Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27790 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
sabato 6 dicembre 2008 - ore 14:26
VEGNI CATARME!!!
(categoria: " Vita Quotidiana ")
da oncò fin a luni de sera sarò co tuti i libri mii e dea Scantabauchi al Parco de Campoisampiero in Via Straelle.. Se qualchedun viaen catarme me farà piassere!!!!
UN POPCA DE SANA CULTURA RELIGIOSA dal me libro MONADE BIBLICHE
GIOBBE (da no confòndare co Giobe Covata) - mona eclesiastico
Omo pio, probo e che sofriva de sgranfo ale ganasse e enfisema polmonare bicilindrico par via de tute le preghiere, canson e litanie che inalsava a Dio.
Pien de fioli quasi cofà el cantante Albano el gera anca sior squasi come Berlusconi: el gaveva setemila tra piègore e cavaroni, tremìe cameli, cinquesento pari de bò e sinquessento musse, pite, ànare, faraone da ovo, galine da brodo e da ovo e coneji.
(Gli erano nato sette figli e tre figlie; e il suo gregge era di settemila pecore e tremila cammelli, di cinquecento paia di bovi e cinquecento asine…)
Fin che lu pregava i fioli ghe na faseva ajo: feste, tronbade, porchi e resie.
Cussì un bel dì el Sig. Dio ga deciso, par farse quatro sganassade, de dare in usocapione l’ànema de Giobe a Satana anca par védare se el ghe la molava de cantare litanie. Questo, parente streto de Bertinoti, in pochi secondi ga tacà a farghe schersi copàndoghe piègore e musse, fulminando i cameli e faséndoghe morire de scagoto i bò. Come se ciò no bastasse el ghe ga fato crolare la casa in testa ai fioli che ze morti porchesando oribilmente... Giobe invesse, come ch’el ga verto el telegrama co tute ste bele notissie invesse de fare un screcarterie, se ga messo cantare come el sinpio de Albano nel’Isola dei Famosi:
"Nudo e nado uscetti dal seno di mia mama
e nudo e nado ve ritornarò.
Il Signore ga datto, il Signore ga tolto,
benedeto sia el nome del Signore!"
Intanto el sig. Dio e Satana che gera insieme in ostaria "Al setimo cielo" vardava la sena... Dio sganassando contento ghe da dito al demonio:
- Gheto visto quanto ben chel me voe?... Questo ze più mon... fedele de Emilio Fede!!!
- E chi saresselo sto Emiglio?
- Gnente, gnente... El ze, ansi el sarà, un baucoto grando senpre, co la facia da mona, che in un futuro remotolo el ghe corarà drio ovunque, co la lengua de picolone, a uno che crede de èssare mi, sto senpio...
- Mah... Comunque par mi bastarìa mandarghe un poche de malatie parché anca sto to fedele taca a porconarte ala grande... Ze fàssile soportare le rogne quando se stà ben!
- Scometimo???... Dai fa na prova... mandaghe qualche rogneta personale; che ne sò i reumatissi...
E cussì Satana, che gera esagerato, ghe ga mandà par via aerea l’influensa aviaria, mistà co un pissegheto de aidiesse, lebra, ebola, peste scavejona, maroidi intel culo e peronospara.
Dopo tre ore Giobe gaveva na piaga che partiva dala cormegna dela testa e finiva sule onge dei piè... Tanto ch’el perdeva i tochi par casa e la mojere lo ga sfratà... Cussì ghe ga tocà andare a vìvare sora un mucio de sénare dove co un toco de tassina da cafè el se furegava drento le piaghe par cavare i bigati...
(il satana uscì dalla presenza del Signore e colpì Giobbe con una piaga maligna, dalla pianta dei piedi alla cima del capo. E si prese un coccio per grattarsi e si sedeva in mezzo alla cenere.)
Tre amissi che gaveva sentìo la storia ga deciso de andare catarlo par gustarse el turpiloquio estremo che i se spetava ma quando che i ghe ze stà davanti i ga taca criare come vedei, cavarse i caveji dale suche e rodolarse par tera dala disperassion: Giobe infati ghe ricordava Fassino e ciò li ga terorisà...
(Poi si sedettero con lui in terra, per sette giorni e sette notti, e nessuno gli rivolse la parola, perché vedevano che grande era il suo dolore)
Giobe a sorpresa invesse de dirghe al signor Dio quelo ch’el se meritava (overo na svagonà de resie acute) ga tacà un cantamento acuto che no finiva più disendo:
"Lode a Dio de qua...
e lode a Dio anca de là"...
