Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27792 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
giovedì 24 maggio 2007 - ore 12:40
PREMIO AL 15.000 SPRISSIN!!!
(categoria: " Vita Quotidiana ")
El 15.000° sprissin che me visita (in senso lato, sia ciaro) vinsarà un me libro umoristico incalcà de sparolasse acute.... Basta che el me invia tramite messajo e tramite email al info@edizioniscantabauchi.it el so indirisso postale.... Se invesse sputacaso el 15000° ze un ospite no’l ciapa un casso!!!!!
LEGGI I COMMENTI (6)
-
PERMALINK
giovedì 24 maggio 2007 - ore 08:55
EL BON TON: OVERO COME STARE AL MONDO E FARE BELE FIGURE!
(categoria: " Vita Quotidiana ")
Ricordeve che a tola no se se cura el naso col piron, no se stranua co la boca piena de risoto e no se taca le càmole soto al sentare dela carega o sui caveji del puteo vissin co la scusa de caressarlo....
Par tornare ala scanopia come gò za dito no’l se cura col piron ma gnanca coi dei. Se proprio gavì bisogno e sì in casa de foresti andè su un canton e supieve co el bordo de na coltrina, avendo cura de farlo co la parte interna dela stessa... Cussì no se nota...
Ricordeve che la persona neta no se limita a farse el bagno na volta al sabo. Questa ze usansa da onti, lomari e agricoli. Ciapè el vissio de lavarve altre quatro sinque volte al’ano, a seconda dele necessità. Chi invesse va soto ala docia ogni sera ogni tanto se ricorda de verzare anca l’aqua.
Almanco na volta al’ano ze giusto invidare i suoceri a pranso. I generi educati evita de inpienare la casa de trapole par provocare cadute e roture de femori e clavicole. Anca l’avelenmento co topicidi, cianuro e arsenico ze sconsilià. El massimo concesso par ralegrare la giornata ze l’uso de massice dosi de Gutalax nel brodo de dado...
Par i zòvani: par conquistare l’amata al dì de oncò no serve solo i schei: poe andare ben anca el bancomate, el brocheto dei assegni, la machina scapelotabile. Tute ste robe insieme mèjo ancora....La prima seneta romantica a base de pesse porta ala stramassada co velocità tripla ripeto a do pisse margherite consumà da Nane el Lomaro....
Quando al semafero quelo dadrìo ve insulta ve mostra i corni parché si partìi co do decimi de secondo de ritardo, no ocore tacare a sparolasse e insulti. Basta mostrarghe par el finestrin el vostro brasso sinistro.... Ognun mostra quelo ch’el gà lu i corni, vialtri el relojo....
(continua più vanti)
LEGGI I COMMENTI (1)
-
PERMALINK
lunedì 21 maggio 2007 - ore 12:31
SENPRE DE SESSO SE TRATA!!!
(categoria: " Vita Quotidiana ")
In Belgio na candidata al parlamento oltre a farse fotografare co la pistagna al vento ga promesso a ogni so eletore un servissio de boca sul stile Moniva Levinschi... la notissia ga fato el giro del mondo tra indignassion, orore, vergogna!!!!... In testa l’Italia anca se qua da nialtri poco su poco zo sucede la stessa roba: tuti i nostri politici e digo tuti se i vien votai garantisse ai so eletori e eletrici na prestassion sessuale agratis: SI... NA SOLENE MESSA IN CULO!!!!... El politico lo mete e l’eletore lo ciapa!... Orco zio can!!!!
.jpg)
On. Teofico Mario ministri del "buso dele finanse" e no solo!!!
On. stà par onanista o segantin!
LEGGI I COMMENTI (8)
-
PERMALINK
sabato 19 maggio 2007 - ore 16:22
LA PAGINETA TEOLLOGICA De Pipo Càmola al secolo Gianni Piran
(categoria: " Pensieri ")
Dala quarta lètara de Gian Paolo Apostrofo ai Romani:
Le prime tre no go possùo pubricarle parchè le gera strapiene de porchi, besteme e resìe in sorte, e quindi no in linea co’l stile sobrio e misurato dela nostra (?) rivista, che da senpre rifiuta categoricamente e aborrisce qualsiasi forma di turpiloquio.
