Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27791 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
giovedì 28 agosto 2008 - ore 13:23
OSTREGHETA, GO FATO CENTRO!!!
(categoria: " Vita Quotidiana ")
El 28 de setenbre a Rovigo vegnarà presentà un libro top secret (par adesso!) de na me autrice. Sarà na prsentassion inportante parché sarà ospiti del’incontro Laura Freddi, Miss Well 2008 e parfin l’amigo e socio (de sventura) Moreno Morello. La roba me fa oltremodo piassere parché ghe ne ricavo anca mi na bea publicità... Naturalmente chi voe vegnere sarà gradito... No costa gnente e dopo la presentassion ghe sarà na bea svagonà de onbre de bon vin!!!!! Più vanti darò ulteriori informassion su posto, orario ecc.
COMMENTA (0 commenti presenti)
-
PERMALINK
martedì 26 agosto 2008 - ore 18:56
DEDICA’ AI ALCOLISTI SIA ANONIMI CHE NOTI!!!
(categoria: " Vita Quotidiana ")
Memoria curta
Un inbriagon ze al bar posà coi gunbi sul banco che trinca alla maledeta.... Verso le do, quando la simia ga ragiunto liveli spaventevoli, el ciama l’osto e ghe comunica l’intension de pagare par po’ inviarse a casa... Difati el paga, el cava i gunbi dal banco e cade in tera de rabalton cofà un saco de bietole.
- Giuda can, - el taca fifotare - no me rego in piè... a go da avere qualche problemin co el caibrio!!!
- Volo caro sior, - dise l’osto - che lo mena casa?
- Ma no caro, no’l se preocupa, - risponde l’alcolizà col figà marso - abito proprio qua davanti... pian pianeto me rangio... casomai me strassino... -
E difati, no essendo bon de métarse in piè, el se strassina e co calma, tanta calma, riva soto casa... Ultimo problema no’l ze bon de métarse in piè par vérzarse la porta. Alora el taca ciamare amorevolmente la molie-consorte che dopo tre minuti se afacia al balcon:
- Cossa vuto, loamaro de un porseo che no te sì altro??? Svejarme ale do de note, maledeto de un onto!!!
- Dami una mano tesoro, - cria l’omo - no me sento par gnente ben... forse go ciapà un colpo de fredo... no riesso gnanca a stare in piè!!!
- Vergognate inbriagon de un schifoso: te lo dago mi el colpo de fredo.... Quante damigiane gheto fato fora???: varda in che stati che te sì: e oltretuto te ghe lassà in giro PARFIN LA CAROSSELA!!!
QUISS DE ALTO LIVELO... Provè risolvare el rebusse!
.jpg)
LEGGI I COMMENTI (11)
-
PERMALINK
domenica 24 agosto 2008 - ore 16:51
LE DOMANDE INTELIGENTI
(categoria: " Vita Quotidiana ")
Dal’OCO 2005.. in vero stile Focus
Carissimo professore vorrei porle una dimanda che da ani mi tollie il sono: di chi sono filli i Puffi che nessuno ci a mai informati?. Giro la dimanda a Lei che è uno dei più grandi storioni viventi. Grassie e a presto.
Suo Neno Nane da Sajonara PD
Risponde lo storiologo (no storione, inbecile!) Mario Pénola laureato in Puffologia aplicata al pifaro presso l’Academia dela Semola de Cavasagra
Efregio sig. Neno,
sono oltremodo felice di poder affrontare questo argomento di grande atualità e che con Lei tiene sveglia come minimo mezza popolazione mondiale. L’altra mezza dorme o pisoca parché sono mona e quindi no si fa carico dei grandi dilemi mondiali. Ho scarf.... scarrt... scarat... scarte... letto insoma un muccio di libri e ho risolto l’argagno: i Puffi sono filli dela Fata Turchina e dei sete nani... Mi despiego più mellio: una sera la Fata Turchina era andata a trovare Biancaneve nela caseta nel bosco. Ma questa non cera perché era andata a cronpare dele mele-pomi da una vicina. A casa cerano solo i sette nani che in preda a un raptus erotico hanno coinvolto la Fata Turchina in un’orgia colossale. Dopo nove mesi, visto che la fata no prendeva la pilola sessuale sono nascesti i Puffi... Difati questi hanno chiappato alcune carateristiche dala mama (il colore azuro) e altre dai popà (l’altessa)... La lassio e vago subito a indagare di chi sono filli i tre porselini.. Saluti.... e mi scuso del ritardo anche se la colpa sono del mona del Basso che si sono desmentegatto l’ano passà...
El portatore de supersaladi...
LEGGI I COMMENTI (4)
-
PERMALINK
giovedì 21 agosto 2008 - ore 18:53
ORMAI SE PARTE!!!
