Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27792 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
sabato 28 aprile 2007 - ore 16:03
NOTIZIE DAL’U.B.E (Union Breveti Ebeti)
(categoria: " Vita Quotidiana ")
TERSO BREVETO DEL’ ANO 2006
N° 34658,78
TITOLO: DITERO BERSALLIO
INVENTORE: Nane Susta dito Pissainbraghe
A CHI E’ INDIRISSATA:
A tuti i maschi coloro i quali essi pizzano in piè
COSA SERVE: una mosca, un water, una pissada pronta par le man, na bona prostata.
DESCRISSIONE
Il marchingegno è di senplicità estrema. Trattasi gnentepopodemanco de un inseto ditero (vulgo "mosca cavalina") che dopo essere stata negatta in un goto di aqua deventa un bersallio per i maschi che devono farla di picolo (vulgo "pizzata")
COME SE PROCEDE
Prima di tutto buongiorno. Veniam veniamo subito ad illustrare l’invenzione che passerà alla storia come il più intelligente e economico metodo mai scoperto finora che permette ai signori maschi di pissare nel vater centrando perfettamente il bersaglio senza così sguinzare ovunque o per dirla in veneto "pissare fora dal bocale". Innanzittutto bisogna catturare una mosca-ditero. Per fare ciò è opportuno avere in casa quantomeno una "sgnarata" del simpatico insetto . Nel caso sfortunato che la nidiata non fosse presente è opportuno mettere sul davanzale della finestra, vuoi della cucina, vuoi del tinello, vuoi un panino?... no, grazie!... una tazzina contenente una quantità sui 30 grammi di feci umane (vulgo "caca")... Poiché tutti sanno che le mosche amano sfamarsi di tale sostanza di sicuro qualcuna arriverà. Appena l’insetto vede la cacona si trarà sora ingordamente. A sto punto si chiappa la mosca e fasendo atensione estrema la si sgnacarà drento un goto pieno di aqua e la si tegnarà là finché l’inseto sarà negato. A sto punto lo si recùpara e si va in cesso per fare la pissatina.
Prima di guantare l’atresso da pipì si buterà la mosca cadàvaro drento il walter più possibile al centro del buco... Possia si procederà ala diuretica funsione sensa sguinsare ovunque.
NOTA TENNICA INFORMATIVA
La geniale invensione garantisse il sucesso in quanto tuti i uomini maschili hanno la tendensa, quando pissiano in piè, di sercare di farla in testa a qualunque cosa si muova nel ragio di assione del pistolino. Infati se gavette l’occasione di védare un uomo che canbia l’aqua ale olive in aperta canpagna, in coste a un salgaro, potrete osservare l’estremo piassere che l’indivuduo prova nel pissotare sora ignare formigole, griji o lusertole.
LEGGI I COMMENTI (2)
-
PERMALINK
venerdì 27 aprile 2007 - ore 10:34
PARLEMO DEL 1° MAGIO festa del laoro
(categoria: " Pensieri ")
FESTA DEL LAVORO
Sta oribile festività casca el primo de majo e se festeja solo dai popoli nordici (overo del nord) in quanto al sud la parola “lavoro” no esiste gnanca sui vocabolari… Ma sicome che i meridionali no perde na festa gnanca se te li copi i la ga egregiamente sostituia co la festa dela disocupassion… Par questo in sto santo giorno tuti i popoli sudici (overo del sud) sospende la cassa integrassion e se dedica al massacrante inpegno che la disocupassion provoca. Ma serchemo de capire come mai ne Sud esiste un cussì profondo odio contro il lavoro, manovale o inteletuale che esso sipia. Ze presto deto: i cosideti meridionali da ani sente parlare de “incidenti sul lavoro” e, orore, adiritura de “morti sul lavoro”… In base a ciò e a atente e profonde valutassion bona parte del popolo in età lavorativa ze rivà a sta logica conclusion: “ Ma se el lavoro provoca cotanti vittime inocenti, vuto che mi, probo cittadino, vada in serca de desgrassie solo par lavorare?... mai sipia deto!”. E dal dito al fato i se ga butà sul riposo e sula disocupassion forti del fato che fin qualche ano fa nessun aveva mai sentio parlare de “incidenti e morti sul riposo o sula disocupassion”… Purtropo sto dato ga vuo na ecession qualche ano fa quando un napoletan che gera drio ronchisare al fresco su na ammaca, no se sa come mai, ze sbrissià zo, precipitando al suolo terrestre, spacandose de bruto el babio, tre coste e macandose caice e garitoli. El fato ga creà preocupassion e indifgnassion e subitio ze stà decretà un sioparo a sengioto (“singhiozzo” in italian) contro le cadute al suolo, ze stà fondà un comitato che vigili sula sicuressa sul riposo e sta promossa na interogassion parlamentare par creare na nova forma de invalidità: overo l’invalidità riposativa. Se za quatordesemie le richieste finora in atesa de risposta (e congruo assegno).
