Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27793 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
giovedì 14 dicembre 2006 - ore 13:48
MISSION ULTRASEGRETA!!!
(categoria: " Viaggi ")
Se risentimo domenega. Parto par na inportante e pericolosissima mission segreta. Se riesso a tornare casa in posission verticale (co mi gò drio un kit antipolonio!), ve delucidarò (oltre ale scarpe!) su sta mission che farà metare el me nome in letare d’oro zuchino sui anali dei agenti segreti che al confronto Scaramella ze un mussato che scoreza!!!
LEGGI I COMMENTI (7)
-
PERMALINK
giovedì 14 dicembre 2006 - ore 13:44
VOJO UN RESIAMAT!!!
(categoria: " Riflessioni ")
Viste le vacade del novo governo, vista la fadiga de vendare libri, viste le tasse che pago e visti i miseri introiti, vojo dal me Vescoso na carta tipo bancomate co un mejaro de resie da tirare par uso de casa. Vojo anca la possibilità de ricaricarla co le gò finie... E un paro de bonbolone de ossigeno par no morire asfissià finché porchezo! CIARO???
.jpg)
Toni Sopa canpion veneto de porchezamento acuto!!!
LEGGI I COMMENTI (2)
-
PERMALINK
mercoledì 13 dicembre 2006 - ore 13:54
EL VESCOVO BARZELETIERE dal Gazetin de oncò!
(categoria: " Vita Quotidiana ")
Scuseme el titolo de sta riflession , ma vialtri come lo defineressi un vescovo (quelo che Vicensa) che stabilisse le quote-aborto par i preti?... Me spiego: ogni paroco dela so diocesi gavarà in dotassion un numaro limitato de assolussion par aborticidio a seconda del numaro de so grege de piegore, numaro de femene in età fertile e bravura eclesiastica. Come dire chel gavarà l’ABORTOCARD che permetarà de assolvare le fortunae che riva par prime... Finìa la carica de assolussion el prelato se rivolgiarà al vescovo che ghe farà la ricarica...Chi riva tardi se rangia!!!! Ma andemo!!!! semo seri... Se continuemo cussì parché i paroci no ne dà i bolini ogni messa ciapà par el sconto del 30% sui pecati comessi????
LEGGI I COMMENTI (8)
-
PERMALINK
martedì 12 dicembre 2006 - ore 14:09
PORSEA CANAJA!!!
(categoria: " Vita Quotidiana ")
El 10.000 visitatore ze stà un ospite.... ahhhh... ahhhh... sparagnà do libri... Fasemo cussì: el primo sprissiun (o sprissina) che riva drio se cuca i do libri!!!!... Va ben????
LEGGI I COMMENTI (2)
-
PERMALINK
martedì 12 dicembre 2006 - ore 13:55
TERIFICANTE INCULADA PENA CIAPA’
(categoria: " Vita Quotidiana ")
No sò spiegarmelo: ricordo un amigo, lo fasso aldelà de ogni intaresse personale (infati ogni volta oltre al tenpo me magno schei... ma lo fasso volentieri parché ghe credo) e in canbio me cuco sfiducia, calci in culo col soriso sula boca.... e chi de dovere me incula lo fa co estrema elegansa scaricando senpre sui altri.... DESSO BASTA!!! Bon sì ma cojon no!!! I me sentimenti pesonali no deventarà più publici... Pecà però parchè sti conportamenti me fa stare male!!!...Par fortuna gò torno tanti amnissi veri... dedicarò più tenpo a lori! ORCO ZIO CAN!!!
LEGGI I COMMENTI (6)
-
PERMALINK
martedì 12 dicembre 2006 - ore 08:27
ORMAI GHE SEMO ("cretino" in italian)
(categoria: " Vita Quotidiana ")
SPETO EL 10.000 visitatore.. a lu in omagio un paro de libri mii... Chi saralo mai el superfortunà??? (pare anca vero!)
LEGGI I COMMENTI (4)
-
PERMALINK
lunedì 11 dicembre 2006 - ore 19:01
INSULTI VENETI PAR OGNI OCASION
(categoria: " Pensieri ")
Questa ze cultura signori!!!!
“Magname i calseti e spua fora i busi!” – Mangiami i calzini ma sputa gli eventuali buchi”
Bellissimo esempio di insulto creativo e con una spruzzatina di nonsense… Di solito si rivolge a maschio che ha commesso qualche vaccata non grave.
“Che te vegnesse el tinfo, el tanfo, la rogna e el sgranfo!” - Che potessi venire colpito in contemporanea da tifo, puzza orrenda, la rogna e il crampo!” – Naturalmente nella traduzione letterale l’insulto perde gran parte del suo colore dovuto alla cura nella ricerca della metrica e della rima… Anche questo è un insulto bonario quasi affettuoso!
