Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27792 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
venerdì 21 marzo 2008 - ore 20:27
(categoria: " Vita Quotidiana ")
Eco qua: finalmente me mojere ga deciso de andare a ronpare i cojoni a livelo nassionale... Adiritura a Strissia la Notissia.. Speremo che qualche anima sensibile ghe daga na bona passada!!!
LEGGI I COMMENTI (3)
-
PERMALINK
venerdì 21 marzo 2008 - ore 20:22
(categoria: " Vita Quotidiana ")
COMMENTA (0 commenti presenti)
-
PERMALINK
venerdì 21 marzo 2008 - ore 13:38
ULTIMISSIME SULA CANPAGNA LELETORALE!!!
(categoria: " Vita Quotidiana ")
Ultimissima dal Berlusconi e el popolo dela libertà (provisoria)... Da na recente intervista (poche ore fa!) al Psiconano:
" La sinistra, cribio, ha messo in ginochio l’Italia... Mi consenta, noi finiremo il lavoro: la meteremo a 90°!!!"
Risposta educatadel popolo taliano: "Ah sì?? e nialtri faremo un regalo ai politici italiani che co si trata de favorire il popolo sono essi i quali assai stitici: ve regaleremo no la suposta efervessente EVA Q ma ve regaleremo la suposta esplosiva co testata termonuclerare!... Cussì chissà che oltrte al piloro,colon trasverso ve s-ciopa anca e tonsile, che can de giuda fiol de bruta na troiassa infame!!!!
(simbologia che ilustra el brusore de culo!)
LEGGI I COMMENTI (1)
-
PERMALINK
giovedì 20 marzo 2008 - ore 15:25
SUL SESSO FEMINILE (che Dio lo benedica!)
(categoria: " Vita Quotidiana ")
(sempre picola sintesi dal libro "Finalmente se tronba!" de Walter Basso)
Fritola - organo sessuale feminile
Di forma triangolare essa è formata da un tallio centrale e un bucco nero. L’omo comune perde la testa par questo bucco fonte di gioie inenarrabili...
sinonimi
bernarda - solo Dio lo sa el significato de sto nome...
besabesa - nome onomatopeico; in sostanza che non significa un casso, o meglio in codesto caso “na mona”
bisteca - forse per via di una vaga somoglianza
bigarela - gnanca de sto nome sò calcossa...
buso nero - di evidente significato
capasanta - per la notevole somiglianza con una “capa” e perché è benvoluta come una Santa appunto...
cheba - opar via che la ingabia i osei
chitara - ad essere precisi una certa somiglianza con il famoso strumento musicale c’è: inoltre nelle espressioni d’arte che i ragazzi usano per disegnare nei cessi l’importante organo femminile tale somiglianza è accentuata ancor di più. L’unica differenza stà nei peli che i ragazzi disegnano come raggi di sole attorno alla fritola... Ci risulta invece che lo strumento musicale non sia fornito di peluria...
cicia - nome d’uso comune
ciceta - nomignolo affettuoso. Naturalmente non può venire usato nel caso di organo in possesso di putanassa desmessa di oltre sessanta barette
cioca - nome di fantasia
figa - no coment
fionda - termine rustico e boaro usato dai ragazzotti di campagna
folpona - femminile di folpo; non ci è chiaro il senso...
fransa - per via dei peli che formano una specie di apprezzatissima frangetta
fritola - cosidetta per la somiglianza con il dolcetto in questione:
Indovinello cultural-sessuale
Savìo la difarenza tra la frìtola e i galani? Sora i galani se mete el sùcaro a velo, sora la frìtola che casso che te voì!!!
gnaro - visto che la serve a ospitare i osei...
gnoca - par via dela forma...
mandola - come sora
LEGGI I COMMENTI (1)
-
PERMALINK
martedì 18 marzo 2008 - ore 18:30
DESCRISSIONE PARTICOLAREGIATA DEL SESSO MASCHILE
(categoria: " Vita Quotidiana ")
Cuco - organo sessuale maschile. Poe èssare de varie misure: la misura minima (3cm) serve par pissare, la misura massima conossiuta (33 cm) par incoconare le done volliose, la misura intermedia serve par tute e do le robe... Soto al cuco si catano i cosideti peri col pelo che sareberero essi dei contenitori per i spermatosoi. Sono fragili e co niente si possono rònpare....
