(questo BLOG è stato visitato 8810 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
Sunday, July 13, 2008 - ore 18:50
Riflessin
(categoria: " Riflessioni ")
Sensa un scheo, i ga vossuo conprare la casa a tuti i costi Overo, due cuori e una caparra, basta inpissare el mutuo Con la crisi che ghe ze, el problema dela casa ze senpre pì pressante e ogni persona lo vive a modo suo. Ghe ze me cugnà che el se ga pena fato la casa nova , el ga vossùo farla tonda, parchè so suocera, quando la ga savùo chel se faseva la casa nova, la ghe ga dito. "Nea to casa nova, ghe sarà un cantòn anca par mi vero ?!". Po ghe ze le zovani copie, come me fiolo e so moròsa, par esempio. I ze sensa un schèo in scarsèa però i ga vossùo conprare la casa a tuti i costi. I ghe ga dà un picolo anticipo e, pal resto, i ga inpissà un bel mutuo. Se poe dire che i ze proprio "due cuori e una caparra"! I se ga conprà ’na casa cussì picola, ma cussì streta, che noi poe gnanca dare do man de vernise E poi ghe ze quei che preferisse ’ndare in afìto, ma coi afìti che ghe ze, squasi squasi convièn farse el mutuo. Come me cugnà, che el ga vossùo ’ndare a vivere da solo, singer par scelta... dèe done. Alòra lo ciàmo e ghe digo: "Varda Nane, combinassiòn, tacà casa mia ghe ze un apartamento libero, i voe 800 euri de afito". E ju el me risponde incanà come ’na bissa : "Ma vuto schersàre, 800 euri de afito?!". "Ma varda che i ze do locali più cusìna e gabineto!". "Va ben, ma no se podarìa miga fare sensa la cusìna e el gabineto?". "Ma come, vuto rinunciare ale minime comodità ?". "Sta tento, a ciapo 900 euri de stipendio, co ghe ne gò pagà 800 de afìto, no me ocòre più ne cusìna e gnanca el gabinètono magno e no cago !". E come se poe darghe torto ?. Dopo ghe ze anca quei che ga el problèma contrario, cioè i sgrandessòni che no ghe bada e, fin che noi trova un castèo, noi ze contenti. Me zio Bepi chel fa el butafuori precario partime in discoteca, el ze un esagerato de prima categoria. El se ga fato un apartamento de tremila metriquadri, pavimenti de coto, pareti in crudo, speck da par tutoproprio a do passi dal casoìn ! Comunque el problema del momento, queo dei mutui massa cari, ze presto risolto. Le banche ga inventà el mutuo "eterno" che se tramanda da pare in fiolo, de generassiòn in generassiòn. Cussì, anca el pensionato de setanta ani ,poe fare un mutuo de 40 ani e, in caso de morte prima del’estinsione, lo passa ai fioi. Cussì capitarà che, invesse de ciapàre in eredita schei e case, desso ne tocarà in eredità anca i debiti, se no bastasse quei che gavèmo za.
Le Bronse Querte
COMMENTA (0 commenti presenti)
PERMALINK
[ SONO OFFLINE ] 