Dio si che sa,
e mi no sò gnente...
Ciapa qua e meti là...
Aleluja.. aleluja"...
Dopo tre ore Dio se gheva roto i pistoni divini e par farlo tasare ga fato un miracolo plurimo: ressussitare i fioli, clonare tute le bestie e la riscostrussion dela casa crolà... infin guarirlo dela piaga orenda... Giobe se ga sfregà i ocieti lagremosi, spolvarà la tònega e dopo aver mormorà:
- Ostregheta, che ben che stago... No me pare vero... Ragion par cui...
Aver paura de Dio ze sapiensa,
ma schivare le rogne ze inteligensa...
Ciaparlo in culo fa assai male
e chi dise de no conta bale.
Ma mi amo Dio e no me lagno
E canto fin a andare in afano!
Ragion parcui Aleluja, Aleluja e..."
- E no, Giuda sassin, - ga sigà Dio che no ghe ne podeva più - adesso basta cantare... Te me ghè proprio stufà!!!
E lo ga fulminà de boto portandoselo par senpre in Paradiso ma no ala destra del Padre ma ala sinistra e distante il più possibile...
LEGGI I COMMENTI (2)
-
PERMALINK
sabato 29 novembre 2008 - ore 13:41
RECONCONTO O BREC STEIG DEL SERVISSIO DE STRIISIA A COLONIA IN TEDESCHIA
(categoria: " Vita Quotidiana ")
Bon dopo la rapidissima messa in onda del servissio che me vede gigantesca spala al blasonato Morello nele inusitate vesti de un valoroso capomastro (i artigiani ze senpre valorosi anca quando i deruba sfaciatamenyte i clienti) vorìa erudirve sul viajo e relatiuve dietro le quinte (anca seste e setime) del servissio stesso. Alora semo partiì drento un spassioso furgonasso a nove posti ale oto e mesa dopo i brontolamenti de rito del solito brontolon acuto de Stefano che pare caricare i bagali ghe ga messo mesa ora. Le proteste più corpose aconpagnae da coloriti insulti e porchi misti in sorte gera riferìe ala me atressaura de proveto muraro... Cassola, boea, secio da malta, fraton, pionbo, spatola e similia. Purtropo la betoniera no ghe ze stà quindi se gavemo invià. Dopo venti minuti gavemo fato tapa ala primo autogril parché Manfre e Stefano, i solerti operatori, gaveva voja de fare colassion. Infati i do ga ordinà panini co sopressa e ajo, salado e formaglio, bira e un paro de wurstel tanto par abiture i capienti stomeghi (e panse) ai usi e costumi del popolo teutonico... Par evitare de morire de fame durante el longo viajo i do ga cronpà anca caramele, steche de cicolata, patatine frite in capiente tubo.. Luca de Raho, ganso e interprete, se ga perso in mezo ai giornali onti ma no ga avuo coraji de crompare... Andrea invesse ga cronpà un metro de cicolatini Chinder Bueo e li ga sconti in màchina. Semo ripartii e dopo trentado fermate in Italia parché na parte del staf gaveva urgente bisogno de spissotare finalmente semo rivai in Austria. Qua al primo autogril a Manfre ghe ocoressa de grosso e quindi ze andà baldansoso verso i cess.. scusè le toalè.. Ze entrà e pochi muni dopo ze ussio e ga inpiantà na nosa col custode del cagauro parché nol voleva pagare i 50 centesimi de tarifa par na cagada poiché, cussè afermava lu "go solamente scorezà.. e vojo pagare la tarifa par le scoreze!!!"... Rsolta col giudice di pace l’incressiosa vicenda semo ripartii par fermarse a magnare dopo sirca na ora... Ma questo ve lo conto doman!!!
LEGGI I COMMENTI (5)
-
PERMALINK
venerdì 28 novembre 2008 - ore 16:08
STASERA SO IN ONDA SU "STRISCIA LA NOTIZIA"
(categoria: " Vita Quotidiana ")
E co questo rivà a ventiquatro servissi par la nota trasmission grassie al mitico Moreno Morello... E torna a rivestire un ruolo che gò za fato diversi ani fa!!!! De più no se poe dire!!!!! A doman i retrossena!
LEGGI I COMMENTI (3)
-
PERMALINK
mercoledì 26 novembre 2008 - ore 20:33
MISSION CONPIUTA!!!
