Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27793 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
lunedì 4 settembre 2006 - ore 19:33
BARZELETA DA AGRICOLI... BONA PERO’
(categoria: " Pensieri ")
Vista curta ma naso bon
Sabo de sera. El moroso agricolo va a catare la morosa sopona a ora de sena cussì vien invità a magnare in conpagnia. La sena luculiana (dopo capirì parcossa che ghe entra lu...cullo) taca co un sbroeton de minestra de fasoli e coe de radicio... se prosegue co un àlbio de fasoli in salata abinà a na farsura de fasoli lamon al’oseleto... Naturalmente polenta a volontà. Come carne riva do fetone de salado de spessore oto sentimetri in crema de fasoli. Par parare zo el tuto onbre de grinton che se poe tajare col corteo. Ala fine formajo pincion co polenta brustolà e un ultimo assajo de fasoli in salsa de sardelà salà. Mèzo goto de graspa sara in belessa la sena.
Benon, dopo un tocheto el toso dimanda ala futura suocera, un buregosso orendo, de poter menare la tosa al cinema... - I fa un bel filme de guera... - aferma el toso che de filme se ne intende proprio. Dopo atenta ponderassion la vecia aconsente e i do parte traverso canpi... Sarà stà l’arieta fresca dela sera, sarà stà (più probabile) l’ingolfada del vile legume, drio ala strada al toso taca un rumegamento de pansa terificante. Ma el toso ze fine: tien duro fin che i riva al cinema che ze incalcà de zente.
A fadiga i cata do posti in mezo a na bolgia... Dopo pochi minuti che i ze sentà par el filme i tedeschi taca un borbamento a nastro... Se sente tonà a rafica, tonfi de case che crola e via de longo... El toso astutamente soghigna, taca ramenarse par la carega e molare renghe oribili.
- Tanto el strepito ze infernale e chi vuto che se inacorza! - pensa el malnato scorezon.
Giusto dadrìo ze sentà un ometo fiapo cofà Don Lurido el balarin, orbo patoco, visto che ga i ociai che pare do telescopi e par védare calcossa tira el colo cofà un oco.
Dopo un periodo de calma taca bonbardare anca i mericani: ancora tonà, strepito, tonfi, casin bestia..
El toso se associa e taca bonbardare le mudande e la carega anca lu. Dopo do minuti però el se sente bàtare su na spala. El se gira e el vede l’orbasso che ghe dise:
- El me scusa giovinoto, posso farghe na dimanda??? -
- Ma serto sior, - risponde el toso educato.
- Mi caro... sò un fiatenin orbo... quindi vedo pocheto par no dire na tega... alora mi vorìa che lu m disesse cossa che sti schifosi de aparechi ze drio bonbardare!
- Ma ben no lo sò... comunque me pare che i gabia bonbardà un quartiere de sità...
- Sacramenta... - ribate l’ometo - ma zelo sicuro?... parché mi a naso e drio la spussa oribile che sento a jero convinto che i gavesse bonbardà un loamaro de dozento metri quadri!!!
.jpg)
The bigat of loamar
COMMENTA (0 commenti presenti)
-
PERMALINK
lunedì 4 settembre 2006 - ore 08:09
ZE LUNI: IN ALTO EL MORALE!!!!
(categoria: " Riflessioni ")
Un paro de barzelete par tacare la setimana co un soriso... dopo ghe sarà tiuto el tenpo che se voe par ronparse i maroni!!!!
El dubio
Do inbriagoni camina a bisato drio ala strada. A un serto punto uno dei do vede par tera un botilion pien colmo de òtimo vin.
- Ostregheta, Mario, - el taca criare - varda che popò de fortuna che gavemo oncò!... un botilion pien del netare déi dèi... Seto desso cossa che fasemo?: andemo a ciuciarselo intel scuro del bosco... Cossa ghe ne pensito?
- Otima idea, carissimo Nane - risponde st’altro co sussiego - so d’acordo in toto co ti: na sola domanda è d’uopo... El vin se lo bevemo prima a dopo???
Consili de medicina
Un omo telefona tuto spasemà al médego dela mutua:
- Dotore, par carità, - el pantesa - el me juta... me fradelo più vecio el se voleva copare... solo che essendo incerto se spararse na palotola in boca o tore na butilieta de pastilie el ga fato confusion e el ga magnà na sbrancà de palotole co un goto de aqua.... -
- Ostarìa, - siga el mèdego - el staga calmo che rivo subito mi a risolvare la facenda... e intanto me racomando el staga ben atento de no puntarlo contro nissun... che no suceda na desgrassia!!!
Supereroe veneto: L’OMO ONBRA
LEGGI I COMMENTI (7)
-
PERMALINK
sabato 2 settembre 2006 - ore 12:32
I LIMITI DELA SIENSA!!!
