Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27793 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
sabato 10 marzo 2007 - ore 20:26
DOMENEGA N’ALTRA VOLTA!!!
(categoria: " Vita Quotidiana ")
Ma porco zio, ancora n’ltra domenega par ronparme i cojoni... Me mojere lava, furbisse, stira, frugna, ramena, core, pantesa, spica e coltrine, sneta el cesso, lava, mena torno la lengua e mi cossa foi??? ME SPACO I OVI!!!!... Co la scusa che semo de baucon tute le sere par laoro la domenega se stà casa!!!!!
LEGGI I COMMENTI (8)
-
PERMALINK
venerdì 9 marzo 2007 - ore 15:18
I GRANDI SQUISITI SIENTIFFICI
(categoria: " Scienza e Tecnica ")
Le domande difissili stile Focus
Parché la Tore di Pisa è essa la quale storta e pare sempre dietro rabaltarsi?
Dimanda posta dall’agricoltore diretto Nino Nane deto el Nono di Barbona PD
Risponde l’architetto Tullio Pontone laureato in tori e pendenze presso l’Academia dele Brute Arti di Fossona
Egregio signor agricoltore Nino, grazie par avermi dato l’ocasione di spiegare una volta per tute l’arcagno e di darci un tallio a tute le legende metropolitane che gireno atorno ala famosa tore (che in italiano sarete “prendere”). Alora la Tore di Piza (in italiano coreto) pende a lato par via dela progetassione a cura del geometra comunale Lino Vento overo Vento Lino deto Scorezon Kit il quale aveva l’insana passione di ingolfarsi il budello umano di fasoli di Lamon, coe di radici, cavolfioro lesso, verze e capusso. Di conseguenza molava dele renghe terificanti che se sofegate a lungo podevano anche al momento dela nassita sbregare le mutande e le braghesse al’incauto professionista. Par questo quando la tronba si anunciava il geometra se era sentato spostava il baricentro del corpo umano a lato in modo che il sentare della carega no costituisse impedimento ala fuoriuscita del pestilensiale efluvio… Fu durante la progetassione dela famosa Tore che il geometra ebe un ataco di scorezamento acuto ed esponenziale e fu costreto per lunghe ore a disegnare stando tuto storto a lato. Per questo motivo il disegno del manufatto risultò piegato… Apena finito il progeto fu passato al’inpresa edile di tale Pino Silvestro Tacamalta il quale essendo ignorante come una talpa e indietro come la coda del maiale suino, eseguì il lavoro senza porsi diilemi… Eco spiegato come mai la famosa Tore di Piza è piegata da un cantone. Signor Nane io la saluto.
.JPG)
Foto someja del grande giometra
COMMENTA (0 commenti presenti)
-
PERMALINK
giovedì 8 marzo 2007 - ore 12:56
PENSIERINI: PARLA DELA FESTA DELA DONA!
(categoria: " Vita Quotidiana ")
Pensierin de Marieto Piva, bocia estremamente mona e sinpio
" Mio popà mi a deto che a casa nostra la festa dela dona è ogni quialvolta lui a l’ucelo duro e rigido!"
LEGGI I COMMENTI (4)
-
PERMALINK
giovedì 8 marzo 2007 - ore 12:53
MONE SE NASSE, CARBONIERI SE DEVENTA!!!!
(categoria: " Vita Quotidiana ")
Un carabiniere ferma na màchina co na dona che guida e che la ga un enorme can de pessa sul sedile dadrìo:
- Siora, la xe in multa, par el can ghe vole la rete...
- Apuntato, ma cossa diselo?... ma no’l vede che el xe un can de peluss!
- Rispeto siora.... Mi no ghe gò miga dimandà la rassa del can! Ghe gò solo dito che la xe in multa parchè manca la rete!!!
Corajo tosi!!!!
Na patulia formà da quatro carabinieri in borghese controla un toco de strada frequentà dale cosidete batone (vulgo “zocolone”).... Ad un serto punto a quelo che guida ghe vien spissa de savere i pressi del marcà.... Cussì come che’l vede na donacia (vulgo “zocolona”) se ferma, acosta, verze el finestrin e domanda:
- La me scusa cara, vorìa savere, come xei i pressi stassera?
La tosa mete dentro la testa varda e risponde:
- 50 carte da mie davanti e 100 carte da mie dadrìo....
Salta fora uno dei do sentà dadrìo:
- Come?... Come?.... qua se inbroja!!! Come se spiega che mi, che son sentà dadrìo, gò da pagare quasi el dopio!?!