(categoria: " Vita Quotidiana ")
Toh ciapa.... tornà stanote dal profondo estaro co Moreno Morelo, e la so trup formà da na rara smanegà de slandroni che più slandroni no se poe.. gnanca se te li fabrichi su misura: lipe, ingordi e senpre drio rognare... I unici scopi che sti fioi de mussa ga nela viita ze: magnare, bere, fumare cofà ciminiere, vardare le done, comentare a alta vose, andare de baucon de qua e de là e nei rataji de tenpo fare anca qualche ripresa... Ze sucesso de tuto: dal furto de un sentenaro de cicolatini conprai da uno e sparii leteralmente pena posai in machina in quanto n’altro li ga magnai tuti de scondon a na figura de feci (legi "merda") in un locale pubrico... Ma sò vincola al segreto professionale (pare vero!) e no posso parlare ma pena chel servissio de Strissia va in onda spifaro fora tuto e li sputano alla granda... Naturalmente co sti onto Moreno no c’entra in quanto ze rafinatissimo e po me paga!!! Quindi par Moreno ip ip urà e par tuti st’altri PRRRRRRRRRR.. e par mi un aplauso e sena aperta e un stendin ovulession!!!
LEGGI I COMMENTI (5)
-
PERMALINK
giovedì 20 novembre 2008 - ore 20:31
ULRIMA ORA: SE PARTE PAR STRISCIA LA NOTIZIA!!!
(categoria: " Viaggi ")
Domenega viaggio al’estaro co la troupe de Moreno Morello (e co lu) par un novo servissio da ciuciarse i dei!!! Par adesso TUTO TOP SECRET!!!
LEGGI I COMMENTI (3)
-
PERMALINK
giovedì 20 novembre 2008 - ore 20:29
INVITO AI SPRISSINI E SPRISSINE!
(categoria: " Cinema ")
Doman de sera proiession e presentassion co tuti i atori de FILO’ 2009 (film documentario girà da mi) in Sala Filarmonica a Camposampiero ae ore 21.00 Ingresso libero... Chi voe vegnere ze graditissimo!!!
LEGGI I COMMENTI (4)
-
PERMALINK
mercoledì 19 novembre 2008 - ore 09:13
SE PARTE PAR BOLSANO!!
(categoria: " Viaggi ")
SE VA A BOLSANO IN MESO AI CRUCHI IN MISSION SEGRETA!!!!
Ma ecove raquante informassion che ve insegna a definire un stramassatore de gnoche in veneto!!!
bueo, bueon, bueasso, bueo ranso = sinonimo agricolo al massimo grado. Usato dal "popolasso" campagnolo in segno di profondo disprezzo. Appartengono a codesta categoria i vari "pansoni" che "spiociano" le coppiette che si sbarossano dietro i caresoni.
cucadores = Il termire foriero di oscure rimembranze spagnoleggianti viene usato per definire un uomo profondamente impegnato in intense manovre sessuali... Nella raffinatezza del termine si coglie l’ appena velata ammirazione che chi la usa prova nei riguardi del destinatario...
fureghin = così definito il fidanzato della ragazza agricola che nonostante la faccia da ex chierichetto e l’espressione tipica del mona globale in realtà è un palpeggiatore maledetto che come scopo primario ha il trapanamento della parte più intima della suddetta ragazza, la quale, invece di urlare e chiamare la mamma in soccorso, sottostà con evidente goduria agli assalti pincerecci del fureghin... Sta porsea de na luja!
Ù
loamaro = quando uno è grasso, peloso, maniaco sessuale in quanto otturerebbe sessualmente anca il buco provocato da una "tonpinara" in giardino, parla male e bestemmia come una comitiva di turchi incazzati il buon veneto della profonda campagna ha nel suo ridotto vocabolario un solo termine atto a definire il soggetto: appunto "loamaro" al limite rafforzato dagli aggettivi "porco", "schifoso" o "bueo ranso".
magnafranse = termine composto da due parole "magna" da "magnare" = mangiare, e "fransa" = frangetta.. Questo in senso letterale. E’ evidente che se noi pensiamo ad un "mangiafrangette" arriviamo alla convinzione che costui è un grandissimo mona. In realtà il termine frangetta in senso lato vuol significare tutt’altra cosa... signi-fica-re... Ciaro?.... Ecco allora che alla luce di quanto spiegato il "magnafranse" risulta essere un particolare buongustaio ricercatissimo dalle donne in genere...
