Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27792 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
mercoledì 15 agosto 2007 - ore 11:54
LIRICA SOLENE (e mona)
(categoria: " Vita Quotidiana ")
Renato Zero, cantante soprafin,
specula su tuto e no serto un fiatin:
specula infati co mosse e mossete,
specula colorandose col smalto le ongete…
Specula metendose le pene de strusso,
sbatendo le cilione cofà Carmen Russo…
Insoma, fasendola curta, e so sincero,
me pare de poder dire che sto Renato Zero
ze de sicuro un gran “speculatiero”!
LEGGI I COMMENTI (5)
-
PERMALINK
martedì 14 agosto 2007 - ore 15:21
CORONAAAA... MA VA CAGARE!!!!
(categoria: " Vita Quotidiana ")
Basta no ghe ne posso più de vedare el facia da culo de Fabrissio Corona dito "El mona che no perdona, e che Dio lo s-ciafona!" nei vari programi de merda televisivi... E che casso me ne ciava a mi, cossa chel fa, cossa chel magna, codssa chel pensa, sto stronso che no’l ze altro!!! BASTA, PAR DIO!!!! pitosto fasime la storia dela vita delas Gregoraci, sta oca, ma via dal schermo sto canpion de inbecilità!!! PAR DIO E PAR LA MADONA!!!
LEGGI I COMMENTI (5)
-
PERMALINK
venerdì 10 agosto 2007 - ore 18:36
PULISSIA ETNICA???
(categoria: " Vita Quotidiana ")
El sior Gentilini voria fare la cosideta "pulissia etnica dei culatoni"... A parte el fato che la perifrasi ze sbalià in quanto i cosideti culatoni no ze tuti de na etnia, mi invesse, varda ti, vorìa fare pulissia etnica dei ronpicojoni, mone, teste da casso e musi da mona!... Tute minoranse (miga tanto!) che spaca i ovi al popolo ben de più dei culatoni che par mi ze liberissimi de andare a tronbare co chi ghe comoda!!!... Comunque conossendo el serifo trevisan, che serte volte fa più da ridare che un s-ciapo de cabaretisti, probabilmente el schersava... Ansi a pensandoghe ben no voria che lu stesso fusse gay.. scusà, culaton, visto che ghe piase tanto TORE PAR EL CULO!!!!!
LEGGI I COMMENTI (6)
-
PERMALINK
venerdì 10 agosto 2007 - ore 16:15
COME DA COPION!
(categoria: " Riflessioni ")
Eco fato... come za dito ieri eco saltare fora el primo politico che voe evitare na eventuale ( e tipica) figurassa de merda par aver sfrutà l’ìmagine dela famejeta slargà (pare, mare e undese bocie!) de Vegiano par po’ sparire al’oroisonte cofà un can da lievori: " NO E’ GNENTE VERO - el ga cria sul Matino de Padova - CHE NO MI SONO INTARESSATO AL PIETOSO CASO DEL’UMILE POPOLANO TRONBADORE ACUTO: LI O DATO UN ASSEGO DI 500 EURONI IO ME E UN ALTRO ASSEGNO DE 500 DEL PARTITO CHE RAPRESENTO.. ORCO ZIO CAN! (licensa poetica de W. Basso!)... DESSO CI PENSINO LE ASIENDE A JUTARLO!!!... Sì come? dandoghe un laoreto visto che l’omo camionista ze sensa patente... Oro... però el laoro dasemoghelo de note... cussì almanco tosati no ghe ne nasse più!!!!... E in più se podarìa passarghe potenti dosi gratuite de bromuro che de solito fa smolare el cuco!!!!...
COMMENTA (0 commenti presenti)
-
PERMALINK
giovedì 9 agosto 2007 - ore 17:51
UNDESE FIOI????
(categoria: " Riflessioni ")
Gò visto sul giornale de ieri la storia de un siorato de Veggiano che ga la belessa de undese fioli… Tuti in scala, fati co scrupolo, co la colaborassion ativa dela mojere e co na costansa che ga del mostruoso… Partendo dal principio (sacro) che ognun casa sua fa quelo che ghe comoda e quindi mi personalmente rispeto el punto de vista dei do solerti coniugi che ga deciso de fare su na fameja slargata ai massimi liveli, lezendo l’articolo indove el sior se lagna del conportamento de raquanti politici che a so dire ga sfrutà l’imagine dela so famejeta par scopi politici fasendo promesse a maneta e po’ scanpando a ganbe levae, però me sorge spontanee raquante riflession che comunque ze solo personali e quindi opinabili:
1) Ocoreva che lo sperimentasse personalmente el fato che i politici se inpiena la boca de parole e dopo i se ne ciava?... nessun ghe ga spiegà che l’unica roba che a questi ghe interessa ze la carega e i voti???... Ma speravelo veramente che qualchedun ghe passasse un vitalissio o na pension magari come “artigiano tronbadore de primo livelo super?”… Desso qualchedun farà calcosseta parché essare sputanai sul giornale ghe seca forte par via che vien danegià l’imagine publica co conseguente emoragia de voti e ris-cio de perdita de carega politica…
2) Quando uno fa dele selte po’ risponde de persona… ala fin fine i undese tosati se li ga fati lu e consorte quindi parché ga da mantegnergheli qualchedun altro??? O quanto meno bisogna che el aceta quelo che vien dà sensa pretese però!