(categoria: " Lavoro ")
Ormai ghe semo: el laoro de preparassion par el film-documentario chge sò drio produre ze drio rivare al termine. Preparare prima el sogeto, po la senegiatura, seliere i testi, incontrarme coi atori, catare le lochession, decidare i filmati da inserire, ze stà na nova esperiensa che me ga dà na serta carica. Ze stà indispensabile l’aiuto de Moreno Morello che me ga da un pochi de consili de gran utilità... Oncò gò da pareciare tuti i titoli de coa e doman gò da tacare a rancurare i ogeti par la senegiatura... Doman de sera sò anca a Salzan dove farò un intervento durante un spetacolo de e amigo musico-cabaretistico Pajaro sull’anatomia del corpo umano... Sabo e domenega me riposo e da luni se parte mandando in stanpa el libro "IL PUZZLE DI SONIA" un romanso in italian de na me amiga paruchiera de Rovigo e metendo in ordine i articoli par la Sganassada nova... El 12 setenbre parte de riprese del filme-documentario... Posto segreto parché senò el paron del posto ga promesso che ne fa corare tuti!.. Va ben, va ve regalo na barzeletina:
La barzeleta del mese
Na tosa incalcà de curve e curvoni se presenta dal mèdego co un brasso infassà... El dotore dopo na rapida ma intensa scalumada generale ghe dise:
- La me diga sioreta, cossa li è capitatto?
- A gò paura de èssarme rota un brasso, sior!!!
- E comòdo, ze sucesso, di grazia?
- Ze sucesso par evitare un puteo!!!
- Ostregassa, un incidente in màchina... zela andà fora strada, sputacaso?
- No sior mèdego... sò cascà dal leto!!!
.jpg)
Tocasso de gnoca overo un bandone!!!
LEGGI I COMMENTI (2)
-
PERMALINK
martedì 19 agosto 2008 - ore 10:53
FERIE DA SBOCHI!!!
(categoria: " Vita Quotidiana ")
Porca vaca mastela che ferie de feci (legi "merda")... No gò fato gnanca un giorno al mare co le balote al sole, gnanca un giorno ranpegà su par na montagna, gnanca un giorno al lago a vedare i ebeti che pesca e no ciapa un bacello (legi "na tega")... Gò laorà, laorà laorà... come ze nel costume de nialtri veneti che laoremo anca quando semo in coa soea Valsugana, soea Romea, soea mona de so mare vaca.... Però sò andà vanti co la senegiatura del dvd che so drio fare, gò catà le lochession ( legi "posti da tirare zo coea telecamara!")... incontrà i atori e presto se farà el primo ciak (che no ze el rumore che se fa co se pesta na merda de can!)... In otobre gavaressimo da vegnere fora col prodoto finio!!! Gioia, tripudio goduria!!!!! Cussì dopo ciapo na valanga de schei e vago in vita par do ani.,.. Toh ciapa!!!!!!
Eco questo no ze gnanca un atore che sarà sul dvd!!!
LEGGI I COMMENTI (9)
-
PERMALINK
venerdì 15 agosto 2008 - ore 10:09
IL CANTONR POETICO
(categoria: " Poesia ")
CONTRO
In càmara tua, in piè,
mi davanti de ti,
te parlo, te spiego:
“Cara, i ze tenpi duri:
bisogna andare contro:
contro ea moda,
contro le tendense,
contro la violensa
contro l’ipocrisia,
contro el rassismo,
contro l’indiferensa!...”
Te me vardi,
te soridi
e te me disi:
“Ze vero caro,
bisogna proprio andare contro...
Cossa disaressito,
intanto par tacare,
de incantonarme CONTRO el comò?”
.jpg)
El grande poeta Toni Tega autore dela lirica soracità!!!
LEGGI I COMMENTI (4)
-
PERMALINK
martedì 12 agosto 2008 - ore 16:05
IN MONA ANCA LE CAENE DE SAN TONI!!!
(categoria: " Vita Quotidiana ")
CAENA DE SAN TONI DE STANPO SESSUAE!!!!
