Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27792 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
lunedì 23 luglio 2007 - ore 19:16
CONSIDERASSION TERMICA
(categoria: " Vita Quotidiana ")
CO STO CALDO NO SUA SOLO I FURBI!!!!... SUA ANCA I COJONI!!!!
.jpg)
Eco là... par fortuna che no ghe ze l’audio!
LEGGI I COMMENTI (6)
-
PERMALINK
venerdì 20 luglio 2007 - ore 19:07
ALTRO CHE FAVARONA BIODINAMICA!!!+
(categoria: " Vita Quotidiana ")
Dopo la magnada del casso (la setimana passà) col cogo creativo che tra le varie vacade me ga anca propinà un tochetin de favarona biodinamica me mojere, anema santa, par tirarme su el morale, me ga fato el favoloso PEVARON FODRA’ INCALCA’ DE CARNE E TOCIO... ruspnte pietansa da ciuciarse anca le rece... Veramente i pevaroni gera sete e cussì mi me ne sò cucà tre... pari a trte eti de pavaron e mezo chilo de carname vario masenà... Na magnada de fin che me ze vegnù sù par tre dì!!!... Però gò ancora desso le cosidete !"pupile gustative" dela lengua che gode come na luja in calda!!!!... Viva i pevaroni, viva la carne, viva me mojere e abasso i coghi creativi!!!!
( el sotocristo drio tacare el terso pevaron!.. drio de mi se nota me mojerre che ride sodisfata!)
LEGGI I COMMENTI (5)
-
PERMALINK
giovedì 19 luglio 2007 - ore 09:37
ZA IN PROGRAMA DO PRESENTASSION!
(categoria: " Vita Quotidiana ")
Toh ciapa!... el me libro no ze gnancora sbarcà inte le librerie e edicole e za gò do presentassion in cantiere: una ze al SFIZIO BREAK BAR del’amigo Mauro nele Riviere a PD in setenbre (data da programare!) e st’altra, incredibile ma vero) a Montegrotto: sarò ospite e relatore "al Circolo Bertrand Russell di Treviso (www.circolorussell.it) il 3° Congresso di studi laici sul Cristianesimo che si terrà a Montegrotto Terme domenica 28/10". Robe da tegnerse in buono e snanararse cofà un arnato darente l’aqua!!!!.. Ma ecove poche righe del me novo libro:
Noè: - mona globale - data ignota ma darente ala fine del mondo
Originario da Ciosa, el ze l’unico omo che se ga salvà dal Dilubbio Universale, dimostrando cussì che tuta l’operassion ze stà un falimento.
Inoltre Noè se poe definire mona doc par el fato che oltre a salvare polastri, vache, piti, faraone e porsei, tute bestie utili e bone da magnare (ala facia dei animalisti!) el ga salvà anca le sansare, mosche, piàtole, zeche e peoci puini... Tute bestie che no serve un casso e ronpe i cojoni ala grande.
El se riscata un fiatenin solo par el fato ch’el ga inventà el vin, guantandose de conseguensa na bala potente tanto ch’el ga ciapà sòno co la batarìa al vento fasendo sganassare uno dei fioli (probabile avo de Walter Basso)... Quindi se poe afermare che Noè ze stà el primo inbriagon mona colpìo da bala sonachiosa.
EL DILUBBIO UNIVERSALE
L’antefato
El Sig. Dio gera tranquilo in uficio drio decìdare chi che el doveva copare in giornata e se proponeva de stare atento par via che el gaveva fato na mèsa barufa co un serto Toni Cojon idraulico da Bojon de Sora. Questo infati pena rivà in Paradiso gaveva piantà su un casin parché no’l ritegneva giusto èssare stà copà a trentasete ani. El Sig. Dio gera restà romaso ma controlando el se gaveva inacorto che invesse de controlare l’età el gaveva vardà solo el nùmaro dele ore che sto schifoso de artigiano gaveva messo in conto al popolo al quale el gaveva desgorgà tubi, cessi e cagauri in sorte: praticamente somando tute le ore de lavoro el risultava avere novantaoto ani. Bon, el ze là che controla co ochio vigile e indagatore quando che riva San Piero co la posta dela matina:
- Capo, go qua un espresso urgente da parte de un serto informatore segreto Toni Póvola deto Scagassa!
- Bene, caro Piereto verzi la missiva che aspeto informassioni inportanti sul popolo predileto...
Bon, eco el contenuto del’espresso:
Gesuralemme 13 del 10 del 2006 prima di Lei co rispeto parlando
OGETO: Relassione sul popolo che sono fetente, schifoso, onto e notevolmente salvàdego
Egreggio sig. Dio Padreterno
La informo che sula tera stano sucedendo robe onte in quantità esorbitante. Il popolo maschile tronba a tonfone sensa vardare che l’ogeto del desiderio sipia mas-cio o fémina. I ministri inbrolliano e racontano bàbole al popolo e dopo ridono. Le done fano i corni ai mariti ansi dispensano le fritele come fussero dietro samenare formenton. I putini giocano al dotore co le banbine e li scalumano le mudandete. Le putine manegiano i pipiolini inberbi... I preti invesse di pregare e dire messa tronbano le spose più bele e ci sputano in coste a quele brute. Andreoti pare che sipia mafioso. Prodi conta bale a maneta. Fede Emilio, grandissimo senpio, adora uno che crede, co rispeto parlando, di èssare Dio, Gesù e anca lo Spirito Santo... un serto Cavaliero di Milan. Panela fa referendun, fuma canoni de continuo e scassa i maroni a tuti.
