Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27792 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
domenica 30 dicembre 2007 - ore 13:29
AGGIORNAMENTO DEFICENTI 2007!
(categoria: " Vita Quotidiana ")
Dal’elenco precedente manca i deficenti (o mone!) popolani: al primo posto ghe ze i astuti (soratuto napoletani) che par far s-ciopare petardi, capetoni, scartacavali, se cata sensa dei, oci, rece e altri sacramenti del coprpo umano... Al secondo metaria i baucoti che spende un capitale par far finta de divertirse doman de sera. magnando come buei, bevendo come lore, scorezando e rutando e po’ fasendo el trenin dei cula co tronete del casso in boca e capelini da senpi in testa (da casso!)....
LEGGI I COMMENTI (4)
-
PERMALINK
sabato 29 dicembre 2007 - ore 18:23
CARELATA DE ZENTE MONA! (par sarare l’ano in belessa!)
(categoria: " Vita Quotidiana ")
Azouz l’avoltoio de Erba
Corona, overo el sovrano dei teste de minchia
Emilio el lecaculo sensa frontiere
Lele Mora el cula più in vista!
Maurissio fiolo del Mosca scritore... che desgrassia un fiolo cussì!
Mughini testa da casso solene.. pien de se stesso!
Cechi Paon, la coerensa fata persona!
Dimando scusa a tuti i baucoti non citati ma no gò tenpo da perdare... gò messo i più eclatanti! Grassie no serve aplaudire!
LEGGI I COMMENTI (5)
-
PERMALINK
sabato 29 dicembre 2007 - ore 13:34
NOVO RECORD DEL’INBECILITA’ - Letara verta a un supermona
(categoria: " Vita Quotidiana ")
LA NOTIZIA
IL MANAGER DEL ROM
Treviso. 50 mila euro di diritti su un memoriale da traformare inm istan-book, che Michele Fusaro dovrebbe scrivere in carcere. E rojalty su una linea di occhiali che porterebbe il suo nome,. L’offerta, fatta all’avvocato Carlo Covi, legale del bassanese accusato della morte di Jole Tassitani, è venuta a Alessio Sundas "manager di criminali" già tristemente famoso per aver ingaggiato il rom Marco Ahmetovic (ubroaco uccise quattro ragazzi)....
Dal Mattino Di Padova de oncò
Caro manager Alessio Sundas dito "el manager di criminali", complimenti!!! Gò pena leto sul giornale dela to proposta al chiler becaro Fusaro (el salvadego che ga rapio e copà barbaramente Jole Tassitani) par farghe un contrato de 50 mil euro par scrivare un libro ( forse no te sò gnanca cossa che sia un libro se te pensi che qualsiasi macaco possa farghene uno!) e lanciare na linea de ociai col marchio Fusaro... Na idea bonba fruto dei pensieri malai de un servelo carolà e fodrà de bigati da loamaro... E visto che te ghe sì. deficente de un mona, parché no farghe fare anca el testimonial par na linea de goldoni firmai col to nome visto che solo questi te podaressi firmare vista la testa da cazzone che te te ritrovi?.... I te ciama "manager"? i dovarìa ciamarte avoltoio o iena visto come te rumeghi tra i cadavari e i mostri che sti cadavari li costruisse solo par avere visibilità (e deficenti anca chi te la da) e un pochi de schei... Ma no te te rendi conto de quanto schifoso che te sì e che sti schei ze sporchi del sangue de zente inocente???... Quando sento parlare de ti ze i unici momenti nei quali penso che la pena de morte sarìa giusta e anca l’aborto sensa limiti... Infati se la poareta de to mare co la gera insinta de ti se fusse sentà sul vater te,gavesse spensuo fora e po’ tirà l’aqua l’Italia de oncò gavarìa un motivo de manco par vergognarse.... Comunque ormai te ghe sì e bisogna tegnerte... Sarìa opurtuno però isolarte e no lassare più che te verza boca parché par la società te sì più infetivo del virus del’ebola o dela peste bubonica. Te auguro de andare a ramengo e spero che par vivare te sia costreto a snetare la merda umana nei cessi dei Motagril unico anbiente dove, stronso come che te sì, te te cataressi a to parfeto agio!!! Te invio un cordialissimo VA FARTELO METARE IN CULO!.. Walter Basso
Eco la foto del’insemenio de turno
LEGGI I COMMENTI (6)
-
PERMALINK
venerdì 28 dicembre 2007 - ore 13:29
MA SEMO MATI????
(categoria: " Vita Quotidiana ")
Orco zio, no me capisso più: a parte la montagna de stronsi che ne circonda e ne ronpe le bale a piè sospinto... a parte la montagna de schei che ogni dì i nostro governanti (che dio li folgora tuti indistintamente) co tasse, balzeli e altro, vien vanti anca na scaretà de teste de casso che par quatro palanche rapina no solo banche (e qua podarìa anca essare d’acordo!), ma roba anca a veci, vece e pori cani, ma riva anca i deficenti che copa, squarta, e fa finta de gnente.... ansi po’ i fa finta de essare mati!... Anpliare le galere altro che indulto!!!! IN MONA DE SO MARE CHI VOE GRASSIE, SCONTI DE PENA, FAVORITISMI!!!!.... DENTRO TUTI QUELI CHE FORA ZE PERICOLOSI.... E a quei (come nialtri) che se fa cossientemente i cassi sui AUGURONI DE BON ANO!!!!