Dall’"Oco 2007" de Walter Basso
LEGGI I COMMENTI (2)
-
PERMALINK
giovedì 26 aprile 2007 - ore 13:44
OMAGIO AL’OBIETIVITA’
(categoria: " Riflessioni ")
EL FATO
Stanotte, un ignoto è penetrato nel pollaio del parocco di Cavasagra Don Dino Campana e in tutta tranquillità si è impossessato di tre galline, un gallo e tre conigli. Il parroco dopo un momento di comprensibile rabbia ha recitato varie preghiere per la salvezza dell’anima del ladro di pennuti.
VISTO DA SINISTRA
Esproprio proletario, stanote, sicuramente dovuo a un conpagno coragioso, ai dani delo Stato del Vaticano e più de preciso nela persona del clericale anticomunista Don Dino. El nostro, spressante del pericolo, ga conquistà l’alevamento dove vivevano migliaia di gallinacei, ovini, bovini e suini e se ze aproprià de un ingente quantitativo de carne che sicuramente vegnarà equamente diviso tra i conpagni e le so fameje. Terificante la reassion del Vaticano che ga deciso par na scomunica generale dei paesani in caso no se trova el colpevole. Sui muri de Padova ze aparsa la scrita: “ Cloro al clero”.
VISTO DA DESTRA
Un vile attentato stava per essere messo a segno da un numeroso nucleo terrostico rosso ai dani del paroco de Cavasagra. Armà fin ai denti, il comando dopo aver sequestrà el paroco, se gera direto nel’alevamento del religioso. El pronto intervento de un solo ignoto camerata ga sventà in gran parte l’ato criminoso. Infati ze stà robà solo do ovi sguaratoni e na galina col snaro. El paroco grato al coragioso camerata lo ga imediatamente nominà “Uomo dela providensa”... Sui muri de Padova ze subito aparsa la scrita: “Onore e gloria al’ignoto camerata!”
.jpg)
Comuniston sfegatà!!!
.jpg)
Fassiston intavanà
COMMENTA (0 commenti presenti)
-
PERMALINK
mercoledì 25 aprile 2007 - ore 18:19
ALTRO QUISS (senza premio stavolta)
(categoria: " Vita Quotidiana ")
Su un apartamento vive insieme: un veneto, un friulan, un todesco, un teron e un giaponese... ae diese de matina de un marti qualsiasi l’apartamento ciapa fogo... Secondo logica chi dei sinque inquilini ze che se salva?????
Toni Cuea... no ghe entra ma mi lo sgnaco qua istesso!!!
LEGGI I COMMENTI (3)
-
PERMALINK
lunedì 23 aprile 2007 - ore 19:57
EL QUISS DA INTIVARE CO RICO PREMIO!!!
(categoria: " Pensieri ")
Vedemo chi intiva sto quiss:
QUALO ZEO L’OSEO CHE VOLA PIU’ IN ALTO????
Tenpo na setimana par rispondare. Luni che vien metarò la risposta se nessun intiva... Al primo che intiva spedirò in omagio un me libro umoristico!!! Via co le risposte!!!!
LEGGI I COMMENTI (11)
-
PERMALINK
lunedì 23 aprile 2007 - ore 14:03
SARA’ EL LINBO!!!!
(categoria: " Riflessioni ")
El Papa Razeghin, bontà sua, ga fato savere a tuta la stanpa che el cosideto Linbo, indove fin pochi giorni fa finìva i toseti che no gera gnancora stà batesà, ze stà definitivamente sarà... Orca bestia sassina, e desso???... Tute le àneme che ghe gera drento indove casso vae a finire????... E prcossa ze stà sarà sto posto?: forse che i NAS ga catà le cusine onte, le ostie scadue?.. o forsanco le Finanse ga catà fature false e bilanci fasuli?... No ze dato de savere... Serto che na roba me colpisse: ma se fin pochi giorni fa el Limbo esisteva come mai desso no’l ghe ze più?... Ma zeo sta el Papa a decidare la chiusura o zeo stà el Signor Dio???... A mi tuta sta storia me pare na tolta par el culo ma forse questo ze dovuo al fato che mi sò, ateo, agnostico, pecatore porco e sassin e oltretuto mona!... Mahh...
