Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27793 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
venerdì 6 ottobre 2006 - ore 00:01
DO BEI MONE!
(categoria: " Vita Quotidiana ")
Incredibile: Pol Anca pare Berlusconi... compagno, scusè, preciso gualivo.... Veramente Berlusconi ze un poco più pajasso, ma par el resto i pare do giosse de aqua aquatica!!!... Comunque forte el dueto co Morandi: pareva de essare al geriatrico de Padova... Penseve: in do i farà oltre dozento ani... Qyuasi quasi i bate i Beat Shop che però ze in quatro!... Comunque Pol Anca mi lo mandarìa cantare dai baluba canibale... I podarìa magnarlo come salume stajonato!!!!
.jpg)
.jpg)
Intiva qualo dei do ze el cantante canterino scassacojoni
LEGGI I COMMENTI (4)
-
PERMALINK
giovedì 5 ottobre 2006 - ore 21:51
IN DIRETA!!!!
(categoria: " Pensieri ")
Ostia!... proprio desso ghe ze Pol Anca al programa de Morandi.. Ma nol ze morto?... Insoma el rivarà diretamente dal’oltretonba!.. Comunque par mi sto Pol Anca qua, pol anca andare a cagare!!!!
LEGGI I COMMENTI (1)
-
PERMALINK
giovedì 5 ottobre 2006 - ore 18:33
A RAMENGO I RONPICOJONI!!!
(categoria: " Vita Quotidiana ")
Oncò mentre deanbulavo co la me potente machinaotomobile me sò guantà na multa oribile de ben oltre 150 euroni e i me ga cavà altri do ponti sula patente che gera za orfana de ben siè ponto... Orco giuda sassin can... Par farla curta corevo in strada drita, sensa un can datorno a 82 chilometro orari... Sconti dadrio un salgaro ghe gera però in aguato do militi ignoti (overo fioli de bona dona e de ene ene) i quali co na machineta fotografica me ga tira zo... E quindi me ga sgnacà l’orenda sanssion... Mi gò porchezà, muto, gò pagà e me sò invià mesto mesto par el vasto mondo... Raquante dimande però me turba:
1) Se i voe davero educarme parché sti onti se sconde?... Se i se metesse in vista niatri pori tomobilisti ciparessimo un tremasso bestia e ralentaressimo... Questa sarìa na bona prevenssion par i incidenti!
2) La sansione ze sproporsionà ala colpa: come mai a mi i me magna co na sola multa raquanti giorni de lavoro e a Donato Balansa che ga copà 17 persone i voe darghe l’indulto?... Se par caso mi ferisso un pedon cossa me dai ? La carega leletrica?
3) Parché no i fa i limiti de velocità un fiatenin più logici?.. in serti posti ghe ze el limite dei 30.. se te viaji a 30 queli drio te manda in stramona de to mare a rafica!
Visto, leto, scrito e apurato quanto sora savìo cossa che ve digo?: CHE VADA A FARSELO METARE DA UN CAN CHE SPESSEGA, GOVERNANTI, VIGILI URBANI E NON E TUTE LE PATULIE DE RONPICOJONI CHE INTRIGA DRIO LE STRADE!!!... PORCO QUA e PORCO LA!!!!
LEGGI I COMMENTI (6)
-
PERMALINK
mercoledì 4 ottobre 2006 - ore 17:48
CECHI GORI e i so amori (ma chi se ne ciava?)
(categoria: " Amore & Eros ")
Gò pena visto me mama davanti ala tivù coi oci sbarai drio vardare el noto (?) programa STUDIO VERTO" (studio aperto)... El sarà anca verto sto studio ma serto che nissun ghe va dentro a studiare visto le vacade estreme che qua i produse... "Gheto visto, beo - me ga dito me mama de otantatre barete - che el sior Cieco Gori ga canbià morosa?... Difate el sinpio gera in conpasgnia de na morona da screcarterie (infarto)... Tete e cossate al vento.. Na roba da far sdrissare anca i peli dele rece... Gò fato na riflession...: ma varda quanta sagessa ghe ze nei veci proverbi.. sentì questo:
"Le done ze cofà le sbrise.. le più bele ze tacà ale soche più grosse!"... Cavando che ghe ze tante done inteligenti el proverbio va però benissimo nel cosideto mondo delo spetacolo indove sicuramente e metaforicamente parlando Cechi Gori ze una dele soche più grosse!!!!
LEGGI I COMMENTI (5)
-
PERMALINK
martedì 3 ottobre 2006 - ore 18:59
OROSCAPO DEL MESE IN CORSO
(categoria: " Pensieri ")
A cura del mona de Nane Cuco deto "El mago del casso!"
Un fenocio del segno del toro (?) sercarà de tanponarve violentemente e rendarve pare a tuti i costi. Scrivì na vibrata protesta al Sindaco par via dele tasse. Se no ve le sbassa denunceo par peculato, apologia di reato, rotura continata e insistete di balote e furto co scasso. L’amigo Toni va trovare vostra mojere senpre quando che vialtri sì via... Chissà po’ cossa che el vorrà?
