(questo BLOG è stato visitato 16329 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
Friday, May 18, 2007 - ore 10:08
Leggo da El Marinante:
(categoria: " Vita Quotidiana ")
Cognomi a Ciosa ghe ne xe’ tanti. Ma a Sottomarina (frassion del comune de ciosa) i cognomi xe’ principalmente do: BOSCOLO e TIOZZO.
Per rendare l’idea basta pensare che su tuto el teritorio comunale i Boscolo xe’ 8000 su un totale de 52000 aneme. I Tiozzo 3000.
Boscolo e Tiozzo vive praticamente solo a Sottomarina. I nasse a Marina e i muore a Marina. Un marinante non ndara’ mai a stare a Ciosa.
Desso meteve nei pani de quei del comune quando che deve andare in serca de un Boscolo. Per esempio su l’elenco del telefono ghe xe’ 84 Boscolo Angelo, dei quali alcuni sta sula stessa via. Come fare ?
Che la volta i a vuo na bela invension: ghe zontemo un secondo cognome dopo el nome (el deto) che no o mai capio da dove che a salta fuora e chi l’abia deciso. Se qualche bon’anema me lo spieghesse…
E alora xe’ nato i “Berto”, Boscolo Angelo Berto, i “Gnolo” ,Boscolo Luciano Gnolo i “Zemelo”, Boscolo Dino “Zemelo” e cossi’ via.
Ma acanto a sti normali detti ghe ne xe’ nati altri de ridicoli, tipo: i “Stornellon”, i “Palo” i “Bomba” i “Mela” i “Scarmanati”.
I Tiozzo pe no essare de manco i a volesto anca lori el so deto e alora via coi “Caenazzo”, i “Bon”, i “Pagio”. Ma anca i Tiosso voleva distinguarse. E fu cossi’ che xe’ nato i “Facaca”, i “Cagarella” i “Brasiola”.
El fato xe’ che i deti xe’ scriti anche su la carta de identita’ o patente e co ndemo in giro pel mondo femo ridare tuti. (fonte:
El Marinante)
COMMENTA (0 commenti presenti)
PERMALINK
