Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27792 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
domenica 9 marzo 2008 - ore 16:55
RIDEMO VA!!!!
(categoria: " Vita Quotidiana ")
Cussì se fa!
Sala da balo. Un giovinoto fureghin ze drio balare con a tosa procace e a un serto punto el prova basarla in boca. – Oh no, - ribate la tosa – questo e altro lo parmetarò apena sarò fidanzata!!! – Ah benon, - fa el giovinoto alontanandose – alora fasemo cussì: pena che la se fidansa la me averta… Bonanote cara!
Metafore venete
Carla Fraci e la so guardia del corpo umano va a fare un giro in gondola a Venessia… Co i riva in Piassa San Marco la Fraci co un agile balso felino la salta come un grijo fora dala gondola e atera sula terraferma… La so guardia del corpo dise orgolioso rivolto a Bepi el gondoliero: - Ha visto?... è una figlia del’aria!!! – Bepi alsa na ganba e “sbrannngggg” mola na viola terificante: - Ah sì?… e questa ze so sorela!!!
Sorprese!
Un siorato va de sotignon in albergo a ore con a donacia (legi “lucciola”).. Dopo finìe le so robe tuto sodisfato el torna zo e dimsanda el conto: - Sonno trecento e cinquanta euri… sior – dise tranquilo el portiere. – COSSA!!! – urla el siorato – tresento e cinquanta euri par un paro de ore??? – No sior, - spiega sereno el portiere – venti euri ze par le so do ore… el resto sonno par le ore in sospeso de so mojere!!!!
A Palermo
Ora de ponta drento un autobusse fodrà de zente che spense, fraca, sua, siga e porcheza…. A un serto punto s fa largo uno co la facia cativa, la copola in testa e pistola in man che siga: - Fermi tuti: questa è una rapina… Dela mafia sugnu!!!! – Nel silenzio de tonba uno tira fora el fassoleto e taca sugarsi i suori: - Minchia che paura… meno male - el dise - credevo che fusse il bigliettaio!!!
Creansa
Dal barbiero inte un paesetto de campagna. Entra un turista distinto e dmanda chel ghe fassa la barba. El barbiere lo fa acomodare ciapa el penelo e ghe spua sora e po’ fa par passarghelo sula facia del siorato distinto. – Ostrega – siga questo – ma zeo gnanca mato??? Cossa zeo drio fare??? – Lo stago tratando da cliente de riguardo, sior, - risponde sorpreso el barbiero – ai paesano ghe spouo direttamente sul muso!!!
LEGGI I COMMENTI (1)
-
PERMALINK
venerdì 7 marzo 2008 - ore 20:36
PARENTI STRONSI!!!!
(categoria: " Vita Quotidiana ")
Zio can, cossa goi fato mi de male par avere dei parenti streti stronsi e rognosi???... I me ronpe i cojoni , i se ne frega de tuto e invesse de stare siti i pontifica su tuto... Mi aborisso la violensa fisica ma aceto quela verbale, ragion par cui li MANDO TUTI A CAGARE!!!! Fasso male???
El proverbio sagio: " I parenti ze come le scarpe.. più streti che i ze più i fa male!"
LEGGI I COMMENTI (2)
-
PERMALINK
giovedì 6 marzo 2008 - ore 22:56
CASSO SE ZE VERO!!!
(categoria: " Vita Quotidiana ")
PIU’ CHE SE STUDIA PIU’ MONE SE DEVENTA!!!
LEGGI I COMMENTI (2)
-
PERMALINK
mercoledì 5 marzo 2008 - ore 18:28
EL SCUP DELA SGANASSADA!!!!
(categoria: " Vita Quotidiana ")
WALTER BASSO PRENDE I VOTI!
Stavamo passeggiando con voluttà per le affollate vie del centro di Camposampiero City quando ci siamo visti venir incontro, fendendo la folla con passo spedito, il noto scrittore paludato in vesti ecclesiastiche di tutto rispetto… Ci siamo per questo avvicinati onde intervistare il grande letterato e farci rendere edotti del repentino cambio di stato civile…
D: - Sia lodato Gesù Cristo!
R: - Parché???
D: - Scusi Don Basso ma, che noi si sappia, si usa interloquire così con un prelato!
