Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27791 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
martedì 15 aprile 2008 - ore 09:50
EVIVA EVIVA.. GAVEMO UN NOVO GOERNO!!!!
(categoria: " Vita Quotidiana ")
E finalmente podemo tranquilamente rimetarse a 90°... Gavemo un novo staf de solerti ministri e deputati (che Dio li sbrega par metà sti onti!) che se darà da fare onde risovare i problemi più gravi del paese overo: aumento dele pension (si deputati e ministri)m aumento dei stipendi (ai deputati e ai ministri), carega par tuti (deputati e ministri), agevoilassion fiscali (par ministri e deputati)... manco lavoro e più schei (par ministri e depèutati).. E par el popolo?
EL POPOLO "POL ANCA" ANDARE A FARSE CIAVARE!!!
n.b. Pol Anca ze un noto cantante merican dei ani sessanta.. no ghe entra un casso ma avendolo cità...
VIVA VIVA EL NOVO GOERNO
COMMENTA (0 commenti presenti)
-
PERMALINK
giovedì 10 aprile 2008 - ore 18:00
FERME’ LE VOTASSION... GHE SO ANCA MI!!!
(categoria: " Vita Quotidiana ")
Fermi tuti... spostemo la data dele elession, canbiemo le schede, butemo nee scoasse Napolitano e al so posto metemo el Papa... Stemo ben tenti ai broli dei sinistronsi e metimo el me sinbolo più grando de tuti che el popolo no fassa confusion..Eco el me novo partito: LA MINCHIA NEL CULO!!! Largo al novo che tira e spense!!!
LEGGI I COMMENTI (2)
-
PERMALINK
giovedì 10 aprile 2008 - ore 17:52
ECO CHI VOTARE!!!!
(categoria: " Vita Quotidiana ")
Secondo mi questo ze più parben, fidato e conta manco bae... In più essendo anca sconsolatamente morto el ronparìa manco i cojoni al popolo!!!
quindi VOTA PACIANI questo e quote rosa le mete de sicuro!!!
.jpg)
COMMENTA (0 commenti presenti)
-
PERMALINK
giovedì 10 aprile 2008 - ore 17:42
INDAGINE DOXA a cura de Tilio Stropaculo
(categoria: " Vita Quotidiana ")
E’ statta portata a termine in sti giorni una corposa indagine par avere dati serti su un dilema che no lassa dormire i taliani tuti. Vi riportiamo qui di seguito i dati racolti. Abiamo posto a sento, e digo sento!, omini la seguente dimanda:
“ Me diga caro, co chi voresselo catarse sarà do ore in assensore?”
Eco le risposte co le relative percentuali:
38% - Co Valeria Marini par darghe na tronbada da farla caminare de gobon par sie mesi...
25% - Co na femena qualsiasi basta che la tira fià...
10% - Co l’affassinante e sinpaticissimo Aldo Busi... caro de Dio....
9% - Co un ministro italian par spurghe inte’l muso
6% - Co Maicche Bongiorno e un martelo par macarghelo in testa
5% - Ga mandà in mona l’intervistatore
4% - Co qualsiasi persona basta che no la scoreza....
3% - No sa cossa che sipia un assensore...
In base a codeste risposte possiamo così sudivere il popolo maschili italiano:
Il 38% è indubiamente formato da persone di buon gusto e di sani sentimenti. Il 25% è costituito da inveterati segaioli. Il 10% invesse ze iscrito al’ARCI GAY. Il 15% (9+6) è formato da persone saggie e perbene. Il 5% è maleducato. Il 4% ha senso pratico e il restante 3% costituisce lo zoccolo duro di sbudorati ignoranti...
LEGGI I COMMENTI (2)
-
PERMALINK
lunedì 7 aprile 2008 - ore 20:36
POLITICI!!!... ME GAVI’ ROTO I COJONI!
(categoria: " Vita Quotidiana ")
E basta par Dio!!!.. no sì contenti de averne messi a carità???.. No ve basta inpestare tute le television a tute le ore?... No ze suficente che ne tratè tuti da deficenti contando bae a maneta???..
