Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27793 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
giovedì 18 gennaio 2007 - ore 17:14
I PENSIERI DE UNO CHE SA!
(categoria: " Riflessioni ")
I avocati duranti i processi se mete peruca e tonegona, in pratica i se veste da femena, parché i ga ga parlare tanto!
Serti omeni politici giustifica barche, vile, machine e lussi vari disendo che i ze fruto de na vita de laoro: probabilmente i ga tacà sparagnare dal 500 avanti Cristo
Ditatura: forma de governo dove tuto quelo che no ze proibio ze obligatorio...
Marzulo ga messo in crisi la Perugina paché no i sa più che casso scrivare intei bilietini drento i baceti... ormi le più gran cagade le ga za dite tute lu!
Nel sesso no ze inportante vinsare, ma tronbare!
Le strighe ga cessà de èssarghe dal momento che nialtri gavemo cessà de brusarle!
E DESSO NA SEQUENSA INPRESSIONANTE DE MOSTRI DELA NATURA
Vana e Stefania elete Strigosse Cancare del 2006
Rita Paon l’orido fato persona
La Ac, l’astronoma che se la vede i estraterestri se fa na idea sbalià sula vit sula tera...
LEGGI I COMMENTI (7)
-
PERMALINK
mercoledì 17 gennaio 2007 - ore 18:12
STASSERA SO’ SU "STRISCIA LA NOTIZIA!"
(categoria: " Vita Quotidiana ")
Toh ciapa, stassera in onda col 13° (o 14°?).. mah... senpre a fare da spala al mitico Moreno... Un bel servissieto tuto da ridare!!!!!
LEGGI I COMMENTI (5)
-
PERMALINK
mercoledì 17 gennaio 2007 - ore 12:15
LA LEGE CASA VOSTRA (trato dal’Oco 2007)
(categoria: " Vita Quotidiana ")
A cura del dott. Tonino avv. Di Paolo (fradeo di Di Pietro)
Con piacere imenso e goduria ancora più granda ve presentemo par la prima volta (speremo anca l’ultima!) l’avocato più in vista nel veneto tuto che metarà a disposission del popolasso la so arte par risolvare i casi da vialtri proposti. Laureà presso l’Academia dela Semola a Chirignago Citi tra le so note più eclatanti el ga quela de NO aver mai difeso Andreoti. " Mi nela me longa cariera go difeso, ladri, béchi, sassini, figure porche, mafiosi, maniaci sessuali, serial chiler, batone e strossini... ma mai politici... Mi gò na dignità da rispetare, orca bestia!".. Queste sono le sue parole. Ma lasciamo la parola al primo letore che abisogna di consili legali. Bongiorno a tuti!
Egreggio Avvocato,
stanote si sono acaduto un fato lesivo dela mia dignità e del mio misaro portafolio. Ma vengo subito a lustraLe i fati concomitanti: ale do di note dopo aver sogiornato nela nota Ostaria dei Nasi Paonassi, indove ho pastegiato co un piato de riso in bianco, tre litri di merlò e oto graspe par spenzare zo el riso che inciucca, sono ussito, ha chiapato la machina otomonbile per aviarmi ala mia di me magione. Sta di fato che il riso deve avermi fato male parché a un serto punto o taccato a vedare dopio... oltretuto andavo a zighe zaghe parché seguivo la riga bianca in centro caregiata che però non era una riga bianca ma bensì una galina bianca probabilmente inbriagga cofà una ciocca. In questo triste frangente drietro una curva pericolosa, poiché proprio sula curva la strada si storzava, sono incapato in una patulia di militi ignoti in quanto io no li conosco. Questi come li sono rivato in coste mi ganno messo la paleta davanti il muso e mi sono toccato fermarmi. Il più cativo mi a fato supiare in un palonsino che il milite probabilmente voleva sgionfare par regalalarlo al putino a casa e poi a vardato in uno strano relojo... Poi mi a dito: "Prego patente e libreto".. al che io par fare una batuta e sdramatisare ganno dito: " Me lei forsanco stà dietro a schrsare???.. Ma se la patente ve lo o già data ieri sera?... No state dirmi che la gavette za persa?".. Ma nissuno a ridesto ansi uno a taccato girare torno la mia machina cofà cani che sono indecisi su quale ruota pissare e man mano che girava, invece di decidarsi, si toleva nota su un libreto nero.... Intanto mi scanpava anche a io di pissare cussì mi sono messo in coste ala loro machina e, par na giusta forma de "par conicio" gò pissato su una ruota porchesando somessamente... I due si sono intavanati e mi sono saltati dosso e qua è sucesso un casino dela madonna... Ala fine dela batalia mi ganno ritirato la patente, sequestrato la machina e messo in mano un barbale longo mezo metro co una multa de 2800,00 euri... Ma ecole i motivi di tale ladrocinio:
"Guida in stato d’ebbressa alcoloica, guida sensa zintura, gome lissie, ciari brusà, ecesso di velocità, ati osseni in luogo pubrico, esposissione di arnese da pisso fuori misura massima consentita dala lege, vilipendio dela religione, capo di stato, presidente del consilio, Govermo e deputati tuti. Ofese a pubrico uficiale e sua di sè mama, furto con scasso, rapina a mano armata, resistensa a oltransa, abigeato, tentata violensa sessuale contronatura, sosta vietata e varie e eventuali"... Strano che no mi abiano scrito anca furto di cavali che non mi sarebe dispiaciuto... Io signor avocato sono inocente!!! Soratuto nele "varie e eventuali". Par il ritiro dela patente no mi intaressa parché a casa o una fotocoppia a colori e gnanca per la machina no mi intaressa visto che l’avevo apena inchiavata... Ma no vollio pagare i 2800 euri...anca parché no saprei dove rubarli. Cosa ni consilia?