(categoria: " Scienza e Tecnica ")
Un grupo de siensiati che par ani ga studià la Rosy Bindi come mostro dela natura ze rivai ala conclusion che el sogeto ga dimostrà che la siensa umana ga dei limiti che nessuno ze riussio a superare… infati ga afermà i siensiati, la siensa ze riussia a metare oto omeni sora la luna ma gnanca uno sora la Rosy Bindi…
.jpg)
Eco el probabile fiolo de Rosy Bindi e Emilio Fede
LEGGI I COMMENTI (2)
-
PERMALINK
venerdì 1 settembre 2006 - ore 12:21
CHE FIGADA!!!
(categoria: " Vita Quotidiana ")
Ieri sera sò stà inte la corte del Bò a vedare un concerto tributo ai Beatles... Ostia, gò rivisto i Beat Shop e sò restà foulminà: bravi... veramente i mejo dela serata... Sentirli sonare me ga portà indrìo de na vita... Ghe ze stà ospite un siorato un fiatenin stajonà autore tra le varie robe de "Centolmila violonceli! e de "Io amo" de Leali... Bravo par carità e rispetabilissimo ma coi Beatles no’l centrava manco par el casso... Oltretuto el ga cantà na canson de "Pol Anca" che par mi "pol anca" andare a cagare sule suche... Comunque gò rivisto scavejoni, marajoni e anca qualche mona che se ramenaca come se el gavesse un bisato vivo su par el bus del cul... Cussì gò goduo cofà un mas-cio... MA DESSO BASTA...CONPLIMENTI ANCORA AI BEAT SHOP!!!!!
LEGGI I COMMENTI (4)
-
PERMALINK
giovedì 31 agosto 2006 - ore 15:30
CO SE DISE "MONE!"
(categoria: " Pensieri ")
Inpression
I do amissi carabinieri va al cinema a védare un film de Furia el cavalo del Uest.... A un serto punto del film ghe xe na gara de corsa tra Furia el cavalo nero e Saeta el cavalo bianco. Uno dei do dise a st’altro:
- Ciò Gino, vuto che fasemo na scomessa sula corsa?
- Va ben – dise st’altro – e cossa scometemo?
- Pontemo diese carte da mie sui cavali: mi digo che vinse el cavalo nero....
- E alora mi ponto diese carte da mie sul bianco....
Parte la corsa e riva primo Furia el cavalo nero. Come che finisse el film quelo che gaveva pontà sul cavalo bianco voe pagare la scomessa ma st’altro no voe i schei...
- Me permeto de insìstare – dise el perdente.
- Mi no posso acetare – risponde st’altro – anca parché a èssare sincero mi gavevo za visto el film do volte e quindi savevo che gavarìa vinto Furia, quindi la scomessa no vale!!!
- Ah beh, se xe par quelo anca mi gavevo za visto el film tre volte!!!
- Ma alora come mai te ghè pontà sul cavalo bianco savendo ch’’l perdiva???
- Cossa vuto che te diga: oncò el me pareva più in forma!!!
LEGGI I COMMENTI (3)
-
PERMALINK
martedì 29 agosto 2006 - ore 13:50
DAL "GAZZETTINO di Padova" 29/08
(categoria: " Riflessioni ")
Toh ciapa... el Gazetin oncò ga pubricà un me articolo sul mondo dele Miss dela me zona... Par esigenze (giuste!) de spassio el me pensiero (l’unico profondamente giusto) ze stà un poco sforbicià... Spero no co le forfe de Unabonber... Aprofito de sto me spassio par publicarlo integro... Pensè che fortuna che gavì!!!!
Dopo aver letto il giornale di ieri un moto di orgoglio mi ha riempito l’animo: dopo “El spàraso de Bassan”, le “”sarése de Maròstega” e el “folpo de Ciosa” ecco balzare agli onori delle cronache un nuovo prodotto tipico… E che prodotto tipico! Parlo delle “Miss del Camposampierese” un prodotto che sta conquistando tutta l’Italia rallegrando l’apparato visivo di noi maschi ruspanti veneti e non. Questa importante produzione si sta imponendo da anni: non si contano ormai più donzelle che passando attraverso i concorsi locali sono approdate con successo al rutilante mondo dello spettacolo: solo per citarne un paio, una Miss Italia da Borgoricco, un’altra che San Martino di Lupari sbarca su Rai 1 e tante altre che arrivano sparate al grande palcoscenico di Miss Italia per poi andare a rimpolpare il grande carrozzone di vallette, veline, letterine, microfonine, soubrette e chissà, cantanti, ballerine, presentatrici. L’ultima, in ordine di tempo è Martina Mason di Loreggia che, da ieri, è in corsa per Miss Italia 2006.