R: - Ah sì… To varda… e alora che sapia mi ve mando subito a cag…
D: - Lasci stare: ma ci dica si è forsanco fatto prete???
R: - No me so fato trans… Che domande èbeti fasìo?... No se vede che sò vestio da prete???
D: - Un’inprovisa vocazione?
R: - No un inproviso colpo de culo: el birichino de Don Sante Sgujotti no ga miga butà ae ortrighe la tònega?... Beh, mi la gò catà e me la sò messa…
D: - Ma… ma è sacrilegio!!!
R: - Ma cossa disio?: don Sante gera prete gaveva la morosa, ga fato un fiolo e ga guidà la ciesa par venti ani e ga scrito un libro… Mi gò la mojere, gò na fiola, ze trenta ani che guido la machina e gò scrito un smerdaro de libri….
D: - Non la seguiamo..
R: - Par forsa, sò fermo: slarghè ben le rece stando però atenti che no ve sbrissia fora i stitici serveli: fin poco tenpo fa i ruoli gera rispetai: mi scrivevo libri, guidavo la màchina, me facevo qualche tronbadina par uso de casa e publicavo soleni libri par vìvare… Don Sante faceva el prete (tronbava de scondon) e guidava la ciesa… Tuto regolare: ma dal momento che lu se ga messo tronbare a ciel sereno e scrivare libri el ze andà ocupare un setore che no ghe compete, overo el mio, oltretuto portando via vendite a mi! A sto punto mi me meto fare el prete cussì semo pari! Ansi vardè che desso me ciamo Don Pierpaolo... Questa ze logica siori!!!
D: -Mah, siamo dubbiosi sulla validità del ragionamento: ma il Vescovo Mattiazzo cosa ne pensa???
R: - E mi che ne sò?: miga el ze el me editore.. e po’ tra preti che tronba spose ignare, cardinali maron scuro che se sposa e tronba ala luce del sole, paroci che fa fioli e po’ va in television a dire monade, preti che inpianta ciodi e po’ se dimete, el ghe ne ga na supa grande senpre… Secondo mi col s’incassa el ga da trare tante de quele sparolasse…
D: - Lasciamo perdere… Ma cosa conta di fare adesso?
R: - Catarme na parochieta, fare qualche sagra co la pesca trucada (i bilieti boni li meto drento do minuti prima che sia finia !), far laorare i tosati e tegnerme i utili, intascare le oferte dei fedeli, metere na cospicua tassa sui funerali, matrimoni e batesi, catarme na femena dele pulissie che sneta casa e ciesa agratis (cussì me mojere se riposa), dire messe par i cadaveri a pagamento… insoma fare la vita de Matiasso, magnare bere e andare a spasso…
Sospendiamo l’intervista e comunichiamo il nostro totale dissenso da quanto affermato dal noto autore… Noi abbiamo fatto solamente il nostro dovere di cronaca…
LEGGI I COMMENTI (2)
-
PERMALINK
venerdì 29 febbraio 2008 - ore 13:49
CHE SCHIFO!!!!
(categoria: " Vita Quotidiana ")
Sanremo va vanti come un pachiderma.. Manca solo el stend del folpo e dopo la difarensa co la sagra de Tranbache ze anulà.... La canpagna eletorae continua inperterita co zente che siga e promete de trasformare l’Italia inte el Paese dei Balochi... Intanto a Gravina vien ritrovà i do toseti morti da venti mesi... Na morte che dovarìa farne tuti vergognare... par le ciacole, le ilassion, le ricerche fate a casso de can... Tuti colpevoli, nessun colpevole: pare e mare barufa ancora, i mass media blatera a marteleto... No se capisse più un casso. L’unica roba sicura ze che DO TOSETI ZE MORTI IN MODO TERIFICANTE!!!... Ma zea questa l’Italia che ga da rialsarse?.. l’Italia che ga da canbiare?... no gò più parole!!!! Me vien voja de domandare scusa a Ciccio e Tore e finalmente de stroparse la boca!!! Stemo siti che ze mèjo!!!
LEGGI I COMMENTI (1)
-
PERMALINK
giovedì 28 febbraio 2008 - ore 13:35
VUTO RIDARE????