Tilio Brutocao
Qua non ci vuolle un senplice avvocato... ci vuole un principe del foro (no inteso come orifizio anale!).. io le consiglierei il Sior Taormina che sicuramente riussirà a dimostrare che Lei non c’era e che il colpevole è il suo vicino di casa, oltrettutto assassino nel caso Cogne e responsabile della strage di Ustica. Mi tenga informato.
COMMENTA (0 commenti presenti)
-
PERMALINK
martedì 16 gennaio 2007 - ore 17:11
INVALIDO al 100%!!!
(categoria: " Vita Quotidiana ")
Orca bestia sassina.. che ciavada!!!! Essendo sta jeri convocà dal sior Morello par fare el mona (ruolo nel quale me identifico totalmente) in un novo servissio par Striscia la Notizia, gò dovuo presentarme in piena notte fonda, buia nonché incalcà de caivo a registrare numerose sene al’aperto... Essendo mi de natura un fiatenin sul quajo, sò sta sotoposto ale rigide tenperature (?) invernali e sogeto ale pegiori interperie che al confronto Mario Arigoni Sterno e el so sergente inte la neve ga fato na piacevole caminada, in desabijè e de conseguensa me sò guantà na "RONBOLASIATICALGIA" co dolori estremi ala schina da sachi e ala ganba sinistronsa (solo na stronsa infati poe fare cussì male al so legitimo paron!), dolori, disevo, forieri de na svagonà oribile de porcassi e biasteme!!!!
El medego de base me ga palpugnà lo scheletro umano e me ga ordinà riposo, punturone, calma e tranquilità... No avendo però el luminario sientifico proibio el porchesamento acuto, mi posso tranquilamente afermare: PORCO QUA e PORCO LA’!!!!
Posso però anca assicurare che el servissio girà sarà na vera chica!!!!
Disegno sientifico de schina, culo e culata afeti da RONBOLASIATICALGIA... Purtropo no avendo la someja (foto) l’audio no se poe gustarse le espression de soferensa mista a eresie acute cavà dal possessorte de schina dolorante!!!!
LEGGI I COMMENTI (6)
-
PERMALINK
lunedì 15 gennaio 2007 - ore 19:44
SO DRIO SMETARE DE FUMARE!!!
(categoria: " Vita Quotidiana ")
Smetare de fumare ze fassile: mi smeto tute le note... Ze no ricomissiare che ze fadiga!!!!
a cura dela Lega par la difusion del càncaro
LEGGI I COMMENTI (4)
-
PERMALINK
domenica 14 gennaio 2007 - ore 10:20
ESCLUSIVO: ECO I NOVI PALINSESTI TELEVISIVI!
(categoria: " Accadde Domani ")
Iva Zanichi, deta la luja de Ligonchio, nota cantante dei ani sesanta (intel senso che la ga oltre 60 ani) e autrice del libro Poenta & Osei (poca poenta e tanti osei) sarà la conduttrice dela version par le casalinghe del programma de Bruno Brespa PORTA a PORTA canbià par l’ocasion in POSTA A SPORTA sototilolo “Casalinga: na vita spesa a fare la spesa!”
Platinete l’oribile spantasson televisivo sarà el novo conduttore del famoso programma Ok il prezzo è giusto.. Par essare in tema col presentatore el novo titolo sarà “O ghei il prezzo è giusto!”
Par favorire l’inserimento dei extracomunitari in Rai questa assumerà un cinese che farà l’inviato de cronaca in Val d’Aosta… Titolo del programma: “Il gialo di Cogne!”
