Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27791 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
sabato 31 maggio 2008 - ore 18:51
MORENO MORELLO e MI a OSPEDALETTO!!
(categoria: " Vita Quotidiana ")
el 5 giugno ae ore 21,00 presso la Sala Conferenze de Ospedaletto Euganeo ghe sarà la seconda serata dela Rassegna: PERSONAGGI DELLA NOSTRA TERRA... Eccesionalmente Moreno Morello e più eccessionalmente ancoa MI saremo a disposission del gentile publico par dare informassion (no schei) su questo e su quelo... Inportante: no se paga gnente!!!!.. La serata ze organizà dala Pro Loco de Ospedaletto Euganeo!!!!
COMMENTA (0 commenti presenti)
-
PERMALINK
sabato 31 maggio 2008 - ore 12:24
ORCO ZIO!!!
(categoria: " Vita Quotidiana ")
Stamatina gò impiturà la porta del garag.. Zio bestia, go fato un loamaro inponente: me sò onto mi fin sule balote e go onto ovunque intel rajo de sento metri quadri... Me mojere ga dito robe brute ma mi la go manda in mona de so mare, sta mussa peripatetica!!! Doma inpituro tuto quuelo che se poe inpiturare cussì almanco la salvadega ga otimne razon par brontolare!!!!
LEGGI I COMMENTI (2)
-
PERMALINK
venerdì 30 maggio 2008 - ore 15:47
BONA QUESTA!!!
(categoria: " Vita Quotidiana ")
Secondo queli che fa i sondagi lì’età media nela quale i tosatoti se fa cane, canoti e canoni, opure i snifa coca o altri sacramenti, opure i se fa le pere, se ga sbassà de parechio!!! In compenso se ga alsà l’età media nela quale i se spara le seghe!!! Come mai??? Alimentare Uotson.. Avendo inamente de drogarsi come mussi no i ga tenpo de pensare ala fritola e quindi, nela mancansa cronica de materia prima, no ga inamente de smanetarse el cicio!!!!... el Papa grandissimo conbatente del sesso e dela masturbassione sessuale se conpiace e aplaude forsenatamente!!!
LEGGI I COMMENTI (3)
-
PERMALINK
lunedì 26 maggio 2008 - ore 18:48
EL CANTON DELA POESIA ERMETICA
(categoria: " Vita Quotidiana ")
Dal grande poeta rurale Tilio Spussavento abbiamo ricevuto in redazione poche ma pregne righe dove il Nostro Vate (far métare in…) fissa in modo inequivocabile il suo pensiero “illuminato” (dopo capirì el parché del’uso sapiente de sto termine!) esploso come un petardo (o scartacavalo) dopo riflessiva e attenta lettura dei famosissimi versi del sommo Ungaretti “M’illumino d’immenso”… Il (o “lo”… mah) Spussavento ha liberamente interpretato la sintetica espressione poetica creando un paio di sue similari liriche di altrettanto valore morale etico e letterario (cussì la pensa lu!).
Che altro dire?... Noi dell’Oco ve le proponiamo così come ci sono arrivate senza permetterci giudizio alcuno. Ai posteri l’ardua sentenza!!!
M’illumino co penso!
M’illumino co spenso!
Nota integrativa
Ci è arrivata in redazione una critica molto interessante che abbiamo il grande piacere di regalarvi:
Buongiorno a tuti… Mi sò un postero, ansi el postero par ecession: infati me ciamo Tonin Postero e volevo dirve subito la me prestigiosa opinion sule do imense cagade fora dal bocale partorìe analmente dal mona integrale de Tilio Spussavento el quale no ze assolutamente un “poeta rurale” ma bensì un anonimo agricolo nonché anonimo anca come alcolista in quanto se ciava de scondon almanco cinque litrossi de moro al dì.