Alcuni sinonimi de “cuco” trati fora dal libro de W. Basso "Finalmente se tronba!"
afare - nome serioso, generico e soprattutto non volgare
bananoto - riferimento al noto frutto con narcisistica esagerazione
àtola - lampante esagerazione
atresso - generico per persone di scarsa fantasia
batocio - quando l’attrezzo è flaccido il nome calza a penello
bestia - almeno nelle intenzioni dovrebbe spaventare la donna che sta per prenderlo in loco; in realtà una volta le donne a sentire la fatidica frase: “Ocio, che molo la bestia” tremavano come foglie mentre ora si fregano le mani e si smutandano assai velocemente. Nella maggioranza dei casi però restano deluse poiché più che una bestia feroce spesso si trovano per le mani solo un timido barboncino...
broca - termine agricolo che comunque si riferisce quasi sempre all’organo quando è fiapo e molo
bronbiolo - nome antico
cana - per similitudine e uso
canarin - nomigmolo vezzoso
candeloto - per evidente similitudine
canelon - come sora
canola - visto che serve a spandere liquidi...
canonsin - i soliti esagerati e busiari...
canoto - per similitudine
capeloto - riferito ala ponta del’organo
casso - retorico, quasi banale
cetriolo - similitudine agricola
cicio - di uso comunissimo
ciciocapeloto - simpaticamente affettuoso
cicogna - visto che produce putei...
coa - anche questo quasi banale...
cobra - similitudine sarpentina
copaoche - vagamente ermetico ma sinpatico forte...
cordon - quando briscola di qua e di là effettivamente può ricordare un cordone. Anzi un pezzeto di cordone...
creapopoli - fantasioso e significativo
cressinman - nome creativo che ben spiega le caratteristiche dell’organo che se opportunamente manipolato si allunga a dismisura
sarpente - per similitudine con il bestio longo e sbrissoso
sassinafranse - bello, ermetico, fantasioso anche se esagerato...
sbregamudande - riferito a membro in possesso di ragazzotto molto famelico...
sburatamone - nome composto, spiritoso e vagamente volgarotto... in uso soprattutto nell’ubertosa campagna veneta
scanopia - significa anche nasone e quindi indica cosa lunga
cucodrilo - deformazione di cocodrillo
(nel libro comunque ghe ne ze sete pagine abondanti!.. questo ze solo un assajo)
NOTE BONA!!!
COMMENTA (0 commenti presenti)
-
PERMALINK
sabato 15 marzo 2008 - ore 09:35
I PENSIERI SOLENI DE UNO CHE SA!
(categoria: " Vita Quotidiana ")
A cura del filosofo Teo Magno
Aninalisti
Categoria i cui iscriti aumenta de giorno in giono. Carateristica principale, come dise el nome, ze un amore visserale par tute le bestie del creato (co esclusion dei virus e dei bacili che se vede no ze considerà bestie!)… Par questo se poe dire sensa onbra de dubio che i animalisti ga un core grando sempre e na grandissima sensibilità… Talmente granda che i sarìa boni de copare un omo sorpreso a s-ciafesare na mosca!
Gran verità
Go incontrà Giani Petola, vecioto incartapecorio da sempre celibe.. El me ga dito: “Mi sò un omo che ga senpre avuo gran fortuna co le done... infati a otanta ani no me sò gnancora sposà!!!
Limiti dela siensa stetica
La magior parte dele cosidete atrici pena che le ga fato su quatro palanche le se fa rifare le tete.... Mai nessuna che gabia pensà de rifarse el servelo. D’altra parte la question no ze fàssile: infati el chirurgo par rifare le tete parte da un paro de pelegate...Par el servelo ze pressoché inpossibile parché el dovarìa partire dal nula assoluto!
Referendum
In giugno so andà a votare par el referendum sule modifiche dela Costutitussion… Me so catà in un gran dilema: el me pensiero gera purtropo el stesso del politico che me stà pesantemente sui ovi da ani… Pensa e ripensa go deciso de votare el contrario… In pratica gò votà contro le me idee. Ma so contento: preferisso metarmelo in che posto che tuti savì da solo pitosto che me lo meta el politico che no posso vedare!
Tra coleghi
Da un poco de tenpo i rapinatori ga tacà rapinare anca le farmacie... In zona mia i ghe ne ga za fate fora tre. Ze strana sta roba parché no gavevo mai sentio dire de ladri che va robare dai coleghi!
Par conicio
I frutaroli se ga intavanà coi medici e i voe che anca par lori vegna aplicà la famosissima "par conicio". A far scatare la richiesta ze stà el fato che i medeghi continua paragonare cancari e tumori ala fruta: "grosso come un limon" o "grando come na saresa"... - E basta co sti esenpi che ne danegia!!! - ga sigà Tilio Meonara, presidente del Fenocio Cleb - se no i ghe la mola anca nialtri tacaremo véndare "limoni grossi come un cancaro" o "sarese bele tonde cofà un tumore!"