Da vossi de corridoio pare che Geri Scotex sia drio provare co Geri Cagà un novo programma televisivo sul quale la television ze drio tenere un rigoroso silenzio… Pare anca che ospite fisso sia el zugadore Kakà… Secondo mi el risultato sarà pessimo, overo un programma de merda!!!
Ritorna el noto programma onto, co done nude, che gera condoto da Umberto Smalia dal titolo famoso COLPO GROSSO… St’ano el novo conduttore sarà el pachiderma Giuliano Ferrara… Anca qua novo titolo in tema col presentatore: FOLPO GRASSO!!!
Pupo sarà el conduttore del programma culturale “MENS NANA IN CORPORE NANO”… Primo ospite Silvio Berlusconi… Tanti dise che Silvio ze basso… no ze verò… come nano infati el ze sula media!!!!
Iva Zanichi co la gera manco luja ma più porsea!!!!
LEGGI I COMMENTI (2)
-
PERMALINK
sabato 13 gennaio 2007 - ore 10:57
MOTTO
(categoria: " Vita Quotidiana ")
LA BARBA NON FA IL FILOSOFO!!!
Barbassa filosofica
Tante volte na gran barbona,
serve a scondare na gran facia da mona!
LEGGI I COMMENTI (3)
-
PERMALINK
sabato 13 gennaio 2007 - ore 10:32
LETERA VERTA AI GIORNALISTI TELEVISIVI STILE BRUNO BRESPA E COSTANSO
(categoria: " Riflessioni ")
Carissimi giornalisti televisivi (se fa par dire!)
basta par passere… Ne gavì roto pesantemente i cojoni. Ormai no se ghe ne poe più de programi da sbochi de sangue dove mascarà da informassion passa prima i pezo petegolessi da frassion de paese de campagna, po’ notissie fasule, infin l’orore puro che voialtri riussì “sapientemente” a tirar fora dai più trucidi fati de cronaca… Gavì par ste storie un sesto senso… Gavì più vista e olfato de un siacalo o de un avvoltoio… Traformè in odiens la soferensa, la morte, anca la più crudele: quela dei putei: co i vostri scup, i vostri plastici dele sene del delito, bachetele in man par indicare al popolo de pervertiti assetai de violensa i disegni che ilustra i deliti, i filmati fati aposta par l’ocasion, gavì veramente tocà el fondo…. GIORNALISTI ze la vostra qualifica???... Ma parché ofendare quei veri giornalisti che fa el so lavoro co un minimo de cossiensa?.. Se dovaria catare na nova definission par el vostro lavoro.. che ne so “ruspamerda”… “ramenaloame”… Sensa nessun rispeto par el dolore, sempre co i stessi quatro mone che par merito vostro ormai fa de profession i ospiti (strapagai par dire le solite, trite, insulse monade da saloto!), aprofitando anca de chi magari ghe tien a aparire in television a ogni costo anca mostrando el culo, gavì messo su dei carossoni dove se espone i mostri, i fenomeni.. come se faceva na volta (co gerimo incivili!) nei circhi… No se paga bilieto o quantomanco no se se ne acorze: paghemo el canone, la pubblicità comprando i prodotti che proponì… Vergogna!!! No gavì mai pensà, inteletuali da corte, lechini del potere e del’odiens, che el proliferare dei fati de sangue podarìa essere anca, in parte, na conseguenza de tuta la pubblicità che coi vostri scup fasì?...
No gavì mai pensà che el ruolo publico che ocupè dovarìa essare gestio un fiatenin mejo, magari par propore el ben o el san che da qualche parete de sto nostro paese ancora ghe ze sensa èssare totalmente schiavi del’odiens? ... E se par voialtri informassion ze dirme come ze morto un toseto co esatamente quante cortelade, la posission esata, quanto chel ga crià, beh, ste informassion tegnivele: NO SO CHE FARMENE!!! NO LE ZE INFORMASSION LE ZE PERVERSION!!!Lassè che sia i tribunali, magari a porte chiuse, fare sto lasvoro... Mi vojo pensare ai sorisi dei toseti, ale caresse dele tante mame che par un fiolo darìa la vita, pur no desmentegandome che in giro ghe ze anca el male…. E vialtri canbiè lavoro: versì macelerie dove podarì fisicamente tocare co man el sangue fredo, la carne crua, i ossi spolpà, visto che questo pare darve piassere e svilupare le misere capacità inteletuali… Questo ze el vostro posto, dove no faressì dani e da dove podaressi ricavare da vìvare co gran dignità finalmente fasendo quelo che la magior parte dei italiani fa sensa sbraitare par television, overo: LAVORARE ONESTAMENTE!!!... PELANDRONI DE CORPO E DE MENTE!!!!
.jpg)
VESPAZZO - prototipo di giornalista televisivo. modello base Bruno Vespa (da cui il nome: Vespa - Porco - Testa di cazzo)
LEGGI I COMMENTI (6)
-
PERMALINK
venerdì 12 gennaio 2007 - ore 08:59
TORNA I AVOLTOI!!!!