Sensa contare le inumerevoli scuele de graspa. Inoltre el Spussavento ze anca “moroso” intel senso civico che ga ancora da pagarme na partìa de paston par porsei che ghe gò vendùo a modica cifra ancora ano passà… Altro che poeta! un fiol de mussa tisica el ze!!!
Ma ciancio ale bande e vegno subito a spiegare le liriche che me risulta in vostro possesso: tachemo dala prima:
“M’ilumino co penso!”… Che cachio vorà dire? Alimentare Uotson: vol dire chel mona de autore crede ancora che quando uno pensa drento la zagolona se inpissia na lanpadina da sento candele che ilumina, parquanto fiocamente, l’anbiente circostante ala zàgola. Credensa da mona in quanto se ciò corispondesse a realtà reale drento ai ufici dela Nasa dovarìa èsserghe un ciaro che toe i oci anca tegnendo stuà i lampadari.
Ma l’apice del’inbecilità poetica e civile vien ragiunto co la seconda lirica overo co quela che aferma:
“M’illumino co spenso!”. Sta lirica, sicuramente nata in cesso dopo invereconde lote intestine, la ze fruto de na osservassion personale de sta sorte: nei sogeti stitici (el Spussavento ze stitico de natura), durante l’espletamento dele spussolenti funsioni tuto l’organismo ze inpegnà fora dai modi in un sforso fisico inteso come fracamento acuto teso a spénsare el prodoto interno lordo verso l’ussita. Desso ze notorio che quando se spense in cotal guisa la siéra del sogeto inpegnà passa dal “tristo” (sarebe tinta cadaverica) al rosso roan in quanto nelo sforso i capigliari dele massele e anca queli dei oci se sgionfa e sovente s-ciopa tra le resie del paron dei capigliari.
Nei casi po’ de spensimento estremo diventa rosse anca le rece che efetivamente poe difóndare nel’angusto anbiente dito cesso una vaga luminosità.
Eco da qua ze nata la lirica che ofende no solo Lungaretti ma anca tuti i poeti italiani tanto che el S.P.I.A. (Sindacato Poeti Italiani Autorizzati) ga deciso de denunciare el Spussavento par vilipendio de lirica, apologia de reato e divieto de sosta (?)… Mi personalmente invito Tilio a andare a spénsare sora un sbaro de ortrighe cussì oltre a iluminarse la suca podarà anca infiamarse i ovi!!!
COMMENTA (0 commenti presenti)
-
PERMALINK
mercoledì 21 maggio 2008 - ore 20:03
CHEL SIA DIABOLIK???
(categoria: " Vita Quotidiana ")
Ieri sera Striscia la Notizia me ga fato vegnere un dubio: Gimi Ghion ga intervistà un nevodo del medego che ga curà Padre Pio finché el ze andà dal so Capo... Sto omo ga avansà l’ipotesi che el cadavaro del santo omo sia sta spostà prima dela riesumassion (mancaria i sigili messi sulla cassa pena morto) e quindi el pensa chel cadavaro esposto al pubrico desso no’l sia quelo del signor Pio ma uno quasiasi co na mascara sul viso... Chissà se ze vero!!! E se ze vero no podarìa essare che al posto de Padre Pio la zente vaga vedare Diabolik????