DESSO VOI BUTARE VIA UN SMERDARO DE SCHEI PAR FARE LE SCHEDE NOVE???
Basta moleghela e stasì siti na s-cianta.... Fasime riposare un atimo!!! PORSEO GIUDA CAN!!!
LEGGI I COMMENTI (5)
-
PERMALINK
giovedì 3 aprile 2008 - ore 22:56
LA PISSICOLOGIA A SERVISSIO DEL POPOLO SCOREZON!
(categoria: " Vita Quotidiana ")
A cura del prof. siens. Paolo Sciopet
Gentile sior médrego dela testa Paolo,
io medesimo sono un umile contadino agricolo di ani 47,67 e peso 90 chilogrami neti co la pataria fora dala balansa. Ho una salute di fero feroso e mai, digo mai, gò avuto problemi di svelo umana. Tenpo indietro però gò imprestato al mio confinante tale Nane Foca un pressioso vanghetto del xx secolo co manehìgo in legno di rovare . Il Nane aveva da cavare una busa onde tarare il maiale-suino defunto par male rossino dei porsei. Ma è passato squasi un ano e il pressioso manufatto no è più tornato al’ovile. Io quindi e perciò da un mese no dormo ansi mi rameno par i linaioli, mi inrabio co gnente e mi sento ansioso miga pica… Cossa poe essare?... Me aspeto valida risposta, diagnosi e cura possibilmente agratis. La saludo co stima e zontanto i più d’istinti saluti.
Caro siorr Nane dei miei nani,
la diagnosi, essa la quale, sono semplice e copnprensiva anca a un musso: lei è afeto dala famosissima “ansia da prestassione” in quando avendo “prestato” al mona (mi scusi) de Nane un stresso di sua medesima proprietà ha efetuato una cosideta “prestassione”.. Il sempre pèiù mona de Nane da parte sua fa bao e si tiene l’atresso agricolo. Lu quindi se intavana e ghe vien su l’ansia… Eco quindi risolt il dilema.. Par sua informassione l’ansia da prestassione viene anca ai maci in calda quando fano l’amore co una dona umana. Sti masci cossa fano par conpire l’ato svergognoro? Imprestano il cosideto pippolo ale dona di turno che dal spiente uso delo stesso trae goduria e passere no comune…A sto punto a serti uomini vien su l’ansia parché ganno paura che le done se tengano il loco il pippolo e ciò li rende tristi. A Capito? Pa risolare el suo caso consilio na rata de peadoni intel bero al Nane finché no’l riporta indrio l’atresso canpgnolo… bona giornata e me sapui dire!
COMMENTA (0 commenti presenti)
-
PERMALINK
martedì 1 aprile 2008 - ore 07:54
FINALMENTE ECO EL NOVO PARTITO!!!
(categoria: " Vita Quotidiana ")
ECO QUA... ZE IN LINEA EL SITO DEL NOVO PARTITO... VISITA... SCRIVI.. ADERISSI!!!
www.stocasso.it
LEGGI I COMMENTI (2)
-
PERMALINK
venerdì 28 marzo 2008 - ore 12:33
VOTA STOCASSO!!!! EL NOVO CHE AVANSA (vorà dire che lo metemo in frigo!)
(categoria: " Vita Quotidiana ")
MANCA POCO ORMAI... LA NOVA LISTA ZE DRIO RIVARE... ANCORA TRE QUATRO DI’ E DOPO SU www.stocasso.it TE CATI TUTE LE INDICASSION PAR VOTARE E CANBIARE L’ITALIA!!!
