(questo BLOG è stato visitato 8479 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
Saturday, March 05, 2005 - ore 01:57
pulenta e galena fregia
(categoria: " Musica e Canzoni ")
Pulènta e galèna frègia e un fantasma in söe la veranda
barbèra cumé petròli e anca la löena me paar che sbànda...
cadrèga che fa frecàss e bùca vèrta che diis nagòtt
dumá la radio sgaffigna l'aria e i pensee fànn un gran casòtt..
L'è mea vèra che nel silenzio dorma dumá la malincunìa
l'è mea vèra che un tuscanèll l'è mea bòn de fa una puesìa
in questa stanza senza urelògg, bàla la fata bàla la stria
in questu siit senza la lüüs... che diis tucoos l'è dumá l'umbrìa...
RIT. E scùlta el veent che pìca la pòrta
cun in cràpa una nìgula e in bràsc una sporta
el diis che g'ha deent un bel regàal
me sa che l'è el sòlito tempuraal...
E scùlta i spiriti e scùlta i fulètt
che rampèghen söel müür e sòlten föe del cassètt
g'hann söe i vestii de quand sèri penènn
i ne vànn e i ne vègnen cun't el büceer del vènn...
E la candela la sta mai ferma e la se möev cum'è la memoria
anca el ràgn söe la balaustra ricàma el quadru de la sua storia uèll che ruva scià
ma tanti voolt la g'ha troppi böcc e l'è tuta de rammendà...
La finestra la sbàtt i all, ma la sà che po' mea nà via
e i stèll g'hann la facia lüstra cumè i öcc de la nustalgìa
in questa stanza senza nissöen, vàrdi luntàn e se vedi in facia
in questa stanza de un òltru teemp, i mè fantasmi i làssen la traccia...
RIT. E scùlta el veent che pìca la pòrta
cun in cràpa una nìgula e in bràsc una sporta
el diis che g'ha deent un bel regàa
me sa che l'è el sòlito tempuraal...
E scùlta i spiriti e scùlta i fulètt
che rampèghen söel müür e sòlten föe del cassètt
g'hann söe i vestii de quand sèri penènn
i ne vànn e i ne vègnen cun't el büceer del vènn...
COMMENTA (0 commenti presenti)
PERMALINK