Sòi ’stà ciaro, ch’el can de Giuda porseo ladro lurido sassin schifoso bestia canaja? Ma tachemo:
Cugnài carissimi,
che dio ve sbrega par metà! Sarìa ora de molarghela de mandarme le cartoline sensa francobolo, e par zonta co’ la scrita, bela in grando "prioritario"…
Fin che vialtri godì dela lieve brezza del Ponentino dei sete colli, e passè le giornade fasendo i sit-in de protesta col WWF par la difesa del Bradipo Parlamentare del Lazio, qua godemo de un caìvo che basta metà, che se te ghe pòzi la bicicreta la resta su. In ogni caso la vitacia score e scoreggia, e sicome che no c’è pegior sordo di chi non vuol sentire, slargate puìto le vostre sante recione asinine inbugate di cerume e incalcate di piatole.
Che no pensè, come che da senpre fasì co costansa bovina e ’na facia da culo che insende, de vegnerme catàre soto Nadae co trentassiè parenti, dodese affini, sinquantaoto nevodi e ventidò suocere: el porsèo stavolta no lo copo! No come l’ano passà che de un suculento mas-cio maialle da grassa me restà solo el pelo e el buso del dadrio!
Quindi, mio parentame adorato (fin che sta distante dai tatànbari), se par caso le vostre muliebri consorti gano inamente de ingolfarse i pantassi a spese mie, sapiano che no solo le tenpestade de sto istà me gà busarà tuto el vin, ma anca inte un atimo de disatenssion me so desmentegà de butar zo polastri, faraone, piti, coneji etc, par cui, in estrema intenssion de intenti secondo le intenssion del Santo Padre, el cenon de Nadae sarà a base de Sbroeton de verze, coe de radicio e polentona fumante. Comunque, se volì vegnere catarme, posto ghe ne ze! El riscaldamento no funsiona, e piove drento propio nela stansa dei ospiti, ma la stala ze calda e acoliente e la gà un’automosfera come de presepio che ze comovente (nel senso che te vien zo le làgreme, e anca un ataco de asma dala spussa de moltrin).
La pace sia con voi e soratuto co mi, roba molto probabile fin che stè fora dai ovi. Amen.
Nota del Teologo
Io sotocristo laureatto in lètare (e cartoline) antiche con specialisassione in “Santi, Madone & Afini” posso garantirve che la sudeta létara de Paolo La Prostata (no l’Apostrofo!) è un sbudorato falso in bilancio. In primis parché Paolo gaveva solo una sorela, Ema, sposada co tale Checo Joni de Busiago Vecio e indi no podeva avere cugnai romani. In secundis, parché ai tenpi sui no gera gnancora stà inventà el porsello-lujo e i unici saladi che girava gera fati su co polpa de pantegana mistà a petoloti canini... Infin Paolo no porchezava ma al massimo diseva: “Cipichia, ostregheta, pardinci, par dio e par la madona”. Eco fato. E chi no ghe comoda ch’el vada farse ciavare!!!
Trata fora dala Sganassada (rivista umoristica de W. Basso)
Foto d San Paolo (el gaveva ancora de finire de dissendere dale simie)
COMMENTA (0 commenti presenti)
-
PERMALINK
giovedì 17 maggio 2007 - ore 09:07
FINIO EL PUTAN DEI!
(categoria: " Vita Quotidiana ")
Un notevole branco de putane coadiuvae na un picolo s-ciapo de trans (dite anca dirotatori de osei) ieri ga gorgoliosamente marcià su Padova onde otegnere el dirito de pinciotare a drita e a manca sensa chel sior Zanonato se rabia e fassa multare i clienti che ga bisogno de na man par ridure ai minimi termini la coa dura... Gavemo dimandà a dei padovani e a na putana cossa che i ghe ne pensa!
1° Padovan: - Cossa penso del sioparo dele siorete che ogni note se smudanda drio ale strade? ... Penso che sto sioparo sia stà na gran putanada!!!
2° Padovan: - Un bel colpo de ocio... sicuramente na gran figada!!!
Signora puttana: - Speremo che el nostro messajo sia sta capio senò qua el nostro lavoro va a putane...no se bate ciodo... scusè,... no se mena un casso!!!!
Alba Parieti: la foto no c’entra un casso col trafileto sora.. la gò messa solo par na me personale associassion de idee...
LEGGI I COMMENTI (2)
-
PERMALINK
mercoledì 16 maggio 2007 - ore 13:58
CALENDARIO DEI SIOPARI
(categoria: " Lavoro ")
16/05/07 - Sioparo dei metalmecanici... I nerboruti lavoratori incrosa i brassi par oto ore!
16/05/07 - Sioparo dele putane... le formose spaciatrici de fritela incrosa le ganbe par oto ore (noturne)
17/05/07 - Sioparo dele mojere dei metalmecanici che speta el rinovo del contrato. Le done esige el rinovo parché sti lavoratori ogni tre ani ga un aumento del casso!
