BLOG

Messaggio di shadow979 da commentare:

Vin crinto

Cossa sarìa sto vivare
se el crinto no ghe fusse?
un cumulo de russe,
na perla svalutà.

Invesse on dono magico
ne ga fornìo natura:
col fredo o con l'arsura
ristoro la ne da.

El vin compagna intrepida
la nostra vita intiera:
che mai no vegna sera
se nol se ga gustà

L'aiuta ben a cressare
l'è el late dei alpini,
sangue dei contadini,
forsa del murador.

Chi un tenpo xè stà zovane
adesso se consola
bagnandose la gola
con un goto de quel bon.

El vin l'è el pì infalibile
rimedio a tuti i mali:
no serve li ospedali
a chi lo sappia usar.

D'inverno con la brosema,
du goti de bon crinto
e 'l fredo vien respinto
e nol tormenta pì;

d'istà, col caldo sòfega
e a stento se respira,
roversa via la bira
e serca el crinto san.

Cavà dal frigorifero,
o fresco al naturale,
l'è sempre madornale,
al pari del brulè.

Resta par mi la càneva
El posto prediletto:
ghe metarìa anca el leto
par vivar sempre là.

Oh, fortunà chel Diogene
Che ga abità na bote :
altro che dirghe tote!
filosofo l'è sta.

Vedòi, tinassi, cànole,
bóte, fiaschetti, lore
le ghe darìa splendore
anca al salon dei re.

E quando el vin ghe mormora
Vien profumà la stansa:
pi morbida fragransa
al mondo no ghe xè.

E lora profitémoghe
fin che la vita dura:
de meio la natura
no ga savesto dar ;

e femo un grande brindisi
coi nostri goti pieni,
par vivere sereni
par mile ani ancor.

ATTENZIONE:
Per commentare questo BLOG
è necessario essere iscritti
alla community di www.spritz.it

COMMENTI:

Autore: shadow979
( martedì 30 novembre 2004, ore 10:45 )

Trovato, l'autore de sti versi ze: Galdino Pendin.

Autore: shadow979
( mercoledì 24 novembre 2004, ore 21:14 )

mi sono commosso ank'io ma purtroppo nn sono io l'autore.....ho fatto un foreward solamente

Autore: joker79
( venerdì 19 novembre 2004, ore 09:52 )

Stupenda...mi sono commosso!!!!!
Ma ki è l'autore?
Propongo una statua.

Autore: Ale79PD
( mercoledì 17 novembre 2004, ore 15:57 )

da dove arriva questa ode????
Aggiungo la mia
'Bacco perbacco
la luna è nel sacco
il vino è in cantina
gran dottor chi l'indovina'