Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27793 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
sabato 27 gennaio 2007 - ore 12:40
OSTIA, VARDA QUA!!!!
(categoria: " Cinema ")
Casso, furegando intrameso la montagna de ratatauja che gò intel me uficio, che me mojere ciama prosaicamente "la stala del mas-cio!" ze saltà fora sta fotosomeja del me primo servissio fato par Strissia la Notissia co Moreno.... Che bea esperiensa che la ze stà....
LEGGI I COMMENTI (5)
-
PERMALINK
sabato 27 gennaio 2007 - ore 08:41
ONCO’ ME SENTO FILOSOFO!!!
(categoria: " Riflessioni ")
Poesiola di chiaro valore etico e morale
Par na lege fisica ben conossua,
a sto mondo tuto se frua...
Solo la bernarda, cosa miranda,
più te la usi più la vien granda!
Riflession politica
Ai so tenpi la Destro par finanziare el Gay Pride ga da 800.000 mila euroni sonanti e contenporaneamente ai padovani la ghe ga dà un casso... Eco parché la ga perso el posto de Sindaco... Par vinsare bastava che la fasesse el contrario!!!!!
COMMENTA (0 commenti presenti)
-
PERMALINK
giovedì 25 gennaio 2007 - ore 15:37
SUPEREROI VENETI RUSPANTI
(categoria: " Pensieri ")
ZORBO
Omo panson, orbo patoco co la mascareta ociai neri, capelo da zoro e mantelo taconà. Co al posto dela spada el baston bianco da orbo.
"Zorbo" è un supereroe atipico in quanto invece di compiere buone azioni, tipo aiutare le vegliarde ad attraversare le strade senza venir "schicciate" come galline, compie azioni riprovevoli ed indegne di un gentiluomo. Ma vi delucido: "Zorbo ze orbo patoco dal’età dei vent’ani". L’orribile disgrazia è stata provocata da una costante ed imperitura manipolazione degli organi riproduttivi (legi "pipe a nastro").
La perdita dela vista umana ha però provocato nel soggetto un acuirsi degli altri sensi, in particolar modo del’olfatto che è diventato più raffinato di quello di un astutissimo cane da "usma", Infatti Zorbo, che di sera si "sconde de sotignon" dietro "siesoni" e angoli bui nei nostri amati paeselli natii, sente a naso se nelle immediate vicinanze staziona un esenplare di sesso femminile. Riesce, il nefando, anche a capire se la suddetta donna è signora, signorina, piacente o no alla vista ed al tatto... Nel caso ultimo il nostro eroe parte all’attacco borbottando corposi complimenti alla donzella tipo: "Vien qua qua, toco de gnoca, che se te guanto te riduso a purè, te verzo in do cofà na tenca, porsea canaja dal porco e fora!"... Poi avviene il forsennato assalto che dovrebbe avere, almeno nelle intenzioni del malvagio, esito in una violenta copula... Cosa che si avvera nel 90 % dei casi.
Se, però, così fossero tutte le sue azioni il nostro andrebbe annoverato tra i stupratori porselli e basta... Ma la dice lunga la perifrasi "in linea di massima" riportata nella seconda riga. Infatti ogni tanto Zorbo chissà per quale esasperata forma di gentilezza d’animo assalta e possiede selvaggiamente anche vecchie laide, pelose, scatarrose, onte e puzzolenti, nonché stagionate zitelle "incalcà de scarpìe", compiendo così opere altamente meritorie e degne di menzione speciale... Ecco chiarito come mai Zorbo entra a testa bassa tra gli supereroi veneti superefficenti. (e anca superdeficenti...n.d.a.)
Un bel mona!!!!
COMMENTA (0 commenti presenti)
-
PERMALINK
giovedì 25 gennaio 2007 - ore 08:52
" BEPI e MARIA SHOW" torna in television!!!
(categoria: " Accadde Domani ")
Par tuti ( e sò che i ze tanti!) i apassiona de sto grupo de s-centrà notissia ghiota da lecarse i dei fin ai gunbi (i sarìa i "gomiti")... da luni 5 febraro ogni dì su Telenordest ale ore 20,00 apuntamento co le esilaranti aventure dei Quatro del’Apocalisse... Al sabo invesse in onda ale ore 13,00... Insieme co Fred, i do Davide e Valerio st’ano, ogni tanto, ghe sarà anca do ospiti: mi e el Maestron, nel ruolo de do
particolari slandroni (in italian "cialtroni") specializà... Comunque na vera trasmission comica a 90 gradi... scusè a 360!!!Vardare par credare.. e par ridare....