(categoria: " Vita Quotidiana ")
A tuti quei che ga voja de farse quatro ridade lezendo le vacade sia in zona che nassionali, consilio de andarse a lezare la Sganassada in ussita sti giorni, sul sito www.edizioniscantabauchi.it... No costa gnente.. tuto agratis!!!
LEGGI I COMMENTI (1)
-
PERMALINK
lunedì 25 febbraio 2008 - ore 16:00
LA PISSICOLOGIA A SERVISSIO DEL POPOLO (BESTIA E ASENO)
(categoria: " Vita Quotidiana ")
A cura del prof. siens. Paolo Sciopet
Gentile sior médrego dela testa Paolo,
io medesimo sono un umile contadino agricolo di ani 47,67 e peso 90 chilogrami neti co la pataria fora dala balansa. Ho una salute di fero feroso e mai, digo mai, gò avuto problemi di svelo umana. Tenpo indietro però gò imprestato al mio confinante tale Nane Foca un pressioso vanghetto del xx secolo co manehìgo in legno di rovare . Il Nane aveva da cavare una busa onde tarare il maiale-suino defunto par male rossino dei porsei. Ma è passato squasi un ano e il pressioso manufatto no è più tornato al’ovile. Io quindi e perciò da un mese no dormo ansi mi rameno par i linaioli, mi inrabio co gnente e mi sento ansioso miga pica… Cossa poe essare?... Me aspeto valida risposta, diagnosi e cura possibilmente agratis. La saludo co stima e zontanto i più d’istinti saluti.
Caro siorr Nane dei miei nani,
la diagnosi, essa la quale, sono semplice e copnprensiva anca a un musso: lei è afeto dala famosissima “ansia da prestassione” in quando avendo “prestato” al mona (mi scusi) de Nane un stresso di sua medesima proprietà ha efetuato una cosideta “prestassione”.. Il sempre pèiù mona de Nane da parte sua fa bao e si tiene l’atresso agricolo. Lu quindi se intavana e ghe vien su l’ansia… Eco quindi risolt il dilema.. Par sua informassione l’ansia da prestassione viene anca ai maci in calda quando fano l’amore co una dona umana. Sti masci cossa fano par conpire l’ato svergognoro? Imprestano il cosideto pippolo ale dona di turno che dal spiente uso delo stesso trae goduria e passere no comune…A sto punto a serti uomini vien su l’ansia parché ganno paura che le done se tengano il loco il pippolo e ciò li rende tristi. A Capito? Pa risolare el suo caso consilio na rata de peadoni intel bero al Nane finché no’l riporta indrio l’atresso canpgnolo… bona giornata e me sapia dire!
COMMENTA (0 commenti presenti)
-
PERMALINK
venerdì 22 febbraio 2008 - ore 16:42
MA VERAMENTE I POLITICI PENSA CHE SEMO CUSSI’ MONE???
(categoria: " Vita Quotidiana ")
Padova ze za inpestà de manifestoni gigante co le faciote dei tre lider (?) de ponta par le nove votassion: parlo naturalmente de Berlusconi, Veltroni, Casini.. (pian pianeto nei busi lassai vodi da sti Grandi sui muri se inpirarà i lider più picenini).. Ve racomando i slogan: " Pensemo subio ale fameje!" "Premiemo i più mejo!" "Italia rialzati!" (Gesù ga denuncià Berlusca e ga dimandà i diriti d’autore parché ze stà lu el primo a sigare "Alzati e camina!"...) .. altra perla ze " No stemo canbiare govermo... Canbiemo l’Italia!"... Ora sorge spontanea na dimanda, come dise el sinpio de Lubrano:
MA VERAMENTE CREDI’ CHE BASTA INPESTARE DE CARTELONI EBETI TUTA L’ITALIA PARCHE’ NIALTRI VE VOTEMO???
ZE QUESTA LA STIMA CHE GAVI’ DE NIALTRI UMILI CITADINI???
Ma andè a c...... va!!!!
COMMENTA (0 commenti presenti)
-
PERMALINK
lunedì 18 febbraio 2008 - ore 19:57
NA BARZELETASSA !!!!