Ora io, essendo cittadino doc di Camposampiero, non posso che esultare augurando a Martina un grande successo che sarebbe anche un successo per tutto il Camposampierese il quale, a mio modesto parere, da oggi dovrebbe cambiare nome ed assumere il più importante di “Vallettopoli”. Certo il percorso per addentare e gustare il successo non è semplice: a parte la fatica boia delle mamme che devono seguire le figlie onde salvaguardarne le virtù, queste ragazze dovranno stare bene attente; dovranno gestire importanti amori con forzuti calciatori, scansare sprezzantemente i letti (e divani) di famelici produttori, imparare tutto su perturbazioni e piovaschi, conoscere almeno un passo di danza, posare per i calendari e a tempo perso studiare dizione e recitazione.
Ma le apparizioni in video, le interviste sui giornali, i cachet, ripagheranno le nostre eroine in modo equo e a noi, padri, fratelli o cognati, resterà il grande onore di poter dire che le nostre donne sono le più belle d’Italia e che le loro curve sono più vistose (e pericolose) dei tornati del Monte Grappa.
Solo un dubbio atroce mi attanaglia: se tutte le nostre donne finiranno in televisione noi non potremmo più rispettare il detto “mogli e buoi dei paesi tuoi” ma dovremmo emigrare altrove per poterci accasare e avere in casa mogli fedeli e solerti nell’aggiustare calzini, lavare, stirare e adempiere al famoso “dovere coniugale” senza sognare Totti, Gattuso e Del Piero.
A Vallettopoli sarà veramente dura trovare una moglie che risponda ai requisiti imposti da un vecchio, ma saggio, proverbio che in poche parole sintetizza tutte le aspettative del veneto doc: “Che ‘a piasa, che ‘a tasa, che ‘a staga casa!” (il sottoscritto ne sa qualcosa!) …
Ma se ci andrà male nel senso che in casa ci troveremo, come moglie, una mancata velina o una ex letterina la saggezza dei nostri “veci” ancora una volta ci verrà in aiuto ricordandoci che “done, cani e bacalà ze più boni se ben pestà!”… in senso lato, naturamente.
Da Vallettopoli questo è tutto. “Speremo ben!”
Walter Basso
Veline o pecorine?
LEGGI I COMMENTI (5)
-
PERMALINK
lunedì 28 agosto 2006 - ore 18:25
ROBE DA NO CREDARE!!!!
(categoria: " Accadde Domani ")
ESCLUSIVA: FINALMENTE SVELA’ EL SEGRETO DEL PRIMO OMO SULA LUNA!!!
Pare che Neil Amstrong, overo el primo omo che ze andà in giro de baucon sula Luna, subito dopo aver pozà i fetoni par tera (o par luna?) oltre a pronunziare la famosa frase: "Un picolo passo par l’omo, ma un grande balso par l’umanità, Giuda onto filio di mussa!!!" (inprecassion jera motivà dal fato che Neil gaveva pesta na caca de can), gabia barbotà su altre robe tra le cui le quali na sperifrase butà là che diseva: "Bona fortuna, sior Scatolon!!!"
Tanti ala Nasa gaveva pensà che sto augurio fusse rivolto a un qualche astronauta italian ma, a un aprofondito controlo, no risultava nissuna persona co tal cognome. Par questo in tuti sti ani se ga discusso fin a farse vegnere el gataro e l’enfisema polmonare acuto sul significato de sta fraseta: "Bona fortuna, sior Scatolon!" a prima vista cussì banale...
Ma proprio in sti giorni (el 5 otobre 2004 a Tampa Bay, in Florida), durante na conferensa stanpa un giornalista ga trato fora la question sula quale Amstrong finalmente ga fato ciaro anca parché ormai el sior Scatolon ze morto e putrefato.
Ma ecove finalmente svelà l’arcagno:
Amstrong, quando el jera ancora bocia, finché el jera drio zugare a basebal co so fradeo, el gaveva colpìo cussì forte la bala che questa jera finìa soto la finestra dela torara (legi "càmara da leto") dei so vissini overo i siori Scatolon oriendi da Busiago Vecio.
Quando Neil se gaveva cucià par tore su la bala el gaveva sentìo la siora Nena sigare:
- Vergognate porseo de un onto!!!...Te lo dago mi el sesso orale... loamaro che no te sì altro.... Scoltami puito: ste robasse te le farò el dì ch’el sinpio del bocia dei nostri vissini caminarà sula luna... Gheto capìo? Schifoso de un sensa dio!".
