Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27793 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
martedì 6 giugno 2006 - ore 23:17
666.. OCIO AL’ANTICRISTO!!!
(categoria: " Vita Quotidiana ")
Giuda stracan in sta jornada lugubre gò scoperto de aver in casa l’ Anticristo in persona spotica. Tratassi de me mojere che da stamatina me spaca i ovi in modo sistematico e sensa tregua... Ghe ze qualchedun che conosse un bon esorcista o al limite un kiler de profession????
LEGGI I COMMENTI (5)
-
PERMALINK
martedì 6 giugno 2006 - ore 12:24
ANCORA SIENSA!!!
(categoria: " Scienza e Tecnica ")
IL CANTONE INPEGNATO:
Le domande diffisili stile Focus
Domanda fata da Marieta Sassinapateloni da Torreselle Dessora PD
Da dove deriva el termine “transessuale”?
Risponde (in veneto purissimo) el sessuologo Marino S-ciopèt, nevodo del più noto pissicologo Paolo Crepèt
El termine in question “transessuale” ze nato nel 1968 a Padova quando el tran numaro 69 (varda co se dise el caso!) de note faseva na corsa speciale: overo menava a lavorare na svagonà de spaciatrici di fritella... Quindi el numaro 69 se podeva tranquilamente ciamare “tran pien de sesso” scursà in “transessuale”... Na note, esatamente el 12 otobre del ’68, tale Toni Buseta dito el “Mostro de Arcela” ga pensà de intrufolarse in mezo ale luciole par palpugnare agratis. Par no destare sospeti Toni se gaveva travestìo da dona... Ala decima palpada de ciape el ze stà scoperto e butà zo dal tran in corsa... Da alora, in onore a Toni, tuti queli che se veste da dona e sbandiera tetone siliconate, vien ciamai col nome del storico tran....
LEGGI I COMMENTI (4)
-
PERMALINK
lunedì 5 giugno 2006 - ore 15:22
INVITO A TUTI!!!
(categoria: " Accadde Domani ")
PRIMA CHE ME DESMENTEGA
El giorno 16 venare ale ore 18,00 presso la Libreria Draghi in Via Santa Lucia ghe sarà co mi MORENO MORELLO par presentare la prima uscita dela SGANASSADA rivista umoristica veneta... Ospiti i s-centrò de BEPI e MARIA SHOW (Valerio Mazzucato - Davide Boato - Fred Della Rosa - Davide Stefanato)... e tanti altri ospiti e amissi. Presente stanpa e tivù varie... Dopo la solene presentassion na onbra co pan, salado e formajo pincion par tuti!!! Chi vol vegnere sarà ben aceto!!!
Vietato l’ingresso ai mone.
LEGGI I COMMENTI (8)
-
PERMALINK
lunedì 5 giugno 2006 - ore 14:07
CRONACA ORIBILE DAL’OBITORIO DEI MORTI
(categoria: " Pensieri ")
El terificante incidente
Dele volte de sera me piase vardare par la television i filme del’orore e cioè queli indove se vede cadàvari putrefati che salta fora dala tonba cofà racolete e gira de qua e de là perdendo i tochi e spaventando la zente par ben fin che el solito eroe sensa machia ghe sgiaventa na scortelà sul còre e li rimanda inte la tonba... Tenpo indrìo me ze sta contà un fato de orore puro che ze sucesso davero e che par mi ze più orendo de sti filme insulsi. Desso te lo conto. Alora, inte un spedale dela zona, na matina un vecioto tira le ache e defunge sbochesando... Bon, el cadàvaro vien parchegià par la giornada fora dai gàngari, drento un sgabussin, e prima de note do infarmiere vien incaricà de portarlo in frigorìfaro, in obitorio. Cussì le guanta el defunto (una par le rece e una par i piè) che nel fratenpo ze deventà duro cofà un bacalà ragno e le se acinge a fare le scale par portarlo a dimora. Ma el poro can pesa maledetamente ( questo ze dovù ala nota lege fisica che dise che esiste tre sorte de pesi: el peso neto, el peso onto e el peso morto) e a un serto momento el ghe sbrissa a quela che lo ga guantà par le rece (o ghe ze restà le rece in man, no lo sò!) e de conseguenza el ghe sbrissa anca a quela che lo tien par i fetoni e cade de rodolon zo par le scale, fasendo un casin bestia e macandose garitoli, caice e zagolona. E sicome che le scale gera a chiociola, e lu gera duro come un bacalà, el sbate de qua e de là, el se capota, el rinbalsa par finire co la testa drento el bidon dele imondissie e i piè par aria come na onbrela. Posission assai indecorosa par un onesto defunto in atesa del caro funebre. Le do pore tose le ga lavorà cofà musse par cavarghe el bidon e rimétarlo in sèsto, comunque dopo do ore el defunto gera drento el frigo come de norma. La matina drio el primo parente che ze ‘ndà vedarlo ze ‘ndà casa perplesso:
- Zo ‘ndà vedare me barba Nane - el ghe ga dito a la mojere - poro can el ga da èssare morto rabioso. Prima de cédare el ga da vere lotà co la morte... el ze pien da pache dapartuto... Se vede proprio che no’l voleva saverghene de morire!!!