Foto del filosofo Teo Magno (se so bon!)
COMMENTA (0 commenti presenti)
-
PERMALINK
venerdì 14 marzo 2008 - ore 09:27
SERCHEMO DE RIDARE!!!
(categoria: " Vita Quotidiana ")
Acrobassie pericolose
Do amissi se conta le aventure dele ultime vacanse. Dopo che uno ga contà tuto el seconda taca: - - Mi caro, sò andà in Merica in aparechio... Beh, che Dio fulmina el pilota sto maledeto... Te ghe da savere che sto fetente andava in pension el dì dopo, quindi el viajo che gero drio fare mi gera l’ultimo. Cossa se galo inventà sto mona?: poco prima de rivare in aeroporto el comunica: - Amissi, passegeri tuti sono il pillota che vi parla: io doman vago in pensione e par festegiare o pensatto a una sorpresa: vi farò provare l’ebressa del volo acrobatico. Tegnetevi fissi, ingroppatevi le sinture che mi produrò co il mio aparechio in un triplo salto mortale... non c’è truco no c’è ingano... Possia, cari amissi, atereremo... - E difati in tre secondi l’aparechio se ga invidà su se stesso par tre volte... E dopo el ze aterà tra i sbatiman dela zente.... - Beh, la me pare na idea sinpatica... no capisso parcossa che ghe la gabia tanto su co el pilota... - A no te capissi? A vorìa védarte ti fare el triplo salto mortale fin che te si in cesso drio cagare!!!
LEGGI I COMMENTI (1)
-
PERMALINK
giovedì 13 marzo 2008 - ore 12:21
INCREDIBILE: SCOPERTE A PADOVA LE BRIGATE ROTTE! (dall’OCO 2008)
(categoria: " Vita Quotidiana ")
Ze stà un grande sucesso l’operassion che ga portà a identificare in varie zone de Padova (Limena, Arcella, Via Aneli ecc.) inportanti basi logistiche dele cosidete Brigate Rotte.. Grassie ale indagini fate dala FIGOS (Federazione Italiana Guardoni Organizzati Supereficenti) ed in particolare dal agente segreto Toni Sega mejo noto come “ el mostro del Terajo” in quanto normalmente inpegnà a spiociare le copiete che se sbarossa in loco, ze stà individuà numerose celule ( o branchi) de operose “spaciatrici di fritela” che atentavano con crescente sucesso ala già claudicante moralità de sogeti maschili sessualmente vivaci. Ze stà scoverto anca diversi covi da dove vegnevano inviati deliranti messagi in codice a numerose testate giornaliste... Ecovene uno in anteprima assoluta: “AAAA MASSAGIATRICE ESPERTA IN MASSAGI SU CORPO UMANO MASCHILE OFRESI… PRESSO MODICO. INTURGIMENTO MUSCOLI FIAPI GARANTITO.” Dopo atente perquisissioni in alcuni covi segreti sono stati ritrovati montagne de preservativi ritardanti e non, pilole del giorno drio, scurie e amenicoli vari. Nel fiume Piovego inoltre sono state rinvenute anche svariate casse di Viagra… Putropo durante il recupero una se ze rota e el noto farmaco se ga spanto alegramente nele torbide aque del noto fiume. Da ieri qui si possono pescare otimi bacalà stranamente vivi ma già particolarmente rigidi senza bisogna di essicatura… Dopo l’aresto la magior parte dele done sì è dichiarata “prigioniera sessuale” e a domandato asilo politico a casa sua de Ricardo Schicchi… Se stà ativamente sercando la mente del’organisassion overo “El gran Vacon”. Grande sodisfassion e plauso ala Figos da parte dele mogli padovane, el clero e l’Arcighei.
.jpg)
Terorista dela "fritola" in assion a Arcela...
COMMENTA (0 commenti presenti)
-
PERMALINK
mercoledì 12 marzo 2008 - ore 15:36
SCANDALO SANITA’: IN VENETO LOTIZA’ ANCA MOREJE E PANTEGANE!
