Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27792 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
mercoledì 29 agosto 2007 - ore 19:02
INFORMASSION!
(categoria: " Vita Quotidiana ")
Gò sentio dire che ze in realisassion in giro par l’Italia el cosideto FANCULO DAY onde mandare a farselo metare na bona parte dei politici sipiano essi i quali de destra, de sinistra o de centro... Sicome sta roba me intriga parechio, visto che mi in genere sta zente ormai me stà cussì pesantemente sui ovi che me li tajaria pur de vedarli cascare par tera. voria che chi sa calcossa me informasse... In modo che pena che sto FANCULO DAY i lo fa a Padova vojo essare in prima fila a sigare più forte de tuti!!!!
LEGGI I COMMENTI (4)
-
PERMALINK
mercoledì 29 agosto 2007 - ore 17:03
MAGO DEL CASSO!
(categoria: " Vita Quotidiana ")
No sò se gavì mai visto un mago (?) co la suca peà e el pisseto da cavaron che passa metà del so tenpo in television a dire mae dei so coleghi che ze, secondo lu, ladri, farabuti, fioi de troia, delinquenti, figure porche e rotiinculo (questo ghe lo zonto mi!)... memtre lu ze onesto, bravo e sa tuto... Po’ el spara de quele cassade che no ve digo... Inoltre tenpo indrio el ga ringrassià Strissia la notissia par fare piassa pulita de sti schifosi!... Lu però, nela so pubricità dise chel risolve tuto (amore, schei, lavoro), ma no problemi de salute!!! Anca parché el mona sa benissimo che Strissia colpisse solo queli che trufa la zente sula salute... Beh, mi sta osservassion ghe la go fata via email e lu me ga risposto intavanà nero chel me denuncia subito ai carbonieri de Schio par difamassion!!!... No gò miga capio: UN LADRON CHE DENUNCIA CHI GHE FA NA DOMANDA SUI SO FURTI!!!... Al che mi ghe rispondo: sior A...X MA VA CAGARE SULE SUCHE A CIOSA TI E TRENTASIE DEI TO PARENTI!!!... CHE DIO TE FULMINA!!!
LEGGI I COMMENTI (8)
-
PERMALINK
lunedì 27 agosto 2007 - ore 16:16
A PROPOSITO DE PRETI....
(categoria: " Riflessioni ")
El curato de Montegrosso
no ga de serto el cicio flosso,
ma bensì lo ga forte e duro
da sfondare parfin un muro…
Par questo lo meteva a dimora
drento a tana de na gran mora.
Ma fraca oncò e fraca doman
cossa sucede, orco de un can?
chel preton de sto paeseto
se cata pare de un bel toseto!
E se el curato de Montegrosso
no ga de serto el cicio flosso
el sior vescovo Matiasso
ga tacà fare un gran fracasso
sigando ovunque a pien buso:
- Sto prete slandron del cicio no conosse l’uso:
“La castità ze na gran virtù
che i preti se tramanda da pare in fiolo”…
Sante parole de Gesù!”
LEGGI I COMMENTI (12)
-
PERMALINK
sabato 25 agosto 2007 - ore 20:24
IN ONDA SU TELEREGIONE!
(categoria: " Vita Quotidiana ")
Luni ae 7,30 sirca co replica ale 19,45 senpre sirca su Teleregione dal’amigo Fabrizio Stelluto presentarò el me ultmo libro MONADE BIBLICHE... Na roba granda... Fasso anca i me conplimente a Fred che da giorni ze in onda su Uno Mattina da Cortina come disegnatore!!!
LEGGI I COMMENTI (9)
-
PERMALINK
giovedì 23 agosto 2007 - ore 18:08
DALA SGANASSADA
(categoria: " Vita Quotidiana ")
Schersi da prete: rancurai e scriti su da Marco Semensato
Racolta de schersi par divertirse un poco, e anca dele volte malvagiamente, ale spale de chi che ne scassa i bronbi…par ulteriori informassion consultare “Chi che me ronpe i cojoni oncò”, de Walter Basso…E no stè dire che questa ze pubricità oculta, parchè la se vede benissimo.
El pètene emetico
Inventà e colaudà dal mitico Dino Durante: si destacano un paro de denti da un pètene da taschin, si zonta anca na gujada de bava da pesca, e si imerge di scondone il tuto nel capucino dela vitima. Tenpo de reassione violenta: intorno ai 4 decimi de secondo… Efeto assicurà!
Racomandata urgente
Si atende passientemente che la vitima Toni (o Bepi, in serti casi Nane) sia in docia, piena di sapone fino soppra le recchie, o sentata nel cesso-cagauro. Si scanpanela nervosamente do tre volte e co voce stentorea se intima: “Posta da firmare!!!!”
