(questo BLOG è stato visitato 27793 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
Thursday, July 20, 2006 - ore 18:58
PENSIERI SUL MATRIMOMIO... MAH...
(categoria: " Riflessioni ")
La preghiera del béco parfeto
“Signore fasì che no sia béco...
se lo so fasì che no lo sapia...
se lo so fasi che no ghe bada...
Nota
La pararìa na tiritera mona in realtà contien na so inopugnabile logica. Il fato de èssare béco infati scatena reassion che va de solito dal turpiloquio ala resia acuta, dala depression più nera co pianti diroti par i cantoni, ala scortelà o s-ciopetà sul figà ai fedigrafi... Con conseguente arresto del béco e relativa condana. In sorapiù ghe ze anca i sberlefi dei càncari dei amissi del bar... L’anonimo poeta rurale elevando questa sua preghiera a Dio, invesse de porchesare a arco, denota un’animo filosofico, superiore, distacato. Dimostra anca, in ùltima analisi, de èssare un pocheto mona... No tanto, ma un pocheto sì...
Sul matrimonio: oribili ma veritieri
“ Matrimonio: maniera sinpatica par ciamare co n’altro nome i aresti domiciliari”
“El matrimonio ze la causa prima del divorsio”
“Anca el matrimonio d’intaresse ze un matrimonio d’amore... sì, par i schei!”
El matrimonio ze na caena cussì pesante che par portarla bisogna èssare almanco in tre”
“ Mi go partecipà a quatro matrimoni: tre come testimonio e uno come inputato”
“Do persone sposae poe benissimo andare d’acordo... l’inportante ze che che no i sia sposai tra de lori”
“El matrimonio ze come el ristorante: te ghe pena magnà e te sì za drio vardare sul piato del vissin!”
“Serti òmeni ga quelo che i se merita... st’altri ze da sposare!
“No podendo soprimere el sesso la ciesa ga vossuo almanco disinfetarlo... cussì la ga inventà el matrimonio”
Eco el mas-cio preferio dale spose italiane: "folpmen" overo l’omo folpo fodrà de man...
LEGGI I COMMENTI (6)
PERMALINK
[ SONO OFFLINE ] 