(questo BLOG è stato visitato 27793 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
Monday, June 05, 2006 - ore 14:07
CRONACA ORIBILE DAL’OBITORIO DEI MORTI
(categoria: " Pensieri ")
El terificante incidente
Dele volte de sera me piase vardare par la television i filme delorore e cioč queli indove se vede cadāvari putrefati che salta fora dala tonba cofā racolete e gira de qua e de lā perdendo i tochi e spaventando la zente par ben fin che el solito eroe sensa machia ghe sgiaventa na scortelā sul cōre e li rimanda inte la tonba... Tenpo indrėo me ze sta contā un fato de orore puro che ze sucesso davero e che par mi ze pių orendo de sti filme insulsi. Desso te lo conto. Alora, inte un spedale dela zona, na matina un vecioto tira le ache e defunge sbochesando... Bon, el cadāvaro vien parchegiā par la giornada fora dai gāngari, drento un sgabussin, e prima de note do infarmiere vien incaricā de portarlo in frigorėfaro, in obitorio. Cussė le guanta el defunto (una par le rece e una par i pič) che nel fratenpo ze deventā duro cofā un bacalā ragno e le se acinge a fare le scale par portarlo a dimora. Ma el poro can pesa maledetamente ( questo ze dovų ala nota lege fisica che dise che esiste tre sorte de pesi: el peso neto, el peso onto e el peso morto) e a un serto momento el ghe sbrissa a quela che lo ga guantā par le rece (o ghe ze restā le rece in man, no lo sō!) e de conseguenza el ghe sbrissa anca a quela che lo tien par i fetoni e cade de rodolon zo par le scale, fasendo un casin bestia e macandose garitoli, caice e zagolona. E sicome che le scale gera a chiociola, e lu gera duro come un bacalā, el sbate de qua e de lā, el se capota, el rinbalsa par finire co la testa drento el bidon dele imondissie e i pič par aria come na onbrela. Posission assai indecorosa par un onesto defunto in atesa del caro funebre. Le do pore tose le ga lavorā cofā musse par cavarghe el bidon e rimétarlo in sčsto, comunque dopo do ore el defunto gera drento el frigo come de norma. La matina drio el primo parente che ze ndā vedarlo ze ndā casa perplesso:
- Zo ndā vedare me barba Nane - el ghe ga dito a la mojere - poro can el ga da čssare morto rabioso. Prima de cédare el ga da vere lotā co la morte... el ze pien da pache dapartuto... Se vede proprio che nol voleva saverghene de morire!!!
Come esempio de terore puro gō messo la someja de sto omo qua....
COMMENTA (0 commenti presenti)
PERMALINK
[ SONO OFFLINE ] 