Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27793 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
venerdì 29 settembre 2006 - ore 16:52
NA BARZELETA TELEVISIVA... Pena inventà
(categoria: " Riflessioni ")
Do pensionati in casa de riposo ze inpunarai su un divano drio vardare un programa dela De Filipi.. A un serto punto uno taca dire:
- Na sera de merda... na television de merda.... un programa de merda... na presentatrice de merda.... ospiti stronsi.... discorsi de merda.... baleti da culo.... musiche de merda...
A sto punto st’altro se alsa...
- Ciò dove veto?... - domanda el primo.
- Dove vuto che vada... A CAGARE!!! VAGO A CAGARE!
LEGGI I COMMENTI (5)
-
PERMALINK
mercoledì 27 settembre 2006 - ore 21:27
ROBE DA SBOCHI (DE SANGUE!)
(categoria: " Accadde Domani ")
Pesavo dopo aver visto la Zanichi, el panson de Costanso, Platinete, Margiollio, porci e Marzuli, de aver visto tuto.... beh, me sbaliavo: oncò gò visto el top... overo el mona de Sgarbi drio barufare cofà un can rbioso co la Mussoliniana Mussolini... "merda seca, cretina, ignorante, oca" e "mato, deficente, senpio"... Na proprietà de linguagio unica degna de do personagi pubrici drento un programa de elevatissimo livelo come La pupa e il secchione (overo la Sema e el sfigà)... Ma digo mi, me ze par vedare ste robe che mi pago el canone?????... E tuto fin che el mondo z sconvolto parché elporseon de Milingo tronba a maneta pur essendo prete?... E Bonolis sua cofà un can spinon par regalare tonelate de euri???... AL’ERGASTOLO BISOGNA MANDARE STA ZENTE!!!!! Par pietà dasime el Mago Zurli, el sorze de Topo Jijo, Pupo e Mino Reitano... Devenmtaremo tuti mone ma almanco staremo rilassai i tranquili!!!!
Giuda can!!!
LEGGI I COMMENTI (4)
-
PERMALINK
mercoledì 27 settembre 2006 - ore 09:32
PAJASSI...
(categoria: " Vita Quotidiana ")
Romai no ghe ne posso più: no bastava na indigestion del panson de Costanso ala cosideta "Bona domenega", desso se ga zontà anca "Bon pomerigio" tuti i dì... Za na dose setimanale del malnato giornalista podaria mandare in crisi un lionfante, figuremose vederlo tuti i dì... Po’ continua la produssion de monade da parte del miliardario Bonolis che tira pachi a maneta... Marzulo continua interperito tute le noti a pore l’insulsa domanda "Cos’è la note?" guantandose ogni volta na risposta difarente.. Perchè nol prova dimandarghe ai so ospiti: Cos’è Marzulo?" che almanco el se sentirìa rispondare "UN COLIONE" metendo d’acordo tuti?... par no parlare dela Filipi che me stà pesantemente sui ovi....
MA INSOMA COSSA VUTO?... poe dimandarme un incauto interlocutore... CHE DIO GHE MANDA EL TINFO, EL TANFO, LA ROGNA E EL SGRANFO... CHE I S-CIOPA TUTI... e che television i trasmeta la Ferili nuda in mondovision 24 or su 24
LEGGI I COMMENTI (4)
-
PERMALINK
sabato 23 settembre 2006 - ore 11:56
PAR EL "UI CHEN" BARZELETE A NASTRO!!!!
(categoria: " Riflessioni ")
"Chi no ride mai no ze na persona seria!"
Toseti prodigio
- Me fiolo, - dise na mama co orgolio estremo - el ga solo quatro ani epure el sona el piano, el canta el bala e el ze anca bon de lèzare... insoma el ze un fenòmano!!!
- E el mio alora?- risponde n’altra èbete - el ga solo sie mesi ma el ze sa za tuto sul Governo!!!
- Ma fame el piassere!!!... a sie mesi no’l ze gnancora bon de parlare... come falo savere tuto sul Governo?
- Sì ze vero, no’l parla... però el cria de continuo!!!
Che càncara!
La siora Buseto ga perso da oto dì el marìo morto schissà sóto un bilico... La disperassion dela dona ze totale: la cria continuamente, la se cava i caveji a sbrancà, la se ròdola in tera cofà na luja intel paltan... insoma dopo na setimana no la ghe ga molà un àtimo de desperarse... Na vissina serca invanamente de consolarla:
- Su, su cara... la meta via... ze ormai na setimana ch’el poro can ze ’ndà... Cossa vola fare... bisogna rassegnarse... la vita ze fata cussì... su su senò, cara senò va a finire che la se mala!!!
