(questo BLOG è stato visitato 27792 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
Thursday, July 19, 2007 - ore 09:37
ZA IN PROGRAMA DO PRESENTASSION!
(categoria: " Vita Quotidiana ")
Toh ciapa!... el me libro no ze gnancora sbarcā inte le librerie e edicole e za gō do presentassion in cantiere: una ze al SFIZIO BREAK BAR del’amigo Mauro nele Riviere a PD in setenbre (data da programare!) e st’altra, incredibile ma vero) a Montegrotto: sarō ospite e relatore "al Circolo Bertrand Russell di Treviso (www.circolorussell.it) il 3° Congresso di studi laici sul Cristianesimo che si terrā a Montegrotto Terme domenica 28/10". Robe da tegnerse in buono e snanararse cofā un arnato darente l’aqua!!!!.. Ma ecove poche righe del me novo libro:
Noč: - mona globale - data ignota ma darente ala fine del mondo
Originario da Ciosa, el ze l’unico omo che se ga salvā dal Dilubbio Universale, dimostrando cussė che tuta l’operassion ze stā un falimento.
Inoltre Noč se poe definire mona doc par el fato che oltre a salvare polastri, vache, piti, faraone e porsei, tute bestie utili e bone da magnare (ala facia dei animalisti!) el ga salvā anca le sansare, mosche, piātole, zeche e peoci puini... Tute bestie che no serve un casso e ronpe i cojoni ala grande.
El se riscata un fiatenin solo par el fato ch’el ga inventā el vin, guantandose de conseguensa na bala potente tanto ch’el ga ciapā sōno co la batarėa al vento fasendo sganassare uno dei fioli (probabile avo de Walter Basso)... Quindi se poe afermare che Noč ze stā el primo inbriagon mona colpėo da bala sonachiosa.
EL DILUBBIO UNIVERSALE
Lantefato
El Sig. Dio gera tranquilo in uficio drio decėdare chi che el doveva copare in giornata e se proponeva de stare atento par via che el gaveva fato na mčsa barufa co un serto Toni Cojon idraulico da Bojon de Sora. Questo infati pena rivā in Paradiso gaveva piantā su un casin parché nol ritegneva giusto čssare stā copā a trentasete ani. El Sig. Dio gera restā romaso ma controlando el se gaveva inacorto che invesse de controlare letā el gaveva vardā solo el nųmaro dele ore che sto schifoso de artigiano gaveva messo in conto al popolo al quale el gaveva desgorgā tubi, cessi e cagauri in sorte: praticamente somando tute le ore de lavoro el risultava avere novantaoto ani. Bon, el ze lā che controla co ochio vigile e indagatore quando che riva San Piero co la posta dela matina:
- Capo, go qua un espresso urgente da parte de un serto informatore segreto Toni Póvola deto Scagassa!
- Bene, caro Piereto verzi la missiva che aspeto informassioni inportanti sul popolo predileto...
Bon, eco el contenuto delespresso:
Gesuralemme 13 del 10 del 2006 prima di Lei co rispeto parlando
OGETO: Relassione sul popolo che sono fetente, schifoso, onto e notevolmente salvādego
Egreggio sig. Dio Padreterno
La informo che sula tera stano sucedendo robe onte in quantitā esorbitante. Il popolo maschile tronba a tonfone sensa vardare che logeto del desiderio sipia mas-cio o fémina. I ministri inbrolliano e racontano bābole al popolo e dopo ridono. Le done fano i corni ai mariti ansi dispensano le fritele come fussero dietro samenare formenton. I putini giocano al dotore co le banbine e li scalumano le mudandete. Le putine manegiano i pipiolini inberbi... I preti invesse di pregare e dire messa tronbano le spose pių bele e ci sputano in coste a quele brute. Andreoti pare che sipia mafioso. Prodi conta bale a maneta. Fede Emilio, grandissimo senpio, adora uno che crede, co rispeto parlando, di čssare Dio, Gesų e anca lo Spirito Santo... un serto Cavaliero di Milan. Panela fa referendun, fuma canoni de continuo e scassa i maroni a tuti.
Insoma par farla curta qui cč un casino di Sua Mama (dela madona)... Veda Lei cossa fare.
(ecc., ecc., chi vol savere el proseguio dela storia ga da cronparse el libro!)
LEGGI I COMMENTI (3)
PERMALINK
[ SONO OFFLINE ] 