Insoma par farla curta qui c’è un casino di Sua Mama (dela madona)... Veda Lei cossa fare.
(ecc., ecc., chi vol savere el proseguio dela storia ga da cronparse el libro!)
LEGGI I COMMENTI (3)
-
PERMALINK
martedì 17 luglio 2007 - ore 18:03
FINALMENTE ECO EL ME NOVO LIBRO!!!
(categoria: " Vita Quotidiana ")
Finalmente... Ze pronto el me novo libro dela seria umoristica MONADE BIBLICHE ed. Scantabauchi pag 144.. Na iriverente rivisitassion dele vicende de raquanti personagi biblici mone a 360°... Scrupolosamente in veneto macaronico, purtropo co drento anca qualche parola bruta (o onta!)... Spero che a Papa Razeghin dito anca Papa Meringa (visto chel ze tuto bianco) no ghe gira i santissimi e me scomunica senò devento cativo!.. Drento sto libro che informa sui fati de ciesa più del Codice da Vinci, se cata de tuto: le storie bibliche (co le note vere dele Bibia), par la prima volta al mondo i Disegni de Dio e le foto dele relique mai viste (el cogolo col quale Davide ga copà Golia), el teschio de Giobe e altro... più raconti in tema, la descrission dele sete eresiache che ga fato girare le balote ai Papi, barzelete sacrileghe, e anca le legi de Dio co relative puinission in caso de disubidiensa (atento Casarini!) ... Na roba granda!!!!
Eco qua... e sicome sò sodisfato me aplaudo da solo!
LEGGI I COMMENTI (14)
-
PERMALINK
lunedì 16 luglio 2007 - ore 18:33
NOTISSIA SPORTIVA
(categoria: " Vita Quotidiana ")
Domenega che vien alo stadio de San Sirio la squadra de balon dei tosicodipendenti afeti da AIDS galopante acuto farà na partìa contro la squadra de i dispersi in Russia (ze za do ani che sti fetenti no se presenta!) a scopo de beneficensa: l’incasso infati sarà devoluto a favore dei cantanti che voe fare i atori par par parmetarghe de stabilirsi par senpre al’estero....
COMMENTA (0 commenti presenti)
-
PERMALINK
domenica 15 luglio 2007 - ore 12:26
RIPRENDEMO EL CORSO PAR PARLARE ONTO!
(categoria: " Pensieri ")
porco! - porco
Accrescitivo: porcon; Dispregiativo: porconasso
Porco e fora! - E’ un insulto bonario e leggermente affettuoso
Porco saroco - mezza eresia
Porco dindio boja - Esclamazione bonaria anche se vagamente incazzata
Tirare porchi - Non significa assolutamente “strattonare maiali” ma, molto più semplicemente, bestemmiare con notevole impegno. Esempio:
Riva la cartela dele tasse: l’omo comune varda, leze e po’ tira un scravasso de porchi...
Nota informativa
Il notissimo peccatore Salvadore il porchezadore dopo trent’anni di lontananza dalla Chiesa ha deciso di costituirsi. Per la confessione ha scelto Don Pio Favaro che ha proceduto a verbalizzare. Precisiamo che l’imputato ha chiesto il patteggiamento e le attenuanti generiche Alla fine dell’interrogatorio il parroco ha condannato l’imputato alla seguente pena per bancarotta spirituale fraudolenta e porchezamento plurimo colposo: arresti ecclesiastici per sei mesi con obbligo di presentarsi a firmare ogni domenica a messa prima, cento Pater Nostro, cento Ave Maria, duecento Gloria al Padre. Dopo aver quasi grippato la lingua il peccatore ha consultato il trattato: “ Porchi, biasteme e resie: le pene secondo la normativa cattolica e la CEE” e ha constatato che la pena a cui è stato condannato è nettamente superiore ai valori di mercato. Per questo ha, seduta stante, denunciato il parroco per “usura spirituale ed eccesso di zelo”. Ha inoltre chiesto due indulgenze plenarie in omaggio e la restituzione di trenta Ave Maria, Padre Nostro e cento Gloria al Padre. Con la garanzia di un posto in prima fila all’ottavo piano del paradiso... Ai nostri microfoni ha dichiarato: - Vojo proprio védare che che la vinse, porco qua e porco là!!!
.jpg)
- Me popà ga el cuco più longo e più grosso de quelo de to popà!!!