Fato vero di cronica verità
- Mi, - conta sto porseon anonimo - lavoro inte na dita indove parecemo i bacalà macai e verti, quindi pensa ti che popò de spussa a vento che me tiro drio co vago casa... Mi staco de solito ale sinque e co rivo, dopo un’ora de màchina, davanti casa cato ne ventena de gatassi rognosi che me speta ansiosamente... Come che verzo la portiera del mèzo sti schifosi me core incontro sgnaolando da far pecà... i snasa l’aria, i sdrissa le rece e qualchedun più fetente e mona de st’altri, in preda a alucinassion olfative, serca adiritura de morsegarme na pupola pensando chel sia un pesson col peo... Mi naturalmente arco un paro de peadoni bel centrà e te vedi gati svolare pararia cofà canarini... Va ben, co sono el canpanelo de casa la fameja se afacia timidamente sula soja tuti co la so bea mascara antigas e me fa segno de corare intel bagno onde despetolarme da dosso l’oribile tanfo... Questo solo par dirte in che situassion me cato par sirca diese ore al dì... Caso voe che da un poco de tenpo me stramasso co robusta vedova che ga na fame sessuale sbregà... L’altro dì questa la me telefona sul laoro, verso le sinque, e la me dise che la ga bisogno urgente de parlarme e par questo la ze za smudandà... Mi coro dal paron e ghe digo che ga pena telefonà el ristorante de Neno Culaton che voe un paro de pessoni e parto de gran cariera... Drio la strada gò anca l’astuta idea de ciamare me mojere par avertirla che gò na consegna urgente e rientrarò tardi...
- Ma, - dimando mi - e co la consegna a Neno, come la metito? -
- Neno Culaton ze me involontario conplice e in più el abita in zona vedova smudandà... Ghe molo zo i pessoni e se no li voe ghe digo che fasso na telefonadina ale finanse... Cussì oltre ala vendita rimedio anca na bona mancia... Ma continuemo co la storia: rivo dala siora, vago in bago, me lavo parben, me rasso via anca la rufa, coro in càmara e la sucede un ingrejamento acuto co relativo pincion de fogo... ale oto e meza gò finio saludo co educassion estrema e riparto par tornare dale me legitima consorte... Giuda viliaco can, cossa ghe conto se sputacaso rivo parfumà e neto come un putin dopo el bagneto?... Pensa e ripensa che par poco me s-ciopa la suca eco el colpo de genio: premeto che jera ai primi de agosto e la tenperatura gera intorno ai trentasete gradi... Mi in màchina gò el condissionatore e cussì stago belo fresco. Ma cossa me soi inventà?: go stuà el rinfrescatore, sarà i finestrini e tacà el riscaldamento al massimo... Dopo do minuti me pareva de èssare un ebreo drento el forno a tuto regime... Dopo diese chilometri gero suà cofà un cavalo da tiro in atività e dopo meza ora gavevo perso soto forma de aqua almanco diese chili e spussavo cofà un curiatolo dele fogne ingorgà... Co sò rivà davanti casa i gati se la ga tolta supiando cofà treni e sdrissando el pelo... e la mojere se ga parfin comossa vedendo come me riduzevo par mantegnere la fameja... In sto modo do otegnuo do inportantissimi risultati: catà un alibi de fero e guadagnà la senpiterma stima dela càncara de me mojere! -
LEGGI I COMMENTI (1)
-
PERMALINK
giovedì 27 marzo 2008 - ore 08:16
TENTI CHE EL RIVA!!!!
(categoria: " Vita Quotidiana ")
ORMAI GHE SEMO: EL NOVO PARTITO CHE SALVARA’ L’ITALIA ZE DRIO NASSARE!!! ANCORA QUALCHE DI E DOPO INTEL SITO www.stocasso.it GHE SARA’ TUTE LE SOLUSSION AI PROBLEMI DEL NOSTRO STIVALON!!
ME RACOMANDO TEGNI’ DE OCIO STO SITO PAR DOPO VOTARE VIA EMAIL E FINALMENTE AVERE PENSION E STIPENDI DOPI, ANSI TRIPLI, E TASSE A ZERO!!!!
RIPETO... ORMAI ZE QUESTION DE POCHI GIORNI... TIEN DE OCIO www.stocasso.it
NA BARZELETINA PAR TACARE BEN LA JORNADA!
