Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27793 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
martedì 28 marzo 2006 - ore 18:19
EL PROVERBIO SAGIO
(categoria: " Pensieri ")
"Chi va pian, va san... e vien inculà poco lontan!"
El proverbio ze stà agiornà dal noto duo Dolce e Gabana i do stilisti originari da Sodoma & Camora
LEGGI I COMMENTI (1)
-
PERMALINK
martedì 28 marzo 2006 - ore 14:17
SPASSIO POLITICO AUTOGESTITO (Forsa Sope)
(categoria: " Accadde Domani ")
Caro leletore e leletrice,
ormai sono giunta l’ora di andare drento na gabina e di votare el partito co relativo rapresentante del popolo... Come se fa?... Alimentare Uotsson: si chiappa la pena-matita e si tira un spigasso sora el partito (e relativo candidato) che ti piacce di più... "Tuto qua?" dirà el solito popolano sinpio e mona... Tuto qua un casso, carissimo leletore e leletrice... l’inbrollio ci stà, par dio e par la madona!... I normali candidati nela magioransa dei casi sono essi i quali parcui emeriti delinquenti, figure porche e luamari.. nonché ladri imatricolati abusivamente (gnanca l’imatricolassion no i paga sti onti!).. Solo uno è onesto, lanpro e di indubia moralità e tuto teso cofà un leastico da mudande verso i bisogni del popolo... Mi presento: TONI SOPA del Partito Forsa Sope, dito Petoloto Incagnitto par via dela stitichessa... Ma passo testè a lustrarvi il programa-popolar-politico:
1) A tuti i ansiani sora i 70 ani darò trenta eressioni anuali agratis
2) a tuti i singer verà passata dala Mutua una Fritela Feminile di varia età (no sora i sessanta)
3) Abassamento istantaneo dela pression massa alta e inalsamento dela pension massa bassa!
4) A tuti i sposati che si sono roti i cogioni di tronbare la stessa medesima dona verà fornita una Fritela Foresta.
5) Ostario verte 24 ore su 24
6) Abolissione dele buste del paroco
7) Grassia istantanea a tuti quei maritti che sono in galera parché ganno amassato la mollie
8)Abolissione de tute le tasse
9) Par aumentare li investimenti ai incroci verano cavatti tuti i semaferi
10)Creassione di novi francoboli co nel retro le foto dei ministri ; cussì finalmente podaremo spuarghe intel muso!
E eco i slogan:
SE TE VOI PASSARE EL TENPO GRATANDOTE I COJONI VOTA "SOPA TONI"!
BASTA CASSI IN CULO E S-CIAFE SULA COPA: LA TO SALVESSA ZE "TONI SOPA!"
Concludo disendo: VOTA SOPA - VOTA SOPA - VOTA SOPA... e tuti st’altri che Dio lo copa!
Questo sono me!
LEGGI I COMMENTI (4)
-
PERMALINK
lunedì 27 marzo 2006 - ore 20:16
CHE POSSA SUCEDARE???
(categoria: " Vita Quotidiana ")
LEGGI I COMMENTI (1)
-
PERMALINK
domenica 26 marzo 2006 - ore 17:38
QUESTO GERA EL ROCK!!!
(categoria: " Musica e Canzoni ")
.jpg)
E desso???... Desso gavemo Piova, I cugini de campagna (più che altro i me pare i cugini de Dolce e Gabbana!), A lBano, Pupo... che Dio li fulmina tuti!!!
LEGGI I COMMENTI (5)
-
PERMALINK
domenica 26 marzo 2006 - ore 12:38
IN GIRO CO MORENO!!!
(categoria: " Viaggi ")
Sveja co canta el galo ( speremo che me mojere, stamatina, sia riussia a metarlo vanti de un’ora!), par partire via binari par na nova aventura par "Strissia la notissia".. ma stavolta me ne frego (come diseva un noto politico italian dala zagolona lustra cofà na rana!) e fasso el scop, overo ve conto tuto... sperando che Moreno no vegna a spiociare come fa de solito... alora pararìa che a Sulmona ghe fusse un mago,. tale Teoficco Mario, co dele specialisassion uniche: co la modica soma de euri 800,00 e co l’inposission de un solo misterioso deo sto mago riussiria a guarire in circa na setimana de sedute malatie gravissime tipo peronospara, snaro, pivia ardente, rafredori e bronchitine... e dulcis in findus la prostata umana maschile... La cura funsionaria cussì: el passiente si smudanda e si pone davanti al mago a 90 %... il mago apogia le due mani sule spale del sogeto e possia inpira un misterioso ditone intel sedere.didietro del sogeto... Mantiene il ditone in loco per sirca diese minuti durante i quali aviene la trasmissione de energia positiva e curativa (?)...
(Desso scrivo in italian parfeto!)
Pare, ma non siamo sicuri, che ogni mattina arrivini a Sulcretino (vulgo "Sulmona") davanti ala casa del mago misteriosi pullman provenienti da tutta Italia colmi di ammalati gravissimi iscritti all’Arcigay... Ora Moreno si è messo in testa di cogliere sul fatto l’astuto guaritore e per questo ha chiesto la mia preziosa collaborazione... Per la salvaguardia della mia stagionata virtù io mi sono munito di apposite mutande in ghisa gentilmente fornitimi dalla Fonderia Anselmi.... Prego i lettori di non divulgare la notizia senò Moreno mi "licensia in socata" (ovvero in "tronco")...