Come esempio de terore puro gò messo la someja de sto omo qua....
COMMENTA (0 commenti presenti)
-
PERMALINK
domenica 4 giugno 2006 - ore 00:05
ECO QUA EL PUTANUN!!!
(categoria: " Cinema ")
Na atrice conpreta: da quando la ga studià le lengue la ze bona stare zita in sinque lengue diverse... e quando i la ga intervistà dimandandoche: - Siora Valeria quanto conta la belessa par avere el sucesso? - La ga risposto: - Pocco.. no basta avere un bel culo par avere sucesso... ci vuolle qualchedun che il culo lo spenza vanti!!!!... La Valeriona è un dilemma par la siensa: infati tute le done ze bone de recitare ( i mariti lo so ben!)... tute, fora che ela che fa l’atrice!!!
COMMENTA (0 commenti presenti)
-
PERMALINK
sabato 3 giugno 2006 - ore 14:13
CHE BEA SODISFASSION!!!
(categoria: " Lavoro ")
El ze ussio 5 ani fa... l’unico dizionarieto tascabile Veneto Italiano e Italiano Veneto, scrito da mi e distribuio in tuta Italia... 5000 copie vendue dela prima edission... Desso ze ussia la ristampa!!!!... e ze vendue 1500 sirca!!!!.... Pochissimi schei ma tanta goduria.... Quasi quasi vagi in bagno e me aplaudo da solo davanti al specio!!!!
LEGGI I COMMENTI (7)
-
PERMALINK
venerdì 2 giugno 2006 - ore 09:33
IL CANTONE INPEGNATISSIMO
(categoria: " Scienza e Tecnica ")
Le domande diffisili stile Focus
Domanda posta da Artemio Suppa da Stroppare PD
A Napoli giorni orsono un porocane ammalato di tonsillie è stato operato. Purtroppo il paziente al risvelio del’indormia si è accorto di essere stato privato delle palle e non delle tonsillie... Come può succedere un simile errore???
Risponde (in italian) il chirurgo Cristiano Taja deto Tajacristiani di Scandicci FI
Purtroppo “non tute le sciamberle riescono col bucco”... L’errore umano anche nel nostro campo sono sempre in agguato. Sto can onto!... Ho studiato il caso da lei propostomi ed ho scoperto che il paziente per colpa di un barelliere mona è stato portato in sala operatoria in modo roverso e quindi errato: invece di entrare co la testa in vanti è entrato co i piedi in vanti. E sicome il chirurgo lavora di norma in pressia ha talliato le prime palle che ha visto... Comunque per sua tranquillità le comunico che l’errore è stato corretto subito: adesso il paziente ha due bellissime palle di plastica, perfettamente funzionanti, con l’aiuto delle quali ha messo incinta la moglie. Sono già nati due gemelli che si chiamano Barbi e Ken!!!
