(questo BLOG è stato visitato 27792 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
Saturday, October 20, 2007 - ore 20:52
BEC STEIG DEL VIAJO CO LA TRUP DE STRISCIA!
(categoria: " Vita Quotidiana ")
E intanto ze rivà el luni de matina che bisognava andare a Milan a catare fora el produtore del EROSTIK prodoto magico par via del tiragio umano…L’apuntamento gera ale sete casa sua de Moreno l’nvalido che caminava cofà me nono quando faceva i famosi “tre passi su na pria!”… Ale sete e diese riva, stranamente, Stefano e Manfre, i do acuti operatori, co un potente machinon dotà de quatro rodasse che pareva quele del Landini del mitico Bepi Coa agricolo me confinante… No capisso ben cossa casso serva a Manfre tale gioielo dela tennica otomobilistica (me pare chel modelo se ciama sirca Karaoche Super, ma forse me sbalio) visto chel abita intel paeselo de Pregansiol e ogni volta chel parcheja in piassa ghe toca dimandare el condono edilissio visto chel ocupa più spassio de un condominio… Beh, se parte, Moreno ciapa sono ma poiché ze rafinato e squasi nobile el dorme in rigoroso e dignitoso silenzio… Dopo esati diese minuti ai do operatori vien su na fame boja e semo costreti a fermarse a fare na rica colassion... Bon se riparte e Stefano ciapa sono anca lu; e qua sucede un fato stranissimo: el sogeto dorme, el ronchesa, el parla e bate el piè scoltando na musica del casso messa su da Manfre el quale dopo pochi minuti lo sgorla de bruto e ghe dise su de tuto… L’unico che mantien un conportamento consono ala situassion ze so popà de Moreno che probabilmente girando da tenpo gò sta smanegà de mati ze deventà filosofo… Moreno intanto dorme ma se sveja ogni tre secondi parché sona in sequenza tuti i sesantado celulari chel ga in dotassion… Ae diese semo a Milan e co Manfre smonta dal potente mezo se inacorze che, orore, na micrometerorite de sirca mezo milimetro de diametro ghe ga s-cenzà el vero davanti, fatalità proprio davanti ai so oci… El dano, visto co oportuna lente de ingrandimento sarà de sirca un milionesimo de milimetro ma Manfre taca a insulti e ze za drio pensare de canbiare tuto el vero, compreso el cofano e i di speceti laterali… Lo convinsero a chietarse e andemo tuti in bar a pissare anca parché mi togo i diuretici par la pression e quindi spissoto a maneta… Bon, semo davanti ala sede legale dela dita del’Erostik e desso sorge el problema de vestire Moreno el quale essendo invalido no riesse a inpirarse da solo le braghesse bianche… Se defila tuti e a fare l’indecente funsion resta giustamente so popà… Niatri se alontanemo parché vardare un omo che co la portiera verta inpira le braghesse a un giovinoto in mutande no fa bel vedare… Naturalmente dala dita no risponde nessun e cussì se core in centro a Milan dove dovaria essarghe la base de apojo dela dita… Anca qua no catemo gnente quindi giremo un spot tristissimo e po’ decidemo de andare magnare… Ze un boto e mezo e dala più infima ostaria al più lussuoso ristorante nessun ga un buso libaro. Cussì moli moli andremo a Milano 2 a portare el servissio ala sede de Strissia… Naturalmente va su Moreno e noialtri spetemo n brr dove magnemo suto porchesando sommessamente… Passa e ore e vien sera. Vedemo passare Rici, ;Militelo, na velina (co passa questa mandemo zo tre litri de saliva a testa) e noialtri restemo zo a spetare col terore chel servissio no sia al top… Ma ale sie eco Moreno che riva zo contento: tuto a posto se poe andare casa… Coremo tore la machina sula quale ze petà na stupenda multa par divieto de sosta. No inporta. Se torna casa… Durante el viajo el clima se placa e la nona ciapa tuti cussì Mandre taca la radio e mola na musica indecente a tuta maneta. Se svejemo de soprassalto fora tuti e tchemo a dire robe brute contro la morale cristiana, el governo e anca l’oposission… Ale oto semo casa de Moreno e ognun va par la so strada… La grande aventura Erostik se finia…. Speto de essare da solo e me controlo la coa…. Gnente de rigido… Santa passiensa me rifarò col prossimo prodoto!!!!
LEGGI I COMMENTI (1)
PERMALINK
[ SONO OFFLINE ] 