.jpg)
Modernissimo mezo di locomossione ferroviaria col quale grassie
ala spilorceria di Moreno, doman viajaremo in assoluta sicuressa...
LEGGI I COMMENTI (5)
-
PERMALINK
sabato 25 marzo 2006 - ore 09:13
LE VOTASSION (poesia sardelonica miga poco!)
(categoria: " Poesia ")
Me ga domandà un picolo spassieto un me amigo poeta, tale Pio Candio (questo ga el cognome che pare na biastema oribile!) e mi visto el valore del’opera proposta ghe gò dito de sì.. eco. Ve la regalo!
"Vota par mi, omo pio e devoto,
che po’ te lo fraco intel bussoloto!"
Longo le strada, su par i cantoni,
na fila imensa de face da ebetoni;
Un muso da mona, uno da cojon,
un testa da casso, n’altra da inbrojon.
Parfin su le pagine del Gazetin
te cati la foto del mona del to vissin!
"Basta co le tasse, aumento dele pension...
largo al vecioto e anca al culaton...
Telefano azuro par i putini,
gran sanatoria par tuti i cretini!"
Lista, civile, lista de centro,
quea de fora e quea de dentro,
quela che voe onorevole un cassadore,
quela de invesse preferisse el dotore.
Partiti del musso, del can e del mulo,
tuti con un programa:
SGNACARMELO INTEL CULO!!!
E alora amissi ciapemo l’ocasion
par dire la nostra co ste votassion...
e apena che in gabina entremo par votare
scrivemoghe direti: "ANDE’ A FARVE CIAVARE!!!!"
Eco na squadra de politici drio pareciarse al gravoso inpegno che li caraterissa: sparare bae!!!
COMMENTA (0 commenti presenti)
-
PERMALINK
venerdì 24 marzo 2006 - ore 18:23
IN VIAJO CO MORENO!!!
(categoria: " Pensieri ")
Sveja ale quatro de matina... machina... aparechio... machina... "sciac.. se gira"... machina.. aparechio.... machina (e un sono bestia!)par andare a girare un servissio top secret par via de una dele solite vacade italiane da sbochi de sangue!.. Naturalmente el capo ze senpre lu: Moreno l’inviato più rafinato de Strissia!!!!. De più no posso dire... chel can de satana!!!
LEGGI I COMMENTI (4)
-
PERMALINK
giovedì 23 marzo 2006 - ore 10:59
QUESTA ZE ARTE!!!
(categoria: " Poesia ")
L’ECELSA POESIA D’AMORE AGRICOLA
Caro amore mio,
sóto sto smerdaro de stele,
el me cuore bate par ti,
come el motore de na motosapa...
Nei to oci fondi e blu
vedo el mare, e drento el mare
le sardele che si sguaratano.
Te farìa la corte...
ma me manca la giara...
El me còre sensa de ti
ze come un canpo sensa loame.
Quando te vedo
el me còre balbeta
cofà na rana drento un bussoloto.
I to caveji se incruca
torno le me man
cofà la lana de rocia
torno el tubo del cesso.
La to pele ze più lìssia
del paletò de na tonpinara...
Le to tristesse me fa più male
de na sbaijà intel muso.
I to dolori me intòrcola le buele
pèzo del parto de na luja...
Te regalarìa un fiore,
ma, Giuda can, sò del Vu... Vu... Effe...
Nonostante tuto questo,
mi e ti,
semo ligà insieme
cofà el BUEO col SALADO...
Ai love iù!
(dal libro di imminente uscita "VERSI & RO-VERSI" di Walter Basso Ed. Scantabauchi)
.jpg)
Questa ze la foto-someja del somo poeta Walter Basso che sarà in copertina sul libro sul lato "Ro-Versi"...
LEGGI I COMMENTI (5)
-
PERMALINK
mercoledì 22 marzo 2006 - ore 10:10
MESSAGGIO PER MORENO MORELLO
(categoria: " Lavoro ")
Moreno me racomando... e’ importante!!!!: taja co la volantina senò el cana te cagna!... Chiaro???
LEGGI I COMMENTI (2)
-
PERMALINK
mercoledì 22 marzo 2006 - ore 09:52
DARWIN GAVEVA RAZON!
(categoria: " Riflessioni ")
Na volta un serto serto siensiatto dito Darwin ga afermà solenemente che l’omo umano disende dala simia macaco.. Naturalmente el Papa se ga insustà e voleva tajarghe le balote al siensiatto par via che secondo lu l’omo umano ze stà fato dal signor Dio co un secio de paltan e un sucessivo spuacio intel muso... Roba questa da pissarse dosso dal ridare... Che gabia razon Darwin se lo deduce da sto senplice ma eficace rajonamento: vardando Raul Bova o la Ferili nuda ze efetivamente fadiga capire che l’omo (e la dona!) ze dissesi dala simia... vardando Mengaci e la Rosi Bindi se aquisisse la certessa matematica che l’omo e la dona ze dissesi da sta bestie insulsa e bruta cofà la morte... Vardando po’ le foto someje del mona de Bush se evince che in serti casi L’OMO GA ANCORA DA FINIRE DE DISSENDARE DALA SIMIA!!!!
.jpg)
LEGGI I COMMENTI (2)
-
PERMALINK
> > > MESSAGGI PRECEDENTI
[ SONO OFFLINE ] 