Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27794 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
lunedì 23 gennaio 2006 - ore 18:49
DILEMA RELIGIOSO
(categoria: " Riflessioni ")
Ze tre dì che ghe filo drio: ma se el Papa col more e el riva de là se inacorze che Dio no esiste, saralo bon de convinsare i morti che Dio ze de quà???
Me scuso ma la giornada de oncò ze dedicà ale rflession inteletuali... D’altronde mi sò un creativo e quindi no posso ASSOLUTAMENTE lavorare de brassi... oltretuto no sarìa dignitoso... El problema ze co me mojere. No sò bon de farghe capire che quando mi sò in piè davanti ala finestra drio vardare fora mi sò drio lavorare!!! Mah...
Comunque insieme co Fred de Bepi e Maria Show go butà un testo par un schec da fare insieme in ostaria che ze na bonba!!!
COMMENTA (0 commenti presenti)
-
PERMALINK
domenica 22 gennaio 2006 - ore 12:08
SENA CO S-CIAPO DE ARTISTI
(categoria: " Pensieri ")
Ze stà interessante catarse ieri sera in passa 100 persone, co le ganbe soto ala tola, par festejare l’Oco 2006, el me almanaco umoristico... Raramente se poe ingrumare inte na unica tola un insieme de prsone come mi, Moreno Morello de Striscia la Notizia, Fred de Bepi e Maria Show (Grande Fradeo, Isola dei Bauchi, Camerà Brulè), Free el disegnatiore uficiale mio, L’atore Andrea Bordin, e i sinpaticissimi Kicco & Mike, cabaretisti de primo ordine... Naturalmente quasi tuti co relative morose o mojere... Posto sielto l’otima"Trattoria LA CAMPAGNOLA; indove tra na monada e st’atra se gavemo abufà cofà porsei da grassa... insoma na spece de Zeling Onbre & Poenta che ga divertìo e che ne ga dà gran sodisfassion... .. Purtropo gò parlà poco de sesso ma me rifarò la prossima volta!!!... Tornando casa un bon 10 % dei ospiti grassie al tasso alcolico ale stele, ze pionbà in vari fossi dove se ga giassà bronbi e ciape!
LEGGI I COMMENTI (3)
-
PERMALINK
venerdì 20 gennaio 2006 - ore 17:58
SOS per Emilio Fede
(categoria: " Riflessioni ")
El porocan de Emilio ga afermà che se ale prossime votassion vonse i comunisti el va in Francia a farse fare el trapianto de facia... Ghe ze qualcuno che se ofre come donatore de culo????
LEGGI I COMMENTI (2)
-
PERMALINK
venerdì 20 gennaio 2006 - ore 15:41
COME DESBRATARSE DALA FORFORA UMANA
(categoria: " Vita Quotidiana ")
Carissimi amissi, presenti e lontani, giungo a voi con queste poche righe per farvi sapere che io sto bene e così spero di tuti voi e famillie…. Scusate mi sono inconfusionatto…Prendo ato dela mostruosa capela e passo testè a ilustrarvi le mie conclusioni co relativa cura miracolosa per il problema che stà intanagliando tuto il popolo umano… Parlo dela forfora che la quale essa par cui e indi sarebe quela specie di formaglio grana-pincione grattugiato che cade dale scavejare ludre, onte e spussolenti e si posa lieve lieve, sta bruta villiaca, sule giachete… Atensione a no fare confusione co la “tortora” che invesse putacaso no c’entra na minchia essendo essa un nobile ucelo volatile che stando pozato co i piè sora i fili dela luce leletrica tuba come un mona. Preciso, par dimostrare la mia enciclopedica e variegata cultura, che il”tortoro” overo il mas-cio, è l’ucelo che tronba manco in assoluto. Questo parché quando va in calda, overo a la spissa erotica e serca una ucela-femina da oturare sessualmente si sente sempre rispondere: “Tu… Tu… Tu…” che vol dire che l’ucela è ocupata e quindi disdegna frivoli e peccaminosi raporti sessuali.Che oltretutto la Chiesa condana. Anca nel caso del monsignor prete Milingo. Sto sacrilego e pomicione. Pussa via fornicatore e loamaro … Torniamo in tema e ala cura che io medesimo in persona spotica o inventato dopo lunghi, soferti, noturni, diurni e pomeridiani nonché serali studi. Alora la cura taca al luni lavandose la suca co aqua e na lossion verde fata struccando un chilo de ortrighe in un goto de aqua. Al marti la lossion ga da essare rossa otegnua sguaratando dentro na tassina una balotta di ovo galinaceo col sucaro…. Mercore lavaggio co lossion blu fata svodando na pena biro dentro mezo litro de aqua. Zoba se canbia tinta: se desfa un petoloto canino sul solito mezo litro de aqua otegnendo cussì na spalteca maron. Venare aqua pura par la tinta bauca overo neutra. Sabo se finissa col colore zalo overo lavando el cuoio capeluto co na pissada del vecio nono. Se gavì el nono diabetico mejo ancora: essendo el pisso incalcà de sucari la vostra peociara trarà sicuro giovamento… Sta cura ga da durare almanco tre setimane: dopo questo lasso de tenpo la forfora dovarìa, almanco teoricamente, essare sparìa. Nel caso invesse la gavessi ancora stè contenti: podarì verzare na fabricheta de scuriandoli variopinti a costo zero!!!…E tuto questo grassie ala mia scoperta che al confronto Cesare Regassi che pianta i peli de pantegana co la subia in testa ai passienti in piassa ze na cacoleta de mosca stitica… Vanti col cristo che la procession se ingruma….
COMMENTA (0 commenti presenti)
-
PERMALINK
[ SONO OFFLINE ] 