Salute: incidente sul lavoro in aguato: fin che sì drio fare le parole incrociate gratandove la recia co la pena Bic ve se incastrarà el capeloto drento el buso: € 36.,00 de Pronto Socorso co in omagio le sganassade del mèdego.
Lavoro: Invesse de zugare co le pene Bic, grateve i peri: ze manco pericoloso!!!
Sesso: Na vrespa ve becarà là.. farì un afare sgiongo e grosso che no ve digo... e gavarì un male boja: fè contenta la mojere: dal mèdego fasive dare na pomata che ve fassa passare SOLO el dolore...
LEGGI I COMMENTI (2)
-
PERMALINK
lunedì 2 ottobre 2006 - ore 14:08
MONADE A MARTELETO!
(categoria: " Vita Quotidiana ")
Questi ze giorni nele quali ne riva in recia monade a nastro... una drio st’altra. Parlemo de ciesa... el Cardinal Milingi noto pomicione stagionato ga dito che lu la scomunica papale se la peta sui peri... ansi no, la ga rimandà al mitente... El Papa Razeghin se ga fregà le man: " Se me la ga rimandà tramite le Poste Italiane sò a cavalo... Ben che la vada la rivedarò fra un paro de ani.. nel fratenpo el porseon ze scomunicà sensa apelo... ahhhh... ahhhh... ahhhh Auvidersen!"
LEGGI I COMMENTI (5)
-
PERMALINK
lunedì 2 ottobre 2006 - ore 12:48
LA MARINI SE GA OFESO!!!
(categoria: " Pensieri ")
Dopo tute la batute nate par via del tonfo intel rete del circo la nota subret culona Valeria Marini se ga intavanà e ga dito:
- E’ inutille che mi prendiate per il cestello.. Sono diplomata io... e in più ho studiato ben cinque lingue... chiaro?
Ze ciaro sì e ghe ne prendemo ato: cussì la Valeriona tuta tete culo, lavaroni e celulite, desso grassie ai so studi ZE BONA STARE SITA IN SINQUE LENGUE DIFARENTI!!!... e noltre come atrice la ze talmente brava che par fare la parte del’oca no ghe serve gnanca le pene... (el pene magari sì!)... MA CHE LA VADA DAR VIA I CIAP!!!
Sfilata de moda co Valeria Marini, Flavia Vento, Luridona Leciso e n’alra senpia de cui me sfuge el nome!
LEGGI I COMMENTI (4)
-
PERMALINK
lunedì 2 ottobre 2006 - ore 09:14
CHE ORA ZE????
(categoria: " Vita Quotidiana ")
Ostrega, ze le nove de matina... e ze luni... Porsea canaja sta setimana de lavoro no passa più!!!!
LEGGI I COMMENTI (2)
-
PERMALINK
domenica 1 ottobre 2006 - ore 13:47
NOTISSIA DEL’ULTIMA ORA!
(categoria: " Pensieri ")
La senpia de Valeria Marini, quela che durante na intervista ala domanda: " Ma secondo lei, basta avere un bel culo per avere sucesso in tivù?" ga risposto: " No caro, oltre ad avere un bel culo bisogna anche trovare qualcuno che il suddetto culo lo spinga in avanti!", durante le prove del realiti siò del circo (no sò ben come casso el se ciama!) ze sbrissià a testa in zo dal trapessio schiciandose el muso (rifato) nela rete, se ga messo pianzare cofà un vedelo da late (l’espression ze la stessa medesima!) e ga dito: " non ce la facio più!"... Oro, digo mi.. e alora PARCHE’ NO STAI CASA TUA, INVECE DI RONPARE I MARONI A NOI SPRISSINI E NON????
.jpg)
S-ciapo de subret televisive... La Valeriona ze la prima da destra!
LEGGI I COMMENTI (5)
-
PERMALINK
domenica 1 ottobre 2006 - ore 11:07
COMUNICASSION PRIVATA: NO SE GAVEMO CAPIO!
(categoria: " Vita Quotidiana ")
Caro Toni, che dio te sbrega par metà, quando te gò dito che le porsee me piase un pasto, no intendevo queste "porsee"... Gheto capio, toco de mona grando senpre... E alora ste fotosgrafie vergognose mandaghele al paroco del to paese che solo par el fato èssare el to paroco ga da èssare un sbudorato de fondo!!! e se te insisti te mando mi la foto de me suocera de otantasete barete, nuda sensa peruca e dentiera e co le tetasse pendule drio farse la docia ... Così te vien colpio dal "male dela limega" overo "impotenthia generandi", visto chel cuco colpio da sta desgrassia ga la stessa consistensa de un rodoleto de formajo strachin!... Va remengo!!!
LEGGI I COMMENTI (2)
-
PERMALINK
> > > MESSAGGI PRECEDENTI
[ SONO OFFLINE ] 