- Lo sò: lo dise senpre anca me mama!
COMMENTA (0 commenti presenti)
-
PERMALINK
sabato 14 luglio 2007 - ore 13:42
CORONA, EL SUPERMONA!
(categoria: " Riflessioni ")
Me mojere me ga dito inoridita che la ga sentio dire chel macaco de Corona, sgiaventa in testa ale so fans che stassiona in branchi (come le vache al pascolo!) soto ala so finestra, le mudande come gadget... A parte el fato che ste ebeti dele so fans le se meritaria de ciapare in testa no solo le mudande ma anca el prodoto interno lordo del sinpio personagio, mi me auguro che presto i giornali e la tivù ghe la mola de perdare spassio e tenpo pressiosi par informarme sui fati privati de sta nulità assoluta... El me stà talmente sui cojoni che quasi quasi rinpianso la Leciso!!!! MA MANDEO CAGARE E CHE LA SIA FINIA!!!! Altro che ciamarlo in discoteca e darghe oltre 10.000 euro a bota!... S-ciafe sul muso bisogna darghe, altro che bae!!!
LEGGI I COMMENTI (6)
-
PERMALINK
venerdì 13 luglio 2007 - ore 16:04
VEDEMO CHI CHE SA!
(categoria: " Vita Quotidiana ")
Iersi sera so’ stà invita, co gentile consorte, a magnare inte na sena fata da un cogo che se spesso in television... Ma no uno che fa patasstone da chilo, brassole e patate frite, ma bensì uno il quale fa "cusina creativa" In bona sostansa gavemo magnà tuti dele robete pichenine co nomi del tipo "crema di pessegato, con base acida e salsa di sugorigorissia e spetalo di rosa antica" (giuro che ze vero!)... Tra le varie robe che me ga colpio ze sta la "galina faraona biodinamica cota al forno a tenperatura bassissima, (sete ore!) pèogiata su un leto di purè estivo fredo di verdure bianche con salsa di pevarone e melansane infumegatte".. Vojo fare u test: chi sa cossa che ze na FARAONA BIODINAMICA???.. .atendo risposte.
.jpg)
Galina favarona tipica ma no biodinamica!
LEGGI I COMMENTI (8)
-
PERMALINK
giovedì 12 luglio 2007 - ore 18:40
INPAREMO EL VENETO (l’arte del parlare onto!)
(categoria: " Vita Quotidiana ")
Eco qua la "lession nanbar uan" de un veloce corso par deventare"boche onte doc!" Chi volesse el corso intiero ga da sercare el libro MANUALE MALEDUCATO DEL’INSULTO, INPRECASSION E FRASI ONTE VENETE Ed. Scantabauchi de W. Basso pag. 136
oselo - uccello; in senso lato organo genitale maschile; Sinomini: vedi broca
Menarse l’oselo - masturbarsi. Una volta, come già scritto più indietro, tale sconcia manovra era indice di malattia mentale e peccato mortale. Ora certi medici non solo la ammettono ma addirittura la consigliano come cura
Dialogo médego tipico
- Dotore so zo de caena...
- El se spara na sega, caro!; ghe tornarà subito l’alegria!!
Ciapare l’oselo - avere un rapporto sessuale. Una volta la frase era solo di pertinenza delle donne, oggi, purtroppo, anche una buona fetta di maschietti (?) si gingilla con l’organo in questione... Che rassa de onti...
Magnare l’oselo - dedicarsi all’amore orale, ovvero comportarsi come la Levinschi co el porselon de Clinton
Métare l’oselo a gnaro - e che vi servono spiegazioni?
Oselo bragarolo - membro maschile
Oselo padulo - volatile con strane tendenze
Omo tuto oselo - superdotato
La barzeleta onta
Pierino na matina se presenta scola co in man la cheba col canarin drento.
- Bravo Pierino che mi hai regalato l’ucelino... - dise contenta la maestrina.
- E no siora, zo co le man! - risponde el bocia - sto oselo ze mio e me lo tegno. Lo go portà scola solo par salvarghe la vita...
- Ma schersi, picolino - dise la maestrina - contami, contami, cossa è sucesso?
- A gero drio partire da casa quando go sentìo me mama che ghe diseva a me popà: - Caro speta che el bocia vaga scola che dopo ghe penso mi a magnarte l’oselo! - Par fortuna che mi so svejo e capisso le robe al volo!
LEGGI I COMMENTI (4)
-
PERMALINK
martedì 10 luglio 2007 - ore 19:39
SCUP DELA MADONA!!!
(categoria: " Vita Quotidiana ")
In anteprima mondiale ve presento el Mago Berto Salma dito Crisantemio che nel me novo Calendario del’oco agricolo 2008 curerà l’oroscapo del mese de novembre... El calendario sarà pronto a fine lujo... Tochemose i ovi, va!!!!
Zio can, che paura........
LEGGI I COMMENTI (12)
-
PERMALINK
> > > MESSAGGI PRECEDENTI
[ SONO OFFLINE ] 