|
|
|
PARANOIE
MERAVIGLIE
BLOG che SEGUO:
BOOKMARKS
(questo BLOG è stato visitato 16328 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
Friday, October 17, 2008 - ore 18:39
(categoria: " Vita Quotidiana ")
Anca st’ano ghemo pensà a chi manco ga, par vegnere incontro aéa miseria (però ghemo tuti fame e voja de magnare ben) e par fa grupo e star ben insieme se riscominsia dal poco.
Riscominsiemo a far de "Fiò nea me Tratoria".
Proposta del pomerigio de tuti i giorni dal Mercore aéa Domenega, che se poe anca dopo zugare a tomboéa o ciacoéare contarse poesie o storie o far de feri o imparare a far de maja (chi pì idee ga, pì méte, fasive vanti che el posto ghe ze):
- Torta fata in casa da nialtri pì cicoéata a voéontà (o capucin o te) a soéo € 4,50 al posto de € 5,40 verificabie dal nostro listin esposto.
Proposta par tuti i pransi e o sene dal Mercore aéa Domenega: - Zupa del dì, più affetato misto de saéumi o de formaj, più bibita a soéo € 9,00 al posto de € 11,70 verificabie dal nostro listin esposto.
- 1 Piato de gnochi abbondanti o un’altro primo del dì, più un dolse dea casa, più bibita a soéo € 10,00 al posto de € 11,90 verificabie dal nostro listin esposto.
Fàsive i vostri conti in scarsea e i schei che ve fasso sparagnare ze el me contributo par a benzina par vegnerme catare, se vegnì in 4 o 5 par machina a benzina a vien squasi a gratiss.
In maniera perentioria Ve digo che prima dovì avvertirme parchè podaria anca essare sensa gnochi pronti o sensa cicoéata, o magari son in vacansa, fora de ogni dubio teéfoneme o inviè email o vegnì de persona a prenotar.
El passaparoéa ze dovuo, podaria diventar ’na roba divertente.