COMMENTA (0 commenti presenti)
-
PERMALINK
mercoledì 21 maggio 2008 - ore 16:35
NOTISSIE DAL FUTURO
(categoria: " Vita Quotidiana ")
A cura del signor postero prof. Nane Ossario
Gentili Signori (che se ci credo che siete gentili Dio mi folgori!), dopo inponenti scavi nei ruderi dela Rai Tv italiana del XXI secolo sita in un ameno vilagio che si intitolava Roma, nel’ano del signore 3457,67 è vegnutto ala luce (eletrica) lo scheletro di un cosideto esemplare umano con peculari carateristiche: come potete vedere nela foto lo smissioto di strani e sproporzionati ossi del’omuncolo ha dato filo da storcere a me e al mio staffs il quale esso, dopo lunghe gratate ale balotte uimane, tentennamenti cervicali e porchi vari è riuscito a catalogare l’inportante ritrovamento. Ad onor del vero un mio colaboratore aveva subito pensato di intitolare il reperto Omus Politicus Fassinus. Poi visto il notevole grado di macachite del collaboratore e la scarsa magressa delo scheletro sono intervenuto io medesimo e o finalmente scoperto la rassa ala quale il bestio umano apartiene. Tratassi gnentepopodimanco e sensa onbra di dubio alcuno che di esemplare Omus Canterinus Ronpicojones, overo di esenplare apartenente al’ordine dei cantanti melodici spacabalote del xx secolo. Grassie ale mie aprofondite ricerche adiritura sono rivatto a dare un nome e un cognome al Omus Canterinus. Signori e signore, è con un moto di malcelato orgollio che vi presento l’ossario in sorte di tale Giani Moranti, cantante italiano… quelo che mandava i suoi fans no a farselo metare ma bensì a cronpare il late… Segno inequivocabile che il sogeto era decisamente mona acuto…. Notare la posa tipica del cantante di sigo che ramena le staordinariamente longhe apendici superiori (brassi) ala fine dele quali si catano due manasse che parono due bajie!!!
LEGGI I COMMENTI (2)
-
PERMALINK
venerdì 16 maggio 2008 - ore 11:27
ECO UN ALUNO MODELO... "MARIETO PIVA"
(categoria: " Vita Quotidiana ")
Gabiamo lassiato Marieto aluno sconsideratamente mona ale elementari più esatamente in tersa, alcuni ani fa. Lo gabiamo perso di vista mentre il suo intelletto si affinava e l’inpegno (?) profuso dal giovinetto (mona) nello studio delle materie umanistiche lo portava verso altri lidi, verso traguardi colmi di sienza e sapere.... Ci ha contattato lui, spiegandoci che dopo la minaccia del padre di sparare una fucilata in bocca al direttore didattico in pochi mesi ha ottenuto una meritatissima licenza di quinta. Onde non perdere più tempo prezioso il padre lo ha iscrito ad un istituto privato di Padova e qui il ragazzino sta dando sfoggio delle sue grandi capacità e dei progressi compiuti sopratutto nello studio delle lingue morte e putrefatte. Ci ha inviato appositamente “la più mèjo” (parole sue) traduzione dal latino che “me ga costa ore de laoro, studio e na scaretà imensa de porchi e resie, ch’el can de un fiol de vaca de Satana!” (senpre parole sue)... “ E se no lo publiché, vegno là, e ve strosso par i cojoni!” ( sempre parole sue!)...
Lo pubblichiamo con piacere anche se non siamo assolutamente in grado di valutare la corretta esucuzione del compito. Purtroppo nello studio dele lengue siamo fermi ala tradussione dei geroglifici e inpitogrami tuttora usati dai indigeni di Torreselle (località agricola padovana)....
Fai la traduzione letteraria della seguente versione... spiega la traduzione riportando a lato del tuo testo i termini latini e la loro traduzione....
Nam classic Othoniana licenter vaga dum Intimilos (Liguriae pars est) hostiliter populatur, mater Agricolae in praediis suis interfecit, praediaque ipsa et magnam patrimonii partem diripuit. Quae causa caedis fuerat. Igitur ad sollemnia pietatis profectus Agricola, nuntio adfectati a Vespasiano imperii......
Nane, amico di classe, (“Nam classic”) dove vuoi andare (“Othoniana” voce del verbo “otonare” da qui “indove vuoi andare?”) e indove vuto che esso vada (“vada”) senza il disco dei Intilimani (“Intilimos) che i sona adesso in Liguria dopo essere passati per Este (Liguriae pars est), quela ostiamenta di una brutta Agricola popolana de so mare (vaca), che in prezza (“praediis”) e senza pensarci sopra a magnato la sua parte e anche el patrimonio, (“magnam patrimonii”) vincendo anca la causa, “can dal porco e fora”. (“quae causa caedis fuerat”). Gigeto (Igitur), che pensa solo ale pietanze, di professione agricolo, essendo un trasgressore va mangiare un panino con l’afetato (“adfectati”) in cesso (“Vespasiano”)....