“ Che Dio te cata la zonta e po’ te sbrega par metà!” - Che la Divinità ti trovi un ipotetico punto di giuntura e poi grazie ad un frivolo miracolo ti tronchi in due pezzi con conseguente morte violenta! – E’ un insulto parecchio fantasioso ma anche un po’ blasfemo in quanto si incarica la Divinità a commettere un omicidio a solo scopo di diletto. Cosa che di norma una Divinità onesta e perbene rifugge con orrore!
“Tacate qua e fa Tarzan” Attaccati a questa presunta liana e fai come Tarzan, ovvero fiondati di qua e di là! – Volgare ed esagerato. Infatti viene usato normalmente da maschi presuntuosi che vogliono far sapere a tutti di essere superdotati. L’insulto, comunque, incuriosisce molto il gentil sesso.
Eco un bel esenpio de facia da culo overo Giuliano F....
COMMENTA (0 commenti presenti)
-
PERMALINK
lunedì 11 dicembre 2006 - ore 13:48
ATENSION!!! PAR DIO!!!!
(categoria: " Riflessioni ")
Ormai sò drio rivare, grassie ala bontà vostra, ale 10.000 visite... Par questo vorìa premiare el decimilesimo visitatore co un paro dei me libri umoristici... Quindi tenti!!!! Chi riva par 10.000 se meta in contato co mi parché possa mandarghe el favoloso e culturalmente elevatissimo plico!!!!
LEGGI I COMMENTI (2)
-
PERMALINK
domenica 10 dicembre 2006 - ore 11:22
PAROLE & PAROLASSE in tema sessuale
(categoria: " Amore & Eros ")
oselo - uccello; senso lato organo genitale maschile; Sinomini: vedi broca; accres: oseon, oselasso, popò de oselo; in
Menarse l’oselo - masturbarsi. Una volta, come già scritto più indietro, tale sconcia manovra era indice di malattia mentale e peccato mortale. Ora certi medici non solo la ammettono ma addirittura la consigliano come cura
Dialogo médego tipico
- Dotore so zo de caena...
- El se spara na sega, caro!; ghe tornarà subito l’alegria!!
Ciapare l’oselo - avere un rapporto sessuale. Una volta la frase era solo di pertinenza delle donne, oggi, purtroppo, anche una buona fetta di maschietti (?) si gingilla con l’organo in questione... Che rassa de onti...
Magnare l’oselo - dedicarsi all’amore orale, ovvero comportarsi come la Levinschi co el porselon de Clinton
Métare l’oselo a gnaro - e che vi servono spiegazioni?
Oselo bragarolo - membro maschile
Oselo padulo - volatile con strane tendenze
Omo tuto oselo - superdotato
La barzeleta onta
Pierino na matina se presenta scola co in man la cheba col canarin drento.
- Bravo Pierino che mi hai regalato l’ucelino... - dise contenta la maestrina.
- E no siora, zo co le man! - risponde el bocia - sto oselo ze mio e me lo tegno. Lo go portà scola solo par salvarghe la vita...
- Ma schersi, picolino - dise la maestrina - contami, contami, cossa è sucesso?
- A gero drio partire da casa quando go sentìo me mama che ghe diseva a me popà: - Caro speta che el bocia vaga scola che dopo ghe penso mi a magnarte l’oselo! - Par fortuna che mi so svejo e capisso le robe al volo!
Dal libro "Manuale maleducato del’insulto, inprecassion e frasi onte venete" de W. Basso II edizione ormai esaurita
COMMENTA (0 commenti presenti)
-
PERMALINK
sabato 9 dicembre 2006 - ore 09:25
DOMAN ALA LIBRERIA DRAGHI!
(categoria: " Lavoro ")
Finalmente doman de sera ala sinque sarò insieme co Fred del Bepi e Maria Show, ala libreria Draghi in Via Santa Lucia a Padova par presentare el me almanaco umoristico veneto l’OCO 2007, che continua la tradission delo Strolofo de Dino Durante... Drio sto particolare libro ghe ze sirca sie mesi de lavoro, quindi quando che riva sto momento che ormai el presente nele librerie e edicole tiro fià.... Chi vol vegnere catrme ze gradìo....
.jpg)
Eco la copertina tipo... ogni ano la canbia colore: st’ano la ze arancio che trà sul roseta!
COMMENTA (0 commenti presenti)
-
PERMALINK
> > > MESSAGGI PRECEDENTI
[ SONO OFFLINE ] 