Atualità
Aereoporto de Marco Pollo. Maressialo e apuntato xe stà ciamai a controlare un aereo fermo parché se teme che ghe sia na bonba a bordo.... I do taca vardare dapartuto: el maressialo parte dala gabina, l’apuntato dala coa.... A un serto punto l’apuntato siga:
- A maressià, me xe vegnù na curiosità: ma come farai tre quatro teroristi dirotare un bestion grando, longo e largo come questo???
- Apuntato è par via dele domande èbeti come questa che tu no farai mai cariera, - risponde el maressialo – chi cachio ti a deto che i teroristi dirotano li aerei in tera?... Li dirotano quando sono pararìa, alti e quindi sono grandi come una formiga!!!!
Questa xe granda!
Gino e Toni xe do carabinieri de patulia. Oncò i guida la màchina nova.... Purtropo su na curva i urta un paracaro e i maca tuta na portiera. I do smonta e desperai taca girare torno ala màchina gratandose la bareta....
- Che desgrassia, Gino – cria Toni – e desso chi ga corajo de dirghelo al maressialo... varda che paca... na màchina nova!!!
Toni, che pare èssare el più svejo dei do, forsa de pensare ga el lanpo de genio:
- Scoltame puito Gino, vedito chel tubo sbusà che vien fora par sóto, dadrìo ala màchina? (n.d.a. el parla dela marmita)... Secondo mi se nialtri supiemo aria inte sto tubo la màchina se sgionfa e la paca vien su, la sparisse!!!!
- Toni te sì un genio.... dai dai... che postemo el pocio!!!
E i do se cucia e a turno i taca supiare nela marmita.... E no i se acorze che vien vanti el maressialo.
- Si può sapere, cossa siete dietro a fare, voi due???
I do ormai scoverti spiega:
- Maressià, abiamo maccato l’autoimobile... Però abiamo catato la solussione: supiando nel tubo sbuso la màchina si sgionfa e la paca si posta!!!!
El maressialo se invelena:
- Ma no vi vergògnate di èssare cussì mone???... e dopo vi lamentate se la Zenere va di ramengone par le piasse locali e estere a riderci dietro a pagamento???... Par forsa che ci fano le barzelete sui carabinieri!!!
- ????
- Gnancora no gavì capìo????.... Come farà, digo mi, vegnere su la paca sula portiera se no saratte i finestrini??? No vedette che l’aria va tuta fora, macachi che no sì altro???
COMMENTA (0 commenti presenti)
-
PERMALINK
mercoledì 7 marzo 2007 - ore 09:26
AL CASINO’ DE VENESSIA!
(categoria: " Vita Quotidiana ")
Come tuto el mondo intiero sa, ieri sera mi e Fred (el slandron del Bepi e Maria Show) semo stai invità al Casinò de Venessia onde presentare el nostro libro IN ALTO IL MORALE!... Par l’ocassion gavemo dovuo vestirse da messa cantà e partire da casa ben tre ore prima in quanto par nialtri, rozi agricoli dela profonda canpagna veneta, rivare indeni a Venessia jera inpresa ardua... Difati pena rivà a Mestre se gavemo perso nei meandri oscuri dela nobile sità de Malcontenta... Forsa de dai e de porchi soleni comunque semo rivà a Piazale Roma e po’ inviai a piè verso el cosideto Casinò (el sarìa el posto indove sogiornano le putanè)... Par la strada me mojere ga perso un taco e cussì tuti ne vardava parchè vedare do signori in ghingari come nialtri conpagnai da na sota gera roba assai strana... Bon, rivemo in loco e se catemo su na sala incalcà de nobile popolo, indove na giornalista dela Rai presentava un sagio su Camileri co la colaborassion ale leture del’atrice Chiara Muti.... Presentassion rafinatissima tuta parlà in cicara.... Al che nialtri, conossendo ben le nostre proprietà lessicali e i limiti cerebrali, gavemo tacà preocuparsae e suare cofà cavali da tiro... E più passava el tenpo più la preocupassion aumentava e se trasmeteva tanto che dopo mesa ora gera preocupà anca tuti queli che ne stava darente... Ala fine dela presentassion na brava pianista ga tacà sonare robe de un serto Vagner (cussì i ga dito) che no lo sò chi esso sia ma de sicuro no’l ze andà a Samremo senò me lo ricordarìa... Finio le musiche de cui no gò capio un emerito e solene casso ma che me ga piasso per el rumore che le faseva ze tocà a nialtri... E qua ze sucesso un miracolo: semo riussìi a parlare par ben un quarto d’ora sensa porchesare, dire parole brute come "mona, casso, tete, culo e merda" e contenporaneamente divertire el nobile publico presente.... Ala fine gavemo ricevuo na stupenda ovulasssione de aplausi e semo andà tuti.. no tuti... solo i VIP, a magnare...Sena fantastica che ne ga solo messo un poco in inbarasso par via che no se podeva né scorezare né rutare... Comunque gavemo magnà da dio e pena finio gavemo saludà tuti e semo tornà verso la teraferma ... Dopo do ore mi e me mojere jerimo casa, contenti e sodisfati dela serata mondana.. e Fred?... beh, lo gavemo molà in zona putane a Limena e de lu a stamatina no gavemo più nessuna notissia!!!!