(categoria: " Riflessioni ")
Eco n’altra straje: do èbeti stermina na fameja intiera parché un toseto criava,,, Dopo un mese de indagini la scoperta che fa sdrissare i caveji... Puntuale come la morte jeri sera Bruno Brespa el giornalista pralinato (el ga el muso che pare la scorsa de un paneton brusà co l’ueta!) ga messo in piè el solito baracon dei orori dito Porta a Porta: ospiti senpre queli, ma el top dela serata ze stà i disegni a colori dela straje co lu, armà de bachetea, che spiegava al popolo de alochi televisivi (tra questi ghe gero anca mi!... ma solo par motivi de lavoro!).. come che la dona gaveva cortelà el putin ecc ecc... MA DIGO MI SE POE ESSARE PIU’ SADICI E OPORTUNISTI???... In più intervista co i familiari dela fameja trucidà: e el rispeto dove lo metimo???... Giro canale e su Canale 5 chi me cato davanti ale fosche balote (dei oci!)?... l’ex panson dal bafo carolà de Costanzo Siò... drio propinare co sadismo estremo na nova puntata del salote putanifero: "Maurissio Costansso Siò".. Tra i ospiti el spantasson de Platinette e altri ilustri mone!!!! Domanda: MA STA ZENTE QUA INVESSE DE MANDARLA IN ONDA, PARCHE’ NO LI MANDEMO IN MONA????
Eco Brespa el giornalista che fa i ovi più grossi cofà l’inseto omonimo (infati se la brespa te beca sui ovi te li sgionfa maledetamente, Bruno te li sgionfa solo vardandolo)
Eco el sinpio de Costanso in posa prastica... Un bel cao de mer...!!!!
LEGGI I COMMENTI (7)
-
PERMALINK
mercoledì 10 gennaio 2007 - ore 16:10
SESSO MEDIOEVALE!
(categoria: " Vita Quotidiana ")
Fedeltà assoluta
Da profondi studi storici me risulta che na volta le fémane fusse vagamente vache e i òmani vagamente putanieri... Adesso le robe ze radicalmente canbià: infati podì tranquilamente cavare el “vagamente”. Prova ne sia che quando i mas-ci ‘ndava in guera i ghe meteva ale mojere la cosideta sintura de castità, che sarìa sta un zavajo de fero che tegneva soto ciave la cosideta virtù (legi: “frittella”). Qualche mona perdeva la ciave e al so ritorno par des-ciavare la fèmana onde dopo inchiavarla sessualmente ghe tocava ciamare el fàvaro che co potenti pinse e tenaje verzeva la dona come la fusse un pessegato da chilo. Ma entremo in tema. Un nobile condotiero prima de partire par le Guere Incrociate ga ciamà el fedele servo che par comodità ciamaremo Nane e che ga dito solenemente:
- Mio valoroso Nane sono giunta l’ora dela *pugna. Il dovere mi ciama... e che io lo lassio sigare? Io vago a sderenare li infedeli e ti lassio in consegna mia mollie. Caro Nane de ti me fido parché ai l’ochio canino e quindi sei fedele (in efeti Nane gaveva l’ocio da can bastonà). Ecoti quindi la ciave dela sintura di castità di mia mollie. (segue)
Tu la terai sconta finchè no torno e possia me la consegnerai. Se sputacaso, tochiamoci le bale, no dovessi tornare dopo diese ani, e ribadisso diese, verzerai la seradura e mia mollie sarà lìbara di usare la bernarda a piacimento suo. Overo di fare la trogia. Sono stato ciaro?
- Serto capo, go capìo tuto el se fida de mi!!! - ga risposto Nane comosso da tanta fiducia.
El nobile ze partìo co i so soldà e apena co el gera a do chilometri de distansa el ga sentìo un cavalo avissinarse: “Clopete, clopete clopete” El se ferma e chi védelo rivare?: Nane tuto spasemà che ghe dise:
- El me scusa capo, ma el varda che el me ga dà la ciave sballià, boja scheo!
* Secondo il Prof. Toni Seco laureato in Pipe, Seghe & Ponpini presso l’Università di Sulmona il prode condottiero stava parlando dell’ora da lui dedicata ala masturbazione. Noi dissentiamo in quanto convinti che i prodi condottieri raramente si ramenino la broca specialmente quando devono partire per una guerra. Probabilmente il termine “pugna” è stato confuso con “pugnetta” portando così all’errore l’insigne studioso.
LEGGI I COMMENTI (10)
-
PERMALINK
> > > MESSAGGI PRECEDENTI
[ SONO OFFLINE ] 