Fotosomeja del dotor Cristiano Taja... un vero macaco!
COMMENTA (0 commenti presenti)
-
PERMALINK
mercoledì 31 maggio 2006 - ore 13:03
ANORA SIENSA!!! DOMANDE STILE FOCUS
(categoria: " Scienza e Tecnica ")
Domanda posta da Boscolo Epifanio dito Sardèla
Vorrei savere, par cortesia pagando, l’etimologia dela sperifrasi “orca assassina” feroce bestia acquatica marina... Grassie.
Risponde la Prof. Sepo Lina, laureata in Renghe & Scopetoni presso l’acquario di Busa di Vigonza PD
Il noto cetaceo acquatico si chiama “orca assassina”, un nome che pare quasi na resia, anche se mancante di sogeto feminile, poiché la bestia si fece conoscere per la prima volta a Sottomarina dove morsicò alle palle tale nobile blasonato Nane Boscolo Penso Tiosso che stava nuotando allegramente tra gli stronzi. Subito dopo il fatale morso pare che il nobile abbia sussurato: “Orca boja sassina, che male can, Giuda bestia!!!”... Da qui il nome che opportunamente scurciato (?) è passato alla storia.
COMMENTA (0 commenti presenti)
-
PERMALINK
mercoledì 31 maggio 2006 - ore 13:03
ANORA SIENSA!!! DOMANDE STILE FOCUS
(categoria: " Scienza e Tecnica ")
Domanda posta da Boscolo Epifanio dito Sardèla
Vorrei savere, par cortesia pagando, l’etimologia dela sperifrasi “orca assassina” feroce bestia acquatica marina... Grassie.
Risponde la Prof. Sepo Lina, laureata in Renghe & Scopetoni presso l’acquario di Busa di Vigonza PD
Il noto cetaceo acquatico si chiama “orca assassina”, un nome che pare quasi na resia, anche se mancante di sogeto feminile, poiché la bestia si fece conoscere per la prima volta a Sottomarina dove morsicò alle palle tale nobile blasonato Nane Boscolo Penso Tiosso che stava nuotando allegramente tra gli stronzi. Subito dopo il fatale morso pare che il nobile abbia sussurato: “Orca boja sassina, che male can, Giuda bestia!!!”... Da qui il nome che opportunamente scurciato (?) è passato alla storia.
LEGGI I COMMENTI (2)
-
PERMALINK
martedì 30 maggio 2006 - ore 15:30
IL CANTONE INPEGNATO
(categoria: " Cinema ")
Le domande diffisili stile Focus
Parché i filme onti e porselli si chiamano “ard”? E parché ganno cussì tanto sucesso di pubrico?
Dimande poste da Nino Segantino da Menareo VE
Risponde il linguista (?) Donatello Fracco dito Telo Fraco da Lecco
Dopo lunghi e penosi studi con conseguente visione di mejari di filme in tema posso concludere sensa temansa alcuna che gò risolto l’arcagno: il termine “ard” deriva dala nota frase veneta “Ara qua che rassa de laoro!!!” con i quali i villici agricoli comentavano la visione dei primi filme onti presso le ex sale parochiali... Col proseguio dei tenpi la frase si scurzò e divene: “Ara qua!”... quindi: “Ara”... per arrivare infine a un “Ard” con chiare influense (co freve bassissima, comunque!) anglosassoni... inglese par la precisione.... Par rispóndare ala seconda dimanda foriera di rimenbranse economico-cultural-sociale si ganno inpegnati rudi (?) e valenti siensiati di marchetin e tenniche di vendita. Eco i risultati: i filme onti ganno sucesso strabochevole par via che si possono taccare a vedare da dove si vuolle (inissio, mezavia, fine) e parché il finale no delude mai!
Par un erore di sbalio la foto no è quela di una Signora Onta Porsella ma dela Signora Hack cge coi filmes onti no a niente a che vedare (e te credo!)...
LEGGI I COMMENTI (4)
-
PERMALINK
> > > MESSAGGI PRECEDENTI
[ SONO OFFLINE ] 