Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27793 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
sabato 23 dicembre 2006 - ore 21:43
TOH CIAPA!
(categoria: " Lavoro ")
Eco qua la fotosomeja de mi in giro par Sbarcelona (Spagna) drio pareciarme par el servissio de Striscia la Notizia co Moreno Morello dal titolo "La truffa del petroliere"... andà in onda marti de sera...Ze lanpante che mi el pesseudo-petroliero qua co gentile donsela de nome Gilda in veste de segrataria!
LEGGI I COMMENTI (2)
-
PERMALINK
sabato 23 dicembre 2006 - ore 18:41
COSSA VOL DIRE???
(categoria: " Vita Quotidiana ")
Mi qualche giorno fa gò astutamente conpio i ani in assoluto riserbo. Putropo me mojere la ga spanto le vossi ovunque e cussì ze stà informà anca la mussa del strassaro... In sto modo me ze rivà messaji a nastro tanto da intasare el telefonin... Tra i tanti me ze rivà anca queli de Moreno che gera in giro co la trup del Strissia.... DSarò anca mona ma mi el senso no lo gò capio... Che casso vol dire???
Eco qua.... oltretuto sto mostro me varda anca mae!!!
LEGGI I COMMENTI (2)
-
PERMALINK
sabato 23 dicembre 2006 - ore 08:35
LETARA DE UNO CHE SE GA OFESO!
(categoria: " Riflessioni ")
Publico qua la letara de un "rude ceselatore dela sopa" che se ga ofeso par raquante me batute. Ai posteri l’ardu asentensa (overo se aplaudirlo o mandarlo in mona so mare!... mi optarìa par la seconda!)...
Gentile signor Basso,
ho visto nel suo sito blog che lei oltre a chiapare par il cestello (tore par el sesto) il Signor Papa Razeghin il quale vorebe tornare indietro culo e far dire ai paroci italiani la Santa Messa in latino, se la chiappa anca con i contadini agricoli, come il sotocristo, e li trata da bifolchi ignoranti cofà talpe tonpinare. Lei aferma che noi no sapiamo né legiare né scrivare, né tantomanco parlare in cotesta lengua… Si sballia di grosso: io il latino lo so a ramenadito e glielo dimostro subito metendole qui soto l’Ave Maria in in latino parfeto. Sensa inviarle i distinti saluti le dico solo si purghi.
Suo Toni Dalla Gramegna
"Ave Maria, de cassia piena, domine intel steco e intel sculieribus. benedetto el furto del sventron tuo Iesu. Salta Maria, mare dadrio ora par i gobi specatauri e suchete sempre nela suca del soculorun ame!"
Agricolo boaro deto anche "operatore dela crosta tereste"
COMMENTA (0 commenti presenti)
-
PERMALINK
venerdì 22 dicembre 2006 - ore 20:18
VERGOGNA!!!!!
(categoria: " Riflessioni ")
Negà a Welby el funerale religioso... Complimenti: CUSSI’ LA CIESA DIMOSTRA DE APLICARE EL PERDONO!... desmentegandose una dele parole che Gesù doprava più spesso gera proprio questa PERDONO!!!... Otimo esempio, bravi!!!!
LEGGI I COMMENTI (6)
-
PERMALINK
giovedì 21 dicembre 2006 - ore 21:05
CINEMA??? NO STEMO ESAGERARE... PERO’
(categoria: " Cinema ")
Toh. ciapa... in esclusiva nassionale Walter Texas Ranger!!!
Ostia me sò sbalià... Gò messo la foto co Renato Pozzetto col ze vegnuo casa mia a cronparse l’Oco 2007!.. va ben la someja de petroliere la meto doman!!!
LEGGI I COMMENTI (1)
-
PERMALINK
mercoledì 20 dicembre 2006 - ore 14:10
VUTO VEDARE EL SERVISSIO???
(categoria: " Cinema ")
Se te voi vedare la perfomans degna de un Oscar de mi (me despiase par Moreno, ma la me prestassion lo ga messo in goto de vin - in onbra!) va so sto link qua...
LINK
LEGGI I COMMENTI (4)
-
PERMALINK
martedì 19 dicembre 2006 - ore 14:07
E STASSERA SO’ SU "STRISSIA LA NOTISSIA!"
(categoria: " Vita Quotidiana ")
Salvo inprevisti tipo scopio dela tersa guera mondiale, morte de Prodi o Berlusca, maremoto ale foci del Brentela, stassera in onda sul noto programa el servissio girà a Barcelona co Moreno Morello... a sò anca agità!!!!
LEGGI I COMMENTI (15)
-
PERMALINK
martedì 19 dicembre 2006 - ore 14:02
PICOLO CORSO DE EDUCASSION SESSUALE! prima puntata
(categoria: " Riflessioni ")
ARNESI SESSUALI E ACCESSORI
DI PRIMA NECESSITÀ
Per lei
Pilola antifecondativa - la ze na pastilieta velenosa par i spermatozoi che la fémena magna prima del’incoconada. Prima de magnare la pastilieta la fémena de norma ze nervosa e spissenga e un poco timorosa. Pena che la ga mandà zo la se carica e la se sgiaventa inte’l leto a pigna sigando: - Bepi, pareciate che rivo... a me so’ incalcà de pastillie!!!
