(questo BLOG è stato visitato 27791 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
Tuesday, June 03, 2008 - ore 17:37
DEL COME DESTRATARSE DELE ZANZARE CO MODICA SPESA E GRAN ASTUSSIA
(categoria: " Vita Quotidiana ")
Che le zanzare sipia dele grandissime ronpitogne no ghe ze onbra de dubio... Che sia difėssile coparle ste schifose ze ancora pių fora de dubio: i zampieroni (sarėa quele spiralete spussolenti che se inpissia e intōssega tuti: ti, to mojere, to fili, el can el gato... fora che el maleducato inseto) no serve a gnente... come no serve a gnente la armi bateriologiche e chimiche: machinete a ragi ultraviolenti, quele col richiamo del mas-cio pincion, quele che sprigiona gas tossici che al confronto el gas nervino ze parfumo de rose... Le armi mčjo quindi resta quele storiche: le savate, i s-ciafoni e le resie... Anca i pugnassi paraltro da ōtimi risultati... Comunque desso "sine qua non" (semo qua nialtri... plurale majestatis) co na idea rivolussionaria che canbiarā el futuro del mondo umano vitima del mondo zanzarifero... Ma inviamoci tosto col metodo.
Robe che serve:
1 Cāmara da leto inpestā de zanzare in quantitā (chi no le gavesse poe farse prestare quele del vissin de casa)
1 picola tola co quatro ganbe
10 picole carafete de vero
1 tovajeta
2 siringhe da prelievo (in caso de mancansa del’atresso se poe usare dele sanguete)
10 careghete eletriche de misura picolissima
El presente metodo sientifico parmete l’assassinio sistematico de 10 zanzare ala volta.
PROCEDIMENTO
1) Andare in bagno de sotignon, armai co le do siringhe o le sanguete e cavarse un bon litro de sangue dale vene umane...
2) Métare el pressioso liquido drento un bussoloto, scóndare le siringhe. Se gavė doparā le sanguete dopo averghe fato spuare fora el sangue a pugni in testa butele sul vater e tirč l’aqua...
3) Co fare indafarente tornarė in cusina dove sora la tola gavarė parecia la toleta picola co la so bela tovajeta e le so diese carafete in bela vista...
4) Desso fasendo atension che le zanzare che ze in cāmara no ve veda co na siringa travasč el sangue umano dal bussoloto ale carafete che inpienarė fin l’orlo...
5) Fato questo torno la toleta davanti a ogni carafeta posissionč le diese careghete leletriche che gavarė colegā su na savata leletrica che a so volta ze colegā co na presa corente a 220V... Desso tuto ze pronto par la straje zanzarifera...
6) Andč verso la cāmara disendo co vosse stentorea:
- Prego, signore zanzare, acomodatevi in cusina che sono pronto da bere... Sangue fresco di prima qualitā... Assagio gratuito oferto dal’AVIS... Prego, co calma... diese ala volta par piassere!!! -
7) Pena le diese sarā svolā fora dala cāmara da leto se sararā la porta e se farā comodare le schifose sassine a tola... Naturalmente le zanzare se precipitarā, se sentarā sule careghete leletriche, fregandose le man (?) e se fulminarā al’istante...
8) Co do dei se guantarā i cadāvari che vegnarā sgiaventā nela scoassara....
Ripetere le operassioni dal punto 6 finché la straje sarā conpleta. Bonasera a tuti.
LEGGI I COMMENTI (4)
PERMALINK
[ SONO OFFLINE ] 