San Valentìn el trionfo del’amore, la sagra dei ciocolatini, el tripudio dei fioristi, la tredicesima dei orefici, insoma, de ’sti tenpi de magra, un problema in più. Ma par capire ’sta festa bisogna capire "l’amore" e qua scumisia le rogne. Convien alora domandare a che che gà pi esperiensa: i noni per esenpio! E subito riva la sentensa: "Pansa , tosse e amore ze le tre robe che no se poe scordare". Ma cossa zèo ’sto amore? Ze fadiga capire el senso de ’sta parola, anca el vocabolario el definise la parola ma no la spiega. Che la sia ’na malattia? Un virus contagioso? ’Na volta se diseva "L’amore ze come un buso sui calseti, pi che te ghe pensi, pi grando el deventa". El primo passo del cortegiamento ze la ociada: "Se l’ocio no mira el cor no sospira". Le ociade tipo schermografia, le se faseva ala sagra, ale giostre, al marcà, desso invese in discoteca col scuro te toca ’ndare a palpo e la ociadina za dentà palpadina. Poi se passa ai primi apuntamenti co tuto el menù de cocoessi e basi, parchè se sa che :"L’amore sensa basi, ze come el pan sensa sale". Na volta ghe gera varie posibilità de imboscamento: drio el punaro, sora al granaro, in mezo al campo de formenton, dentro al pajaro...Desso che ze el "pajero" fuoristrada ma la sostansa ze la stessa. E po’ ’na volta entrà in casa, moroso uficiale te tocava ’ndare in giro senpre conpagnà da un parente o dal fradeo pi picolo, in pratica ’na spece de anticocesionale. Comunque basta poco, anca deco, par conquistare la femena, un pochi de cocolessi, e de frasi gentili, parchè "Vae pi ’na giosa de miele che ’na damigiana de aseo". Opure se poe doparare la tecnica dela mama, cortegiare la madre par cucare la fiola:"Chi vol la saresa sbassa la rama, che che vol la tosa basa la mama!"
Le bronse querte
ATTENZIONE:
Per commentare questo BLOG
è necessario essere iscritti
alla community di www.spritz.it
COMMENTI:
Autore:
GothicLady ( domenica 12 febbraio 2006, ore 17:46
)
purtroppo non si può cancellare nè l’amore nè il dolore.. amare molto equivale a soffrire molto, ma la sofferenza più grande è negare l’amore..
San Valentìn el trionfo del’amore, la sagra dei ciocolatini, el tripudio dei fioristi, la tredicesima dei orefici, insoma, de ’sti tenpi de magra, un problema in più. Ma par capire ’sta festa bisogna capire "l’amore" e qua scumisia le rogne. Convien alora domandare a che che gà pi esperiensa: i noni per esenpio! E subito riva la sentensa: "Pansa , tosse e amore ze le tre robe che no se poe scordare". Ma cossa zèo ’sto amore? Ze fadiga capire el senso de ’sta parola, anca el vocabolario el definise la parola ma no la spiega. Che la sia ’na malattia? Un virus contagioso? ’Na volta se diseva "L’amore ze come un buso sui calseti, pi che te ghe pensi, pi grando el deventa". El primo passo del cortegiamento ze la ociada: "Se l’ocio no mira el cor no sospira". Le ociade tipo schermografia, le se faseva ala sagra, ale giostre, al marcà, desso invese in discoteca col scuro te toca ’ndare a palpo e la ociadina za dentà palpadina. Poi se passa ai primi apuntamenti co tuto el menù de cocoessi e basi, parchè se sa che :"L’amore sensa basi, ze come el pan sensa sale". Na volta ghe gera varie posibilità de imboscamento: drio el punaro, sora al granaro, in mezo al campo de formenton, dentro al pajaro...Desso che ze el "pajero" fuoristrada ma la sostansa ze la stessa. E po’ ’na volta entrà in casa, moroso uficiale te tocava ’ndare in giro senpre conpagnà da un parente o dal fradeo pi picolo, in pratica ’na spece de anticocesionale. Comunque basta poco, anca deco, par conquistare la femena, un pochi de cocolessi, e de frasi gentili, parchè "Vae pi ’na giosa de miele che ’na damigiana de aseo". Opure se poe doparare la tecnica dela mama, cortegiare la madre par cucare la fiola:"Chi vol la saresa sbassa la rama, che che vol la tosa basa la mama!"