17/05/07 - Sioparo dei segantini... Tuti in piassa col pugno alsà... ansi co la pugneta alsà...
18/05/07 - Siopari dei culatieri parché co la concorensa dei trans da mesi no i ciapa un casso! (nel senso leterale del termine!)
19/05/07 - Sioparo dei pensionati INPS... el slogan ze: "Voemo più eression e manco elession!"
20/05/07 - Sioparo dei studenti contro el tenpo pieno: " No ze più tenpo de fare el tenpo pieno... el ze tenpo perso!"
LEGGI I COMMENTI (1)
-
PERMALINK
mercoledì 16 maggio 2007 - ore 09:14
CONTINUA LA STORIA...
(categoria: " Viaggi ")
Fin che semo là che magneno uno dei do grossi operatori parlando a moti col camariero no’l vien savere che bevendo na coca cola dopo se poe bevarghene quante che se voe sensa più pagare?... cussì dopo la prima el se ne fa portare sirca quarantadò e ala fine sena el ze sgionfo cofà na veciarospa... St’altro colega, ciuciando ingordamente i ossi de mas-cio che inpiena el piato, invesse se lagna che co na sena del genare corarghe drio al negroto el dì drio sarà un problema... e po’ se leca i dei onfegai... Enrico, st’altro cameramen (se fa par dire!) conferma anca parché ze dala sera chel camina de sotignon in quando ghe fa mae boja na rodea de un zenocio... Luca, invesse nonostante el gabia più la stassa de Pupo più che quel de Svassnegher, el tase e fa laorare le ganasse in modo vergognoso... Moreno intanto, che da forbito qual chel ze ze ga magnà elegantemente un polastro da tre chili ai feri (conpresi i do eti de penoti che i se desmentegà de cavarghe...) ga ciapà sono e dorme serenamente... Mi invesse magno e me fasso i cassi mii de mi...
Finio el sgramolamento tornemo in albergo e se butemo tra i brassi de Morfeo... Matina drio Luca ciama el sior che ga da portarme na eredità stramiliardaria e ritirare la misara soma de sirca dodesemie euroni par le spese ma questo no poe vegnere e mandarà un inpiegato. Scrupolosamente de colore maron scuro... par no dire negro che no ze fine... Fin che i operatori tennici sconde telecamare, microfoni, simisi, piatole, pantegane mi e Moreno se vestimo e andemo scondarse... Purtopo passando par el coridoio incrosemo na siora che fa le pulissie che sbara i oci incredula: probabilmente ne ga ciapà par na copia de recion-ghei drio andare a maridarse dal sior Sapatera... Moreno vestio de bianco sarìa la sposa e mi vestio de nero co un masso de fiori in man sarìa el sposo!!!!... Porchezemo somessamente, se dividemo e se metimo in vigile atesa... Cossa sia sucesso ve lo conto dopo....
Risposta a "lazzaro"
Se vede caro, che no te ghè mai girà el vasto mondo in lioprano: el cechin no ze un sassin che sbara drio ale zente ma bensì, par cui il quale esso sono un posto indove si dano le valize e si mostra el documento che dise che mi so mi e ti te si ti!!!! Ciaro???
COMMENTA (0 commenti presenti)
-
PERMALINK
martedì 15 maggio 2007 - ore 19:14
BEC STEI DEL VIAJO A VALENCIA PAR "STRISSIA LA NOTISSIA"
(categoria: " Viaggi ")
Se parte come senpre dal’aeroporto de Venessia dove rivemo mi, Moreno, Luca (atore famosissimo - pensè che un dì a Padova na vecia lo ga riconossuo - interprete, ganso e scansafadighe mondiale), Enrico (altro sagace operatore)... Se inviemo al cechin co un Moreno stralunà e stufo agro... Ze oto dì che no’l dorme, sete dì che no’l magna, par via che el ga girà meso mondo onde produre servissi a maneta. Quindi el ga l’ocio bovolon e el se strassina pietosamente de qua e de là fasendo i famosi "tre passi su na pria" (anda tipica del vecioto che ze drio fare l’equilibrista sul’orlo dela tonba!).. Ogni tanto el se posa su na colona e ciapa sono in piè... Fortunatamente no’l ronchisa e cussì ogni tanto un sgorlon lo riporta nel mondo dei viventi sensa che nissun se ne acorza... Al’ultimo minuti riva Manfre e Stefano, do dei più grossi operatori de Mediaset i quai ga come moto "Chi no magna o ze malà o ga za magnà!"