Sta caena ze stà invià da omani veri mas-ci par rendare la so vita sessuale ancora più speciae. Al’incontrario dele normai caene questa no costa gnente e ti te poi soeo vìnsare. Basdta spedire sta létara a 9 dei to più mèjo amissi che ze veri mas-ci cofà ti. Po’ daghe l’indormia a to mojere o ragassa, sarala inte un carton (serca de no desmentegarte i busi par tirare fià senà la more sofegà tronca!) e spedissela al nome insima ala lista. Pian pianeto el to nome rivarà sora ala lista e ti te ciaparè par posta 64.294 fémene. Statisticamente rajonando, tra tute sto ben de Dio, ghe sarà almanco: mèsa Miss Mondo (?) – 2,5 modele – 463 ninfomani scaenae – 3234 ninfomani bandoni – 20198 fémene che gode come mitralliatrici – 40396 fémene bisess... In totale le ze 64294 fémene piene incalcà de spissa, manco inibie e sicuramente manco càncare del sboldron pacioloso e spissengo che gavì spedìo via. E, roba inportantisima, gavarì l’assoluta garansia che el vostro paco originae no ve tornarà più indrìo. NO STE’, PERO’, RONPARE STA CAENA, PAR CARITA’ DE DIO!!!! Un mona che ga spedìo soeo 5 létare invesse de 9 ga visto tornare casa la so fémena, ancora inrodolà nela vecia vestalia co la quale la gaveva spedìa, col stesso orendo mal de testa e l’espression da scorese sofegà stanpà sol muso... El stesso dì la supermodela internassionale incalcà de superbe tetone e curve da scrercarterie che viveva co lu, da quando el gaveva spedìo via el mostro, ze andà a vivàre col so più mèjo amigo (al quale no’l gaveva spedìo la caena).
Fin che mi scrivo sta létara el siorato che che al sesto posto sora de mi (in senso lato) ga za ciapà 837 fémene e ze destirà ridoto come na moeca morta da un mese su un leto del’Ospedae Fatevi I Cassi Votri Frateli... Fora dala stansa ghe ze ancora 452 pachi. BISOGNA CHE CREDI A STA LETARA, CAN BESTIA!!! La ze l’unica oportunità de fare na vita sesuale sul stile de quela de Rassa De Can o Tulio Iglesiass. Nessun costo, gnente senete fora, gnente discorsi da mona sule stronnsade che intaressa solo ale fémene... Se tronba subito e basta!!! Gnente suocere rognose e gnente trapole tipo matrimoni o fidansamenti! No stà pensarghe massa: SPEDISSI STA LETARA oncò stesso a 9 dei to più mèjo amisi.
PS se no te ghe la ragassa te poi usare l’aspirapolvare.
PPS ta lètara poe èssare mandà anca a fémene che te conossi cusì le poe prepararse ala gran aventura che le speta....
LEGGI I COMMENTI (3)
-
PERMALINK
sabato 9 agosto 2008 - ore 08:39
SCOOP DELA MADONA SUL MAESTRON!!!!
(categoria: " Vita Quotidiana ")
Pochi al mondo sa che ze in fase esecutiva el me CALENDARIO 2009 DEL’OCO INDOVINO, overo la più solene tolta par el culo dei vari indovini (sipiano essi frati o maghi)... Ma nissun al mondo sa che a colaborare co mi a sta solene opara d’arte ghe ze FREE overo Marco Frison disegnatore doc e incredibile ma vero EL MAESTRON, esimio slandrone residente nele paludi venessiane (?) el quale ga scrito (male) dele ricete economiche par sopravivare l’ultima setimana del mese... Na roba granda!!!!... A presto la foto dela copertina!!!
LEGGI I COMMENTI (5)
-
PERMALINK
venerdì 8 agosto 2008 - ore 16:51
TACHEMO BEN!!!
(categoria: " Vita Quotidiana ")
Oncò gò catà le "lochession" che dito cussì le pararia che le fusse i cessi dele oche overo "indove le oche vano a pissiare"... Invesse no: i sarìa i posti indove se gira i cosideti ciac, che no ze el rumore che se fa co se pesta na merdona de can randajo, ma bensì parcui ze el via che da el regista ai operatori (che no i ze i medeghi tajacristiani) par tirare zo co la telecamara i mone de atori che se move de qua e de là de baucon... Benon. Le me lochession ze qua in zona intramedo i canpi de saturco e formenton...
Scherso. Go veramente catà i posti dove girare i interni e doman se finisse la senegiatura... Dopodoman ze domenega e se grata i peri!!!!
LEGGI I COMMENTI (5)
-
PERMALINK
giovedì 7 agosto 2008 - ore 18:18
ANTEPRIMA!!!!
(categoria: " Vita Quotidiana ")
Eco fato: grassie ala titolare dela casa de produssion cinematofrafiche e televisive VIP MEDIACOM ciapa el via un me progeto che me cocolo da tenpo... la produssion de un particolare spetacolo teatrale (un poca de suspans ghe voe!!!) che vegnarà fora a otobre su dvd.
Posso dire che i atori sarà;
ANDREA BORDIN atore teatrale
VALERIO MAZZUCATO del Bepi e Maria Show
EL DIVINO MAGO UA.. un otimo cabaretistista...
tute le riprese e montagio vegnarà fare dal studio PRIMO PIANO de Mediaset e el supervisore sarà MORENO MORELLO..
Questo garantisse na qualità ecessionale del prodoto!!!
E desso al lavoro!!!!
LEGGI I COMMENTI (11)
-
PERMALINK
> > > MESSAGGI PRECEDENTI
[ SONO OFFLINE ] 