3) El sior in question col so conportamento sessuale no ga mai doparà goldoni quindi andaria multà par “danegiamento e boicotagio de sane asiende nassionali”
Eco mi gò finio… ribadisso el conceto: la mia ze solo na opinion e quindi aceto critiche… No me sposto però de na virgola dal me punto de vista, orco zio!!!!
LEGGI I COMMENTI (6)
-
PERMALINK
martedì 7 agosto 2007 - ore 17:47
TOH, N’ALTRA!
(categoria: " Vita Quotidiana ")
La barzeleta del mese
Al pronto socorso del’Ospedale de Padova vien ricoverà un porocan che ga apena avuo un bruto incidente in màchina... Dopo mezaora riva la mojere tuta spasemà. La beca el mèdego de guardia e la taca criare pantesando:
- Oddio... oddio... el me diga, presto, come stalo me marìo???
- Calma, siora, calma, - dise el médego - no stemo dramatisare... quasi tute, e ribadisso el “quasi”, le ferite de so marìo ze guaribili in pochi giorni...
- Ma cossa vol dire “quasi tute”???
- E cossa poe voler dire... Gnente: quela ala testa purtropo ze mortale!!!
LEGGI I COMMENTI (3)
-
PERMALINK
sabato 4 agosto 2007 - ore 22:05
NOVA!!!!
(categoria: " Vita Quotidiana ")
Convenienza
Un genovese va dal paroco onde confessarse:
- Pare, - el taca fifotare – gò un magon qua sul’ànema che no va né su né zo…un bruto pecatasso… Cossa foi?
- Sbrochete pure, caro.. semo qua aposta par snetare le àneme onte e ludre…
- Mah… alora, me vergogno, ma vegno al dunque: nel 45 gò ospità un ebreo che i todeschi voleva ridure a saoneta neutra…
- Ben fato filio caro, - gongola el preton – ma no capisso: indole saresselo el pecato?.. Ti te ghè salvà na vita, altro che bale!
- Ze vero pare mio.. ma gò da dire che mi.. ehmmm.. a sto ebreo benestante che gò fato pagare l’afito…
- Te perdono fiolo de poca e trabalante fede… in fondo parghe pagare l’afito in canbio dela vita no me pare na gran colpa… Assolto co formula piena par no aver comesso el fato peccaminoso…
- El speta… el speta.. Ghe ze del’altro: ma me vergogno…
- Orca sass… me vuto dirme tuto, chel can de Satana?... cossa ghe ze ancora???
- Eco… Ehmmm… Ghe ze che mi GO ANCORA DA DIRGHE CHE LA GUERA ZE FINIA!!!
LEGGI I COMMENTI (1)
-
PERMALINK
giovedì 2 agosto 2007 - ore 10:01
ECO LA BARZELETA
(categoria: " Vita Quotidiana ")
Bruti schersi
Dopo l’apertura dele case chiuse ogni quindese dì le siore lavoratrici va dal médego dela mutua par i controli sessuali... Na matina ghe ze na fila cussì longa, ma cussì longa che le ùltime diese ze in strada.... Passa na vecieta curiosa e domanda a una:
- Vèro giovane, come mai si tute qua in fila?
- Parché oncò cara noneta, qua i regala dele gran steche de mandolato!!! – risponde la luciola in vena de schersi.... La veceta ingorda se mete in fila (no avendo gnente de mèjo da fare) e pian pianeto la riva davanti al médego. Questo sbara i oci e siga:
- Ma come siora...? ... ala so età???
- No’l se preocupa caro... tranquilo... mi lo ciucio solo!!!
LEGGI I COMMENTI (3)
-
PERMALINK
giovedì 2 agosto 2007 - ore 09:59
SO QUA! ORCO ZIO!!!!
(categoria: " Vita Quotidiana ")
Zio can, che rogna: el conputer ga ciapà un virus grosso cofà na pantegana... sto stronso ga navegà drento i fili leletrici del machinario lelwtronico e li ga rosegà parben... Cussì el conputer ga tacà fare el mona e mi a porchesare... Gò provà metarghe na suposta de antibilotico su par el propcessore ma gnente... Alora gò smontà tuto e go portà tuto da me amigo Giorgio Botazzi che me ga, prevvio pagamento, postà tuto.... No ve digo però i porchi cavà par tacare justi tuti i fili.... Ma desso pare chel virus sia andà a farselo metare in culo!!!.. Bon ve regalo na barzeleta... Desmentegavo: oncò compie i ani la me signora: se aceta auguri, fior e schei!!!!
LEGGI I COMMENTI (2)
-
PERMALINK
mercoledì 25 luglio 2007 - ore 19:24
COMEDIA IN UN SOLO ATO!
(categoria: " Pensieri ")
Se verse el sipario
Se vede na negrota che se varda torno desperà e dopo pochi secondi taca sigare:
- Tom... Tom... guela brudda vaga de dua mama... indove sei... TOM... TOMMMMM... Viene guà guà subido!!!... TOMMM TOMMM!!!
Se sara el sipario.
Ve gò presentà la comedia: "IL RICHIAMO DELA FORESTA!"
(par chi no gavesse capio la negra no ze dee nostre quindi ze na foresta!)
LEGGI I COMMENTI (4)
-
PERMALINK
> > > MESSAGGI PRECEDENTI
[ SONO OFFLINE ] 