(questo BLOG è stato visitato 4416 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
sabato 5 maggio 2007 - ore 12:37
(categoria: " Vita Quotidiana ")
ZE SCRITO IKEA MA EL SARI’A EL "MARANGON"/LE BRONSE QUERTE
Na volta quando che uno pensava ala Svessia a ghe vigneva subito in mente un toco de banda, alta, bionda, coi oci azuri, piena de fredo che no la spetava altro che de essare scaldà dal mas-cio latino, mejo oncora se el gera anca bagnin a Sotomarina. Desso invesse el fascino nordico se ciama Ikea.
Che pò non ze altro che el nostro "marangon". El faegnamèto del paese chel ndava via de piala e de sega parfarte, a pochi schei, i mobili de casa.
Se te vardi el catalogo el pare un afàre, ma se te vè dentro al magazin te sì rovinà. Te vè par conprare ’na carega e te vien fora co tuta ’na cusìna, conpleta de tece, piati, tovaia, tende, candelabri e stecadenti.
El ze l’efeto dela globalizassione, culture che se incontra, lingue che se smissia: zente de Montebeluna che se cata co zente de Solesìn e de Trebaseleghe ala cassa del’Ikea.
Montagne de schei che da ogni parte del Veneto taca girare, i se volta, i se mucia, i se svola e pò, te li trovi tuti ingrumà in Svessia, nel tacuìn del paron del’Ikea.
Uncò a gò provà a ’ndare anca mi al’Ikea (chea bruta vaca che me gà cunà), e dopo tre ore de coa, so riussìo a catàre un posto nel "porchegio". I li ciama cussì, parchè par catàre un posto te ghè da tirare tanti de chei porchi da sfinirte, e uno pì el gà la machina granda pì porchi el tira. Finalmente a so riussìo a entrare dentro al mega-marangon. Gero sidià, ma i svedesi i gà pensà a tuto, eco pronto un bel bar tratorìa pien de ogni ben de Dio. Gavevo sèn e i me gà dà poenta e renga che me sò bevù tuta l’aqua del Brenta imbutilià par l’ocasiòn e intanto el tacuìn taca a svodarse. Gavevo bisogno de conprare ’na mensola e invessse, dopo aver girà do ore come un baùco pal magazìn, sò vegnù fora con un salmòn del Baltico. El bèo ze vegnù quando che so rivà casa, a gò verto el paco, e gò scoperto chel gera da montare!!!!!!
LEGGI I COMMENTI (1)
PERMALINK
![](/blog/blog.asp?bloggone=<br><br><br><br><img src="http://gifanimate.html.it/ga_img/gif-animate/Umorismo/umorismo032.GIF" border=0>)
![](/blog/blog.asp?bloggone=<br><br><br><br><br><center><font size="4"> <i><font color="yellow">UN PO DI FOTO MIE...</font></center><br></font></i><center><br><br><img src="/gallery/blogs/immagini/45215/Copia di IMG_5846(3).jpg" border=0><br><br><img src="/gallery/blogs/immagini/45215/Copia di IMG_5878(2).jpg" border=0><br><br><img src="/gallery/blogs/immagini/45215/Copia di IMG_6239(3).jpg" border=0><br><br><img src="/gallery/blogs/immagini/45215/Copia di IMG_6273(2).jpg" border=0><br><br><img src="/gallery/blogs/immagini/45215/Copia di IMG_6284(2).jpg" border=0><br><br><img src="/gallery/blogs/immagini/45215/Copia di IMG_6381(3).jpg" border=0><br><br><img src="/gallery/blogs/immagini/45215/Copia di IMG_6385(2).jpg" border=0><br><br><img src="/gallery/blogs/immagini/45215/IMG_4822(2).jpg" border=0><br><br><img src="/gallery/blogs/immagini/45215/IMG_5242(2).jpg" border=0><br><br><img src="/gallery/blogs/immagini/45215/IMG_5250(2).jpg" border=0><br><br><img src="/gallery/blogs/immagini/45215/IMG_5258(2).jpg" border=0><br><br><img src="/gallery/blogs/immagini/45215/IMG_5612(2).jpg" border=0><br><br><br></center>)