LEGGI I COMMENTI (3)
-
PERMALINK
venerdì 25 agosto 2006 - ore 12:49
OMAGIO AL’OBIETIVITA’
(categoria: " Pensieri ")
EL FATO
Piccolo incidente nelle vicinanze di Asiago sulla strada che porta a Cortina. Un guidatore, probabilmente ubriaco, ha investito una lepre che si era accovacciata al centro della carreggiata. Il cadaverino ed una macchia di sangue, senza segno di frenata, fanno presumere che l’uomo non si sia accorto di nulla o che la fede animalista non sia il suo forte.
VISTO DA SINISTRA
Significativo fato de sangue stanote sula strada che porta a Cortina. Un farabuto ga ciapà soto na fameja intiera de lièvori: mare, pare e oto lievorati... probabilmente la famejeta ze stà investìa aposta par na voja smodata de sangue. Naturalmente l’ignoto investitore ze viliacamente sparìo. Ma pronte indagini del nostro compagno Tilio Rosso, ze drio dare i so fruti: pare che l’atentatore sia un serto Nani Tega, alcolista puro de Roana. Pare anca che un zio de un cugin del nevodo de un amigo del fradeo del Tega sia iscrito a AN... Evidenti, quindi, le responsabilità dela destra nel grave ato!
VISTO DA DESTRA
Barbaro sterminio di fauna montana stanote longo la strada che porta a Cortina... Un branco di animali selvàdeghi tra i cui un daino, un cinghiale e un camossio ze stà copà a colpi di mitra da un misterioso comando teroristico rosso, che probabilmente si stava dietro alenare in prevision de qualche atentato... El pronto intervento del camerata Toni Gato ga messo in fuga el comando che nela pressa, dopo aver sconto nele màchine i corpi dele vitime, ga chiapato soto un lièvore che è rimasto agonisante sul’asfalto... La diressione di AN sta sercando i teroristi onde omagiarli de na dopia dose de ojo de rissino ( fa ben ala pele) e na rassion abondante de smanganelà (fa ben ai ossi!)
COMMENTA (0 commenti presenti)
-
PERMALINK
giovedì 24 agosto 2006 - ore 19:00
BOCIE MONE!
(categoria: " Riflessioni ")
El musicista
In saloto ghe ze Marieto sentà al pianoforte che frugna in mèso ai spartiti in serca de na canson da sonare. Poco distante incucià sul tapeo ghe ze el can de casa che pisoca tranquilo... Sul divano ze sentà el pare de Pierino intento a lézarse el giornale. Dopo el sfuregamento acuto Pierino posissiona sul legio na carta e taca pestare selvadegamente sora ai tasti del pianoforte... Dopo pochi secondi el can alsa la suca e taca scainare da fare pietà. El pare resiste un paro de minuti e dopo el mola zo el giornale e siga al bocia:
- Pierino, ch’el can de satana schifoso, almanco fame la gentilessa de sonare calcossa ch’el can no conossa!!!
Cultura floreale
Da na fiorista ghe ze un cliente drio seliere e Marieto che speta. Sto cliente se varda torno po’ ordina "do bastardi"... La comessa restà inbaucà ma l’omo co un soriso spiega che sto nome cussì strano ze proprio el nome sientifico de serti fiori e ghe li indica... Bon, l’omo ciapa i fiori, paga e va via. Marieto se fa vanti e mostra coi dei i stessi fiori del sior...
- Ah, bravo toseto... anca ti te voi do bastardi?
- Serto siora e visto che sò qua la me daga anca un paro de quei fioli de troia che ze là in fondo!!!
LEGGI I COMMENTI (1)
-
PERMALINK
mercoledì 23 agosto 2006 - ore 08:16
Le domande diffisili stile Focus
(categoria: " Riflessioni ")
Parché i preti-eclesiastici portano le còtole-toneghe?
Dimanda formulatta dal sior Momi Pessato da Ciesanova
Risponde in lengua mista il teologo dela madona Pio Sbuso laureato in Toneghe, Tonegasse & Tonegoni al’Academia del Puercos e Fora a Forajo Spagna
Come tuti sano, e queli che no lo sano che si informino, i preti religiosi onde poder rivare a cantare la cosideta Messa e èssare quindi autorisati a confessare e comunicare devono inparare orassioni, salmi, salmoni, litanie e preghierine che ganno la carateristica di far vegnere un sòno sbregà e inoltre di far pèrdare quota ai cosideti “santissimi” overo sfere umane. De conseguensa vengono colpiti in età giovanile dal cosideto “balone” (vulgo “varicocele”)... Eco parché i preti, che possiamo, sensa temansa di erare, ciamare inpiegati del Sig. Dio, scondono li abnormi baloni soto le capienti toneghe. Nei tenpi moderni i preti usano le comuni braghesse in quanto la ciesa passa loro dei potenti sospensori onde soregere i penduli peri sgionfi.
LEGGI I COMMENTI (3)
-
PERMALINK
> > > MESSAGGI PRECEDENTI
[ SONO OFFLINE ] 