(questo BLOG è stato visitato 27793 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
Wednesday, October 18, 2006 - ore 16:12
RARA RAFINATESSA!
(categoria: " Pensieri ")
Marieta Bernardoni Tegheta nonostante el nome altisuonante ze ex agricola fiola de na fameja de soponi rumatera... Pare, mare e fradeo ga la stessa rafinatessa de un macaco del Borneo... Sta tosa ga conossuo un ragasso de bona societā el quale se ga inamorā perdutamente e vorėa conóssare i futuri suoceri prima de convolare a giuste nosse e stramassarse Marieta. La roba preocupa miga poco la tosa che dovarėa invidare el moroso in casa a na sena tuti insieme: i tre salvādeghi che conpone la so fameja ze abituai a ingossarse cofā porsei da grassa, porchesare, rutare e scorezare a tonfon. Ma el toso insiste e bisogna decėdarse a fare el gran passo.
Un poco in pensiero Marieta organisa el tuto: gnente menestra senō i tre tirarėa su come ponpe aspiranti, gnente fasoli par evitare bonbardamenti inconsulti, gnente pesse parché i tre no savarėa gnanca lontanamente da che parte cumissiare... In pių corso veloce de bon ton par evitare che coi pironi i se cava le cāmole o col tovagliolo i se supia el naso. Inoltre par garantire el totale sucesso dela sena i tre ga da osservare un totale silensio, cussė almanco in tola no svola resie e porchi... I tre aceta e vien fissā la data. El toso riva, se presenta e se senta a tola tra sorisi a trentadodenti e un silensio rispetoso fora dei modi. Solo Marieta parla e tuto pare andare par el verso giusto. El magnare ze bon e pian pianeto la sena riva ala fine.
A sto punto el toso dimanda gentilmente de poter andare in tualet. La mare se spaventa e desmentegāndose ogni avertensa taca dire spasemā:
- Marieta, par Dio, cori intel cagauro e despica i calseti de to pare che gō picā sul canon dela stua a sugare! -
El fradeo sentindo parlare de calseti se sente in dovere de dire la sua:
- A proposito de calseti, podarėa savere chi ze chel loamaro che ieri se ga snetā el dadrėo coi mėi da festa??? -
Al che el pare risponde:
- Mi no de sicuro visto che ze tre dė che no cago gnanca un stronseto inpetrio, porco qua e porco lā!!!
LEGGI I COMMENTI (1)
PERMALINK
[ SONO OFFLINE ] 