- Grassie dele so bone parole, - ribate la vedova (che Dio la sbrega sta senpia!) - ma la prego la me lassa piànzare ancora un paro de dì... cussì desbrato el pocio e po’ no ghe penso più!!!
Tra òmeni
Do amissi se la conta:
- Cossa vuto - dise uno - me mojere sarìa anca na brava fémena se no la gavesse el bruto vissio che ogni note, prime dele do, no la va in leto gnanca se te la copi!!!
- Ma schèrsito???... e cossa fala su fin a ch’el ora?
- Gnente... la me speta!
Curiosità
Un sopon agricolo riva tuto spasemà ala stassion de Milan... Se varda torno co i oci che pare do ferali ("fanali" par i più fineti!) dala sorpresa de védare tante robe nove... A un serto punto el se incanta vardando un lustrascarpe al lavoro... Questo vedendo l’espression da quajo pensa ben de inbussolotarlo de bruto:
- Bon omo, ma ghe pare beo, che un siorato come lu, gabia da girare in sità co un paro de scarpe incalcà de paltan?... el vegna qua, caro, che penso mi a darghe na bea snetada!!!
L’agricolo sospetoso se varda torno...
- Pàrleo co mi??
- Sì, proprio lu sior... no’l gabia paura... el vegna qua!
L’omo se decide e se avissina. El lustrascarpe taca lavorare e intanto st’altro sito sito pensa... Dopo diese minuti el se varda sorpreso le scarpe che brila maledetamente...
- Ostrega, che lusso... ma el me cava na curiosità, sior: MA LU CHI ZE CHE LO PAGA???
Onestà
Un omasso spentona co bruti modi un toseto che ze drio cuciarse par tore sù calcossa che ze in tera:
- Fermo là bocia... lassa stare che la ze roba che gò pena perso mi... a proposito de cossa se trata?
Co se dise paura!
A un omo ghe more la mojere in un terificante incidente... El dì drio el ze dal’Inpresario dele Ponpe Funebri per decìdare su come fare el funerale.
- E la tonba, me diga caro sior, come ze che el voe, la tonba!?! - domanda l’industriale dei paltò de legno.
- BEN SARA’ sior, BEN SARA’!!! -
Al zoo
La guida del zoo ze drio spiegare le bestie al popolo:
- E questo cari siori e siore sarebe il cosideto pachiderba-lionfante na bestia enorme, granda... pensé che sto lionfante qua magna ogni dì do caschi de banane, tre quintalati de fen e do quintalati de fruta assortita in sorte co na legera predilession par le prugne seche... Siora, la prego no la staga starghe cussì petà dadrìo... Siora, gala capìo???.. No la staga stare dadrìo el pachiderba... SIORA GO’ DITO... Via da là... siora!!!!... -
A sto punto se sente na tronba potente...
- Nane!!! - taca sigare la guida - presto cori qua co na scavatrice e scavame fora la siora!!!
EL CONSILIO DEL GIORNO!
.gif)
LEGGI I COMMENTI (3)
-
PERMALINK
venerdì 22 settembre 2006 - ore 15:35
PAURA BOJA!!!
(categoria: " Riflessioni ")
Sala parto... na femena co na pansona estrema ze trata sul letin pronta a scodelare el putin meonato... Tuto torno infarmiere, levatrici e davanti, proprio di fronte al’uscita, ghe ze el ginecocolo-ostretico... un omasso de sirca sentotrenta chili co na barbona nera da métare paura anca a Giuliano Ferara... L’omo taca sigare:
- Presto siora, che qua el sole magna le ore, la spensa che tiremo fora sto bocia malnato che dopo gò da andare a sapare i bisi... la spensa gò dito... ansi la fraca!...
La femenata spaventà spense che par poco ghe s-ciopa la testa e difati ad un serto punto, da dove tuti savì, vien fora la suca del bocia... El médego lo guanta par na recia, lo tira fira, lo ciapa par i più come un conicio e ghe mola do sganassoni sul muso... El bocia taca sigare a tonfon...
Cussì el mèdego sodisfato lo sgiaventa sula balansa par pesarlo... Intanto la femenata spense fraca e dopo pochi minuti eco spuntare n’altra sucheta... L’omasso barbuto guanta anca questo lo tira fora, lo riaguanta par i piè, ghe mola do s-ciafoni sula boca e lo sgiaventa sula balansa...
La femena spaventà continua a spensare ma no sucede più gnente... Alora el ginecocolo contento dise:
- Siori mi gavarebbi finìo... dasì un paro de ponti ala fritela scassata.. mi vago sapare i bisi... se ghe ze rogne ciameme... -
Ciapa la porta e sparisse al’orisonte...
