(questo BLOG è stato visitato 27793 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
Monday, November 20, 2006 - ore 18:13
QUESTA ZE NA BARZELETA STORICA ( e agricola!)
(categoria: " Pensieri ")
Vista curta ma naso bon
Sabo de sera. El moroso agricolo va a catare la morosa sopona a ora de sena cussė vien invitā a magnare in conpagnia. La sena luculiana (dopo capirė parcossa che ghe entra lu...cullo) taca co un sbroeton de minestra de fasoli e coe de radicio... se prosegue co un ālbio de fasoli in salata abinā a na farsura de fasoli lamon al’oseleto... Naturalmente polenta a volontā. Come carne riva do fetone de salado de spessore oto sentimetri in crema de fasoli. Par parare zo el tuto onbre de grinton che se poe tajare col corteo. Ala fine formajo pincion co polenta brustolā e un ultimo assajo de fasoli in salsa de sardelā salā. Mčzo goto de graspa sara in belessa la sena.
Benon, dopo un tocheto el toso dimanda ala futura suocera, un buregosso orendo, de poter menare la tosa al cinema... - I fa un bel filme de guera... - aferma el toso che de filme se ne intende proprio. Dopo atenta ponderassion la vecia aconsente e i do parte traverso canpi... Sarā stā l’arieta fresca dela sera, sarā stā (pių probabile) l’ingolfada del vile legume, drio ala strada al toso taca un rumegamento de pansa terificante. Ma el toso ze fine: tien duro fin che i riva al cinema che ze incalcā de zente.
A fadiga i cata do posti in mezo a na bolgia... Dopo pochi minuti che i ze sentā par el filme i tedeschi taca un borbamento a nastro... Se sente tonā a rafica, tonfi de case che crola e via de longo... El toso astutamente soghigna, taca ramenarse par la carega e molare renghe oribili.
- Tanto el strepito ze infernale e chi vuto che se inacorza! - pensa el malnato scorezon.
Giusto dadrėo ze sentā un ometo fiapo cofā Don Lurido el balarin, orbo patoco, visto che ga i ociai che pare do telescopi e par védare calcossa tira el colo cofā un oco.
Dopo un periodo de calma taca bonbardare anca i mericani: ancora tonā, strepito, tonfi, casin bestia..
El toso se associa e taca bonbardare le mudande e la carega anca lu. Dopo do minuti perō el se sente bātare su na spala. El se gira e el vede l’orbasso che ghe dise:
- El me scusa giovinoto, posso farghe na dimanda??? -
- Ma serto sior, - risponde el toso educato.
- Mi caro... sō un fiatenin orbo... quindi vedo pocheto par no dire na tega... alora mi vorėa che lu m disesse cossa che sti schifosi de aparechi ze drio bonbardare!
- Ma ben no lo sō... comunque me pare che i gabia bonbardā un quartiere de sitā...
- Sacramenta... - ribate l’ometo - ma zelo sicuro?... parché mi a naso e drio la spussa oribile che sento a jero convinto che i gavesse bonbardā un loamaro de dozento metri quadri!!!
Loamaro de media grandessa (dal libro "Ma ’ndč in mona!" de W. Basso esaurito
LEGGI I COMMENTI (1)
PERMALINK
[ SONO OFFLINE ] 