Esenpio de ovulassione spontanea..
LEGGI I COMMENTI (7)
-
PERMALINK
lunedì 5 marzo 2007 - ore 14:09
TORNA’ CASA A LAORARE COFA’ UN MUSSO!!!!
(categoria: " Vita Quotidiana ")
Orca bestia, finia la vancansa.... Ma sò contento: gò sogiornà par tre dì nela "città vecchia" di Genova a do passi da Via del Campo e gò respirà la stessa aria gonfia de salsedine e spusse varie (pisso, scoasse ecc.) che ga ispirà Fabrizio De Andrè. el me cantautore preferìo da senpre insieme co Gaber... Sò anca andà a saludarlo al simitero de Staglieno (consilio na visita a tuti i apassionai de arte, parché qua se vede le opere più significative del’arte scultorea da metà 800 in vanti)... Meto na foto che gò scatà indove se vede anca me mojere e me fioea no par el gusto de mostrare l’ultima dimora de Fabrizio ma par na forma de omagio personale a un grande dela nostra canson (e poesia) e far vèdare la gran umiltà e sobrietà de chi gaveva cpio da senpre che la Morte uguaglia tuti... Gò provà forti emossion anca davanti ala tonba dela mojere de Oscar Wilde che qua riposa in un sono eterno dove no ghe ze più onmbra de soferensa e ciàcole..... Domando scusa de sta parentesi seria ma prometo che da doman tornarò el mona de senpre... ansi forse un poco de più!!!
Solo rispettosi silenzi....
LEGGI I COMMENTI (4)
-
PERMALINK
giovedì 1 marzo 2007 - ore 09:05
TRE DI DE FESTA!!!!
(categoria: " Vita Quotidiana ")
Finalmente un poco de san relax... Doman parto par Genova co la fameja e vago rilassarme sensa ronpicojoni in mezo ae bae... Torno lunì... Intanto ve lasso un poche de barzelete par tirarve su el morae... E me racomando: se no voì rincojonirve no stè assolutamente vardare Sanremo!!!!
La coerensa
Un sior ze incantà davanti ala vetrina de Ermo Caccin, me amigo refice a Borborico...
- Ostiamenta, varda che rassa de relojo, - el pensa coi oci fora dala testa cofà un s-cioso curioso - un spetàcolo ùnico... na roba granda... desso vago drento e me lo cronpo anca se gavesse da dissanguarme el tacolin!!!
E difati el entra e el taca criare col Ermo:
- Vojo ch’el relojo là in vetrina.. presto lo toga che me lo provo che lo vojo...
- El varda sior, - risponde me amigo parplesso miga poco - ch’el costa salà: 2500 euroni... tuto oro massicio a 18 carati...
- No me intaressa gnente i problemi de caratari o de euri, lo cronpo subito parché el me piase massa... eco qua.. varda come ch’el me stà da dio... solo che... ostiamenta, no vojo la cinghieta bianca... mi sò leghista... ragion par cui la quale, vojo la cinghieta verde...
- Nessun problema sior... - intervien el sior Caccin - eco qua la cinghieta verde... cossa ghe pare?
- Stupendo ostiamenta, stupendo... varda come ch’el brila... el pare un ferale... lo cronpo, lo cronpo... ma... ostiamenta, no va miga ben el quadrante bianco... no va miga ben!!! Mi sò leghista: vojo el quadrante verde...
- E qua sior sorge un problema... me toca mandarlo in Sguinssera... spetare tre dì... e lu ga da spendare 1000 euroni de più!!!
- E alora Giuda can, dove zelo el problema: toh ciapa... 3500 euroni in man subito e fra tre di torno tórmelo... ostiamenta che belo sto relojo...