Angioleti che andava de baucon par el Linbo
Angioleti fratà che no sa indove casso andare...
LEGGI I COMMENTI (3)
-
PERMALINK
venerdì 20 aprile 2007 - ore 14:00
IL CANTONE INPEGNATO:
(categoria: " Vita Quotidiana ")
Le domande diffisili stile Focus
Parché i preti-eclesiastici portano le còtole-toneghe?
Dimanda formulatta dal sior Momi Pessato da Ciesanova
Risponde in lengua mista il teologo dela madona Pio Sbuso laureato in Toneghe, Tonegasse & Tonegoni al’Academia del Puercos e Fora a Forajo Spagna
Come tuti sano, e queli che no lo sano che si informino, i preti religiosi onde poder rivare a cantare la cosideta Messa e èssare quindi autorisati a confessare e comunicare devono inparare orassioni, salmi, salmoni, litanie e preghierine che ganno la carateristica di far vegnere un sòno sbregà e inoltre di far pèrdare quota ai cosideti “santissimi” overo sfere umane. De conseguensa vengono colpiti in età giovanile dal cosideto “balone” (vulgo “varicocele”)... Eco parché i preti, che possiamo, sensa temansa di erare, ciamare inpiegati del Sig. Dio, scondono li abnormi baloni soto le capienti toneghe. Nei tenpi moderni i preti usano le comuni braghesse in quanto la ciesa passa loro dei potenti sospensori onde soregere i penduli peri sgionfi.
LEGGI I COMMENTI (2)
-
PERMALINK
giovedì 19 aprile 2007 - ore 12:27
EL SANTO DE ONCO’
(categoria: " Vita Quotidiana ")
A cura del clericale Santino Santinon
El 19 de aprìe, ze la festa dei sossoloni, malvestìi, che camina de lilon de qua e de là... El Santo storico che pochi conosse ze San Bugàro elevà ai onori dei altari nel lontan 1865 grassie al Vescovo de Bojon (?) in quanto ze stà l’unico abitante del ridente borgo che se faseva i afarassi sui sensa scassare i bronbi al clero locale. El vero nome del Santo gera Nane Bugàro deto Macaco da tre quarti del popolo. Deto el Mona dal restante quarto.
.jpg)
Santin de San Bugaro protetore dei sossoloni!
LEGGI I COMMENTI (4)
-
PERMALINK
mercoledì 18 aprile 2007 - ore 16:22
RETIFICA
(categoria: " Riflessioni ")
Stamatina gavevo scrito na batutassa cinica sul fato del cadavaro catà a Piazzola sensa testa.... Visto che dopo gò savuo che el corpo ritrovà ze de na tosata gò pensà che no ze giusto schersare su robe cussì tragiche... Par questo la gò cavà... Satira va ben, ma sensa oltrepassare serti limiti!.. Grazie comunque ai do amissi che gaveva comentà!
LEGGI I COMMENTI (4)
-
PERMALINK
mercoledì 18 aprile 2007 - ore 16:18
(categoria: " Vita Quotidiana ")
Dopo la batutassa fine a se stessa de quelo che gò scrito nel messajo precedente, visto che se ga savuo chel corpo catà ze quelo de na toseta minorene, ritegno giusto deventare serio e dire, come ga fato za qualcun dei amissi sprissini, manifestare tuto el me disgusto par ati del genare. Gnanca la più insulsa dele bestie comete simili nefandesse!... Ma ormai tra television e giornali no ghe ze più limiti a andare senpre più a fondo nel tratare l’informassion che spesso ze deventà gusto par el macabro, petegolesso insulso, inbecilità pura (vedi i vari realiti siò), personale tornaconto, risserca sfrenà a tuti i costi de odiens, insensibilità umana totale... Le stragi vien analizae come se invesse de un studio televisivo se fusse in becarìa, tuti parla, sparla e se sbrodola dosso, (almanco i parlasse un mona ala volta!) e nialtri, pori bauchi, se ciuciemo tuto... Mandemoli tuti a fanculo sti quatro pezenti che manipola el dolore, el sesso, l’amore... Stuemo le television co i trasmete merda e co serti giornali, cosideti rosa, snetemose el dadrìo... VERGOGNA!!!!
COMMENTA (0 commenti presenti)
-
PERMALINK
> > > MESSAGGI PRECEDENTI
[ SONO OFFLINE ] 