LEGGI I COMMENTI (4)
-
PERMALINK
domenica 23 dicembre 2007 - ore 10:13
INCREDIBILE: SCOPERTE A PADOVA LE BRIGATE ROTTE!
(categoria: " Vita Quotidiana ")
Ze stà un grande sucesso l’operassion che ga portà a identificare in varie zone de Padova (Limena, Arcella, Via Aneli ecc.) inportanti basi logistiche dele cosidete Brigate Rotte.. Grassie ale indagini fate dala FIGOS (Federazione Italiana Guardoni Organizzati Supereficenti) ed in particolare dal agente segreto Toni Sega mejo noto come “ el mostro del Terajo” in quanto normalmente inpegnà a spiociare le copiete che se sbarossa in loco, ze stà individuà numerose celule ( o branchi) de operose “spaciatrici di fritela” che atentavano con crescente sucesso ala già claudicante moralità de sogeti maschili sessualmente vivaci. Ze stà scoverto anca diversi covi da dove vegnevano inviati deliranti messagi in codice a numerose testate giornaliste... Ecovene uno in anteprima assoluta: “AAAA MASSAGIATRICE ESPERTA IN MASSAGI SU CORPO UMANO MASCHILE OFRESI… PRESSO MODICO. INTURGIMENTO MUSCOLI FIAPI GARANTITO.” Dopo atente perquisissioni in alcuni covi segreti sono stati ritrovati montagne de preservativi ritardanti e non, pilole del giorno drio, scurie e amenicoli vari. Nel fiume Piovego inoltre sono state rinvenute anche svariate casse di Viagra… Putropo durante il recupero una se ze rota e el noto farmaco se ga spanto alegramente nele torbide aque del noto fiume. Da ieri qui si possono pescare otimi bacalà stranamente vivi ma già particolarmente rigidi senza bisogna di essicatura… Dopo l’aresto la magior parte dele done sì è dichiarata “prigioniera sessuale” e a domandato asilo politico a casa sua de Ricardo Schicchi… Se stà ativamente sercando la mente del’organisassion overo “El gran Vacon”. Grande sodisfassion e plauso ala Figos da parte dele mogli padovane, el clero e l’Arcighei.
(articolo solene trato fora dal’OCO 2008)
Aproposito de putanoni
.jpg)
- Me popà ga el cuco più grosso de to popà!
- No ghe credo!
- E invesse sì... me lo ga dito me mama!
LEGGI I COMMENTI (2)
-
PERMALINK
sabato 22 dicembre 2007 - ore 22:04
BON NADAE A.....
(categoria: " Vita Quotidiana ")
...Ai furbi e ai cojoni, ai sveji e ai mone, ai bei e ai bruti, ai boni e ai cativi, ai rognosi e ai mansueti, ai cagoni e ai modesti, ai senpi e ai inteligenti, ai lavoratori e ai pelandroni, ai etero e ai cula, ai neti e ai onti, ai fioi de troia e ai fioli de popà, ai cristiani e ai atei, ai luamari e ai parben, ai grassi e ai sechi, ai slandroni e ai fineti, ai saladi e ai buei, ai suconi e ai secioni, ale gnoche e ale càncare, ale paciolose e e ale mute, ale putane e ale igote, ale tetone e ale piate, ale senpie e ale sdveje, ale celulitiche e ale rinsechie....
LEGGI I COMMENTI (2)
-
PERMALINK
giovedì 20 dicembre 2007 - ore 08:42
ECO EL NOVO CALENDARIO 2008!!! co prevision parfete!
(categoria: " Vita Quotidiana ")
GENARO
Oròscapo supereficente (anca deficiente la so parte!) a cura de Tarquinio el Superfluo cussì deto par via dei peli umani che lo coverze
Siore, siorete e siorassi, ve auguro tante bele robe nel’ano come spera Nadalin Finochieti omo sessualmente turbolento e de boca bona. Ma “tacon” co le prevision par sto mese che casca dentro un inverno “longo e rigido” come piase al senpre presente Nadalin Finochieti… La suocera che de norma se ingolfa cofà un oco da incalmo farà na teribile sumansa (legi “indigestion”) e vegnarà ricoverà in fin de vita al Nasocomio de Camposampiero. Qua i sanitari (che no ze i cessi) farà un teribile erore umano e purtropo l’infame, fetente, ludra e sassina creatura se salvarà. Rimediè al’erore sgiaventando la veciassa infame a peadoni zo dala tronba del’assensore. Al processo dichierè che ze stà un erore: voialtri credevi che la fusse vostra mojere. “erare umanum nordest” diceva i latini parlando dei veneti. Assolussion garantia!!!