Niu Iorc, bar al centesimo piano de un gratacielo... Al banco do inbriaghi spolpi che no se rege in piè. A un serto punto i decide de ‘ndare a ciapare un bìgolo de aria sul terasso; i do se poza sul parapeto e varda zo pensierosi. A un serto punto uno dise a st’altro:
- Ma ti lo seto che sóto qua passa dele corenti de aria stranissime...
- Ma va! - risponde st’altro - e come sarìa a dire "stranissime"?
- Sarìa a dire che se mi me buto de sóto co rivo a sirca diese metri da tera ste corenti de aria me ciapa e me riporta qua sora!!!
- Ocio che mi ghe credo... El vin ga da averte dà ala testa!
- Ah no te me credi? - risponde el primo intavanà - alora sta atento: desso te fasso védare - e dito fato, sóto i oci sbarai de st’altro el scavalca el parapeto e se buta. Giuda can, col riva quasi zo, pian pian, el riprende quota e ritorna sul terasso.
- Ma no posso crédarghe! - cria st’altro - sfregàndose i oci - no poe èssare vero!!!
- Ma alora te sì, oltre che mona, anca gnostico!!!... E va ben, prova un poco ti!
- Mi?... ma gnanca se te me paghi!!!
- E va ben; te lo rifasso.... Atento!!! - el riscavalca el parapeto e se buta da novo e se ripete la sena de prima: dopo pochi secondi ze danovo sul terasso!
- No lo gavarìa mai pensà!... - comenta el miscredente - e... Se se diverte???
- Ma schersito! merita de provarlo almanco na volta!!!
- Ma semo sicuri???
- Altroché... No te ghè visto? Prova anca ti!!!
- Giura che no me sucede gnente!
- Lo giuro: co te rivi a sirca diese metri el vento te ciapa e te riporta su!!!
- Mah... Quasi quasi... Dai che ghe provo!!!
E pian pianeto scavalca el parapeto, varda l’omo e po’ se buta.... Zo.. Zo... Zo... Se sente na bota teribile e l’omo se spaceca in tera.
L’altro inbriagon varda zo e taca sganassare de gusto. Dal bar se sente la vosse del barista che comenta:
- Serto che quando te te inbriaghi te deventi carogna miga poco, Supermen!!!
COMMENTA (0 commenti presenti)
-
PERMALINK
mercoledì 26 marzo 2008 - ore 12:17
NOTIZIA CLAMOROSA: ECCO IL NUOVO PARTITO ON LINE!
(categoria: " Vita Quotidiana ")
PARE NA BUFALA (O IN VENETO "NA BUEADA") E INVESSE NO: ZE DRIO NASSARE DAVERO EL PRIMO PARTITO CHE CIAPARA’ I VOTI ON LINE.... EL SE CIAMA "PPLD" E EL SO PRESIDENTE ZE UN OMO DOTA’ DE UN GROSSO PARO DE COJONI!.. INOLTRE EL PROGRAMA SARA’ UN PROGRAMA RIGIDO IN TUTE LE SO POSISSION.... EL NOVO PARTITO SARA’ ON LINE NEI PROSSIMI GIORNI (INDICATIVAMENTE FRA NA SETIMANA) E FRA NA SETIMANA INISSIRA’ ANCA LA CANPAGNA ELETORAE NELE FORME CLASSICHE... EL NOVO PARTITO SARA’ VERAMENTE EL PARTITO A MISURA DE OMO CO UN PARTICOLARE INTARESSE PAR LE QUOTE ROSA... PAR AVERE INFORMASSION TEGNERE DE OCIO EL SITO www.stocasso.it
EL ZE IN COSTRUSSION MA PRESTO SARA’ PARFETAMENTE CONSULTABILE... RIPETO, NO LA ZE NA BALA: TEGN^ DE OCIO EL SITO!!!!
LEGGI I COMMENTI (2)
-
PERMALINK
> > > MESSAGGI PRECEDENTI
[ SONO OFFLINE ] 