(categoria: " Pensieri ")
Su col morale... Doman de sera taca el corso a Limena TERAPIA DEL SORISO co Fred del Bepi e Maria Show.. Par entrare in tema oncò publico na barzeletassa... toh ciapa!!!
La barzeleta a sfondo religioso
Inte un condominio a Padova vive un pensionato de na religiosità estrema... Poareto, nulatenente (anzi nulagenerale), desgrassià acuto ma religioso... Razon par cui el so tenpo lo passa tuto in cesa, tra messe, brespi, funsion, canti, rosari e litanie in sorte... Inoltre tute le sere conta le so passion a Dio e ghe dimanda, par piassere pregando, na man...
Sul stesso condominio abita anca un giovinoto strassamudande, pomicione, che ghe ne fa ajo: beve, fuma, va a donace anca parché ze fodrà de schei cofà un ovo, no lavora, porchesa a maneta, no crede a Dio e no prega gnanca se te o copi... In più ga na salute de fero quando invesse el probo pensionato ga intel culo do maroidi da chilo...
La vita intel condominio score tranquila. Uno prega e uno biastema. Quelo che prega sofre cofà un can, quelo che biastema gode cofà un mas-cio...
Un bel dì el pensionato ciapa el corajo a do man e durante na preghiera dimanda spiegassion al signor Dio:
- El me scusa Capo Celeste, ma come zela sta storia che mi che prego fin a gripare la lengua, vago senpre messa, vago confessarme, stago male, no gò schei, e vivo da bestie, quando invesse ch’el porseon ludro che stà dessora de mi, tronba a tonfone, beve, fuma e biastema e ze pien de schei e sta ben de Dio???????????????????... rispondame: parché?.... parché? -
A un serto punto dal’alto se sente na vosse tonare:
- Parché, te voi savere?... Parché?... te contento subito: PARCHE’ LU NO ME RONPE MAI LE BALOTE!!!.... CAPIO????
LEGGI I COMMENTI (3)
-
PERMALINK
domenica 17 febbraio 2008 - ore 10:48
DESSO TUTI CALARA’ LE TASSE... E IERI...
(categoria: " Vita Quotidiana ")
Dopo le affermazioni di Padoa Schioppa: “Pagare le tasse è bellismo!
CO ILOR, IPER, IVA… SE GODE DE PIU’ CHE CO LA…
Il solerte ministro (che dio ghe scavessa le ganbe!) dopo aver portato all’attenzione mondiale che la maggior parte degli italiani sono “tassofili” ovvero affetti dalla perversione sessuale “più che pago più godo!” finora tenuta nascosta come cosa vergognosa assai (solo ora sappiamo che moltissimi contribuenti frodavano il fisco denunciando di più per raggiungere orgasmi da urlo), ha deciso di togliere dall’imbarazzo questi contribuenti e anzi di rendere normale la cosa. Per questo nei vari uffici postali e nelle banche verranno aperti degli appositi sportelli a luci rosse all’interno di discreti stanzini dove il contribuente tassofilo potrà trovare tutto l’occorrente per aumentare a dismisura il piacere del pagamento tasse. Oltre a riviste sconce con le foto dei vari modelli di 730 e 740, ICI, IRPEF, ILOR, F 24, tutti in pose osè (l’IVA addirittura con le aliquote… aperte!), saranno a sua disposizione: vibratori con il glande a forma della testa di Padoa Schioppa, vaselina (per i contribuenti normali), vaselina mista a sabbia (per i contribuenti masochisti), supposte al profumo di ulivo, un catalogo a colori con giovani tasse provenienti dai paesi dell’Est e biancheria intima sexy. Qui a Padova va già a ruba il modello di boxer da uomo color bianco con la scritta sul retro: “Pago e tasse par el piasser mio/ e se serve ve dò anca el dadrìo!” Buone nuove anche per gli eiculatori precoci che saranno autorizzati a pagare più volte le stesse tasse senza incorrere in sanzioni. I “diversi” ovvero gli evasori fiscali verranno considerati anormali e quindi rinchiusi in appositi manicomi e curati da valenti psicologi. Valentino Rossi verrà internato a vita!
dala SGANASSADA de novenbre 2007
LEGGI I COMMENTI (1)
-
PERMALINK
> > > MESSAGGI PRECEDENTI
[ SONO OFFLINE ] 