BLOG

Messaggio di Valelapena da commentare:

Che se sia lontan o vissin
‘sto mato estro montebaldin
Ma fato compor na poesia
su ‘na gran maltratada : la scoresa vestia.

‘N’urtada traditora
l’a’ ta fato vegnar fora.
Ti, trasformassion misteriosa
Ma, permetame, anca un poco spussosa.

Con un bel ciufo de peli tacado
e un bafo de merda spiansado
veloce e subdola come ‘na spia,
mi te saludo, scoresa vestia !

A olte te si timida e riservada,
te te nascondi de drio a ‘na cagada
par vedar la luce del mondo
che par ti l’e’ un cul belo tondo.

Ala gente te ghe’ lassi el cul imbrombega’
i te maledise, chela che ta caga’.
E mai i g’a’ avu’ piu’ reson
de dirtelo come in ‘sta ocasion !

Sensa rumor e sensa preaviso
te ghe lassi nelle mudande un bel sfriso
co’na sensassion de caldin la soto
che te ghe fe rimpiansar anca el cagoto

Te si la danassion de veci e de butine,
de pitochi, de professori e de regine
che quando te ghe la fe’
i se infufa tuti quanti asse’.

E no ghe resta che tirar un par de rachete
e de corar a ciape bele strete
al cesso piasse vissin
par strusar via el to bel ricordin.

Che in verita’ l’e’ difiçile da cancelar,
parche’ alla gente te ghe’ vol ricordar
l’aspeto passuo della to facia:
te si proprio na bela macia !

Maronsin l’e’ na strana tinta
el color de la merda finta.
E anca ben un po’ sbiadia
ti te vivare’ in eterno, scoresa vestia.

E adesso, anca se no l’e’ creansa
permetame de desgropar la pansa
ma con ‘n atension bela grande
de no imbratar le mudande,

Parche’, scoresa vestia, si ben t’o’ cantada,
l’e’ mejo na gaiarda e sana cagada.
E, a dir el vero, no go voja de sorprese
ma solo de tirar do sane scorese.

Te saludo sensa antipatia,
ala prosima olta, scoresa vestia

ATTENZIONE:
Per commentare questo BLOG
è necessario essere iscritti
alla community di www.spritz.it

COMMENTI:

NESSUN COMMENTO DISPONIBILE