E dal dito al fato el va via...
Tre dì dopo puntuale cofà la morte el siorato torna torse el relojo... Se lo mete torno el brasso e se lo amira...
- Ostiamenta, varda che qualità de lavoro... belo... belo... na òpara d’arte... po’ tuto verde par mi che sò leghista ze el massimo... ma.. ma... no ghe semo miga...
- Cossa ghe ze desso?, - dimanda co un filo de vosse el paron de botega overo Ermo che taca rónparse i maroni.
- Ghe ze che mi sò leghista.... quindi PAR PIASSERE BISOGNA CH’EL ME CAVA SUBITO EL MEZOGIORNO!!!
Consilio spassionà
Na ciciona luja entra in clinica par calare de peso e dopo un mese scrive sodisfata al marìo:
"Caro Toni, ti comunico seduta stante (sono in cesso) che in sto mese gò calato gnentepopodimeno che di metà peso"
Dopo do dì riva la risposta del’omo:
"Sono felisse, mia cara.... secondo me, però, dovaresti restare là n’altro meseto!"
Qultura
Un negroto clandestin gira de qua e de là in motorin. Na sera davanti a na ostaria vede in tera na carta de identità. Se cucia la toe su e se la mete in scarsela pensando che in caso de qualche controlo la podarìa vegnere bona... Difati na note na patulia de carbonieri particolamente astuti (?) lo broca e uno dei do ghe ordina imantinente de tirare fora el libreto del schiciabae ("motorin" in italian) e documento de riconossimento... El negroto dise:
- Subido buana! -, frugna in scarsela e cava fora la carta de identità catà in tera. El carboniero varda e vede scrito "Lionardo Di Caprio", varda la foto-someja, varda el negro, rivarda la foto, rivarda el negro e po’ sospetoso se avissina al colega:
- Ciò, scusame na dimanda: ma el Titanic, che te sapia ti, zelo afondà o galo ciapà fogo!?!
LEGGI I COMMENTI (4)
-
PERMALINK
giovedì 1 marzo 2007 - ore 09:00
(categoria: " Vita Quotidiana ")
COMMENTA (0 commenti presenti)
-
PERMALINK
martedì 27 febbraio 2007 - ore 15:16
CHE BUEADA TOSI!!!!
(categoria: " Cinema ")
Ieri sera, insieme co me fioea, gò varda el filme "LE COLINE GANNO LI OCHI!"... Zio can, che estrema cagada... Bastonà in testa, piconi piantà in giro par el corpo umano, sangue che pissava a butaroto a sguinsi ovunque, mostri umani che magnava pupole, cossate, e figà, congelatori pieni de quarti de cristian... Pistoletà sul muso, s-ciafoni, slepe, peadoni intel bero.... Ma digo mi, indove lo gai girà?... forse a Montecitorio?....Al confronto le stragi de Erba o de Novi Ligur ze barufete tra toseti!!!... Par forsa che zente fora coe oche dopo se monta la testa e ghe ne fa peso de Bartoldo!!!!
Comento critico: PAR MI EL REGISTA POE ANDARE A CAGARE SUE ROE!!!!
LEGGI I COMMENTI (5)
-
PERMALINK
lunedì 26 febbraio 2007 - ore 13:55
Ahhh Dio, mama!!!! DOMAN TACA EL FESTIVALE DE SANREMO!!!
(categoria: " Vita Quotidiana ")
Taca doman de sera la più gran rotura de cojoni televisiva, overo el cosideto Festivale de Sanremo... St’ano inserìo a furor de popolo (mona!) un novo setore. EL GERIATRICO indove se esibirà le mumie rianimae par locasion de Gioni Doreli, Milva, Albano e via de longo... tuti esenplari in via de estinsion dai setanta ani in su... Tra el solito bailame de presentatori e presentatrici, retorica a maneta, ospiti più o meno del casso, el lucicante carosson ne terò conpagnia (se fa par dire!) par tuta la setimana... Mi co un bon sentanaro de persone sveje me salvo (almanco el marti) par via che sarò co Fred, Valerio Mazzucato e el medego dei mati dott. Angelo Boccato in teatro Falcone e Borsellino a Limena par tacare la TERAPIA DEL SORISO! spero che ciò contribuissa a sbassare l’odiens de sta trasmission da sbochi indove va a raliare un mucio de canterini più o manco noti....
LEGGI I COMMENTI (8)
-
PERMALINK
> > > MESSAGGI PRECEDENTI
[ SONO OFFLINE ] 