|
|
|
 | ||||||||||||||||||||||||||||||||||||||||||||||||||
|
alberto11, 23 anni spritzino di Montegrotto terme CHE FACCIO? fornaro,volontario della Crocerossa Sono single [ SONO OFFLINE ] [ PROFILONE ] [ SCRIVIMI ]  
STO LEGGENDO la serie de "El strologo" HO VISTO cose che voi non avete visto STO ASCOLTANDO ligabue e zucchero ABBIGLIAMENTO del GIORNO nudo non me pare el caso... ORA VORREI TANTO... stare bon e tranquilo STO STUDIANDO... un casso...go gia studià abastansa OGGI IL MIO UMORE E'... perfido ORA VORREI TANTO... ORA VORREI TANTO... ORA VORREI TANTO...
PARANOIE Nessuna scelta effettuata MERAVIGLIE 1) Sentire che per qualcuno tu conti davvero 2) il sesso |
Sunday, September 30, 2007 - ore 02:54 LA SALUTE E EL CUL CHE CAGA NO GHÈ ORO CHE LI PAGA I siori dise che la salute ze la roba più inportante dela vita: forse parché i ga i schei! Anca i poareti dise che la salute ze la roba più inportante dela vita: forse parchè i ga solo che quea! Ze par queo che semo deventai tuti ipocondriaci; ne pare de avere tuti i mali del mondo, pena che vien fora na nova malatia, subito me pare de averla za. ’Ndemo fare la spesa in farmacia: el prozac par la depression, el valium par dormire, el viagra par tronbare, el guttalax par ca…are! E co tute ’ste medissine, ricete, tikete, e boini se ris-cia de fare confusiòn: l’altro giorno, in farmacia, invesse dei boini sanità ghe gò dà quei del mulino bianco e i me ga fato parfin el sconto. Ma parcossa le ciàmei ricete, me domando, forse parché, come par i ricetatori ghe ze qualcun che ghe magna par de sora. Anca parché co queo che costa uncò le medissine, le analisi, le operassion, solo che i siori poe perméterse de malarse: i poareti poe perméterse solo che mali incurabili. E ghe ze parfin dela zente sana che se mete in coa al sportelo dell’USL par prenotarse le visite: anca parché prima che riva el to turno, qualche malatia te ze vegnù fora de sicuro! D’altra parte i dise che ze mejo prevenire che curare, e fin chel dotore pensa, l’amalà more. L’altro giorno in ospedale gò visto na pora veciota, ferma imobile davanti al distributore del cafè, col déo strucà sul botòn del resto, ma no la gera paralizà, la gera convinta de spetàre l’ascensore! Questa la ze malasanità! Molto mejo i rimedi naturali, de na volta: te sito fato un tajo su na man? sora el tajo te ghe meti na scarpìa e dopo tre giorni el tajo va via ... dopo oto te mori de infession! Gheto i vermi in pansa? Na bea colana de ajo al colo e tanta passiensa! Gheto i rusòi, i bruscheti sui oci? Te vardi dentro un butilion de ojo par tre giorni e po’ te toci. Insoma, par ogni male el so rimedio naturale, mae che vaga te te grati le bale! In conclusion la salute ze la roba in assoluto più inportante, lo dise anca el proverbio: "La salute e el cul che caga, no ghè oro che li paga!" LEGGI I COMMENTI (1) PERMALINK |
BLOG che SEGUO: walter_basso moreno_morello Maestron sabrina66 marcozu laura89
BOOKMARKS Nessun link inserito: Invita l'utente a segnalare i suoi siti preferiti!
UTENTI ONLINE: |
||||||||||||||||||||||||||||||||||||||||||||||||
 | | |
||||||||||||||||||||||||||||||||||||||||||||||||