Proprio su quela dal solito buso vien fora la testa de un terso bocia... Questo se varda torno sospetoso po’ dise al’infarmiera:
- Scusè qua... ma prima de vegnere fora posso fare na domanda?: semo sicuri che ze andà fora dale bale chel sior cativo che sberlota i toseti?
COMMENTA (0 commenti presenti)
-
PERMALINK
giovedì 21 settembre 2006 - ore 12:45
ANEDOTI DAL MONDO DEI TACA-MALTA
(categoria: " Pensieri ")
Nane Tiraca e la mojere festeja el ventisinquesimo ano de matrimonio. Par festejare i do fa na potente barufa parché lu vorìa andare magnare da Neno El Loamaro e invesse so mojere esige de andare inte ristorante più lussuoso de Padova e ala fine vinse ela. I do se tapa da messa cantà, prenota e ale oto de sera tuti timidi se presenta in sala. Li acolie el camariero incalcà de scopetoni e li mena al tavolo che se presenta de na rafinatessa unica: tovaja ricamà, fiori e secio de giasso co drento la bossa de sanpagne. Sensa che i do diga na parola riva el menù, l’aperitivo e un antipasto delicatissimo.
I do ordina, se varda torno sospetosi e pian pianeto taca sorsegiare el vin e magnarse l’antipasto.
Su quelo se avissima un violinista magro scanchio, vestìo de nero co un potente sbaticulate che dimanda:
- Scusate i signori ganno chiesto un pesso di Rossini???
- No caro, - dise Nane Tiraca co un soriso - gavemo ordinà un pesso di porselo rosto... ma se lu ze convinto el me porta anca quelo e se ciava el sparagnare!!!
LEGGI I COMMENTI (1)
-
PERMALINK
martedì 19 settembre 2006 - ore 08:03
EL CODICE DE LEOPARDO DA PINCI
(categoria: " Riflessioni ")
Eco in anteprima mondiale (?) un brano dela rivisitassion dela Bibia a cura de mi estrata dal libro "EL CODICE DE LEOPARDO DA PINCI"... El libro de alto valore etico e morale vegnarà fora l’no prossimo sventuro...
L’HISTORIA DE ILSACO E DE ESAU’ IL MONA CHE RESTA INCHIAVATO DAL FRATELO JACOBE CHE IN CANBIO DE NA MINESTRA DE FASOLI SCOREZONI VOLE L’EREDITA’
Prologo
El sior Abramo ormai gera vecio cofà el cuco e praticamente el faseva l’equilibrista sul’orlo dela tonba col ris-cio, senpre più presente, de cascarghe drento e macarse i garitoli. Visto che so mojere Sara gera za morta el gaveva cronpà un loto de tera dal comune a presso straciato onde fare la tonba de fameja. E questa gera l’unica richessa che el gaveva visto che el gera senpre sta cussì poro can che par pissare sul suo el doveva pissarse in man. Roba questa poco consona a un patriarca. Va ben, andemo vanti: un dì, che el gera in leto che el pantesava cofà un treno co le man in crose e le balote dei oci roversi el ga pensà:
- Vuto védare che qua ghe lasso le strasse e el semo de me fiolo Ilsaco ga ancora da maridarse? Se sto mona no se marida no’l tronba e se no’l tronba no nasse fioli. E se no nasse fioli la me dissendensa va a a putane e el sig. Dio se intavana miga poco, visto che el ga da andare vanti co la Bibia e ghe serve un mucio de personagi...
(La logica gera uno dei punti de forsa de Abramo. Forse l’unico. Ansi de sicuro.)
Su quela ghe vien inamente che so fradelo Nacor gaveva par casa dei tochi de gnoca che no finiva più cussì el ga ciamà el fedele servo Giosuè Cartucia (antenato de Carducci el poeta) parché el andasesse selliere la sposa par el fiolo. Sto qua, che gera mona patoco, pena rivà in sità el se ga fermà par fare fare el pieno ai cameli al distributore de aqua Vera, proprio fin che i girava un spot de Miss Italia. A vèdare tuto sto ben de Dio morbido e curvilineo Giosuè se ga infigà tuto e ze corso darente ala più procace dele tose:
- Chi sei tu, luce dele mie fosche balote, nonché esimia creatura burosa e sbragagnona?
- Sono io Valeria Rebeca Marini, par servirla...
- Anca io, cara ragassa, sarei re beco, ansi beco acuto... ma... sorvoliamo sora ste anose e spinose rimenbranse del’ostrica porca. Vuoi tu Marini Valeria Rebeca il mio nevodo Ilsaco par tuo legitimo sposo?