LEGGI I COMMENTI (3)
-
PERMALINK
giovedì 15 maggio 2008 - ore 23:35
DIMANDA
(categoria: " Vita Quotidiana ")
Su Telecità tra el canpionato de ballo lissio co i pensionati cia cia cia che se ramena fasendo screcolare i ossi che pare de essare in un fosso incalcà de racolete (ranete) ogni tanto salta fora un baucoto che imita sfaciatamente el slandron de Sgarbi e che fa finta de fare el critico d’arte disendo na sequensa mostruosa de cagade.... GHE ZE QUALCHEDUN CHE SA DIRME DA DOVE SALTA FORA STO SACRAMENTO DE DIO????
Eco l’originale stravacà sol divano drio trare sparolasse a maneta!
LEGGI I COMMENTI (1)
-
PERMALINK
martedì 13 maggio 2008 - ore 07:14
FILOSOFIA ALO STATO PURO!!!
(categoria: " Vita Quotidiana ")
El primato veneto de aprile 2008
Bepi Mussato dito Pandroca Paonassa, frequentatore del noto bar del pensionato “Osei morti & Prugne seche”, sostien de èssare el primo veneto a aver efetuà un esperimento perfetamente riussìo de clonassion in stala de casa sua. Infati el ga afermà ai microfoni e telecamare de Tele Ronpo che la note de un sabo inprecisà dopo el ritorno dal’ostarìa de Nane Cànola el ze andà in stala par spandare aqua (o vin?) e el se ga catà davanti ai oci do vedei parfetamente conpagni gualivi, quando fin tre ore prima de vedei ghe ne gera solo uno. I casi ze do: o Bepi gera, alcolicalmente parlando, a tasso spaventoso o in casa sua ze efetivamente sucesso un miracolo biologico. Andaremo a verificare. Intanto a na me telefonada par savere cossa ch’el ghe ne pensa dela clonasssion ecove la risposta: “Vorìa più grinton e manco clonassion!”
FREGOE
Bisogna stare atenti al novo codice dela strada; èssare più prudenti. A proposito de putèi in màchina: ricordeve che i toseti sui sedili anteriori poe causare incidenti. Ma ricordeve anca che i incidenti sui sedili posteriori, poe causare toseti!
Riflession filosofica
Berlusca ga dito: “La pace non si fa coi cortei”... El ga rason co i cortei se se sbuela!!!
LEGGI I COMMENTI (2)
-
PERMALINK
giovedì 8 maggio 2008 - ore 12:38
ECO LA NOVA "SGANASSADA"
(categoria: " Vita Quotidiana ")
Dopo el sucesso del numaro passà che ga segnalà, tra le varie robe, la bueada del semaforo de Loregiola piassà e regolà (el zalo durava 3secondi e roit) in modo da tanburare analmente i otomobilisti, co conseguente risalto nassionale (ghe ne ga parà parfin Studio Aperto si Italia Uno) e co riconseguente taratura dela durata del zalo su ben oltre 8 secondi, eco el novo numaro che ga in primo piano i Vigili drio zugare a cuco col popolo par multarli de bruto e tante altre chiche (go dito "chiche" e no "cheche")... Se voi lezarlo AGRATIS basta che andè su www.edizioniscantabauchi.it o www.ciaopadova.com.
Eco na potente someja che mostra i tutori del’ordine sconti drio un cartelon... Birichini!!!!!
LEGGI I COMMENTI (3)
-
PERMALINK
> > > MESSAGGI PRECEDENTI
[ SONO OFFLINE ] 