... Questi ze incalcà de telecamare, microfoni, batarie, vide, rondee, cassalevide, pinse, cavi, e pena che i passa co sforso estremo soto ai metal detetor sona in contenporanea meso aeroporto e riva parfin i cani da usma che li nasa co sospeto... po’ i va via disgustà... Va ben montemo in aparechio e notemo che probabilmente la ostes ga da èssare malà parché al so posto ghe ze un spantasson de sentoeventi chili lordi... probabilmente so nona! Comunque el viajo va ben e rivemo fin a Barcelona parché qua se fa "na scala"... almanco cussì i me ga dito... Spetemo na oreta, Manfre e Stefano va scondarse in cesso onde fumare e po’ a ciavarse un paninasso co na bireta da litro... Ciapemo n’altro aparechio a finalmente rivemo a Valensia. Qua bisogna nolegiare na machina e uno ( me sfuge el nome) se inpunta parché el voria tore na biemevu scalepotabile... Na scaretà de insulti lo riporta al’ordine e Moreno decide par un furgon incalcà de careghe e co un bagaliaio grando senpre... Solo che sucede un casin bestia parché l’adeto al carico (Stefano) no ze bon de farghe stare tuto e cussi taca porconare e dire robe brute contro el goerno e i ministri in sorte... Ala fine montemo su tuti, Moreno ciapa sono e pian pianeto rivemo inte ul albergo lussuoso dove vegnimo acolti da un siorato-fachin co na gran facia da stitico che ne mena nee càmare... Un paro de ore par lavarse, desfare le vaise e semo pronti par andare a magnare... E che secondo vialtri, a Valìensia in Spagna, un s-ciapo de selvadeghi come ze el nostro (Moreno escluso parché el ga na finessa da nobile in ogni situassion) cossa poe andare a magnare?... A paeja forse inte un ristorante tipico????... Ma gnanca par idea: patate frite, costesine de mas-cio ai feri e bira, drento un locale messican!!!!
(continua doman)
LEGGI I COMMENTI (5)
-
PERMALINK
lunedì 14 maggio 2007 - ore 15:35
E STASSERA NOVO SERVISSIO CO MORENO SU "STRISCIA LA NOTIZIA"!
(categoria: " Viaggi ")
Novo eclatante servissio in onda su Striscia la notizia stasera in conpagnia del mitico Moreno Moreno... stavolta interpreto un novo personajo senpre scrupolosamente mona!!!!
LEGGI I COMMENTI (2)
-
PERMALINK
domenica 13 maggio 2007 - ore 12:31
NOTISSIE DAL MONDO CIVILE
(categoria: " Vita Quotidiana ")
Dal nostro inviato (in mona!) Pipo Maroidi dito Omo Onbra
Ci sono giunta (“zonta” in dialeto) notissia di una grandissima, ma cossa dico grandissima, granda senpre scoverta sientiffica (meto na efe in più onde no generare confusion co n’altra parola che finisse in “...ica” ma che ga n’altro significatolo! n.d.a.) che ha messo in strepito (a rumore) il mondo intiero. Ma vengo a contarve i nudi fati: astutissimi siensiatti inglesi ganno scavato na bucca in tera e 50 metri sóto, oltre a na bona dose de melma-paltano, ganno catatto picoli tocheti di cavi di rame. Dopo averse gratà le zagolone e fettuato longhi e stenuanti studi sono, per cui essi, rivati ala sconvolgente scoverta che i antichi britanici gavevano na rete de telefoni za 25.000 ani fa. I mericani ganno sgorlato le suche e ganno prodoto na ridadina soto ai bafi... Lori ganno fato un grande buso (the “big hole”, legi “ ze bigol” da no confóndare col bigòlo-altalena) fondo ben 100 metri lineari, cuadrati e tondi, e ganno catato picoli tocheti di cristali che secondo il loro sbudorato punto di vista fornisse la prova che za 35.000 ani fa i mericani gavevano na rete di telefoni basati sule fibre otiche. - Che no lo sò che casso sipiano ma se lo dicono i mericani mi fido -. I italiani alora si sono fregati le mani e ganno tacatto, porchesando ala grande, fare buse ovunque fonde fin a 200 metri e passa sensa però catare una tega-bacello. Ansi proprio un casso par dirla co termini lanpri. Bon. I siensiatti del nostro paese sono cussì rivati ala inteligentissima conclusione che za 45.000 ani fa i nostri antenati usava i telefonini unicelulari!!!!
Nota del Redatore Capo
Varda che i telefonini se ciama “celulari” no “unicelulari”, teston de na sopa... El to organo sessuale sarà unicelulare!!!
LEGGI I COMMENTI (1)
-
PERMALINK
> > > MESSAGGI PRECEDENTI
[ SONO OFFLINE ] 