(categoria: " Vita Quotidiana ")
Roba da no crédare: che nei ospedali de tuta Italia (compresi quindi anca queli veneti!) ghe fusse la lotisassion selvadega, nel senso che responsabili, primari, medeghi, infermieri, barelieri, autisti de otobulanse, custodi dei obitori, tennici dei papagali da pisso, nonché adeti ale pulissie, vegnesse assunti solo se la tessera de partito fusse stà quela giusta, ormai ze roba che sa anca la mussa del strassaro, ma desso noialtri semo in grado de dirve che anca i malai vien ricoverai solo se ativisti o iscriti ai partiti de governo: gheto le maroidi intel dadrio e nel core simpatie par l’oposission?.. Magna co manco pévare e sta sito: in fondo “mae che se voe no doe”…Se invesse te sì iscrito a uno dei setantadò partiti e partitini dela minchia che ga fato sù un smissioto de teste da peri definio “governo” (e che dopo pochi mesi ze cascà de rabalton!) e te ghè na bronchitina te ghe dirito a un posto leto, (se ze el caso se sfrata a peladoni intel bero l’anarchico tubercoloso che ze drio sbochesare cofà na tenca) el menù a sielta, cure intensive e infermiera tetona e coi lavaroni da spanpanasso (vulgo: amore orale) che te fa i massagi do volte al dì… Ma el colmo ze stà ragiunto co le bestie: come tuti sa ogni ospedale che se rispeta (?) ga in dotassion la so bea percentuale de moreje, pantegane e gati… Beh, gavemo savuo che le moreje ze stà definie de destra e la pantegane de sinistra… Par questo fin desso neli ospedali veneti regnava pantegane grosse cofà gati obesi.
Le più cative, scrupolosamente tesserae a Rifondassion Comunista, girava par i coridoi co l’eschimo, siarpa rossa torno al colo, la cana in boca e l’Unità soto ala sata…. Però se ale prossime votassion vinsarà la destra le pantegane sparirà e rivarà le più “fini” moreje, (tutte tesserae Casa dela Libertà Provisoria) picole, furbe, e dal’aspeto rafinato (stile Berlusconi, par capirse!)… E i gati? Alimentare Uotosson: se i ze neri i ze de destra se i ze rossi i ze de sinistra e se i ze bianchi i ze de centro. El gato de Mastela ze fruto de un selerato incalmo tra na gata legermente vaca e un camaleonto intorà!!!... Politicamente el ze senpre atuale!
COMMENTA (0 commenti presenti)
-
PERMALINK
martedì 11 marzo 2008 - ore 18:31
I BREVETI EBETI DEL 2008
(categoria: " Informatica ")
Trapola pissicologica par sorzi co eliminassione fisica del bestio istantanea (squasi)
Materiale necessario:- un tocheto di tolla longa sirza 30 sentimetri e larga 3 co spessore 2 setimetri co opportuni suporti sempre in legno mogano o nocce nassionale o frassino. Nella sfeza longo la tolla si ficano na serie di lamete par barba… Possia seve un piatino pichenin co drento un tocheto di formaglio pincione e na scodeleta (sempre pichenina) co drento un poca di aqua.
Come funziona la trapola
Si chiappa la toletta e si mete davanti al bucco del sorze in piè e quindi co il talio dele lamete pararia. Dadietro ala toileta sula destra si posiziona il piatelo (pichenin) co drento il formaglio. Dal’altra banda quindi a sinistra (o sanca) si sgnaca la scodeleta (pichenina) contenente aqua acquatica. Possia si va via o ci si sconde dadietro na porta par tendarle l’incauto (e mone) sorze.
Dopo un poco (o tanto, no si può savere!) il sorze metarà la zagola fora dal bucco di casa e al vedare l’atressatura restarà romaso (o de caca)… El rifletarà sul fato e po’, visto chel sarvelo topico ze pichenin (anca lu!) no capirà na tega e quindi andarà vedare… Par vedare dadrio la toletta metarà la zagola apena sora la lameta e cossa vedaranno le fosche balote dei oci del rato? Ala sua destra vedrà el formaglio e ala so sinistra l’aqua. E qua scata la trapola pissicologica: el sorze pensarà vardando a destra:
- Varda che bel toco de formaglio… po’ el girarà la zagola a sinistra e disarà: - Varda che bel goto de aqua!)…
Po’ el tacarà dire più volte: - Prima magno o prima bevo? – Disendò ciò el farà un rapido movimento destra – sinistra – destra - sinistra – e via de longo. In sto modo un poco ala volta la lameta tajarà la testa al sorze che prima de decidarse cascarà in tera morto!
La trapola ze a morma CEE e aprovà anca dai animalisti verdi i quali aceta el fato poiché morirà solo i sorzi ebeti e quindi questo contribuirà al miglioramento dela spece. Confido che sta me invension vegna premià col Nobel ala siensa. Bonanote.
Questo ze el sorse che me ze senpre stà suio cojoni: Topo Jijio...
COMMENTA (0 commenti presenti)
-
PERMALINK
> > > MESSAGGI PRECEDENTI
[ SONO OFFLINE ] 