Prevision del tenpo a cura del Colonbrelo Pio Vasco:
Al nord prcipitassion de cinesi; al Centro precipitassion de porchi e resie par colpa dei ministri: al sud venti albanesi in arivo a Lanpedusa.
LE CONSIDERASSION POLITICHE DEL MESE
A cura del portaborse Ivo el Lavativo
Ghe ze do categorie de politici: queli che ze in galera e queli che dovarìa èssarghe!
Le idee dei politici ze come le tete: quando le ze scarse se poe senpre gonfiarle!
LE PAROLE DE NA VOLTA a cura de Gineto Cagon dito Spussa
Bunìgolo = ombelico; modo de dire: el se dà tante arie e no’l ga gnancora el bunìgolo suto! dicesi di persona cafona per significare che ha comportamenti da bociassa snarocioso .El ga el bunìgolo che pare la camerdaria de na brespa (Piagio) il tal dei tali si è talmente ingozzato che la pancia, e di conseguenza il bunìgolo, sono diventati di dimensioni mostruose.
RIDI RIDI che la mama ga fato i gnochi!
Amore e sicuressa
Na copia de pensionati va in ferie in Palestina e là putropo (se fa par dire!) la veciota fà un screcarterie e defunge… El marìo va al’anbassiata par védare i costi sia par portala casa sia par sepelirla là: tredesemie euro costa el viajo in Italia e mile euro la tonba là in Palestina. L’omo voe pensarghe e domanda un dì de riflession… El dì drio torna co la ferea decision de portala casa.
- Bel esenpio de amore al de là dei schei - comenta l’inpiegato.
- Maché amore del’òstrega - ribate el vecioto - la ze paura: gò sentìo dire che qua, ogni tanto, qualchedun ressussita!!!
Un paro de boni motivi par intavanarse!
Al 31 ricordarse che bisognarìa pagare el Canone Tivù… Visto le vacade che i produse gò dito “bisognarìa” quindi… Scade anca el bolo dele màchine, altra orenda invension dei nostri amati governanti!
Dal Calendario del’Oco agricolo 2008 de W. Basso (cioè mi)
COMMENTA (0 commenti presenti)
-
PERMALINK
mercoledì 19 dicembre 2007 - ore 12:18
OMO MORE VARDANDO UN FILME ONTO!!!
(categoria: " Vita Quotidiana ")
Giuda can che sfiga.... no podendo più praticare,. probalbilmente mancansa de schei e de materia prima rigida, un pensionato gaveva deciso de andare a vedare un filme onto al cinema parochiale(?)... titolo "Ranba, ciciolina e Moana: do troie e na putana!", solo che durante la vision dele celestiali curvone dele tre porseone, al vegliardo, invesse de vegfnerghe duro l’atresso o la cosideta coa ghe ze vegnù dure le coronarie e ghe ze s-ciopà el core.... Che fine ingloriosa: morto par colpa dela fritola sensa gnanca dopararla!!!!
.jpg)
Esempio de vera porsea!!!!
LEGGI I COMMENTI (1)
-
PERMALINK
sabato 15 dicembre 2007 - ore 20:25
QUESTI ME GA PROPRIO ROTTO I COJONI!!!!
(categoria: " Vita Quotidiana ")
Prodi, Padoa Sciopa, Mastela, Bertinoti, Andreoti, Di Pietro, Berlusconi, Fini, Casini, Maroni, Bossi, Rosy Bindi, Butilione, Livia Turco, e po’ tuti i partiti de destra , sinistra, centro, in parte, datorno e darente... E ancora i partiti novi, conprese le cose rosse, bianche e zale, el popolo delaliberta e el novo partito de asinistra... ma parché no i fa el POPOLO DEI MONE che se iscrivemo tuti???? Giuda porseo can che no se ghe ne poe più de sti quatro senpi che no fa altro che barufare!!!! O deto. Firma Walter Basso
LEGGI I COMMENTI (3)
-
PERMALINK
sabato 15 dicembre 2007 - ore 07:44
NOVA CAGADA IN TIVU’!!!
(categoria: " Vita Quotidiana ")
E te pareva!!!.. una de ste sere, girando canale televisivo, onde mandare a farselo metare più zente possibile, no sò miga capità su uno indovce gera drio andare in onda la nova versione de LA RODA DELA FORTUNA????... Digo mi no bastava la monumentale rotura de cojoni provocà al popolo ani che furono dal baucoto de Maiche Buongiorno?... Gera proprio el caso de rimetare in palinsesto un poche de mone che mena torno na rua fodrà de numari che ricorda el zugo vecio cofà el cuco de’oca e po’ cronpa vocali come se le fusse naranse????... El tuto guida da chel facia da mona de Papi che me stà pesantemente sui ovi!!!!
Eco qua el macaco nela tipica espression del mona gaudente... che sinpio par dio!!!
LEGGI I COMMENTI (3)
-
PERMALINK
> > > MESSAGGI PRECEDENTI
[ SONO OFFLINE ] 