LEGGI I COMMENTI (1)
-
PERMALINK
martedì 23 gennaio 2007 - ore 11:47
E DESSO PROVE’ QUESTO!!!!
(categoria: " Pensieri ")
El ze un noto (ma vecio cofà el cuco!)proverbio veneto... Na vera perla de sagessa!!! Toh ciapa!!!
LEGGI I COMMENTI (5)
-
PERMALINK
lunedì 22 gennaio 2007 - ore 18:33
VEDEMO CHI INTIVA!
(categoria: " Pensieri ")
Questo ze un rebus veneto... Vedemo quanti ze boni intivare la solussion!!!
LEGGI I COMMENTI (3)
-
PERMALINK
lunedì 22 gennaio 2007 - ore 18:22
ELUCUBRASSIONI SUL MATRIMONIO...
(categoria: " Riflessioni ")
Breve comedia in un ato
Dialogo tra mare e fiola
Ale: - Mama ti te esageri a parlare mae deoi òmeni: qualche volta i ze anca gentili....
Susì: - Beh a pensarghe ben ze vero: par esenpio to pare ieri me ga stupìo: semo andà al supermercato e lu ze smontà de corsa e me ga verto la portiera dela màchina....
Ale: - (rivolta al pubblico) Quando un omo verze la portiera dela màchina ala mojere i casi e do: o ze nova la màchina o ze nova la mojere....
Susì: - Va ben va ben.... comunque ricordate senpre che el marìo ze chel poco che resta del moroso dopo el matrimonio...
Ale: - Ma alora par noaltre fémene el matrimonio ze come i aresti domiciliari!!!
Susì: - Pesò cara, pèso.... el ze come na trapola par i sorzi: quele che ze dentro farìa de tuto par tornare fora... quee che ze fora fa de tuto par andarghe dentro... Come ti....
Fine e te end
Batute sage
El matrimonio senplifica la vita però conplica la giornata!
El divorsio ze l’ultima gioia del matrimonio
El matrimonio ze la causa prima del divorsio
Sposarse no vol dire solo unirse a na fémena: vol dire anca separarse da tute st’altre!
El matrimonio ze el presso che i omani paga par avere sesso fresco tuti i dì (?). El sesso fresco ze el presso che paga le fémane par el matrimonio
Un omo e na dona sposai poe ancora andare d’acordo Basta che no i sia sposai tra de lori!!!
Anca el matrimonio d’intaresse ze un matrimonio d’amore!!! Si, de amore par schei!!!
La suocera ze come la speranza: ze senpre l’ultima a morire
El matrimonio ze na caena cussì pesante che par portarla bisogna èssare in do... dele volte anca in tre!!!
La barzeleta in tema…
Ciesa de Bojon durante un sposalissio. El paroco ze drìo delucidare i sposi che bisogna tronbarse solo par fare putei, che la mojere ga da seguire senpre el marìo, (anca quando che el va a cacia o a done?), che no bisogna che el marìo ghe daga ala consorte dei potenti pugnassi in testa, quando de colpo se spalanca el porton in fondo e tra el stupore generale vien vanti un sogeto a dir poco strano. Un omo grando e grosso, chiaramente in stato etilico avansato, vestìo col poncho cofà i messicani pelandroni, chitarona in man e co un potentissimo sonbrero in testa che dopo essarse vardà torno co ocio turbio se invia a bisato verso l’altare. A védare sto elemento nela casa del Sig. Dio, che no se degna gnanca de cavarse el capelasso, tuti queli che el ghe passa darente ghe sussura: “ El sonbrero, par Dio!”... - ma gnente: el mona continua inperterito a avansare tranquilo. Intanto l’omo riva al’altare varda el prete che anca lu ghe siga: - El sonbrero, el sonbrero!!! -, sfódara un soriso a trentadò denti, se volta verso la zente, inbrassa la chitarona, fa un inchino e dise: - E ora, amissi svisserati, a grande richiesta eseguirò “ El sonbrero”!!!