onto = insulto di lieve gravità. Si usa quando il soggetto è un porcello nella media, ovvero uomo etero, che impegna parte del suo tempo a caccia di fritelle umane ma senza essere ossessivo. Vittorio S. non è un "onto" ma un "putaniero porco"
putaniero = Deriva direttamente dall’italiano "puttaniere" = chi frequenta le meretrici. Le "meretrici" sarìa le putane che fa mercimonio della fritella sessuale. Quindi uno che stramassa le donne previo pagamento. In veneto invece il termine è più elastico: chi tronba alla maledetta è un "putaniero" sia che paghi o sia che lo facia agratis... Roco Sifredi ze un putaniero anomalo in quanto vien adiritura pagà parché mete a disposisson del "gentil sesso" un sardelon che no finisse più!
pelafighe = vedi "magnafranse", forse un poco più intenso in quanto se presume che el sogeto in question adiritura riessa, grassie ad un uso forsenato, a spenotare l’organazzo feminile che ghe capita par le satte... Roba inprobabile e mai dimostrata... (scusate se ho scritto in veneto... mi sono sbriziatto!)
pinceur = vedi "cucadores" però in questo caso alla francese che fa più chic...
pinciapue = termine usato per deridere un qualsiasi fiapone che sogna di stramassare donne a a nastro ma che in realtà al massimo potrebbe incoconare bambole gonfiabili in quanto totalmente mancante di tennica pincereccia, resistenza fisica e materia prima penetrativa...
LEGGI I COMMENTI (2)
-
PERMALINK
mercoledì 19 novembre 2008 - ore 00:11
INVITO!!!
(categoria: " Vita Quotidiana ")
Venare de sera ae ore 21.00 presso la SALA FILARMONICA DE CAMPOSAMPIERO presento insieme co tuti i interpreti FILO’ 2009 un docu-fiction sinpatico dove vien riprodoto sta veglia in stala che no se fa più... Tra i atori Valerio Mazzucato, Andrea Bordin, Roberto Bellino... Se qualchedun voe vegnere ala proiession ze ben gradio!!!! Ingresso naturalmente agratis!!!
COMMENTA (0 commenti presenti)
-
PERMALINK
domenica 16 novembre 2008 - ore 10:37
Ahhh Ahhhh... Ahhh... SO STA’ SU "PAPERISSIMA"
(categoria: " Vita Quotidiana ")
Gnente da dire: ormai posso afermnare co sicumera e sensa temansa alcuna de èssare deventà un MONA DOC NASSIONALE!!! No sò ben parché né parcossa ma venare passà sò andà in onda su Paperissima probabilmente par un fora onda durante un servissio de Strissia co Moreno... Cossa vol dire?? Vol dire che sò bravo, inteligente e svejo.. e soratuto modesto!!!! Toh ciapa!!!!
LEGGI I COMMENTI (2)
-
PERMALINK
venerdì 14 novembre 2008 - ore 17:00
ECOME QUA!!!
(categoria: " Vita Quotidiana ")
Che paro de cojoni in sto periodo: prima mae a schina.. po’ mae a na ganba e el medego che me ordina punture a maneta... Beh par stare mejo e sentirme dire che gò l’ernia al disco i me ga fato el culo cofà na farsura da cusinare le castagne.... Come se no bastasse ste rogne de sicuro mandae da un Dio al quale go da starghe pesantemente sui Divini Cojoni, prima el conpiuter ze andà come se suol dire "in mona so mara vaca!" overo el ga ciapà un poche de bai o viruss e cussì le icogne sul schemo se ingropava su tra de lore e deventava na orenda baea, po’ se stuava tuto: morale dela storia 430,00 €. Po’ ze sc-iopà la television e i familiari che se perde drio al sacramento de casseloto rinbanbissi zente ga preteso un schermo al plasmon, grando come na casa e ultrapiato!!! € 1200,00... Desso camino de sotignon cofà me nono che ga 98 barete e ze afeto da balon (vulgo varicocele), porchezo a maneta sia Dio che so filo che so mama e anca el spirito santo... E qualche tirada de rece se le cuca anca el Papa Meringa che ghe mete la pessa su tuto.... Quindi par cocludere: NO SI MUOVE FOLLIA CHE DIO NO VOLLIA, RAGION PAR CUI, PORCO QUA E PORCO LA’!!!
LEGGI I COMMENTI (4)
-
PERMALINK
> > > MESSAGGI PRECEDENTI
[ SONO OFFLINE ] 