- Si lo vollio, sempreché il tosatotto sipia mas-cio virile e dotato de fame sessuale sbregata...
Ilsaco se sposa co la Valeria Rebeca, tronba a tonfone col goldone, se desmentega de dare le pastilie par la circolassione sanguigna umana a Abramo che fa un colpo popletico e defunge. Ilsaco però a un incidente sessuale: i goldoni usai in chel tenpo vegneva fati col buelo de agnelo. Purtropo uno de questi gera stà ricavà da un agnelo co la pendicite acuta. Durante il pincione selvagio il goldone-buelo si amalò di peritonite galopante e dal buso scanparono fora do spermatosoi vivacissimi che incoconarono un paro de ovuli feminili vagamente putanieri. Eco cussì nassare i zemeli Esaù e Jacobe. Naturalmente essendo Esaù el primo a vegnere fora l’eredità e la benedission paterna tocava tuta a lu.
(continua)
COMMENTA (0 commenti presenti)
-
PERMALINK
lunedì 18 settembre 2006 - ore 07:59
BARZELETA E FILOSOFIA DEL GIORNO!
(categoria: " Pensieri ")
Sucesso a Sotomarina
Pierino ze in spiaja insieme a so pare e so mare. El bocia core de qua e de là de baucon scavando buse e inpaltanandose come un porseo fin che so mare fa el bagno ... A un serto punto el abandona l’aqua e torna da so pare soto l’onbrelon:
- Popà, - el taca criare - vojo un materassin fato a bagnin!!!
- Me despiase bocia, - risponde el pare gongolando - ma stavolta te toca incartàrtela... no esiste un stramassin fato a bagnin!!!
- Sì ch’el ghe ze, - fifota Pierino - e mi lo vojo... ghe ne vojo uno subito...
- Te gò dito che el stramassin fato a bagnin no ghe ze... - siga so pare - ghe ze quelo fato a pessecan, quelo fato a letin... quelo a cucodrilo... quelo a bagnin no ghe ze... Giuda can... e desso basta!!!
- E invesse el ghe ze... e mi lo vojo... subito senò inpianto na nosa che no finisse più... vojo el materassin fato a bagnin...
- Basta, par Dio... - strepita el pare paonasso - te gò dito ch’el no’l ghe ze!!!... Vuto capirla sì o no???
- E invesse el ghe ze... anca massa... gò visto pena desso, dadrìo un mucio de sabion, me mama co la valgola in boca drio gonfiarghene uno!!!!
FILOSOFIA SPICIA
"Se te pensi che el dolore più grande ze quelo par amore vol dire che no te ghe mai avuo i calcoli al figà!"
LEGGI I COMMENTI (4)
-
PERMALINK
domenica 17 settembre 2006 - ore 11:09
NA BREVE MA INTENSA LIRICA
(categoria: " Vita Quotidiana ")
Viva la mona a ciel sereno,
buso del culo, l’arcobaleno.
Viva la mona a ciel coperto,
buso del cul del re Umberto.
Questa poesia esprime varie ideologie: un amore viscerale per la cosidetta “mona”, seguito da un certo apprezzamento per il buco del sedere e per la meteorologia: arcobaleno, cielo sereno, cielo coperto. Infine termina con un sofferto ma sentito inno al buco del sedere del re Umberto. Pensiamo che il nobile sovrano sia rimasto entusiasta dell’omaggio di così grande poeta e che dopo l’esaltante lettura abbia passato ore ed ore in ammirazione, con l’aiuto di uno specchio, del suddetto regale buco.
LEGGI I COMMENTI (3)
-
PERMALINK
domenica 17 settembre 2006 - ore 10:17
FINALMENTE EL ZE IN STANPA!!!
(categoria: " Vita Quotidiana ")
Ze co estrema goduria e un legero moto de gorgolio che presento al popolo tuto la me ultima fadiga.... Eco qua: el libro che parla de otimismo, sorisi, ridare e umorismo... 30 capitoli par sercare de capire che vedare el bicere mezo pien pitosto che mezo vodo e conossare el particolare mondo del’umorismo... e magari entrarghe a fare parte. Scrito da mi e Fred del Bepi e Maria Show (sui anca tuti i disegni!) co i contributi de Davide Stefanato senpre del Bepi e Maria Shpw e de do amissi pissicologi Angelo Boccato e Anna Serra, co la prefassion de Noreno Morello el 13 otobre lo presenteremo ala LIBRERIA DRAGHI... ale ore 18,00... Ve spetemo!!!
LEGGI I COMMENTI (2)
-
PERMALINK
> > > MESSAGGI PRECEDENTI
[ SONO OFFLINE ] 