Crema spermicida - sicome che i spermatozoi ze narabotoli fetenti, duri a morire, par sicuressa la dona sagia se onde la pistagna co sta pomatona che praticamente la sarìa un ddt par i narabotoli testoni umani
Spirale - El se un atresso che la dona se inpira drento la fritela prima dela funsione. I spematosoi che viaja al scuro no la vede e, co i riva de corsa, i bate la testona su par l’atresso ciapando dele pache bestia... I più deboli more adiritura. Usando la spirale se otien do risultati: se copa i spermatosoi e se tien distante le sansare
Abiliamento secsi
La dona sa che anca l’ochio vuole la so parte e quindi co la va in bagno la se prepararà astutamente. La se inpirarà le calse a rede co relativo regicalse, mudandete diafane e trasparenti, par no dire tanga che el sarìa un spago co un triangoleto davanti e regitete a balconsino overo un specie di sospensorio che alsa le tete e mete in mostra i bichignoli. Cussì atressata rivarà in càmara co l’espression timida e indifesa propria dela verginela che nula sa di serte robe onte. In realtà la timida gazela de ste robe ghe ne sa una più del demonio e durante la notata farà striche del marìo che ala matina drio se strassinarà par la casa co la vivacità de na sepa defunta nel mesozoico.
Dal libro "Finalmente se tronba" esaurito ma in ristanpa nel 2007
LEGGI I COMMENTI (2)
-
PERMALINK
lunedì 18 dicembre 2006 - ore 18:43
DOMAN DE SERA SERVIZIO SU "STRISCIA LA NOTIZIA!"
(categoria: " Lavoro ")
Toh ciapa.... el misterioso servissio girà co Moreno Morello e compagnia del trivelin a Barcellona va in onda doman de sera overo marti... Al confronto 007 ze un pivelo, ma cossa digo un pivelo, un mona patentato... vardare par credare!!!!!
.jpg)
Eco qua el me capo: un omo un mito!!!
LEGGI I COMMENTI (4)
-
PERMALINK
domenica 17 dicembre 2006 - ore 11:01
MISSION CO MORENO MORELLO PARFETAMENTE RIUSSIA!!!
(categoria: " Lavoro ")
Torno intiero e integro al paeselo natio dopo la massacrante mission conpiua in tera straniera (Barcelona, par la precision!) in conpagnia de na nutrita schiera (infati bona parte dei slandroni che formava la squadra, magnava cofà porsei da grassa!) de agenti segreti e na formosa agentessa che gaveva l’inportante conpito de sgnarare fora na eclatante grana de cui la quale no posso par el momento dire gnente in quanto minacià, in caso di paciolamento inconsulto, de morte violenta tramite peadoni sul bero dal capo dela schiera overo el mitico MORENO MORELLO... Posso solo dirve come gera costituia sta squadra che un pocheta ricorda el grupo TNT de Alan Ford ( par via de età el Numero 1 dovaria essere mi!)... Invesse el capo indiscusso jera Moreno, lo staf artistico formà da mi, primo atore (mona) dotà de potente segretaria sbunigolata e regitete a balconsino e de fa totum interprete e, par la parte tennica, quatro, digo QUATRO, miga bae, operatori dotai de videolecamare, telelecamare, machinete fotosgrafiche, batarie, pile, ragi x e via de longo. I quatro che pareva i quatro del’Apocalisse, ga magnà a tonfon bevendo scravassi de bire... Solo un anedoto posso par el momento contarve sensa incorare nele ire del capo.. ecovelo:
Rivemo soba de sera in aeroporto a Venessia e dopo aver fato el cechin (intel senso de "fare de carte de inbarco" (el termine sarìa sbalià in quanto no ze ghe che dopo se ciapa na barca ma bensì un rioplano!) semo andai tuti in fila indiana per due come i tre re magi a farse fare le radiografie... Passemo soto i ragi, vien fora un un casin bestia dopo parché uno se toe la guantiera de n’altro e tenta de ciavarme el capoto che ze più mejo del suo, n’altro perde la sengia dele braghesse, quando el più svejo del s-ciapo buta l’ocio su un monitor dei inpiegati e cossa vedelo??? che ze drio passare soto i ragi la valisa de na sioreta bionda sirca quarantene, dal sguardo severo e l’espression de magnaparticole... E cossa se vede sul monitor de contenuto dela valisa?: ve lo digo subito: la sagoma inconfondibile de un vibromassajatore sessuale extrastrong (credo de voja dire de otime dimension)... Nel giro de tre secondi tuto el grupo, co esclusion de Moreno el quale stufo morto da giorni e giorni passai in giro par l’ìItalia gaveva ciapà sono posà su na colona, vegneva edoto del fato e se portava, a debita distansa, drio ai inpiegati par sincerase del fato. No ve digo i salaci comenti, le osservassion che contrastava co l’inpassibilità dei inpiegati che dimostrava che del fato a lori no ghe ne ciavava un casso mentre el gera de capitale inportansa par nialtri che cussì gavemo avuo un argomento de conversassion par almanco do ore!!!...
Consilio comunque a tuti de vardare Striscia la Notizia la settimana prossima cussì podarì assistare a na performans de chiaro stanpo feliniano e fantossiano
Modelo de squadra al quale se ga ispiràù Moreno par la mission a Barcelona!
Modelo a cui se ga ispirà Moreno par la selta dela segretaria-atrice!
LEGGI I COMMENTI (5)
-
PERMALINK
> > > MESSAGGI PRECEDENTI
[ SONO OFFLINE ] 