Quindi si scanpa rapidi come bissi-sitoni, avendo l’acortessa de lassare sula porta un bilieto co scrito: “Io, sotoscrito Toni (Bepi o in serti casi Nane) sono furbo come un scoato da cesso e mi facio inchiavare co niente”.
Pissainpressa
Scherso par far rientrare nela soportabilità i bocete che scassano ecessivamente i ovi durante el giorno: si atende che il tenero fanciulo (che Dio lo sbrega par metà) dorma serenamente sognando Nutele e altre dolcesse e gli si inpira di cazata il dito indice in un gotto-biciere di aqua freda. In alternativa postarghe soto al naso un poco de dentifricio ala menta piperita. Do volte su sento il fanciulo riesse a ragiungere il pissatoio prima de negarse.
El motore da Formula 1
Urge na registrada ale valgole del’amigo esaltà che se gà cronpà la machina nova “che fa i 300 al’ora, 50 kilometri co un litro, e tra i vari opssional gà anca Ilona Staler”. Si guanta un goldone-preservativo, lo si inpiena di aqua e lo si posta con cura drento el cofano, proprio dessora al motore. Possia si atende fiduciosi: l’amigo parte in tronba, e dopo poco apare prepotente un’orenda spussa de goma brusà e in contenporanea direta na fumada bianca come quela del motore dela Fiat Duna col s-ciopa in sento tochi.
El dentifricio gusto Tarzan
Oribile vendeta da consumare nei confronti di individui che sparlassa de ti co costansa bovina: se và casa sua, mejo co un cabarè de paste e un soriso a 36 denti, indi si dimanda gentilmente ‘ndare a canbiare l’aqua ale olive, e se inieta nel dentrifricio del paron de casa cren o tabasco in quantità atomica. Tenpo un paro de giorni e l’amigo gavarà do làvari da fare invidia al negro Bongo, e la lengua talmente s-gionfa da far fadiga a respirare.
El bidè fotovoltaico
Variante del precedente, adata ala consorte in vena de cornificamenti. In sto caso el cren (o tabasco) va smissià ala lavanda intima. Quando che la femina fedifraga si parechierà par l’indecente funsione co’l’amante, no si catarà na frìtola in calda, ma un orendo incrocio tra ‘na verza sofegà e ‘na melansana ala parmijana… comunque de bojo!
El budin de cicolata
Oribile vendeta provata e colaudata dal sotocristo co’l gera in colegio dai preti e ghe tocava dividare el frigo co un sderenà co’l vissio de tarmarghe le robe più suculente. Se cronpa ‘na lecornia che ghe piase de sicuro, tipo dei budini ala cicolata o simili, e si la posta sul calto del frigo più in vista. Prima però si fa un buseto picolissimo nela confession e si inieta ‘na mèza boceta de Turbolax o Gutalax…El colpevole si riconosse a millia di distansa dal colore del’incarnato tra el mistico e el cadaverico.
Vieni a casa mia, amore!!!
Dedicà ale fanciule bisognose di far desistere il merlo-pretendente spacamaroni: la tosa-ragassa si rivolgerà to tono melifluo e sognante al ragasso, e co’ un sbatimento de oci da far girare i sentimenti dirà “Vieni a casa mia doman dopopranso, caro, che i miei sono fuorri e casa non cè nissuno!” dopodichè el doman dopopranso la tosata va coi amissi al cinema, o la varda da distante la scena del tosato che co giacheta, gravata, masso de fiori e mànego in emergensa estrema taca prima a smanetare sul canpanelo de casa, e dopo a porchi da secoli de inferno sensa condizionale.
LEGGI I COMMENTI (8)
-
PERMALINK
giovedì 23 agosto 2007 - ore 16:50
ZIO MUSSO, CHE ROGNA!!!
(categoria: " Vita Quotidiana ")
Gò el conpiuter fora coe oche!!!... Provo scrivare par vedare sel va... putana bestia, che mestiero!!!
LEGGI I COMMENTI (2)
-
PERMALINK
martedì 21 agosto 2007 - ore 18:05
GO’ ANCA MI
(categoria: " Lavoro ")
Toh ciapa!!!,.. Va ben che vegno dala canpagna ma par via de lelretronica mi so al’avanguardia quindi vialtri, conpresi i vilici e bifolchi, andè tuti de corsa a vardare qua e se sì presenti anca vialtri zonteme che anca mi ve zonto... Cussì in tuti fasemo na superzonta (supergiunta) e ghe lo metemo in culo a Prodi... e anca a Berlusconi par la par conicio!!!
http://www.myspace.com/walter_basso
LEGGI I COMMENTI (8)
-
PERMALINK
lunedì 20 agosto 2007 - ore 22:47
SCUP A MADONA!!!!