LEGGI I COMMENTI (4)
-
PERMALINK
domenica 21 gennaio 2007 - ore 10:58
NOVO SPETACOLO DEI AMISI DEL "BEPI E MARIA SHOW"
(categoria: " Pensieri ")
Ieri sera al teatro de Vigonza, prima assoluta del novo spetacolo dei amissi del Bepi e Maria Show "FEMO SAGRA"... Do ore de vero e san divertimento co Fred (el bravo presentatore) che pian pianeto ga ciapà par man un publico disponibile e amigo e lo ga portà a conossare i personagi più stranpalai che mente umano possa concepire... Un viajo al’interno del veneto più vero e ruspante che se possa imaginare, fato sensa l’intension de deridere, ma creando sinpatia e alegria. Sul palco ze stà un sucedarse de gag e inprovisassion col publico indove i quatro ga avuo modo de mostrare la gran bravura e padronansa interpretando novi personagi... Me ga sorpreso el fato de no èssarme quasi acorto chel spetacolo gera na prima, parché el ze filà via lisso, ben struturà e sensa nessun tenpo morto... E più el spetacolo andava vanti più el deventava divertente. Insoma el pareva rodà e colaudà da tenpo... Bravi quindi Valerio Mazzucato (che stassera ze deventà anca un sinpatico siorasso incalcà de schei totalmente difarente dal Bepi che verso la fine delo spetacolo se ga presentà sul palco in desabije (overo in barbalache - tuta mudanda del veneto antico), Davide Boato che ga dà stupenda vita al "mona doc" paesan oltre a na Maria particolarmente sexy (se ga par dire), a Davide Stefanato. che ze passà da un personagio a st’altro co na naturalessa unica... Resta Fred che oltre a na grandissima sinpatia cher lo liga al publico, cura i testi e ze inserio perfetamente in sto s-ciapo de simpatici cabaretisti che secondo mi, ze tra i mejo del veneto. Se gavì ocassion andè vedarli... Sarà na oicassion par passare do ore veramente alegre... Ieri sera gò visto sene incredibili: na siora vissin de mi ga talmente sganassà che a un serto punto, pensando de disturbarme la me ga parfin domandà scusa... Ghe lo gò dito a Fred , dopo el spetacolo, e so sicuro de averghe fato el più bel conplimento: saver dare alegria ale persone credo sia la dote più bea che se possa avere!!!!
LEGGI I COMMENTI (5)
-
PERMALINK
sabato 20 gennaio 2007 - ore 13:46
A PARE VERO!!!
(categoria: " Accadde Domani ")
Notissia che ga del clamoroso: un èbete de un simioto (probabilmente un macaco!) ga ciavà un telefonin e po’ strucando tasti a casso de can gas telefonà par tre dì de qua e de là... Le done che ga ciapà le telefonade sentindo pantesare oribilmente da st’altra parte pensava de aver a che fare co un porseo de un maniaco sessuale che telefonando fusse drio menarse la coa... Cussì i ga fato denuncia... L’arcano ze stà spiegà quando al simioto ghe ze scanpà i versi tipici dela so specie... Cussì la polissia ga indagà e ze rivà al zoo dove drento na caponara ghe gera quatro simioti co un telefonin... Dimanda: desso che paga la boleta????
Simiotei probabilmente nati da un raporto selerato tra el Berlusca e la dott. Margarita Hack...
LEGGI I COMMENTI (1)
-
PERMALINK
venerdì 19 gennaio 2007 - ore 17:45
VECIA MA SENPRE BONA!!!!
(categoria: " Poesia ")
CAENA DEL’OSEO DELA PASE
La colonba ze l’oseo dela pase,
La dona ze la pase del’oseo,
L’omo serca la pase par el so oseo
El singer no lassa in pase l’oseo
La divorsìa ga perso pase e oseo
La zitela conosse l’oseo ma no la cata pase
L vedove ga perso del’oseo e no vive in pase
La mojere ga de sicuro pase e oseo
El marìo ga pase sicura par l’oseo
El culaton vuole pase davanti e oseo dadrìo
El prete dise "pase fradeo" ma scaena l’oseo...
LEGGI I COMMENTI (5)
-
PERMALINK
> > > MESSAGGI PRECEDENTI
[ SONO OFFLINE ] 