vestìo da culaton!
COMMENTA (0 commenti presenti)
-
PERMALINK
venerdì 14 aprile 2006 - ore 13:41
DOMANDA ESISTENSIALE
(categoria: " Riflessioni ")
Ma el mileganbe chel gabia sinquessento cassi e mile cojoni???
.jpg)
LEGGI I COMMENTI (7)
-
PERMALINK
giovedì 13 aprile 2006 - ore 18:55
FILOSOFIA SPICIA!
(categoria: " Riflessioni ")
In ogni conpagnia de amissi ghe ze de norma un mona... Osserva ben la to conpagnia: se el mona no te riessi a individuarlo taca preocuparte!!!!
Esenpio eclatante de facia da mona... Ad onor del vero Walter Basso nel 2001 ga atribuio proprio a Butilion el prestigioso premio "MISTER FACIA DA MONA DEL’ANO"
LEGGI I COMMENTI (6)
-
PERMALINK
mercoledì 12 aprile 2006 - ore 15:56
SCOLTA QUESTA!!!
(categoria: " Vita Quotidiana ")
Bone maniere
Toni Bragheto ze un timido. Ansi un mona. Par èssare più precisi un mona timido. No’l conosse nissun de inportante, no’l ga na tosa, no’l ga amissi... Ogni tanto na conpagnia de tosatoti se lo porta drio in pisseria par torlo par el sèsto e proprio na sera de queste Toni Bragheto ga la so gran ocasion. A metà pissa ghe scanpa da pissare, (?) quindi va in cesso e che se catelo davanti?: Berlusca in persona!!!... Toni se presenta tuto timido e taca fifotare: “Cavaliero, el me fassa un piassere... mi sò Toni Bragheto, sò un poro can, tuti me ride drio, me toe par el sésto... el me juta... Có tornemo in sala el fassa finta de conóssarme... el vegna saludarme... che cussì anca mi gò el me momento de gloria... Giuda can porseo loamaro!!!”... Berlusca se comove (ansi pensa a un voto in più) e dise che lo contentarà... Finìo el servissio i do torna in sala e Toni speta el so momento... Infati dopo pochi minuti el Cavaliero del’Apocalisse se alsa e se invia verso Toni sigando a pien buso. “Ma mi consenta... lei è Toni... Toni Bragheto... mi consenta, carissimo e mi riconsenta!!!” e el ghe cassa na man sula spala... Al che Toni sensa gnanca girarse siga: “ Ciò Silvieto, toco de mona, quante volte gò da dirtelo de no rónparme le tole có so drio magnare!?! Ostregassa porca!!!
LEGGI I COMMENTI (4)
-
PERMALINK
mercoledì 12 aprile 2006 - ore 00:05
FRA POCO RIVA "LA SGANASSADA"
(categoria: " Accadde Domani ")
Ancora un meseto e dopo la sarà in tute le più mejo edicole!!!
LEGGI I COMMENTI (5)
-
PERMALINK
martedì 11 aprile 2006 - ore 21:16
ULTIMA ORA!
(categoria: " Pensieri ")
Ze proprio vero che la note porta consilio... anca a ex Presidente del Consilio... Infati dopo la sonadina (picola sonada) ciapà ieri ale elession Berlusca ga rifletuo atentamente e ga capio che ala fin fine i comunisti ze un fiatin cojoni, ma poco poco... i più anca sul fato che i magna i putei.. beh, insoma... no ze che proprio proprio i ghe ne magna tanti... ogni tanto qualchedun rosto... ma proprio ogni tanto... e po’ i boce, sti càncari, un poco se la serca: che no i stà mai fermi!!!! Ala luce de tuto ciò el Berlusca ze rivà ala conclusion che, par el ben del popolo, se podarìa anca governare insieme... ala fine cojoni e teste da casso insieme podarìa fare grandi robe!!!... Quindi corajo: la serie "Berlusconi trasformer" presto gavarà un novo personagio: BERLUSCONI CONPAGNO!!! e la Casa dele Libertà deventarà CASA DELE LIBERTA’ COMUNISTE.... Naturalmente el novo Presidente del Consilio dovarìa essare lu... Desmentegavo: le schede sarìa oportuno che le controlasse so mama!!!
COMMENTA (0 commenti presenti)
-
PERMALINK
> > > MESSAGGI PRECEDENTI
[ SONO OFFLINE ] 