(categoria: " Vita Quotidiana ")
Nissun sa che doman de matina ae 8,30 sirca FRED el presentatore del Bepi e Maria Show, sarà ospite a UNO MATINA su RAI UNO.... Solo mi lo so e lo comunico al popolo... Fred ze rivà qua grassie al so lavoro de disegnatore uficiale a Cortina Incontra... Complimenti vivissimi!!!!
LEGGI I COMMENTI (4)
-
PERMALINK
lunedì 20 agosto 2007 - ore 09:04
BEA QUESTA!!!
(categoria: " Pensieri ")
Sentio l’ultima? un pensionato setantene dotà de coa in stato d’alarme par menare balare (scusa che sta par "pinciotare") la badante ventiquatrene dela vecia mare de passa novanta barete el se ga menà drio la veciarea e la ga tegnua in fresca drento la machina darente la discoteca nait da pincio... No passa miga un mona che vede la vegliarda pisocare e ciama sigando le forse del’ordine che vol dire polissia, carbonieri, finanse, teste de curame, teste da casso, ris, nocs, agenti segreti, ponpieri, paraicadutisti, vigili e curiosi... Digo mi no’l podeva farse i cassi sui?... e dopo el pinciador ze stà denuncià par abandono di vecia anziana co dentiera cronpà in nero, ati osseni in logo pubrico, coa massa dura e fora misura massima, furto di cavali, furto co scasso, rapina a mano disarmata, gome lissie, ciari stuà, ecesso di velocità durante la sega che la dona li stava dietro a fare, ecesso di velocità e sosta vietata... Forse el se guantarà 30 ani de galera. Donato Balansa che ga copà 17 persone a casacio ze fora in liberta vigilata!!!!
COMMENTA (0 commenti presenti)
-
PERMALINK
giovedì 16 agosto 2007 - ore 11:08
CAENA DE S. ANTONIO (nova de balin!)
(categoria: " Vita Quotidiana ")
LA PRIMA CAENA DE SAN TONI
DEGNA DE TI
Sta caena ze stà invià da omani veri mas-ci par rendare la so vita sessuale ancora più speciae. Al’incontrario dele normai caene questa no costa gnente e ti te poi soeo vìnsare. Basdta spedire sta létara a 9 dei to più mèjo amissi che ze veri mas-ci cofà ti. Po’ daghe l’indormia a to mojere o ragassa, sarala inte un carton (serca de no desmentegarte i busi par tirare fià senà la more sofegà tronca!) e spedissela al nome insima ala lista. Pian pianeto el to nome rivarà sora ala lista e ti te ciaparè par posta 64.294 fémene. Statisticamente rajonando, tra tute sto ben de Dio, ghe sarà almanco: mèsa Miss Mondo (?) – 2,5 modele – 463 ninfomani scaenae – 3234 ninfomani bandoni – 20198 fémene che gode come mitralliatrici – 40396 fémene bisess... In totale le ze 64294 fémene piene incalcà de spissa, manco inibie e sicuramente manco càncare del sboldron pacioloso e spissengo che gavì spedìo via. E, roba inportantisima, gavarì l’assoluta garansia che el vostro paco originae no ve tornarà più indrìo. NO STE’, PERO’, RONPARE STA CAENA, PAR CARITA’ DE DIO!!!! Un mona che ga spedìo soeo 5 létare invesse de 9 ga visto tornare casa la so fémena, ancora inrodolà nela vecia vestalia co la quale la gaveva spedìa, col stesso orendo mal de testa e l’espression da scorese sofegà stanpà sol muso... El stesso dì la supermodela internassionale incalcà de superbe tetone e curve da scrercarterie che viveva co lu, da quando el gaveva spedìo via el mostro, ze andà a vivàre col so più mèjo amigo (al quale no’l gaveva spedìo la caena).
Fin che mi scrivo sta létara el siorato che che al sesto posto sora de mi (in senso lato) ga za ciapà 837 fémene e ze destirà ridoto come na moeca morta da un mese su un leto del’Ospedae Fatevi I Cassi Votri Frateli... Fora dala stansa ghe ze ancora 452 pachi. BISOGNA CHE CREDI A STA LETARA, CAN BESTIA!!! La ze l’unica oportunità de fare na vita sesuale sul stile de quela de Rassa De Can o Tulio Iglesiass. Nessun costo, gnente senete fora, gnente discorsi da mona sule stronnsade che intaressa solo ale fémene... Se tronba subito e basta!!! Gnente suocere rognose e gnente trapole tipo matrimoni o fidansamenti! No stà pensarghe massa: SPEDISSI STA LETARA oncò stesso a 9 dei to più mèjo amisi.
PS se no te ghe la ragassa te poi usare l’aspirapolvare.
PPS ta lètara poe èssare mandà anca a fémene che te conossi cusì le poe prepararse ala gran aventura che le speta....
LEGGI I COMMENTI (5)
-
PERMALINK
> > > MESSAGGI PRECEDENTI
[ SONO OFFLINE ] 